Tuesday, 12 June 2012
Leang Phannara
ភ្នំពេញ ប៉ុស្តិ៍
សិក្ខាសាលាស្តីពីកិច្ចសហប្រតិបត្តិការផ្នែកច្បាប់ និង តុលាការ របស់ អាស៊ាន។ រូបថត ផា លីណា
ភ្នំពេញៈ ដោយមើលឃើញថា សមាហរណកម្មកាន់តែជ្រៅរបស់អាស៊ានកំពុងស្តែងចេញនូវការប្រឈមថ្មីៗ ក្នុងបញ្ហាច្បាប់ឆ្លងកាត់ព្រំដែន រដ្ឋាភិបាលសហរដ្ឋអាមេរិក ក្រសួងយុត្តិធម៌កម្ពុជា និងលេខាធិការដ្ឋានរបស់អាស៊ាន បានបើកកិច្ចសហប្រតិបត្តិការផ្នែកច្បាប់ និងតុលាការរបស់អាស៊ាននាព្រឺកថ្ងៃទី១២មិថុនានេះ។
កិច្ចសហប្រតិបត្តិការនោះគឺដើម្បីធ្វើការផ្លាស់ប្តូរយោបល់និងបទពិសោធន៍ ដែលពុំដែលមានពីមុនមក ព្រមទាំងធ្វើការពិភាក្សាគ្នាស៊ីជំរៅ លើការកសាងនិងពង្រឹងការទាក់ទងគ្នា ផ្នែកច្បាប់និងតុលាការ។
អ្នកពាក់ព័ន្ធជាន់ខ្ពស់ផ្នែកច្បាប់ និងតុលាការនៅក្នុងតំបន់នឹងប្រជុំគ្នា ពិភាក្សាពីបច្ច័យនៃសមាហរណកម្ម និងធម្មនុញ្ញរបស់អាស៊ាន បញ្ហាក្នុងការផ្តល់យុត្តិធម៌ក្នុងតំបន់អាស៊ាន ការអនុវត្តសាលក្រម ការកាត់ក្តីជាអន្តរជាតិដោយអាជ្ញាកណ្តាល ហើយនិងការអនុវត្តសន្ធិសញ្ញាអន្តរជាតិជាលក្ខណៈច្បាប់ជាតិ។
សូមបញ្ជាក់ថា កិច្ចប្រជុំលើកទី ១៤ របស់មន្រ្តីជាន់ខ្ពស់ផ្នែកច្បាប់របស់អាស៊ាន (ASLOM) នៅភ្នំពេញ កាលពីឆ្នាំទៅបានមើលឃើញពីតំរូវការក្នុងការពង្រឹងបណ្តាញក្នុងចំណោម អ្នកឯកទេសជាន់ ខ្ពស់ផ្នែកច្បាប់ នៅទូទាំងតំបន់អាស៊ាន ពិសេសក្នុងស្ថាប័នតុលាការអាស៊ាន និងកិច្ចប្រជុំ ASLOM ។
នៅស្រុកខ្មែរវាមានរឿងចំឡែកៗណាស់គឺថាចៅក្រមដែលអត់ខ្សែរឬមិនមានបក្សពួក
ត្រូវបានគេចោទពុករលួយពិសេសចៅក្រមនៅខេត្តឆ្ងាយៗ ក៏ប៉ុន្តែចៅក្រម ព្រះរាជអាជ្ញារឬរង
នៅភ្នំពេញក្លាយទៅជាសេដ្ឋីអស់ហើយមិនដែលឃើញពួកប្រឆាំងពុករលួយទៅរំខានពួកនោះទេ។
តើចៅក្រម ព្រះរាជអាជ្ញា រងមានលទ្ធភាពរកយុត្តិធម៌ឲ្យប្រជារាស្រ្តដែរទេ នៅពេលដែលយុត្តិធម៌របស់ខ្លួនមិនអាចរកឃើញផងនោះ។