ថ្ងៃទី 6 មិថុនា 2012
ដោយ: ចន្រ្ទា
CEN
ប្រជាពលរដ្ឋ ទាំង ៩៤ នាក់ ដែល ពុល បន្លែ ទាំងនោះ ក្នុងនោះ ចំនួន ៣៥ នាក់ មាន សភាព ជំ ងឹ ធ្ងន់ធ្ងរ ដោយមាន សុខភាព ក្អួតចង្អោរ ល្ហិតល្ហៃ ដៃ ជើង ខ្សោះ ខ្លួនប្រាណ អស់កម្លាំង ក្រៅពីនោះ គឺមាន អាកា រៈ ឈឺក្បាល និង ក្អួត បច្ចុប្បន្ន អ្នកជំងឺ ទាំងអស់ កំពុង សម្រាក ព្យាបាល ជំងឺ នៅ មន្ទីរពេទ្យ ជី ភូ
ស្វាយរៀង: ប្រជាពលរដ្ឋនៅស្រុកកំពង់រោទ៍ចំនួន៩៤នាក់ បានពុលបន្លែនៅក្នុងពេលដែលពួកគេទាំងនោះនាំគ្នាចូលរួមក្នុងពិធីឡើងផ្ទះប្រជាពលរដ្ឋនៅក្នុងភូមិជាមួយគ្នា នៅភូមិព្រែម្នាស់ ឃុំសំឡី ស្រុកកំពង់រោទ៍ ខេត្តស្វាយរៀង កាលពីល្ងាចថ្ងៃទី៥ខែមិថុនា ឆ្នាំ២០១២ នៅផ្ទះរបស់ឈ្មោះតូច វាវន ភេទប្រុស ២៦ឆ្នាំ និងប្រពន្ធឈ្មោះទុំ សាមន អាយុ២៣ឆ្នាំ។
ប្រជាពលរដ្ឋទាំង៩៤នាក់ដែលពុលបន្លែទាំងនោះ ក្នុងនោះចំនួន៣៥នាក់មានសភាពជំងឹធ្ងន់ធ្ងរ ដោយមានសុខភាពក្អួតចង្អោរ ល្ហិតល្ហៃដៃជើង ខ្សោះខ្លួនប្រាណ អស់កម្លាំង ក្រៅពីនោះ គឺមានអាការៈឈឺក្បាល និងក្អួត បច្ចុប្បន្នអ្នកជំងឺទាំងអស់កំពុងសម្រាកព្យាបាលជំងឺនៅមន្ទីរពេទ្យជីភូ។ បន្លែទាំងនោះ ពួកគាត់បានទិញពីផ្សារក្រមួន និងផ្សារតាមតំបន់ជនបទ ដែលនាំចូលពីប្រទេសវៀតណាម។ បន្លែនោះ គឺបានបាញ់ថ្នាំដើម្បីកុំឲ្យសត្វល្អិតបំផ្លាញ ប៉ុន្តែថ្នាំដែលបានបាញ់លើបន្លែដែលពលរដ្ឋហូបនោះ គឺមិនទាន់ដល់ពេលដែលប្រមូលផល ទើបបណ្តាលឲ្យមានពលរដ្ឋហូបហើយពុលតែម្តង។ ជាមួយករណីនេះ មិនមាននរណាម្នាក់មានគ្រោះថ្នាក់ដល់ស្លាប់ទេ ព្រោះលោកគ្រូពេទ្យកំពុងព្យាបាលអ្នកជំងឺទាំងនោះ។
ប្រជាពលរដ្ឋទាំង៩៤នាក់ដែលពុលបន្លែទាំងនោះ ក្នុងនោះចំនួន៣៥នាក់មានសភាពជំងឹធ្ងន់ធ្ងរ ដោយមានសុខភាពក្អួតចង្អោរ ល្ហិតល្ហៃដៃជើង ខ្សោះខ្លួនប្រាណ អស់កម្លាំង ក្រៅពីនោះ គឺមានអាការៈឈឺក្បាល និងក្អួត បច្ចុប្បន្នអ្នកជំងឺទាំងអស់កំពុងសម្រាកព្យាបាលជំងឺនៅមន្ទីរពេទ្យជីភូ
នៅព្រឹកថ្ងៃទី៦ខែមិថុនា នេះ លោកជៀង អំ អភិបាលខេត្តស្វាយរៀង និងលោកស្រីនួន សុខា ប្រធានសាខាកាកបាទក្រហមខេត្តស្វាយរៀង បានចុះទៅសួរសុខទុក្ខប្រជាពលរដ្ឋទាំងនោះដែលកំពុងសម្រាកព្យាបាលជំងឺនៅមន្ទីរពេទ្យជីភូ និងបានឧបត្ថម្ភថវិកាចំនួន៤ម៉ឺនរៀលក្នុងម្នាក់ៗ ក្នុងនោះថវិកា២ម៉ឺនរៀលរបស់ខេត្ត និងចំនួន២ម៉ឺនរៀលរបស់សាខាកាកបាទក្រហមខេត្ត។
លោកជៀង អំ អភិបាលខេត្តស្វាយរៀង និងលោកស្រីនួន សុខា ប្រធានសាខាកាកបាទក្រហមខេត្តស្វាយរៀង បានចុះទៅសួរសុខទុក្ខប្រជាពលរដ្ឋទាំងនោះដែលកំពុងសម្រាកព្យាបាលជំងឺនៅមន្ទីរពេទ្យជីភូ
លោកជៀង អំ បានអំពាវនាវថា នៅពេលបរិភោគបន្លែធ្វើយ៉ាងណាឲ្យឆ្អិន មានអនាម័យខ្ពស់ ជៀសវាងហូបបន្លែឆៅ បណ្តាលឲ្យមានគ្រោះថ្នាក់ និងអរគុណដល់មន្ទីរសុខាភិបាល និងគ្រូពេទ្យធ្វើយ៉ាងណាដល់ការព្យាបាលប្រជាពលរដ្ឋទាំងនោះ។ លោកបានបញ្ជាក់ថា សូមឲ្យមន្ត្រីនៅតាមព្រំដែនទាំងអស់ត្រូវរឹតបន្តឹងការនាំបន្លែចូលទាំងអស់ និងមន្ត្រីកាំកុងត្រូលបន្តការត្រួតពិនិត្យបន្ថែមទៀតធ្វើយ៉ាងណាជៀសវាងគ្រោះថ្នាក់ដល់ប្រជាពលរដ្ឋជាបន្តបន្ទាប់ទៀត៕ S