ដោយ ទីន ហ្សាការីយ៉ា
2012-06-16
វិទ្យុអាស៊ីសេរី
តំណាង ពលរដ្ឋ បឹង កក់ អ្នកស្រី ទេព វន្នី ថ្លែង ក្នុង សន្និសីទ កាសែត របស់ អង្គការ Amnesty International នា រាជធានី ភ្នំពេញ កាល ពី ថ្ងៃ ទី ២៤ វិច្ឆិកា ឆ្នាំ ២០១១។ (RFA/Sok Serey)
អ្នកបឹងកក់បានចេញមុខតវ៉ាទាមទារដីធ្លី និងផ្ទះសម្បែងរបស់ខ្លួនវិញអស់រយៈពេលជាច្រើនឆ្នាំមកហើយ ប៉ុន្តែអ្វីដែលជាការកត់សម្គាល់នោះ អ្នកចេញមុខតវ៉ាសុទ្ធតែជាស្ត្រី ដែលពួកគេមិនរារែកនៅក្នុងការតវ៉ានោះឡើយ ទោះបីជាមានកងកម្លាំងរដ្ឋាភិបាល បានចេញមកបង្ក្រាបពួកគេក្ដី។
នៅក្នុងចំណោមស្ត្រីអ្នកតវ៉ាទាំងនោះ គេសង្កេតឃើញមានស្ត្រីឈ្មោះ ទេព វន្នី ដែលអ្នកបឹងកក់បានចាត់ឲ្យធ្វើជាតំណាងរបស់ពួកគេ ពីព្រោះថា អ្នកភូមិយល់ឃើញថា លោកស្រីជាមនុស្សស្មោះត្រង់ និងមានសេចក្ដីក្លាហាន មិនរុញរាក្នុងការដឹកនាំប្រជាពលរដ្ឋតវ៉ារហូតដល់ថ្ងៃជាប់គុក។
ទេព វន្នី ត្រូវបានអ្នកបឹងកក់ចាត់ទុកថា ជាស្ត្រីឆ្នើមក្លាហាន និងស្មោះត្រង់ជាមួយប្រជាពលរដ្ឋរបស់ខ្លួន ដែលគាត់បានធ្វើសកម្មភាពខ្លាំងក្លានៅក្នុងប៉ុន្មានឆ្នាំចុងក្រោយ ក្នុងការដឹកនាំអ្នកភូមិធ្វើការតវ៉ាទាមទារសិទ្ធិកាន់កាប់ដីធ្លីស្របច្បាប់ នៅតំបន់បឹងកក់ ទៅតាមការសន្យារបស់រដ្ឋាភិបាល។
ថ្វីត្បិតតែពេលនេះ ទេព វន្នី និងអ្នកភូមិដទៃទៀត ត្រូវសាលាដំបូងរាជធានីភ្នំពេញ បានចាប់ដាក់គុកក្ដី ប៉ុន្តែសេចក្ដីក្លាហាន និងការជឿជាក់របស់នាងក្នុងការទាមទារដីធ្លី មិនបាត់បង់ ឬបាក់ស្បាតនោះឡើយ។
ទេព វន្នី នៅតែជំរុញឲ្យអ្នកបឹងកក់ខំតស៊ូ អត់ធ្មត់ នៅពេលដែលអ្នកភូមិបានទៅសួរសុខទុក្ខនាងនៅពន្ធនាគារព្រៃស ពីព្រោះនាងសង្ឃឹមថា យុត្តិធម៌នឹងមានវិញសម្រាប់អ្នកបឹងកក់នៅពេលខាងមុខ ទោះបីជាពេលនេះរូបនាងបែរជារងគ្រោះ ដោយសារតែក្រុមហ៊ុនអភិវឌ្ឍន៍បឹងកក ស៊ូកាគួ (Shukaku) ក្ដី។
ស្ត្រីឈ្មោះ បូ ឆវី ជាអ្នកជិតខាង ទេព វន្នី និងជាអ្នករងគ្រោះនៅតំបន់បឹងកក់នោះ បានរៀបរាប់ទាំងក្ដុកក្ដួលថា លោកស្រីបានទៅសួរសុខទុក្ខ វន្នី កាលពីថ្ងៃទី១១ មិថុនា។ លោកស្រីបញ្ជាក់ថា ទោះបីជា វន្នី ជាប់នៅក្នុងគុក ស្លៀកពាក់ឯកសណ្ឋានពន្ធនាគារដូចអ្នកទោសដទៃទៀតក្ដី ប៉ុន្តែស្មារតីរបស់ វន្នី មិនរាថយនោះឡើយ។ លោកស្រីបញ្ជាក់ថា អ្វីដែលធ្វើឲ្យ វន្នី ខ្លោចចិត្ត និងពិបាកចិត្តខ្លាំងជាងគេនៅពេលនេះ គឺនាងអាណិតកូនៗរបស់នាងចំនួនពីរនាក់ដែលនៅវ័យកុមារភាពនៅឡើយ។
ទេព វន្នី បានចេញមុខដឹកនាំប្រជាពលរដ្ឋបឹងកក់ខ្លាំងក្លានៅរយៈពេលបីឆ្នាំចុងក្រោយនេះ ខណៈក្រុមហ៊ុន ស៊ូកាគួ បានយកគ្រឿងចក្រឈូសឆាយកម្ទេចផ្ទះប្រជាពលរដ្ឋ និងបូមខ្សាច់ពន្លិចផ្ទះអ្នកភូមិ។ នៅពេលតវ៉ាម្ដងៗ គេសង្កេតឃើញនាងតែងតែចេញមុខផ្តល់បទសម្ភាសន៍ជាមួយអ្នកកាសែតជាតិ និងអន្តរជាតិ អំពីការទាមទារឲ្យរដ្ឋាភិបាលជួយដោះស្រាយរឿងជម្លោះដីធ្លីតំបន់បឹងកក់ ដែលកំពុងប្រឈមនឹងបញ្ហាលំបាក និងគ្មានសំណងសមរម្យ ទោះបីជារដ្ឋាភិបាលបានកាត់ដីជាង ១២ហិកតារឲ្យអ្នកបឹងកក់ក្ដី ប៉ុន្តែទីតាំងពិតប្រាកដនោះ ប្រជាពលរដ្ឋភាគច្រើនមិនទទួលបានដីនោះទេ។
