ដោយ : ស៊ីយ៉ាត
ថ្ងៃទី 12 មីនា 2010
CEN
ភ្លើង ឆេះ ព្រៃ ភ្នំ ខៀវ កន្លងមក
ប៉ៃលិន: សេចក្តីរាយការណ៍ពីក្រុងប៉ៃលិនបានឲ្យដឹងថាព្រៃឈើជួរភ្នំខៀវ នៅប៉ៃលិនស្ថិតក្នុងតំបន់ការពារធម្មជាតិត្រូវភ្លើងរាលឆេះខូច ខាតអស់ចំនួន៩៦៦ហិកតា ។ ប៉ុន្តែបានរលត់ជាបណ្ដើរៗវិញហើយ កាលពីថ្ងៃទី ១២ ខែមីនា ឆ្នាំ២០១០ ។ ភ្លើងឆេះព្រៃនេះដោយ សារផ្កាភ្លើងហើរប៉ើងរាលពីព្រំដែននៅភូមិ៣០និងភូមិអូរឃ្លឿវ៉ាយ ប្រទេសថៃមក។
ជួរ ភ្នំ ខៀវ ត្រូវ ភ្លើង រាល ឆេះ នៅ ខាង លើ ភ្នំ តាំងពី ថ្ងៃ ទី ២៤ ខែ កុម្ភៈ ដល់ ថ្ង ទី ១១
តាមរបាយការណ៏របស់មន្ទីបរិស្ថាន ខេត្តប៉ៃលិនបានឲ្យដឹងថា ភ្លើងរាលឆេះព្រៃជួរភ្នំខៀវចាប់តាំងពីថ្ងៃទី ២៤ ខែកុម្ភៈ ដល់ថ្ងៃទី ១១ ខែមីនា ឆ្នាំ២០១០ ។ កម្លាំងជំនាញបានឡើងទៅធ្វើការពន្លត់តែខ្វះលទ្ធភាពបានដោយសារភ្លើង ឆេះខ្លាំងក្លាពេករួចមក ។ ការចុះអន្តរាគមន៏ពន្លត់ភ្លើងគឺក្រោយពេលភ្លើងឆេះនេះ មន្ទីបរិស្ថានខេត្តប្រាប់ឲ្យដឹងថាជាប្រតិបត្តិការមួយដែលបានប្រើ ដោយកម្លាំងមនុស្ស ។
លោកគឹម សុខាអនុប្រធានមន្ទីបរិស្ថានខេត្តបានបញ្ជាក់ថា ក្នុងប្រតិបត្តិការនេះជំនាញបានដឹងថាភ្លើងឆេះព្រៃជួរភ្នំខៀវនោះ បានប៉ះពាល់ខូចខាតនៅក្នុងសង្កាត់ទាំងបួនរបស់ក្រុងប៉ៃលិន គឺនៅចំណុចខាងកើតឈៀងខាងត្បូងភូមិបហ៊ុយភ្លើងឆេះព្រៃ ឬស្សីប្រមាណចំនួន៥០ហិកតានិងមានផ្ទុះគ្រាប់ចំនួន ១០ គ្រាប់។ នៅចំណុចខាងកើតភ្នំឬស្សីភូមិអូរច្រាលិចភ្លើងឆេះព្រៃ ឬស្សីចំនួន៨៥ហិកតាផ្ទុះគ្រាប់ចំនួន៦២គ្រាប់ ។ នៅចំណុចភូមិអូរច្រាលិចភ្លើងឆេះព្រៃឡើងទៅលើភ្នំប្រមាណ៤០ហិកតា ។ នៅចំណុចភ្នំក្បាលដំរីក្នុងភូមិអូរអែមភ្លើងបន្តឆេះភ្នំប្រមាណ២០ ហិកតា។ក្នុងសង្កាត់បយ៉ាខាផ្លើងឆេះព្រៃអស់ចំនួន
១៩៥ ហិកតាផ្ទុះគ្រាប់ ៧២ គ្រាប់មកដល់ពេលនេះ ។ នៅសង្កាត់អូរតាវ៉ៅភ្លើងឆេះព្រៃប្រមាណ ៦៩០ ហិកតានិងផ្ទុះគ្រាប់៨គ្រាប់ ។ នៅសង្កាត់ប៉ៃលិនភ្លើងឆេះប្រៃប្រមាណ ៣៥ ហិកតា។នៅសង្កាត់ទួលល្វាភ្លើងឆេះព្រៃអស់ប្រមាណ ៤៦ ហិកតាផ្ទុះគ្រាប់ចំនួន៤គ្រាប់ ។
