ថ្ងៃទី 23 មិថុនា 2012
ដោយ: លីនណា
CEN
ភ្នំពេញ: ការិយាល័យអ្នកនាំពាក្យគណបក្សហ្វ៊ុនស៊ិនប៉ិច នៅថ្ងៃទី២៣ ខែមិថុនា ឆ្នាំ២០១២ បានចេញសេចក្ដីប្រកាសបញ្ជាក់ពីការមិនរួបរួមគ្នារវាងគណបក្សរាជនិយមពីរ ដោយបានលើកឡើងថា លោក ញឹក ប៊ុនឆៃ មិនមែនជាអ្នកប្រកាសបញ្ចប់ដំណើរការបង្រួបបង្រួមគ្នានោះទេ តែសម្ដេចក្រុមព្រះទេ ដែលជាអ្នកប្រកាសថា ការបង្រួបបង្រួមគ្នានេះត្រូវបញ្ចប់។ ដូច្នេះ សម្ដេចក្រុមព្រះ ជាអ្នកធ្វើឲ្យបរាជ័យក្នុងការបង្រួបបង្រួមអ្នករាជានិយម។
សេចក្ដីប្រកាសព័ត៌មាន បានលើកឡើងថា សម្ដេចក្រុមព្រះ នរោត្តម រណឫទ្ធិ ប្រធានគណបក្សនរោត្តម រណឫទ្ធិ នៅក្នុងសន្និសីទសារព័ត៌មានមួយ នៅដំណាក់របស់ព្រះអង្គ ចុះថ្ងៃទី១៩ ខែមិថុនា ឆ្នាំ២០១២ ដែលបានចោទប្រកាន់ដ៏អយុត្តិធម៌មកលើ លោក ញឹក ប៊ុនឆៃ ថា ជាអ្នកបញ្ចប់ការបង្រួបបង្រួម គណបក្សរាជានិយមទាំងពីរ។
សេចក្ដីប្រកាសព័ត៌មានរបស់ការិយាល័យអ្នកនាំពាក្យ គណបក្សហ្វ៊ុនស៊ុនប៉ិច បានបង្ហាញពីការឆ្លងឆ្លើយរវាងគណបក្សទាំងពីរ ដូចមានខាងក្រោម៖
១. យោងលិខិតរបស់ ឯកឧត្តម ញឹក ប៊ុនឆៃ លេខ ១១៤សហប/១២ ចុះថ្ងៃទី១១ ខែមិថុនា ឆ្នាំ២០១២ ផ្ញើថ្វាយសម្ដេចក្រុមព្រះនរោត្តម រណឫទ្ធិ បានបញ្ជាក់ថា ដើម្បីជំរុញឲ្យការបង្រួបបង្រួមនេះ ប្រព្រឹត្តទៅបានលទ្ធផលជាវិជ្ជមាន និងឆាប់រហ័ស ខ្ញុំស្នើសុំឲ្យគណៈកម្មការចំពោះកិច្ច ជួបពិភាក្សាគ្នាស៊ីជម្រៅលើបញ្ហាបច្ចេកទេស ចាប់ពីថ្ងៃទី១២ ខែមិថុនា ឆ្នាំ២០១២ តទៅរួចដាក់ ជូនថ្នាក់ដឹកនាំគណបក្សទាំងពីរ នៅថ្ងៃអាទិត្យ ទី១៧ ខែមិថុនា ឆ្នាំ២០១២ ដើម្បីសម្រេចចុងក្រោយសម្រាប់រៀបចំសមាជវិសាមញ្ញ។
២. យោងលិខិតឆ្លើយតបរបស់សម្ដេចក្រុមព្រះ នរោត្តម រណឫទ្ធិ ចុះថ្ងៃទី១២ ខែមិថុនា ឆ្នាំ២០១២ ឃើញថា ការងារដំណើរការពិនិត្យលើពង្រាងលក្ខន្តិកៈបទបញ្ជាផ្ទៃក្នុង នឹងឈានទៅធ្វើសមាជវិសាមញ្ញនេះ ត្រូវអូសបន្លាយ ដែលពុំអាចកំណត់ពេលវេលាបានជាក់លាក់ទេ។
៣. លោក ញឹក ប៊ុនឆៃ ប្រធានប្រតិបត្តិគណបក្សហ្វ៊ុនស៊ិនប៉ិច បានផ្ដល់ព័ត៌មាននៅថ្ងៃទី១៦ ខែមិថុនា ឆ្នាំ២០១២ តាមការសាកសួររបស់សារព័ត៌មានដើមអម្ពិល ដែលជាអ្នកតាមដានការរួមបញ្ចូលគ្នានេះ និងការផ្ដល់ព័ត៌មាន ចំពោះសារព័ត៌មានរស្មីកម្ពុជា បានចុះផ្សាយនៅថ្ងៃទី១៦ ខែមិថុនា ឆ្នាំ២០១២ ឯកឧត្តម បានមានប្រសាសន៍ប្រាប់សារព័ត៌មានទាំងពីរថា