ថ្ងៃទី 23 មិថុនា 2012
ដោយ: សោភ័ណ
CEN
ភ្នំពេញ: បើប្រៀបធៀបបរិមាណកំណកជាប់ធ្មេញនៅនឹងអ្នកបានស្លាប់ ពួកអ្នកស្រាវជ្រាវរកឃើញថា អ្នកទាំងនេះមានបរិមាណកំណកធ្មេញច្រើនជាងឆ្ងាយប្រៀបនឹងអ្នកនៅរស់។
ពួកអ្នកវិទ្យាសាស្ត្រនៅវិទ្យាស្ថាន Karolinska (ស៊ុយអ៊ែត) និងមហាវិទ្យាល័យ Helsinki (ហ្វាំងឡង់) បានព្រមានថា ពួកអ្នកមានកំណកជាប់ធ្មេញច្រើន អាចមានការប្រឈមឆាប់ស្លាប់ដោយសារជំងឺមហារីកជាង៨០ភាគរយ ធៀបនឹងអ្នកមានតិច។
អ្នកស្រាវជ្រាវ Birgitta Soder នៅវិទ្យាស្ថាន Karolinska និងសហសេវិក បាន ជ្រើសរើសដោយចៃដន្យអ្នកចូលរួមស្រាវជ្រាវ១.៣៩០នាក់ ចាប់ផ្តើមពីឆ្នាំ១៩៨៥ ។ពួកអ្នកស្ម័គ្រចិត្តទាំងអស់នេះសុទ្ធតែត្រូវបានពិនិត្យធ្មេញ។ បរិមាណកំណកជាប់ធ្មេញ, ជំងឺធ្មេញ, កាចាធ្មេញនិងធ្មេញត្រូវដករបស់ពួកគេ សុទ្ធតែត្រូវបានកត់ត្រា។ ពួកគេនៅ ត្រូវអូសចូលក្នុងតារាងសំណួរព័ត៌មានលម្អិតអំពីបណ្តាសកម្មភាពអាចបង្កឥទ្ធិពលដល់គ្រោះថ្នាក់មហារីក ឧទាហរណ៍ដូចជាជក់បារី។ ក្រោយរយៈពេល២៤ឆ្នាំ លទ្ធផលស្រាវជ្រាវបង្ហាញថា មាន ៤,២ភាគរយនៃអ្នកចូលរួមស្រាវជ្រាវស្លាប់ដោយសារជំងឺមហារីក។ អ្នកទាំងនេះសុទ្ធតែមានបរិមាណកំណកជាប់ធ្មេញខ្ពស់ជាងពីអ្នកនៅរស់។
ការពាក់ព័ន្ធរវាងអាយុ និងជំងឺមាត់ធ្មេញនេះនៅខ្លាំងក្លាជាងទៀត សូម្បីតែក្រោយពេលពួកអ្នកស្រាវជ្រាវបានគិតដល់បណ្តាកត្តាអាចមានឥទ្ធិពលដល់គ្រោះថ្នាក់កើតមហារីកនិងសុខភាពមាត់ធ្មេញ ដូចជាជក់បារី កម្រិតប្រាក់ចំណូលនិងអប់រំ។
មុននេះ, Soder ធ្លាប់រកឃើញថា ស្ត្រីដែលមានកំណកជាប់ធ្មេញច្រើន មានលទ្ធភាពកើតមហារីកសុដន់ខ្ពស់ជាង។ មូលហេតុ អាចដោយសារអាការៈហើមរលាក ។ ពេលបាក់តេរីលេចឡើងក្នុងមាត់និងបង្កើតជាកំណក, សរីរាង្គនឹងរំញោចសកម្មភាពប្រព័ន្ធអង្គបដិបក្ខ នាំអង់ហ្ស៊ីមនិងសារជាតិផ្សេងៗចូលក្នុងឈាម ។ប្រការនេះធ្វើឱ្យកោសិកាងាយត្រូវរបួសបំបែកចេញដោយគ្រោះថ្នាក់កកើតជាដុំគីស៕S