ទេព វន្នី ត្រូវបានសមត្ថកិច្ចក្រុងភ្នំពេញ ចាប់យកទៅឃុំខ្លួនចំនួន ៤លើកហើយ គិតទាំងការចាប់ខ្លួនលើកចុងក្រោយកាលពីថ្ងៃទី២២ ខែឧសភា ឆ្នាំ២០១២ ដែលតុលាការបានកាត់ទោសនាង និងអ្នកភូមិផ្សេងទៀត ឲ្យជាប់គុកក្នុងម្នាក់ៗជាង ២ឆ្នាំនោះ។
វន្នី ធ្លាប់បានរៀបរាប់នៅមុនពេលតុលាការបានផ្ដន្ទាទោសនាងថា នាងនឹងអ្នកភូមិដទៃទៀតខំតស៊ូ ដើម្បីទាមទារសំណងពីក្រុមហ៊ុនស៊ូកាគួ ដល់ទីបញ្ចប់ ទោះបីជានាងត្រូវគេចាប់ខ្លួនដាក់គុកក៏ដោយ។ ការលើកឡើងដូច្នេះ វន្នី ហាក់បីដូចជានាងដឹងខ្លួនគ្រប់ពេលថា នាងដឹកនាំអ្នកបឹងកក់តវ៉ានោះ នាងនឹងប្រឈមនឹងការចាប់ខ្លួនគ្រប់ពេល។ លើសពីនេះទៀត ទេព វន្នី ក៏ជាស្ត្រីដែលសមត្ថកិច្ចក្រុងភ្នំពេញ បានប្រើអំពើហិង្សាវាយដំក្នុងពេលតវ៉ា ដើម្បីបង្ក្រាប និងចាប់បោះដាក់លើឡានក្នុងចំណោមស្ត្រីដទៃទៀតដែរ។
វន្នី បានរៀបរាប់នៅមុនពេលតុលាការកាត់ទោសនាងថា រាល់ទង្វើរបស់សមត្ថកិច្ចដែលប្រើអំពើហិង្សាលើប្រជាពលរដ្ឋ និងចាប់ខ្លួន ប្រជាពលរដ្ឋនោះ ជារឿងខុសច្បាប់។
ទេព វន្នី មានអាយុប្រមាណ ៣២ឆ្នាំ នាងជាកូនស្រីទី៦ នៅក្នុងគ្រួសារកសិករមួយនៅខែត្រកំពត។ វន្នី បានរៀបអាពាហ៍ពិពាហ៍នៅឆ្នាំ២០០៣ ជាមួយអ្នកក្រុងភ្នំពេញ។ ក្រោយពីរៀបការម្ដាយក្មេករបស់នាងបានឲ្យផ្ទះថ្មមួយល្វែងនៅតំបន់បឹងកក់ រស់នៅជាមួយស្វាមី រហូតដល់បច្ចុប្បន្នមានកូនពីរនាក់ (ស្រីមួយប្រុសមួយ)។
កូនស្រីច្បងរបស់ វន្នី មានអាយុ ៩ឆ្នាំ និងកូនប្រុសពៅមានអាយុ ៧ឆ្នាំ។ ស្វាមីរបស់លោកស្រី វន្នី ជានាយទាហាននៅក្រសួងការពារជាតិ។
ទាក់ទងទៅនឹងបញ្ហា វន្នី ជាប់ពន្ធនាគារនេះ ស្វាមីរបស់នាងមិនបានធ្វើអត្ថាធិប្បាយអ្វីច្រើនទេ ដោយលោកគ្រាន់តែសម្ដែងពីក្ដីកង្វល់ និងទុក្ខព្រួយអាណិតភរិយារបស់ខ្លួន ដែលគ្មានកំហុស ហើយត្រូវបានតុលាការកាត់ទោសឲ្យជាប់គុក រីឯគាត់ជាមន្ត្រីរាជការបែរជាមិនអាចជួយភរិយារបស់ខ្លួនបានទៅវិញ។
ដោយឡែក ចំពោះកូនស្រីច្បងរបស់ វន្នី វិញ ដែលទើបតែមានអាយុ ៩ឆ្នាំ រស់នៅជាមួយជីដូននោះ កុមារីរួបនេះមិនចេះនិយាយអ្វីច្រើនទេ។ កុមារីរូបនេះចេះតែពោលពាក្យថា នឹកម្ដាយ និងចង់ជួបម្ដាយដូចពីពេលមុនវិញ។
ស្ត្រីមេម៉ាយវ័យជាង ៦០ឆ្នាំ ឈ្មោះ ស៊ី ហៀប ជាម្ដាយបង្កើតរបស់ ទេព វន្នី ក្នុងទឹកមុខស្រងូតស្រងាត់នៅលើគ្រែមុខផ្ទះ ទេព វន្នី នៅបឹងកក់ បានរៀបរាប់ទាំងស្រក់ទឹកភ្នែកបណ្ដើរថា វន្នី តាំងពីក្មេងមកមិនមែនជាមនុស្សក្លាហានប៉ុន្មានទេ ហើយការនិយាយស្ដីក៏មិនមានវោហារអ្វីដែរ។ ប៉ុន្តែលោកស្រីកត់សម្គាល់ឃើញ វន្នី មានសេចក្ដីក្លាហាន និងចេះនិយាយស្ដីច្រើនតាំងពីមានរឿងជម្លោះរវាងអ្នកបឹងកក់ និងក្រុមហ៊ុនស៊ូកាគួនេះ។
លោកស្រីបញ្ជាក់ថា មូលហេតុសំខាន់ដែលធ្វើឲ្យ វន្នី មានសេចក្ដីក្លាហាន និងមិនខ្លាចស្លាប់នោះ ដោយសារតែ វន្នី ជួបនឹងបញ្ហាឈឺចាប់អំពីរឿងផ្ទះសម្បែងនៅបឹងកក់ ដែលប្រឈមនឹងការរឹបអូសពីក្រុមហ៊ុនស៊ូកាគួនោះ។
ដោយឡែកនៅក្នុងផ្ទះរបស់ វន្នី វិញ នៅលើជញ្ជាំងមានតាំងរូបថតជាច្រើនអំពីសកម្មភាពដែលនាងបានដឹកនាំអ្នកបឹងកក់តវ៉ា និងរូបភាពអំពីសកម្មភាពសមត្ថកិច្ចប្រើអំពើហិង្សាវាយប្រជាពលរដ្ឋ ដើម្បីបំបែកហ្វូងកូដកម្មនាពេលកន្លងមក និងរូបថតដែលនាងបានធ្វើសុន្ទរកថាអំពីបញ្ហាដីធ្លីបឹងកក់ នៅក្នុងសិក្ខាសាលាដែលរៀបចំធ្វើឡើងដោយអង្គការផ្សេងៗ។