ការរៀបចំបញ្ចូលគ្នានេះ អាចត្រូវអូសបន្លាយ ដែលមិនអាចកំណត់ពេលវេលាបាន។ ចំពោះបញ្ហាបង្រួបបង្រួមនេះ បើហួសពីខែសីហា ឆ្នាំ២០១២ នឹងត្រូវផ្អាកមួយរយៈសិន ដោយសារការរៀបចំបញ្ចូលគ្នាជាក់ស្ដែងនៅមូលដ្ឋាន យើងមិនអាចធ្វើបាន ត្រូវការពេលវេលាច្រើនទៀត។ ហើយលោក ញឹក ប៊ុនឆៃ ពុំបានប្រកាសបញ្ចប់ការរួបរួមបញ្ចូលគ្នានេះទេ។
៤. លោក ញឹក ប៊ុនឆៃ បានឲ្យអ្នកជិតស្និតជាមួយគាត់ម្នាក់ ដែលធ្លាប់បានឲ្យទៅទាក់ទងផ្ទាល់ជាមួយសម្ដេចក្រុមព្រះ នរោត្តម រណឫទ្ធិ ទាក់ទងតាមទូរស័ព្ទទៅសម្ដេចក្រុមព្រះ ត្រូវបានអ្នកកាន់ទូរស័ព្ទព្រះអង្គប្រាប់ថា ព្រះអង្គកំពុងផ្ទុំ ចាំលោកភ្ញាក់គេទាក់ទងមកវិញ។ ប៉ុន្តែការរង់ចាំ គឺរង់ចាំរហូតគ្មានចម្លើយ ហើយនៅថ្ងៃទី២ អ្នកជិតស្និតជាមួយលោក ញឹក ប៊ុនឆៃ ក៏បានទាក់ទងម្ដងទៀត ជាមួយខុទ្ទកាល័យរបស់ព្រះអង្គ ខុទ្ទកាល័យបានឆ្លើយថា ចាំគេទូលព្រះអង្គជូន ហើយក៏បាត់ដំណឹងឈឹងរហូតមក។
៥. ថ្ងៃទី១៦ ខែមិថុនា ឆ្នាំ២០១២ គណបក្សនរោត្តម រណឫទ្ធិ បានចេញសេចក្ដីបញ្ជាក់បំភ្លឺមួយត្រង់ចំណុចទី៣ ដែលបានលើកឡើងថា ប្រសាសន៍របស់លោក ញឹក ប៊ុនឆៃ លើកឡើងអំពីការផ្អាក អំពីដំណើការបង្រួបបង្រួមគ្នានេះថា ប្រសាសន៍របស់លោក ញឹក ប៊ុនឆៃ នេះ ជាប្រសាសន៍ផ្ទាល់ខ្លួន តែម្នាក់ឯងគត់ នេះគឺជាការពិតមិនមែនគោលជំហរ របស់គណបក្សហ្វ៊ុនស៊ិនប៉ិចទេ។
៦. លោក ញឹក ប៊ុនឆៃ បានទទួលព័ត៌មានពីថ្នាក់ដឹកនាំជាន់ខ្ពស់គណបក្សនរោត្តម រណឫទ្ធិមួយរូប ដែលបានលើកឡើងថា ការបង្រួបបង្រួមគ្នានេះ គណបក្សនរោត្តម រណឫទ្ធិ នឹងទាមទារឲ្យបែងចែកការរៀបចំរចនាសម្ព័ន្ធ ហាសិបភាគរយ (៥០%)ម្នាក់ទាំងថ្នាក់ជាតិ និងថ្នាក់មូលដ្ឋានដូចពីមុន បើមិនបានទេ សម្ដេចក្រុមព្រះ នរោត្តម រណឫទ្ធិ មិនទាន់អស់ច្រកទេ គឺព្រះអង្គអាចទៅរួមជាមួយគណបក្សប្រឆាំង ជាកម្លាំងមួយដ៏ធំប្រឆាំងរាជរដ្ឋាភិបាល។ ចំណុចត្រង់នេះ គណបក្សនរោត្តម រណឫទ្ធិ ចង់ទៅរួមជាមួយបក្សប្រឆាំងនេះ ជាចំណុចមួយដែលគណបក្សហ្វ៊ុនស៊ិនប៉ិច មិនអាចទទួលយកបានទេ ពីព្រោះគណបក្សហ្វ៊ុនស៊ិនប៉ិច នៅក្នុងរាជរដ្ឋាភិបាលចម្រុះ ជាមួយគណបក្សប្រជាជនកម្ពុជា។ ដូច្នេះ បញ្ហានេះគណបក្សហ្វ៊ុនស៊ិនប៉ិច ត្រូវការឲ្យគណបក្សនរោត្តម រណឫទ្ធិ បញ្ជាក់ឲ្យបានច្បាស់លាស់តែប៉ុណ្ណោះ។
