ដោយ ផន រីណា
2012-06-20
វិទ្យុអាស៊ីសេរី
អតីតទាសករខ្មែរមួយរូបបានទទួលរង្វាន់កិត្តិយសដ៏ឆ្នើមមួយពីក្រសួងការបរទេសសហរដ្ឋអាមេរិក។
អតីត ជន រង គ្រោះ នៃ ការ ជួញដូរ កម្លាំង ពលកម្ម លោក ព្រហ្ម វណ្ណៈ អាណន្ត (ឆ្វេង) ទទួល រង្វាន់ ពី អ្នកស្រី រដ្ឋមន្ត្រី ក្រសួង ការបរទេស សហរដ្ឋ អាមេរិក ហ៊ីលឡារី គ្លិនតុន (Hillary Clinton) នា ក្រសួង ការបរទេស សហរដ្ឋ អាមេរិក កាល ពី ថ្ងៃ ទី ១៩ មិថុនា ឆ្នាំ ២០១២។ (RFA)
រង្វាន់កិត្តិយសដែលសហរដ្ឋអាមេរិក ផ្ដល់អោយទៅសកម្មជនប្រឆាំងនឹងការជួញដូរមនុស្សពីប្រទេសចំនួន ១០ រួមទាំងកម្ពុជាផងនោះ មានឈ្មោះថា «រង្វាន់សម្រាប់អ្នកក្លាហានដែលធ្វើសកម្មភាពលុបបំបាត់អំពើទាសភាពសម័យទំនើបឆ្នាំ២០១២ (2012 Hero-Acting-to End- Modern –Day Slavery Award)»។
ព្រហ្ម វណ្ណៈ មានទីលំនៅក្នុងខេត្តពោធិ៍សាត់ គឺជាអតីតជនរងគ្រោះនៃការជួញដូរកម្លាំងពលកម្មនៅលើទូកនេសាទថៃ ពីឆ្នាំ២០០៦ ដល់ឆ្នាំ២០០៩។
នៅរសៀលថ្ងៃអង្គារ ទី១៩ មិថុនា ឆ្នាំ២០១២ លោក ព្រហ្ម វណ្ណៈ អាណន្ត បានចូលខ្លួនមកទទួលរង្វាន់កិត្តិយសជាវីរបុរសផ្នែកប្រឆាំងការជួញដូរមនុស្ស ដែលបានផ្ដល់ដោយផ្ទាល់ដៃពីរដ្ឋមន្ត្រីក្រសួងការបរទេសសហរដ្ឋអាមេរិក អ្នកស្រី ហ៊ីលឡារី គ្លិនតុន (Hillary Clinton)។
ក្រោយពីទទួលបានរង្វាន់ អតីតកម្មករចំណាកស្រុក និងជាអតីតទាសករលើទូកនេសាទថៃ លោក ព្រហ្ម វណ្ណៈ សំដែងទឹកមុខរីករាយ ហើយថ្លែងថា លោករំភើបណាស់ ព្រោះជាលើកដំបូងសម្រាប់ជីវិតលោក ដែលធ្លាប់តែជួបប្រសព្វតែការលំបាកវេទនា ឥឡូវនេះបានមកទទួលរង្វាន់ពិសេសហុចដោយផ្ទាល់ដៃពីមេដឹកនាំអាមេរិកជាន់ខ្ពស់មួយរូប។
លោក ព្រហ្ម វណ្ណៈ បានចាញ់បោកមេខ្យល់ ហើយបានធ្លាក់ខ្លួនទៅធ្វើការ និងជាទាសករនៅលើទូកនេសាទ អស់រយៈពេល ៣ឆ្នាំ ទើបលោកអាចរត់គេចខ្លួនពីទេសភាពនេះបាន។ ក្នុងយុទ្ធនាការប្រឆាំងនឹងការជួញដូរមនុស្ស និងបង្ហាញពីបទពិសោធន៍លំបាករបស់លោក លោក ព្រហ្ម វណ្ណៈ បានគូរគំនូររៀបរាប់ពីប្រវត្តិទុក្ខលំបាករបស់លោក ពេលធ្វើការនៅលើទូកនេសាទថៃ។
នេះជារង្វាន់មួយដែលក្រសួងការបរទេសសហរដ្ឋអាមេរិក បានផ្ដល់ក្នុងឱកាសបង្ហាញពីរបាយការណ៍ស្ដីពីការជួញដូរមនុស្សនៅក្នុងប្រទេសចំនួន ១៨៦ប្រទេសសម្រាប់ឆ្នាំ២០១២ នេះ។
ក្នុងពិធីនេះមានវីរជនចំនួន ១០នាក់ ដែលបានមកទទួលរង្វាន់។ ក្នុងចំណោមអ្នកទាំង ១០នាក់នោះ សុទ្ធតែជាមន្ត្រី ឬសកម្មជនដែលមានស្នាដៃក្នុងការងារប្រឆាំងនឹងការជួញដូរមនុស្ស មានតែលោក ព្រហ្ម វណ្ណៈ ម្នាក់ប៉ុណ្ណោះ ជាជនរងគ្រោះមកពីប្រទេសកម្ពុជា ព្រោះលោកមានស្នាដៃក្នុងការគូរគំនូររៀបរាប់ពីបទពិសោធន៍ដ៏ជូរចត់របស់លោកនៅលើទូកនេសាទថៃ រយៈពេលជាងបីឆ្នាំ។