លើសពីនេះទៀត អ្នកស្រី បូ ឆវី បានឲ្យដឹងថា អ្វីដែលជាក្ដីកង្វល់នោះ អ្នកស្រីព្រួយបារម្ភខ្លាច វន្នី អាចគិតផ្ដេសផ្ដាស ធ្វើឲ្យប៉ះពាល់ដល់ជីវិតរបស់នាង។ អ្នកស្រីបញ្ជាក់ថា វន្នី និងអ្នកភូមិដទៃទៀតធ្វើការទាមទារក្នុងពន្ធនាគារ ដើម្បីសុំឲ្យរដ្ឋាភិបាលដោះលែងពួកគេវិញ ដោយបានអត់អាហារជាច្រើនថ្ងៃនៅក្នុងពន្ធនាគារ ហើយ វន្នី បានផ្ដែផ្ដាំឲ្យអ្នកស្រីមើលថែរក្សាកូនៗនាង និងឲ្យអ្នកបឹងកក់ត្រូវតែតស៊ូបន្តទៀត ដើម្បីលំនៅឋានរបស់ខ្លួន ដែលបានរស់នៅជាង ៣០ឆ្នាំមកហើយនោះ៕
កំណត់ចំណាំចំពោះអ្នកបញ្ចូលមតិនៅក្នុងអត្ថបទនេះ៖ ដើម្បីរក្សាសេចក្ដីថ្លៃថ្នូរ យើងខ្ញុំនឹងផ្សាយតែមតិណា ដែលមិនជេរប្រមាថដល់អ្នកដទៃប៉ុណ្ណោះ។
ក្នុងនាមជាព្រះមហាក្សត្រហេតុអ្វីបានជាមិនយកចិត្តដាក់និងរាសទុក្ខវេទនារបស់ក្មេងៗគឺការបាត់បង់
នៅឪពុកមា្តយជាទីស្រឡាញ់ព្រះជាគុណធមដ៏ថ្លៃថ្លាសំរាប់ប្រជាពលរដ្ឋគ្រប់រូបមិនគួបិតភ្នេកមិន
យកចិត្តទុក្ខដាក់ខ្លាចអំណាចលោកហុនសែនសោះបើធ្វើដូច្នេះលោកហុនសែនដឹកនាំយួនចូលកាន់
តែច្រើនទៅៗហើយហើយយួនទិញដីបាននៅស្រុកខ្មែរមានកម្មសិទ្ឋដូចខ្មែរដែរ។
ការរំលោកយកដីផ្ទះសំបែងប្រជាពលរដ្ឋនិងចាប់ប្រជាពលរដ្ឋដាក់គុកយ៉ាងអយុត្តិធមបំផុត
គឺជារំលោកនៅសិទ្ឋមនុស្សហើយក៏ជាការរំលោកសិទ្ឋមនុស្សអន្តរជាតិដែរ?
សូមព្រះអង្គរកដំណោះស្រាយអោយប្រជាជនប្រកបដោយយុត្តិធមផង
សូមសូមពរលោកសមរង្សីសូមអំពាវនាវដល់អង្គការជាតិនិងអន្តរជាតិនិងពិភពលោកទាំងមូល
និងដាក់ពាក្យប្តឹងលោកហុនពីបញ្ហារំលោកនៅសិទ្ឋមនុស្សជាតិនិងអន្តរជាតិ
-សូមលោកសមរង្សីប្រមូលផ្តំផ្តូលរំលំលោកហុនសែនចេញលោកហុនសែនសព្វថ្ងៃដូកាដាហ្វី
ហើយលោកហុនសែនធ្វើបាបប្រជាជនខ្លួនអែងនិងសំលាប់រាស្រ្តរបស់ខ្លួនលោកហុនសែន
គឺជាមនុស្សក្បត់ប្រជាជនខ្មែរជាមនុស្សក្បត់ជាតិ-ប្រជាជនកម្ពុជាកំពុងតែអស់ជំនឿទៅកាឃោសនារបស់លោកហុនសែនទៀតហើយ
-លោកហុនសែនមិនបានយកចិត្តទុកដាក់ប្រជាជននោះទេ
-លោកហុនសែនកំពុងប្រើកំលាំងធ្វើបាបប្រជាជនយ៉ាងឃោឃៅ
-ទាហានហុនសែនសម័យនេះគឺគ្មានគ្រមសីលធមនោះទេ
-ទាហាមលោកហុនសែនជាក្រុមចោរធ្វើបាបប្រជាជនហើយយកលុយប្រជាជនទៀត
-ទាហានលោកហុនសែនបែបនេះមិនគួអោយកើតមាននៅលើប្រទេសកម្ពុជាឡើយ
-នៅគ្រប់ខេត្តក្រុងទាំងអស់ក្នុងស្រុកខ្មែរមានដីសម្បទាននៅគ្រប់ទីកន្លែងហើយធ្វើជន
លើដីប្រជាជនហើយពិសេសរំលោកយកដីប្រជាជនដោយប្រើកំលាំងទាហាន
-ការបោះឆ្នោតឃុំសង្កាត់អ្នកសង្កេតការណ៏ទាំងអស់គឺជាគ្រូៗគ្រូៗទាំងនោះចេញសាលា
ហុនសែនទាំងអស់
-កាកបាទក្រហមទាំងអស់ក៏ជារបស់លោកហុនសែន
-ប្រជាអស់ដីផ្ទះនៅក៏ដោយកូនចៅលោកហុនសែន
-ប្រជាជនចំណាកស្រុកដោយសារភាពក្រីក្រជិវភាពមិនគ្រប់គ្រាន់និងគ្មានផ្ទះដីនៅ
-កូនចៅលោកហុនសែនជាច្រើនធ្វើបាបប្រជាជនលោកមិនបានយកចិត្តទុកដាក់
-លោកឈូបណ្ឌិតលោកហុនសែនអត់ហានធ្វើផងហើយថែមលេចចេញនៅអង្សរក្សផ្កាយពីរ
របស់លោកហុនសែនធ្វើបាបប្រជាជនលោកហុនសែនក៏ធ្វើមិនដឹងដែរ
