ថ្ងៃទី 7 មិថុនា 2012
ដោយ: សូផុន
CEN
ព្រំដែនកម្ពុជា-ថៃ-ខេត្តបន្ទាយមានជ័យ: ប្រហែលជាងមួយម៉ោង នៅព្រឹកព្រលឹមថ្ងៃទី៧មិថុនា ឆ្នាំ២០១២ ថៃបានបិទច្រករបៀងទាំងអស់ដែលឈមគ្នារវាងស្រុកអូរជ្រៅ ស្រុកស្វាយចេក ខេត្តបន្ទាយមានជ័យ ជាមួយនឹងខេត្តស្រះកែវ ប្រទេសថៃ ប៉ុន្តែប្រជាពលរដ្ឋ ការចេញចូលទំនិញអ្វីៗគឺថៃបិទទាំងអស់ ដោយថៃបានលើកហេតុផលថា មេបញ្ជាការថ្នាក់ខ្ពស់របស់គេមកព្រំដែន។
ជាមួយការបិទច្រកព្រំដែននេះ ថៃបានអនុញ្ញាតឲ្យតែសិស្សសាលាជនជាតិខ្មែរ ដែលរស់នៅតាមព្រំដែនអាចចូលទៅសិក្សានៅក្នុងសាលាថៃបានជាធម្មតា។
មន្ត្រីនៅស្រុកទាំងពីរ និងកម្លាំងការពារព្រំដែន បាននិយាយថា ច្រករបៀងដែលថៃបិទនោះរួមមាន: ច្រកទំនប់ដាច់ ជោគជ័យ អូរបីជាន់ តំបន់៥ ស្ថិតនៅក្នុងស្រុកអូរជ្រៅ និងតំបន់១ ចម្ការគរ សេះងាប់ ស្ថិតនៅក្នុងស្រុកស្វាយចេក ខេត្តបន្ទាយមានជ័យ។
យ៉ាងណាក៏ដោយសភាពការណ៍នៅតាមបង្គោលព្រំដែនលេខ៤៣ នៅចំណុច “ដីខ្មែរ ស្រែថៃ” ស្ថិតនៅភូមិអូរបីជាន់ និងភូមិព្រៃច័ន្ទ ឃុំអូរបីជាន់ ស្រុកអូរជ្រៅ ឈមនឹងឃុំណូនម៉ាកមុន ស្រុកគោកធ្យូង ខេត្តស្រះកែវ របស់ថៃ នៅព្រឹកថ្ងៃទី៧មិថុនានេះ បានតឹងតែងជាងថ្ងៃទី៦មិថុនា ដោយកងកម្លាំងភាគីទាំងពីរ គឺកម្ពុជានិងថៃ បង្កើនការប្រុងប្រយ័ត្នកាន់តែខ្ពស់ថែមទៀត៕ S
ខ្មែរនិងសៀមជាប្រទេសជិតខាងគ្នា បើសិនមានបញ្ហាអ្វីក៏ឲ្យភាគីទាំងពីរចរចាគ្នា
កុំធ្វើឲ្យប្រជាជនទាំងពីរដែលរស់នៅតាមព្រំដែនបានរងគ្រោះពីព្រោះហេតុផលខាងនយោបាយ៕