ការប្រមូលទិន្នន័យអំពីភ្លើងឆេះព្រៃបានបញ្ជាក់ថាពីថ្ងៃទី ២៤ ខែកុម្ភៈ ដល់ថ្ងៃទី ១១ ខែមីនា ឆ្នាំ២០១០ ភ្លើងឆេះព្រៃភ្នំអស់ចំនួន ៩៦៦ ហិកតានិងផ្ទុះគ្រាប់លើដីនិងក្រោមដីសល់ពីសង្គ្រាមចំនួន៨៨ គ្រាប់ ។ ភ្លើងព្រៃឆេះកើតឡើងទៅតាមរួបភាពផ្សេងៗទាំងកត្តាធម្មជាតិនិងកត្តា មនុស្ស ។
លោក អ៊ី ឈាន អភិបាលខេត្តប៉ៃលិនបានឲ្យដឹងនៅព្រឹកថ្ងៃទី ១២ខែមីនាថានៅតំបន់ភ្នំឬស្សីគឺដើមឬស្សីចេញផ្កាហើយងាប់ដើម ជាង២ឆ្នាំមកហើយ ។ ប៉ុន្តែនៅក្នុងឆ្នាំ២០១០នេះគឺធាតុអាកាសប្រែប្រួលឡើងកម្ដៅខ្លាំង រហូតជាង ៤០ អង្សាសេ ។ ពិសេសទៅ ទៀតនោះគឺនៅភូមិ ៣០ និងភូមិអូរឃ្លឿវ៉ាយក្នុងប្រទេសថៃដែលស្ថិតនៅក្បែរជិតនិងភ្នំឬ ស្សីរបស់យើងមានភ្លើងឆេះព្រៃ ហើយផ្កាភ្លើងបានប៉ើងរសាត់មកធ្លាក់រាលឆេះទាំងព្រៃឬស្សីនោះ តែម្ដង ។ ដោយឃើញហេតុការណ៏នេះ កើតឡើងអាជ្ញាធរខេត្តបានចាត់ ឲ្យកម្លាំងមន្ត្រីជំនាញបរិស្ថានខេត្តចុះទៅអន្តរាគមន៏ទប់ស្កាត់ ភ្លើងឆេះព្រៃតែមិនអាចធ្វើការពន្លត់បាននោះទេ ដោយសារនៅក្នុងព្រៃមានមីនគ្រាប់បែកគ្រាប់មិនទាន់ផ្ទុះ នៅមានក្នុងព្រៃបណ្ដាលឲ្យមានការផ្ទុះគ្រាប់នោះ ធ្វើឲ្យកម្លាំងជំនាញចូលទៅក្នុងព្រៃនោះមិនបានមិនអាចធ្វើផ្លូវ ការពារភ្លើងបានឡើយទើបភ្លើងរាលឆេះព្រៃភ្នំនោះជាច្រើនថ្ងៃបែបនេះ ។ ប៉ុន្តែឥឡូវនេះភ្លើងឆេះព្រៃបានរលត់ស្ងប់អស់ ហើយនៅថ្ងៃទី ១១ ខែមិនានេះ។
លោកបានបញ្ជាក់ដែរថា បញ្ហាប្រជាជនមានការដុតព្រៃចម្ការហើយមានការធ្វេសប្រហែសធ្វើ ឲ្យរាលដាលទៅឆេះព្រៃឡើងទៅ លើភ្នំនោះនិងចាត់ ឲ្យជំនាញចុះផ្សព្ធផ្សាយឲ្យបងប្អូនជ្រួតជ្រាបនិងមានការ ប្រុងប្រយ័ត្នឲ្យបាន ។ ភ្លើងរាលឆេះព្រៃនៅម្ដុំក្នុងព្រៃភ្នំខៀវ ក្នុងតំបន់ការពារបរិស្ថានធម្មជាតិ (តំបន់ប្រើប្រាសច្រើនយ៉ាងសំឡូត) នេះអស់ប្រមាណ៩៦៦ហិកតា ៕
I hope no one intented to sabotage our wild life preserve zone. The authority needs to conduct the investigation immediately.