-អំណាចទាំងអស់ទាំងថ្នាក់មូលដ្ឋានរហូតដល់លើកាន់ផ្តាច់ការទាំងអស់
-លោកហុនសែនមិនចុះទៅសួសុខទុកប្រជាជននៅតាមព្រំដែនវៀតណាមម្តងណានោះទេ
នៅតាមព្រំដែនយួនខ្មែរប្រជាជនខ្មែរត្រូវយួនរំលោកយកដីប្រជានលោកហុននៅតែធ្វើមិនដឹង
-ពេលគៀកបោះឆ្នោតលោកហុនសែនអោយប្រជាជនជួសជុលផ្ទះនិងធ្វើផ្ទះដើម្បីបានផល
នៅពេលបោះឆ្នោត
-មានអង្គការនៅស្រុកក្រៅសូមនាំសាំងមកលក់នៅស្រុកខ្មែរយកមកលក់នៅប្រទេសខ្មែរក្នុង
តំលៃ១៥០០០រៀលដល់២៥០០០រៀលលោកហុនសែនមិនព្រមសញ្ញេអោយផងលោកហុនសែន
មានក្មួយគឺលោកហុនតូជាអ្នកលក់សាំងបានមិនព្រមសញ្ញេនៅក្នុងឆ្នាំ2003
-ហេតុអ្វីបានជាលោកហុនសែនមិនអោយសមរង្សីចូលស្រុកខ្មែរក្លាចចាញ់ឆ្នោត
-ហេតុអ្វីបានជាលោកហុនសែនមិនព្រមបិទអប្សារាកំអោយមានតែម្តងទៅ
អប្សារាគៀបសង្កត់ប្រជាជនគ្រប់បែបយ៉ាងប្រជាជនរស់នៅលំបាកណាស់នៅក្រោមការដឹក
នាំដោយអប្សារាដូចរស់នៅក្រោមអានិគមបារាំងពីសម័យមុខអញ្ជឹង
-ហេតុអ្វីជំវិញប្រសាទទាំងអស់ដែលមាបភ្ញៀវមិនព្រមអោយប្រជាជនបានទៅលក់ដូរនៅខាងក្រៅ
ចូលទៅលក់អ្នកលក់នៅទីនោះសុទ្ឋតែកូចចៅអប្សារា
-ហេតុអ្វីលោកហុនសែនមិនព្រមអោយលោកសមរង្សីចូលមកបោះឆ្នោតនៅស្រុកខ្មែរ
លោកអែងចង់កាន់អំណាចផ្តាច់ការដូចកាដាហ្វីតែម្នាក់អែង
-ហេតុអ្វីបានលោកហុនសែនអោយយួនចូលស្រុកខ្មែរអន្តោរប្រវេសច្រើនបែបនេះដើម្បីផលប្រ
យោជន៏នៅពេលបោះឆ្នោត
-តើលោកហុនសែនហានដេញយួនទៅវិទាំងអស់បានទេ?
-លោកហុនសែនបំរើផលប្រយោជន៏អោយយួនឬអោយខ្មែរ
-លោកសមរង្សីប្រជាជនកំពុងត្រូការគាត់អោយចូលមកបោះឆ្នោតនៅស្រុកខ្មែរ
ដោយលោកហុនសែនប្រើអំណាចនៅគ្រប់ទីកន្លែងដើម្បីមិនអោយលោកសមរង្សី
បានចូលស្រុកខ្មែរ
-រឿងរំលោកយកដីបឹងកក់ក្នុងទីក្រុងភ្នំពេញលោកលោកហុនសែនមិនដែលមកអើតមុខ
ជួបប្រជាជនម្តងណានោះទេមានតែអោយកំលាំងទៅវាយកំទេចផ្ទះនិងយកដីរបស់ពួកគាត់
-លោកហុនសែនកំពុងធ្វើអោយប្រជាជនខ្មែរដុនដាបក្រទៅក្រទៅហើយ
-លោកហុនសែនមិនដឹងបានលុយពុករលួយពីក្រុមហុនទាំងនោះប៉ុន្មានបានខំបិតភ្នែកបិត
ត្រចៀកធ្វើមិនដឹងមិនលឺ
-មុនពេលបោះឆ្នោតខាងអប្សារាបានបើកអោកាសដល់ប្រជាជនបានជួសជុលផ្ទះសំបែង
តែក្នុងអោយកាសនោះមានប៉ូលីសដើររារាំងប្រជាជនមិនអោយប្រជាជនជួសជុលផ្ទះសំបែង
ហើយប៉ូលីសនោះថាបើចង់អោយគេជួយអ្នកអែងត្រូវតែបោះឆ្នោតអោយប្រជាជន
បើមិនបោះអោយកុំសង្ឃឹមថាបានធ្វើផ្ទះអោយសោះ
-តើហេតុអ្វីបានជាលោកហុនសែនធ្វើបាបប្រជាជនបែបនេះដេញប្រជាជនចេញពីដីហើយ
ចាប់ប្រជាជនដាក់គុគទៀត
-តុលាដែលចេញដីកាចាប់អ្នកភូមិបឹងកក់ដាក់គុគនោះគីលោកហុនសែនជាអ្នកបញ្ជា
ព្រៃផ្សៃជាទីបំផុត
-ប្រជាជននៅតំបន់អប្សារាបើគ្មានសៀវភៅគ្រួសារឬសៀវភៅសៀវគ្រួសារនោះមិនមែនធ្វើនៅក្នុង
ខេត្តសៀមរាបគឺមិនអោយធ្វើផ្ទះបាននោះទេ
-ប្រជាជនដែលរស់នៅតាមចិញ្ចើមផ្លូវខាងអប្សារាអោយធ្វើតែអជ្ញាធរភូមិមិនអោយធ្វើដាច់ខាត
-មានក្រុមប៉ូលីសខ្លះដើរកំរាមកំហែងប្រជាជនបើចង់ជួសជុលផ្ទះគឺត្រូវបោះឆ្នោតអោយប្រជាជន
ទើបគេជួយវិញ
-ប្រជាជននៅតំបន់អប្សារាភាគច្រើនមិនហានចូលរួមហែគណបក្សផ្សេងនោះទេក្លាចខាងអប្សារា
និងភូមិឃុំមិនអោយជួសជុលផ្ទះ
