UN ទទូច​ឲ្យ​មាន​ការ​ស៊ើប​អង្កេត​​ដោយ​ឯករាជ្យ​លើ​ករណី​ស្លាប់​របស់​លោក ឈុត វុទ្ធី​

ពុធ 02 ឩសភា 2012
មាស មុន្នី
ទស្សនាវដ្តីសារព័ត៌មានសេរី

ជំនួស​ឲ្យ​ភាព​មិន​សូវ​មាន​ជំនឿ​ ទៅ​លើ​​គណៈកម្មាធិការ​ស៊ើបអង្កេត ដែល​បង្កើត​ឡើង ដោយ​រដ្ឋាភិបាល​នោះ កាល​ពី​ម្សិលមិញ អង្គការ​សហប្រជាជាតិ បាន​ដាក់​ការ​ជម្រុញ​​ចំពោះ​ការ​ស៊ើប​អង្កេត​​​ករណី​ស្លាប់​របស់​លោក ឈុត វុទ្ធី​​ថា ត្រូវ​តែ​មាន​ឯករាជ្យ​ភាព ។

លោក ឈុត វុទ្ធី សកម្មជនការពារព្រៃឈើ ក្នុងប្រទេសកម្ពុជា កាលនៅមានជីវិត

លោក ឈុត វុទ្ធី សកម្មជនការពារព្រៃឈើ ក្នុងប្រទេសកម្ពុជា កាលនៅមានជីវិត

ការិយាល័យ ឧត្តម​ស្នងការ​អង្គការ​សហប្រជាជាតិ​ផ្នែក​សិទ្ធិមនុស្ស ប្រចាំ​កម្ពុជា បាន​សំដែង​ការ​ព្រួ​បារម្ភ តាម​រយៈសេច​ក្ដី​ថ្លែងការណ៏មួយ​របស់​ខ្លួន​​​ថា ” ​នៅ​ពេល​មិន​ទាន់​ដឹង​​ច្បាស់​អំ​ពីហេតុការណ៏​ ដែល​កើត​ឡើង ​កាល​ពី​ពេល​ថ្មី​ៗនេះ យើង​នៅ​តែ​ព្រួយ​បារម្ភណាស់​ថា ការ​បាញ់​​សម្លាប់​លោក ឈុត វុទ្ធី គឺ​ជា​ការ​បង្ហាញ​ឲ្យ​ឃើញ​ពី​ការ​បាញ់​សម្លាប់ ដ៏​ឃោឃៅ​​បំផុត នៅ​ក្នុង​​ករណី​​បាញ់​សម្លាប់​ជា បន្តបន្ទាប់ មក​លើ​សកម្មជន​​ការពារសិទ្ធិ មនុស្ស នៅ​ក្នុង​ប្រទេស​កម្ពុជា..។ ​យើង​ទទូច​​ឲ្យ​រដ្ឋាភិបាល​ធានា​ថា ការ​ស៊ើប​អង្កេត ពិត​ជា​ប្រព្រឹត្ត​ទៅ​​យ៉ាង​រហ័ស ប្រកប​​ដោយ​ភាព​ត្រឹម​ត្រូវ​​និង​ឯករាជ្យ ..” ។

កាល​ពី​ថ្ងៃ​ទី៣០ មេសា នាយករដ្ឋមន្ត្រី​ខ្មែរ ហ៊ុន សែន បាន​ចុះហត្ថកលេខា ឲ្យ​​មាន​ការ​បង្កើត គណៈ​កម្មាធិការ​អន្តរ​ក្រសួង​​មួយ​ដើម្បី​ធ្វើ​ការ​ស៊ើបអង្កេត លើ​ករណី​បាញ់​ប្រហារ​នេះ ដែ​ល​មាន​សមាសភាព​​​មក​ពី​ក្រសួង​មហាផ្ទៃ , ក្រសួង​យុត្តិធម៌ , កងរាជអាវុធហត្ថ​លើ​ផ្ទៃ​ប្រទេស , ទីស្ដី​ការ​គណៈរដ្ឋមន្ត្រី និង ក្រសូង ទំនាក់ទំនង​ជា​មួយ​សភា ព្រឹទ្ធសភា និង អធិការកិច្ច ។

ប៉ុន្តែ​យ៉ាង​ណា​ក៏ដោយ ក្រុម​មន្ត្រី​អង្គការ​សង្គមស៊ីវិល បាន​ហៅ​ការ​បង្កើត​គណៈកម្មាធិការ​​នេះ ដោយ​រដ្ឋាភិបាល​ថា គ្រាន់​តែ​ជា​ល្បែង​លេង​សើច​ ខណៈ​ដែល​កន្លង​មក​គ្មាន​លទ្ធផល​នៃ​ការ​ស៊ើប​ណា​មួយ​ដោយ​គណៈកម្មាធិការ​នេះ ត្រូវ​បាន​បង្ហាញ​នោះ ៕

What Next?

Recent Articles