ថ្លែងប្រាប់អ្នកយកព័ត៌មានវិទ្យុអាស៊ីសេរី លោក ព្រហ្ម វណ្ណៈ បានអំពាវនាវផ្ដាំផ្ញើដល់បងបងប្អូនខ្មែរឲ្យមានការប្រុងប្រយ័ត្ន កុំចាញ់បោកគេ៖ «មុនទៅត្រូវគិតពិចារណាឲ្យបានដិតដល់ កុំឲ្យដូចខ្ញុំ។ ដោយសារគិតខ្លីហ្នឹងហើយបានខ្ញុំធ្លាក់ក្នុងការជួញដូរដ៏លំបាកបំផុតនៅលើទូកនេសាទអស់រយៈពេលជាង ៣ឆ្នាំ…»។
លោក ព្រហ្ម វណ្ណៈ អោយដឹងថា លោកនឹងបន្តចូលរួមប្រឆាំង និងលុបបំបាត់អំពើជួញដូរមនុស្សតាមរយៈថ្វីដៃគូរគំនូររបស់លោក តាមតម្រូវការរបស់អង្គការ និងស្ថាប័ននានា៕
កំណត់ចំណាំចំពោះអ្នកបញ្ចូលមតិនៅក្នុងអត្ថបទនេះ៖ ដើម្បីរក្សាសេចក្ដីថ្លៃថ្នូរ យើងខ្ញុំនឹងផ្សាយតែមតិណា ដែលមិនជេរប្រមាថដល់អ្នកដទៃប៉ុណ្ណោះ។
ពិតជាគួឲ្យមានមោទនៈភាពណាស់ដែលគាត់ជាខ្មែរធ្លាប់តែជាទាសករបានទទួលរង្វាន់ដ៍អស្ចារ្យមួយនេះ។
congradulation
សូមសរសើប្អូនប្រុស ដែលជាទាសករ ហើយក្លាយជាមនុស្សម្នាក់ល្បីទទួលស្គាល់ជាអន្តរជាតិ សូមប្អូនបន្តចិត្តអំណត់និងពោះពាដើម្បីការពារប្រជាជនយើងក្រីក្រតទៅទៀត ។
បន្លារក្នុងកែវភ្នែកក្រុមមួយនោះ កើតឡើងម្នាក់ទៀតហើយ។
សុំជួយអបអរសាទរដែលប្អូនបានទទួលរង្វាន់នេះ!
គ្រាន់បើជាងហ៊ុន តូ….
សូមសសើដោយស្មោះ
បទពិសោធន៏ក្នុងការលំបាកលំបិនបំផុតក្នុងជីវិតបានជាទទួលនូវកិត្តិយសដ៏ឧត្តមសំរាប់ជីវិតនិងជា
កិត្តិយស ដល់ជាតិ។ តែអ្នកដេកស៊ីខ្ជិលច្រអូសលួយជាតិនិងរកឱកាសកឹមកេងដើម្បីបន្លំរដ្ឋ ជាជំងឺមហារីកដ៏អាក្រក់បំផុត កំពុងតែបំផ្លាញខ្មែរ។ អាជំងឺនេះវាកំពុងដុះដាលយ៉ាងខ្លាំងក្នុងចំណោមខ្មែរអ្នកនយោបាយក្នុងស្រុកនិង ពូកមួយចំនូនធំ ដែលសាសន៍ខ្មែរអាមេរិក,ខ្មែរបារាំង។ សូមថ្លែងអំណរគុណយ៉ាងអនែកដល់ប្អូន ព្រហ្មវណ្ណៈ អាណន្ត ដែលមានបានទទូលកិត្តិយសដ៏មហាប្រសើរនេះ។
កាលណាបានសម្ដេចតេជោ ទទួលពាន្ដរង្វាន់ ព្រេាះគាត់ជាទាសកររបស់យួនដែរ ????
ជូនពរអោយលោកនឹងក្រុមក្រួសារទទួលតែសេចក្តីសុខ នឹងរស់នៅក្នុងប្រទេសដែលពោរពេញដោយសន្តិភាពនេះ!!
My Hero!
ខ្ញុំសូមគាំទ្រលោកព្រទ្ធាចារ្យ ពិតជាខ្លីហើយមានខឹមសារល្អណាស់
លទ្ធផលដែលបណ្តាលឲ្យលោកក្លាយជាទាសករបែបនេះមកពីកំហុសរបស់ហ៊ុនសែនដែលជា រដ្ឋាភិបាលចិញ្ចឹមសេដ្ឋកិច្ចយួន ពុករលួយលុយជាតិរាប់លានដុល្លាយកទៅចញ្ចឹមយួនរហូតមក ដល់សព្វថ្ងៃ ព្រោះដោយសារតែហ៊ុនសែនដឹងគុណយួនជួយលើកបន្តុំឲ្យហ៊ុនសែនធ្វើធំ។ ពិតជាគួរ ឲ្យគោរពណាស់ដែលលោកជាអ្នកទាសករម្នាក់និងក្លាយជាវីរៈបុរសកិត្តិយសបែបនេះ កាយវិការនេះ គឺមានតម្លៃថ្លៃជាងហ៊ុនសែននិងបក្សពួរបស់ហ៊ុនសែនឆ្ងាយណាស់ដែលមិនចេះបើកភ្នែកមើលពី ទុក្ខលំបាករបស់ប្រជាជនខ្លួន។
សូមកោតសរសើរចំពោះលោក ព្រហ្ម វណ្ណៈ ក្នុងនាមជាពលរដ្ឋខែ្មរម្នាក់ ។ សូមលោក និងក្រុមគ្រួសារ
ទទួលបានជោគជ័យក្នុងជិវិត។
នេះគឺជាគំរូល្អដល់យុវជនខែ្មជំនាន់ក្រោយ! ការដែលធ្វើទង្វើរល្អវាពិបាកដូច្នេះ ! ជិវិតគឺជាការតស៊ូ តែង
តែសង្ឃឹមក្នុងជិវិតជានិច្ច កុំថយក្រោយ!!!
Congratulations !!!! ,