-ប្រជាជនក្នុងខេត្តសៀមរាបនៅក្នុងតំបន់អប្សារាផ្អើលផ្លូកទឹកផ្លូកដីទិញឈើរទិញសាំងសី
ទិញដែកយកមកធ្វើផ្ទះសំបែង
-អ្នកលក់ឈើរគឺសុទ្ឋតែប៉ូលីសគឺភាកច្រើនពាក់ខោអាវគណបក្សប្រជាជន
-នេះជានយោបាយបោះឆ្នោតឬនយោបាយលក់ឈើរ
-តើពេលក្រោយបោះឆ្នោតខាងអប្សារាទៅអោយប្រជាជនរុះរើផ្ទះវីញឬយ៉ាងណា
-តើការអោយប្រជាជនជួសជុសផ្ទះជានយោបាយដើម្បីយកសន្លឹកឆ្នោតឬយ៉ាងណា
សន្លឹកឆ្នោត
-លោកហុនសែននិងតុលាខ្មែរកំពុងរំលោកសិទ្ឋមនុស្ស
-លោកហុនសែននិងតុលាខ្មែរបើមិនដោះលែងអ្នកដែលគ្មានកំហុសអោយមកវិញបើពុំដូច្នោះទេ
ការរិះគុណទូទាំងពិភពលោកហើយប្រជាជនខ្មែរទាំងនិងពិចារណានិងធ្វើមហាបត្តិកម្មទូទាំង
ពិភពលោកគ្រប់ប្រទេសដែលមានប្រជាជនហើយមានអង្គការអន្តិរជាតិក្នុងប្រទេសនិង
ក្រៅប្រទេសកំពុងរៀបចំធ្វើមហាបត្តិកម្មមានមនុស្សរាប់លាននាក់កំពុងត្រៀមធ្វើមហា
បត្តិកម្មឆាប់ៗខាងមុខនេះអ្នកចូលរួមមានអង្គការអន្តរជាតិមានជនជាតិខ្មែរនិងបរទេសផងដែ
-លោកហោណាំហុងជាមនុស្សវង្វេងជាតិមិនបានគិតផលប្រយោជន៏ជាតិទេ
-លោកសមរង្សីមិនបានធ្វើអ្វីខុសទាំងអស់លោកសមរង្សីគឺជាមនុស្សដែលហាន
ប្រឈមមុខនិងគ្រោះថ្នាក់ទៅដកបង្គោលព្រំដែនដែលយួនរំលោភយកដីរបស់ខ្មែរបែជា
លោកហុនសែននិងហោណាំងនិងក្រុមប៉ាក់ពួកមួយចំនួនទៀតមកធ្វើបាបលោកសមរង្សី
ទៅវិញអស់លោកទាំងអស់នោះហានប្រឈមមុខនិងយួនទេ?គឺអត់ហាននោះទេគឺក្លាចយួន
ដូចខ្លាអញ្ចឹងយួនអោយសំលាប់ខ្មែរគឺសំលាប់ខ្មែរអស់លោកទាំងប៉ុន្មាននិង
-អាតុលាវង្វេងជាតិភ្លេចជាតិកំណើតរបស់ខ្លួនអស់ហើយមែនទេអាតុលាកាពួកក្រុមនិយម
-ពតមានទទូលបានការរំលោភសិទ្ឋមនុស្សមានខេត្តបាត់ដំបងនិងខេត្តសៀមរាប
នៅខេត្តបាត់ដំបងប្រជាជនកំពុងអង្គុយលេងស្រាប់តែទៅចាប់ប្រជាពលទាំងនោះចោទថា
ជាក្មេងទំនើងមានប្រុសនិងស្រីអ្នកទាំងនោះមាននៅក្បែៗនោះនៅមោង៨កន្លះយប់
២នៅខេត្តសៀមមួយមានករណី
កើតឡើងចំពោះប្រជាជនកំពុងធ្វើដំណើរដោយម៉ូតូនៅលើផ្លូវទាំងប្រុសទាំងស្រីចាប់យកទៅ
ឃុំចោទថាជាក្មេងទំនើងក្នុងចន្លោះមោង១២កន្លះយប់
-បងប្អូនដែលរស់នៅទីរួមខេត្តបាត់ដំបងដើរលេងឬក៏កំពុងជិះម៉ូតូ
ប្រយត្នប៉ូលីសចាប់ថាជាក្មេងទំនើង
-បងប្អូនដែលរស់នៅទីរួមខេត្តសៀមរាបដើរលេងឬក៏កំពុងជិះម៉ូតូ
ប្រយត្នប៉ូលីសចាប់ថាជាក្មេងទំនើងសូម្បីតែកំពុងជិះម៉ូតូលើផ្លូវសាធារណក៏ចាប់ដែរ
នេះហើយជាភូមិឃុំសុវត្ថិភាព
-នៅពេលចេញនៅច្បាប់ភូមិឃុំសុវត្ថិភាពធ្វើអោយផលប៉ះពាល់ប្រជាពលរដ្ឋជាច្រើនជាពិសេស
គឺការរំលោភទៅសិទ្ធក្នុងការធ្វើដំណើរបស់ប្រជាពលរដ្ធ
-ប្រជាជនរស់នៅទីនោះយូហើយហើយបានសុខសាន្តណាស់តែនៅពេលលឺថាមានក្រុមហុនមក
បូមខ្សាច់លុបដាក់បឹងកក់គឺរដ្ឋាភិបាលបានចោទប្រជាជនថាចោលួចដីទៅវិញ
-ប្រជាជននៅទីនោះយូហើយមិនដែលមានអជ្ញាធរណាម្នាក់ថាដីនេះជាដីរដ្ឋនោះទេហើយក៏មិន
អាជ្ញាធរណាមកដេញដែរ
-ការនិយាយដោះស្រាយរបស់រដ្ឋាភិបាលទាំងប៉ុន្មានគឺជាលេសយករួចខ្លួននោះទេការនិយាយ
ទាំងប៉ុន្មានគឺគ្មានមូលដ្ឋានច្បាស់លាស់នោះទេ
-ប្រជាជនអ្នកបឹងកក់កំពុងជាប់គុគនោះមាន១៥នាក់លែង២នាក់គឺនៅ១៣នាក់ទៀតគឺអត់អស់
នោះទេ
-លោកហុនសែនអន្តរជាតិនិងសួរពិបញ្ហារំលោភសិទ្ធមនុស្សនៅកម្ពុជាការរំលោភយកដីវាយកំ
