បាក់ច្រាំងទន្លេនៅស្ពានទី៧ ផ្លូវជាតិលេខ 6A
- Monday, February 8, 2010, 15:08
- ពត៌មានភាសាខ្មែរ
- 95 views
- បញ្ចេញមតិផ្ទាល់ខ្លួន
ដោយ : សុពិសិដ្ឋ
ថ្ងៃទី 8 កុម្ភៈ 2010
CEN
ច្រាំងទន្លេ ដែល បាក់ មាន ប្រវែង ជាង ១០០ ម៉ែត្រ
ភ្នំពេញ: ច្រាំងទន្លេ បានបាក់ជាបន្តបន្ទាប់ កាលពីរសៀលថ្ងៃសៅរ៍ រហូតដល់ថ្ងៃអាទិត្យនេះ អស់ប្រវែងប្រមាណជាង ១០០ ម៉ែត្រគុណនឹង ៣០ ម៉ែត្រ បានបណ្តាលឲ្យផ្ទះថ្ម ២ ខ្នង និងផ្ទះឈើ ១ ខ្នង បាក់ចូលក្នុងច្រាំងទន្លេ ប៉ុន្តែពុំមានមនុស្សរងគ្រោះថ្នាក់ឡើយ ។
ច្រាំងទន្លេ ដែល បាក់ មាន ប្រវែង ជាង ១០០ ម៉ែត្រ
ហេតុការណ៍ខាងលើនេះ បានកើតឡើងតាំងពីម៉ោង ២ រសៀលថ្ងៃទី ៦ កុម្ភៈ មកម្ល៉េះ នៅចំណុចស្ពានទី៧ ផ្លូវជាតិលេខ6A មាត់ទន្លេមេគង្គ ស្ថិតក្នុងភូមិបាក់ខែងលើ ឃុំបាក់ខែង ស្រុកមុខកំពូល ខេត្តកណ្តាល ។
ម៉ាស៊ីន បូម ខ្សាច់ នៅតែ បន្ត បូម
ប្រជាពលរដ្ឋដែលរងការបាក់ច្រាំងទន្លេ បាននិយាយឲ្យដឹងថា កាលពីរសៀលថ្ងៃសៅរ៍ គឺច្រាំងបាក់ចូលទន្លេប្រហែល ២០ ម៉ែត្រគុណនឹង ៣០ ម៉ែត្រ ហើយបាក់ស្រុតផ្ទះថ្ម ១ ខ្នងចូលក្នុងទន្លេ ។ ការបាក់ច្រាំងទន្លេបានបន្តរហូតដល់រសៀលថ្ងៃ អាទិត្យ ទី៧ កុម្ភៈនេះបន្តទៀត បានធ្វើឲ្យច្រាំងទន្លេបាក់រហូតជាង ១០០ ម៉ែត្រគុណនឹង ៣០ ម៉ែត្រ ហើយបាក់ផ្ទះថ្ម ១ ខ្នង និងផ្ទះឈើ ១ ខ្នងទៀតចូលទន្លេ ។ ផ្ទះ ១ ចំនួនទៀតកំពុងប្រឈមនឹងការបាក់ស្រុតចូលទន្លេ ។
ប្រភពដដែលបានបង្ហើបឲ្យដឹងថា មូលហេតុបាក់ច្រាំងទន្លេ គឺបណ្តាលមកពីក្រុមហ៊ុនបូមខ្សាច់របស់ឧកញ៉ា លី យុងផាត់ ។ បច្ចុប្បន្នក្រុមហ៊ុននេះ កំពុងបូមខ្សាច់ពេញទំហឹង ហើយបើកសាឡង់បុកច្រាំង ដើម្បីដឹកខ្សាច់ឡើកគោក ដែលធ្វើឲ្យញ័ររំជួយបាក់ច្រាំងទន្លេ ។ ពួកគាត់នឹងធ្វើពាក្យបណ្តឹងរឿងនេះ ទៅរាជរដ្ឋាភិបាលឲ្យជួយធ្វើអន្តរាគមន៍ ។
ជុំវិញការចោទប្រកាន់របស់ប្រជាពលរដ្ឋខាងលើ មិនអាចទំនាក់ទំនងសុំការបំភ្លឺពីក្រុមហ៊ុនលី យុងផាត់ បានឡើយកាលពីថ្ងៃអាទិត្យនេះ ៕
About the Author
somphy has written 3369 stories on this site.
សរសេរបញ្ចេញមតិរបស់អ្នក
សូមមេត្តាកុំប្រើពាក្ស អសុរស់ មតិរបស់អ្នកសំខាន់ណាស់ សំរាប់អ្នកអានផ្សេងៗទៀត អ្នកអានគ្រប់ៗគ្នាមិនត្រឹមតែធ្វើការសិក្សាដោយ អានតែអត្ថបទនេះទេ គេគ្រប់គ្នា តែងតែអាន និង សិក្សាមតិរបស់អ្នកផងដែរ។ មតិរបស់អ្នក នឹង ចុះផ្សាយលើទំព័រនេះក្នងរយះពេល ឆាប់ៗបំផុត។