កំទេចផ្ទះសំបែងប្រជាជនជាពិសេសចាប់មនុស្សដាក់គុគដោយអយុត្តិធមបំផុតនៅកម្ពុជា
ខ្ញុំថាប្រហែលមានពេលខ្លះគាត់ក្លាហានហួសដែនកំណត់ ហួសពីកាពិត
ដែលកំពុងមាននិងកំពុងកើតឡើង ជាហេតុនាំឲ្យក្រឡាច់ធ្លាក់ហួសផ្លូវទៅ
ចូលគន្លងមួយ ដែលអ្នកស្រីគិតមិនដល់ថាមានដូចថ្ងៃនេះ នេះជាការមិន
ព្រមស្តាប់និងពិភាក្សាជាមួយស្វាម៉ីថាអ្វីគួរធ្វើអ្វីមិនគួរធ្វើ ឬធ្វើត្រឹមណា
ព្រោះអ្វីក៨ដោយពិតជាមានដំណោះស្រាយ បើយើងពិតជាពលរដ្ឋស្មោះ
ត្រង់រស់នៅក្នុងសង្គមជាតិ ជាង៣០ឆ្នាំមែននោះអាជ្ញាធរដែនដីគាត់ពិតជា
រកយុត្តិធម៏ឲ្យមិនខាន ប៉ុន្តែក៏ត្រូវតែដំណើការតាមនិតិវិធីដែរបើគេរំលោភ
លើយើងឯយើមិនប្តឹងបែជាទៅវាយគេតាមគេពន្យុះនោះវាពិតជាប្រឈម
ចំពោះមុខច្បាប់ហើយ ។ និយាយឲ្យចំកុំលុះតាមការញុះញង់របស់គេហើយ
ហ៊ានធ្វើនូវអំពើខុសច្បាប់ដើម្បីបំរើប្រយោជន៏គេ គេដេកនៅស្រុកក្រៅគេ
យកយើងដើម្បីធ្វើឲ្យចំណេញរបរគេទេ ។
She not think wronge, she is strong khmer lady , i do appreciated her so much, unlike some lady and man always afraind. she always with her team to fight for peace and her own property. wish buhda bless her and all boeung kok lake peoples all the best.
ខ្ញុំសូមកោតសសើរអ្នកស្រីអស់ពីដួងចិត្តដែលអ្នកស្រីក្លាហានធ្វើអ្វីដែលអ្នកស្រីឃើញថាមិនខុសច្បាប់ព្រោះគ្រាន់តែការពារលំនៅឋានរបស់ខ្លួនតែប៉ុណ្ណោះនោះ។ ការឈឺចាប់ដោយអំពើអយុត្តិធម៌ពីថ្នាក់ដឹកនាំមិនថាតែអ្នកស្រីតែម្នាក់ទេ មនុស្សគ្រប់រូបនិងមានស្មារតីក្លាហានដោយខ្លួនឯងដោយស្វ័យប្រវត្តិព្រោះតែអំពើអយុត្តិធម៌កំពុងតែគំរាមគំហែងដល់ផលប្រយោជន៍របស់ខ្លួនគេហើយនុះ ដូចពាក្សស្លោកមួយឃ្លានៅតែពេញនិយមសម្រាប់អ្នកត្រូវគេជិះជាន់ (ទីណាមានការជិះជាន់ ទីនោះត្រូវមានការើបំរាស់)។ អ្នកដែលមិនទាន់ទទួលរងនូវការឈឺចាប់ព្រោះរឿងអយុត្តិធម៌មិនទាន់លងដល់ខ្លួនដូច្នេះចេះតែសំងំសុខនិងមិនរួបរួមជួយគ្នាទាំងនោះទេថែមទាំងរិះគន់អ្នកតវ៉ាទាំងនោះទៀតផង។ ថ្ងៃណាមួយនិងមានរឿងអយុត្តិធម៌មកដល់ខ្លួនហើយអំពាវនាឲ្យគេជួយវិញនោះពិតជាពិបាកហើយពេលនោះ។
កុំចេះតែវិភាគផ្តេសផ្តាសអី (កូនខ្មែរ) អើយ! ដោយសារស្ថានការណ៍ទាំងអស់នេះវាមិនបានកើតឡើង ចំពោះខ្លួនអ្នកឯងផ្ទាល់ទើបមកវិភាគចេញ។ បើសិនជាចាំអោយអាជ្ញាធររកយុត្តិធម៌អោយនោះ មិនដឹងជាស្លាប់ប៉ុន្មានដងទេ ទើបរកឃើញ ហើយបើសិនជាពួកវាចង់ជួយរកយុត្តិធម៌អោយ មិនចាំ បាច់អូសបន្លាយពេលដល់រាប់ឆ្នាំនោះទេ។ និយាយស្តីគ្មានបានប្រយោជន៍!
វន្នី!ស្រ្តីឆ្នើមគ្រប់រូបបាននិងកំពុងនៅជាមួយវីរភាពឥតប្រៀបបានរបស់នាងហើយៗកំពុងតែផុលផុសពុះ
កញ្ជ្រោលប្តូរផ្តាច់ជួយនាងលុះត្រាតែបានទទួលជោគជ័យឆាប់ៗនេះ។សូមវីរភាពស្ត្រី១៣នាក់រួមទាំង
អ្នកបឹងកក់ទាំងអស់ក្លាហានឡើងតស៊ូលុះបានជោគជ័យ។សូមអោយសត្រូវដែលបៀតបៀនដល់
អ្នកបឹងកក់និងអ្នកត្រូវគេរំលោភដីធ្លីផ្ទះសំបែងទាំងអស់ត្រូវវត្ថុសក្តិសិទ្ឋិក្នុងលោកបញ្ជៀសពួកនេះ
អោយឃ្លាតឆ្ងាយពីលោកនេះទៅហោង!
Как происходит?
លោកកូនខ្មែរ៖ ជាធម្មតារាស្រ្តសាមញគាត់មិនទាន់យល់ច្បាស់ពីការកេងចំណេញនយោបាយទេ
ពួកគាត់តែងគិតថានណាមកជួយគាត់ គាត់នឺងគាំទ្រអ្នកនោះ ប៉ុន្តែពូកអ្នកនយោបាយទេដែល
ថោកទាបមិនបានគិតគូពីប្រយោជន៏រាស្រ្តជាធំ ម្នាក់ៗគិតថាអោយតែបានផលប្រយោជន៏បក្ស
ខ្លូននោះខ្លួនធ្វើហើយ បច្វុប្បន្ននេះនណារមិនគិតថាCPPជាគណបក្សដ៏ល្អ នណារមិនដឹងគុណ៧មករា ប៉ុន្តែអ្នកនយោបាយទេដែលឆ្កួត យកផលប្រយោជន៏រាស្រ្តទៅលេងសើច ចុងបំផុតរាស្រ្តទេដែលរង់គ្រោះ,…បើអ្នកនយោបាយទាំងអស់មិនកែចរឹតមាយាទទេចាំមើល៣០ឆ្នាំទៅមុខទៀតតើជាតិខ្មែរប្រែទៅជាអី? អស់លោកអ្នកនយោបាយទាំងអស់នោះមិនដែលរស់លើសពី១០០ឆ្នាំទេ។
អស់លោកអ្នកនយោបាយទាំងអស់គួរតែមនាការពន្យល់ បកស្រាយអោយបានច្បាស់លាស់ដល់
រាស្រ្តប្រជា ចូលចង់ចាំថា៖ចរឹតរាស្រ្តខ្មែរស្រួលពន្យល់ទេ បើយើងពន្យល់អោយគាត់យល់ច្បាស់
ពីច្បាប់ទន្លាប ពីផលប្រយោជន៏ជាតិគាត់ធ្វើហើយ គាត់មិនរារាំងទេ វាលើកលែងតែយើងមិនមាន
ការណ៏ច្បាស់លាស់ជាមួយគាត់។
សូមឱយព្រះជាម្ចាស់ជួយគត់ឱយបានឆាប់ចេញពីគុក មានសុខភាពល្អ្ ហើិយបានជួបគ្រូសារបស់គាត់វិញ។
សង្ឃឹមថាលោកស្រីនឹងមានសេរីភាពចេញពីទីអពមង្គលនោះមិនខាន។ ភាពអយុត្តិធម៌នៃពពួក
ឈ្លើងនៃសង្គមបានខឹតចូលជិតនៃថ្ងៃអន្សារពួកវាហើយ។ ថ្ងៃ៧មករានឹង១៧មេសាវាមិនសូវខុសគ្នាប៉ុន្មានទេ សឹងសុទ្ធតែទមិឡទាំងអស់គ្រាន់មួយមានសាសនាមួយទៀត
គ្មានសាសនា។
ច្បាប់មនុស្សនិងច្បាប់ធម្មជាតិដើរបញ្រ្ចាស់ទិសគ្នាត្រង់បុគ្គល អនុវត្តន៌ច្បាប់ឃ្លេងឃ្លោងតាមទឹកលុយ ម្លោះហើយសូមគិតថា ច្បាប់មិនមែនសុទ្ធតែល្អទាំងអស់ទេ។
ជាការពិតណាស់ រាស្រ្តខ្មែរភាគច្រើននាពេលបច្ចុប្បន្នបានទទួលរងនូវអំពើអយុត្តិធម៌ពីបុគ្គលមួយក្តាប់តូចដែលពួកអ្នកទាំងនោះហាក់បីដូចជាមិនមែនជាខ្មែរ និងមានអំណាចខ្លាំងក្នុងប្រទេសខ្មែរ សូមបងប្អូនគិតទៅមើល តើចរិតខ្មែរបែបនេះឬ? ហេតុអ្វីខ្មែរតែងតែត្រូវគេខ្ចីដៃធ្វើបាបខ្មែរគ្នាឯង? ខ្ញុំសង្កេតឃើញ ពីមួយជំនាន់ទៅមួយជំនាន់ខ្មែរមិនដែលទទួលបានសុខនោះទេ ខ្មែរតែងតែមានបរទេសត្រួតត្រាមិនចេះឈប់ឈរ តាំងពីសម័យអាណានិគមបារាំង, សម័យលន់នល់ដែលអាមេរិកនៅពីក្រោយខ្នង សម័យប៉ុលពតដែលមានចិនជាខ្នងបង្អែក និងសម័យបច្ចុប្បន្នក៏នៅតែមានបរេទសជាអ្នកចង្អុលផ្លូវអោយខ្មែរដើរទៀត បើទោះជាមានឈ្មោះជារដ្ឋអធិបតេយ្យក៏ដោយ ។ ឳ ! ខ្មែរអើយ តើថ្ងៃណាទើបបានរួចផុតពីស្ថានភាពបែបនេះ ?
ឈ្មោះក្រុមអភិវឌ្ឍន៍ជាឈ្មោះជនបរទេស ។ វាមិនគួរអីដែលរដ្ឋា
ភិបាលនេះ ដោយសាតែប្រាក់សូកប៉ាន់ ធ្វើបាបប្រជារាស្រ្តដែល
ជាម្ចាស់ប្រទេសឡើួយ ។ នេះជាបញ្ហាសង្គមដ៏ធម្មតាដែលគួរតែ
មានដំណោះស្រាយងាយស្រួល៖ ជនបរទេសត្រូវបង់ថ្លៃផ្ទះសំបែង
របស់ពលរដ្ឋយ៉ាងសមស្របតាមការចរចាគ្នា ឬក៏ប្រហែលជាក្រុម
អភិវឌ្ឍន៍បរទេសព្រមហើយ តែអាជ្ញាធរចោរមិនព្រម? ព្រោះថា
បើឱ្យសំណងដល់ពលរដ្ឋតាមការចរចាត្រូវគ្នា ប្រាក់សំណូកវាត្រូវ
ចុះថយ? អញ្ចឹងឯងត្រូវតែប្លន់យកតែម្តង ។ វាមិនមែនក្រុមហ៊ុន
បរទេសនោះធ្វើបំពានទេ តែមេរដ្ឋាភិបាលខ្មែរជាអ្នកឱ្យភ្លើងខៀវ ។
កូនខ្មែរ! លោកមិនមែនជាកូនខ្មែរ ប្រាកដនោះទេ លោកជាកូនឆ្កែ ឬកូនយួន។ ប្រមុខដឹកនាំ មិនមានបេះដូងជាខ្មែរដូចលោកហុងនិយាយនោះទេ។
នេះជាគំរូវីរភាពមួយដ័អស្ចារ្យបំផុតមិនគួរឲ្យជឿថាស្រ្តីទន់ខ្សោយខ្មែរម្នាក់ហ៊ានក្រោកឡើងតវ៉ា
ប្រឆាំងនិងការបង្រ្កាបដ័គួរឲ្យរន្ឋត់និងភយ័ខ្លាច សម្ប៉ីបុរសក័មិនហ៊ានធ្វើផង តែបែជាស្រីដែលហ៊ានលះបង់មនោសញ្ចេតនាផ្ទាល់ខ្លួនទៅវិញ គួរឲ្យគោរពនិង សសើរដោយស្មោះ……..!!!
ខ្ញុំពិតជាចូលចិត្តធ្វើសាកាឆាឬឆ្លើយឆ្លងបកស្រាយឬផ្លាស់ប្តូរយោបល់
លើចំណាប់អារម្មណ៏បញ្ហាសង្គមផ្សេងៗ ប៉ន្តែគួរសោកស្តាយដែលវេទិកា
នេះមានជនថោកទាបផ្នែកគតិចូលរួមមតិសុទ្ធតែជាភាសាព្រៃឬអន់ជាង
ភាសាព្រៃទៅទៀត ( សំដីសជាតិ មាយាទសពូជ )មានដូចជា កូនខ្មែរពិត
ស្អីគេនោះជាដើម បើខ្លួនលោកមិនទាន់រំងាប់បាននូវទោសៈមោហៈខ្លួនឯង
ផង លោកឯងទៅដៀលគេ ហើយដាក់កំហុសលើគេ បងប្អូនអ្នកមានចំណេះ
ដឹងគិតទៅតើជាមនុស្សបែបណា ជាអ្វីទៅវិញទៅកុំអាលនិយាយ ច្បាប់ទម្លាប់
ខុសត្រូវឬកុំទៅនិយាយអីផ្សេងនោះ……។ អស់លោកអ្នកអាចមិនយល់ពីគំនិត
ខ្ញុំយោបល់ខ្ញុំ មិនចូលចិត្តទស្សនៈខ្ញុំ ប៉ុន្តែគួរផ្តល់សេចក្តីថ្លៃថ្នូដល់អ្នកដទៃដូច
ផ្តល់តម្លៃឲ្យខ្លួនឯង ។ សូមផ្តាំថាបើចរិកពួកលោកបែបនេះសេចក្តីប៉ងប្រាថ្នាអ្វី
ផ្សេងៗ សូម្បីសន្លឹកឆ្នោតក៏យ៉ាប់ដែរ ។ នេះមិនមែនភាសាបង្កើតសន្តិភាពទេ
ដូច្នេះមានតែពួកអស់លោកប្រឆាំងនឹងហើយដែលប្រាកដណាស់មានគំនិតបង្ករ
អរិយភាពជាតិឯងនោះ ។
កូនខ្មែរពិតស្អីគេនេះ តើលោកជាមនុស្សឬជាសត្វ តើលោកជាអ្នករៀន
ដល់ថ្នាក់ណាដែរ ប៉ុន្តែបើតាមសំដីលោកពិតជាពួកព្រៃសុទ្ធ ស្តាប់សំដី
ពួកប្រឆាំងតិចណាស់ដែលគួរស្តាប់បាន ភាគច្រើនគឺសុទ្ធតែធឺនឹង សុទ្ធ
តែពួកច្រណែនឈ្នានីសមែនស្តាប់សំដីយល់ចិត្តមនុស្ស (សំដីសជាតិ
មាយាទសពូជ ) ជាប្រភេទមនុស្សកែលែងឡើង ។
ហេតុអីបានជាជេរគ្នាទៅ ? ម៉េចមិននិយាយពីខ្លឹមសារ ? ថ្ងៃនេះយើងឃើញដេញគេយើងសើច
តែបើស្អែក គេដេញយើងវិញនឹងទៅជាយ៉ាងណា ? ពួកនេះវាមិនខ្វល់អីទេ ធើម៉េចឲ្យតែពួកវាស្រួលតែប៉ុណ្ណោះ…………….
លោកកូនខ្មែរ និងលោកកូនខ្មែរពិត៖ កុំឆាប់ខឹង កុំច្រទ្បោតអី រក្សាចឹត្តអោយនឺងនរ វិទ្យាសាស្រ្តឥទ្បូវគេរកឃើញថា កាលណាក្នុងខ្លូនមនុស្សមានស្ត្រិសដែលកើតមកពីការឆេវឆាវ ការឆាប់ខឹង នោះនាំអោយមានជំងឺមហារីក ខ្លួនខ្ញុំពេលខ្លះក៏ឆាប់ខឹងដែរ,…ឃើញគំរូល្អរបស់ស្តេចជ៏យវរម្មន័ទី៧គាត់ធ្វើសមាធិ វិជ្ជានេះនាំអោយមនុស្សយើងមានអារម្មណ៏ស្ងប់ល្អ ខ្ញុំមិនដឹងថាវិជ្ជាសមាធិនេះទៅរៀននៅទីណា? ហើយយើងគួរតែរៀនសូ្រត។បើលោកទាំងពី ឬអស់លោកណាផ្សេងដឹងការរៀនសូត្រវិជា្ជនេះនៅទីណាសូមប្រាប់ខ្ញុំបាទផង សូមអរគុណទុកជាមុន។
ផ្លូវមានតែមួយគត់គឺនាំគ្នាបះបោលផ្តួលរំលំរបប៧មករាចោលទៅទើបសង្គមខ្មែរបានសុខនិងជៀស ផុតពីខ្ញុំកញ្ជះយួន។ ថ្ងៃជោគជ័យនៃ១៧មេសានិង៧មករាមិនខុសគ្នាទេ គ្រាន់តែថាថ្ងៃ១៧មេសាវា សំលាប់មនុស្សដោយផ្ទាល់ ហើយថ្ងៃ៧មករាវាសំលាប់មនុស្សដោយប្រយោលដូចជាអ្នកភូមិបឹងកក់ ជាដើមគឺវាសំលាប់មនុស្សដោយបញ្តេញប្រជាជនចេញពីផ្ទះនិងអត់អាហារហើយស្លាប់ដូច១៧មេសា