សេចក្ដីប្រកាសព័ត៌មាន បញ្ជាក់ថា “សរុបសេចក្ដីមក គឺមិនមែនលោក ញឹក ប៊ុនឆៃ ជាអ្នកប្រកាសបញ្ចប់ដំណើរការបង្រួបបង្រួមគ្នានេះទេ គឺលោកចង់ឲ្យមានការបង្រួបបង្រួមគ្នានេះ ធ្វើឲ្យបានឆាប់រហ័សតែប៉ុណ្ណោះ។ ផ្ទុយទៅវិញគឺសម្ដេចក្រុមព្រះនរោត្តម រណឫទ្ធិ ទេ ដែលជាអ្នកប្រកាសនៅក្នុងសន្និសីទសារព័ត៌មាននៅតំណាក់ព្រះអង្គថា ការបង្រួបបង្រួមគ្នានេះ ត្រូវបញ្ចប់។ ដូច្នេះ សម្តេចក្រុមព្រះទេ ដែលជាអ្នកធ្វើឲ្យបរាជ័យក្នុងការបង្រួបបង្រួមអ្នករាជានិយមនេះ”។
ដោយឡែកលោក ប៉ែន សង្ហា អ្នកនាំពាក្យគណបក្សនរោត្តម រណឫទ្ធិ បានមានប្រសាសន៍ចោទប្រកាន់លោក ញឹក ប៊ុនឆៃ ប្រធានប្រតិបត្តិគណបក្សហ្វ៊ុនស៊ិនប៉ិច គឺជាដើមចមធ្វើឲ្យមានការបែកបាក់ជាថ្មី លើគម្រោងបង្រួបបង្រួមរវាងគណបក្សហ្វ៊ុនស៊ិនប៉ិច និងគណបក្សនរោត្តម រណឫទ្ធិ នាពេលខាងមុខ។
អ្នកនាំពាក្យរូបនោះ បានបញ្ជាក់ថា “កាលពីថ្ងៃទី១៥ ខែមិថុនា លោក ញឹក ប៊ុនឆៃ គាត់បានប្រកាសជាអត្តនោម័ត ជាឯកតោភាគី ក្នុងនាមបុគ្គលរបស់គាត់ ប្រកាសធ្វើការផ្អាក នៃការពន្យារពេលធ្វើសមាជ។ គាត់ថា បើសិនមិនអាចធ្វើសមាជនៅខែ៧-៨ បានទេ សមាជរួបរួមត្រូវផ្អាក នេះហើយជាហេតុផលដំបូង ដែលនាំឲ្យមានបញ្ហាកើតឡើង។ មួយទៀតបញ្ហាកើតឡើង គាត់និយាយជាមួយសារព័ត៌មាន ដែលសម្ដេចក្រុមព្រះនរោត្តម រណឫទ្ធិ និងគណបក្ស នរោត្តម រណឫទ្ធិ គ្មានជំហរពិតប្រាកដ អំពីនយោបាយនៃគណបក្សហ្វ៊ុនស៊ិនប៉ិច ក្រោយការរួបរួម ការលើកឡើងរបស់គាត់នេះ ជាការលើកឡើងមិនពិត”។
លោក ប៉ែន សង្ហា បានបញ្ជាក់បន្តថា “សម្ដេចក្រុមព្រះនរោត្តម រណឫទ្ធិ មិនដែលមានជំហរណាមួយ វិលទៅរកបក្សប្រឆាំងទេ ក៏ប៉ុន្តែលោក ញឹក ប៊ុនឆៃ បាននិយាយថា សម្ដេចក្រុមព្រះនរោត្តម រណឫទ្ធិ មានបំណងដឹកនាំហ្វ៊ុនស៊ិនប៉ិច ទៅរួមជាមួយបក្សប្រឆាំង។ នេះជាលើឡើងមួយដោយមិនមានការពិត ហើយជាការបង្ខូចកេរឈ្មោះ សម្ដេចក្រុមព្រះនរោត្តម រណឫទ្ធិ ថែមទៀត ដែលនេះជាបុព្វហេតុចម្បង នាំឲ្យមានភាពបរាជ័យ នៃការច្របាច់បញ្ចូលគ្នានៃគណបក្សទាំងពីរ ក្រោមឈ្មោះហ្វ៊ុនស៊ិនប៉ិចតែមួយ”៕
ទាំងពីរក្បាលហ្នឹងគ្មានលក្ខណៈសម្ប័ទគ្រប់គ្រាន់សម្រាប់
ធ្វើជាអ្នកដឹកនាមខ្មែរបានទេ!
Both of them receive grade F.
បើគណៈបក្សហ្វ៊ុនស៊ុនបិុចមាននិន្នាការនយោបាយសុីចង្វាក់ជាមួយគណៈបក្សប្រជាជនហើយ ម្តេចក៍មិនរំលាយខ្លួនបញ្ចូលជាមួយគណៈបក្សប្រជាជនទៅ ដើម្បីបង្កើនការឯកភាពគ្នារបស់អ្នកគាំទ្រ?
រំលាយទាំងពីរទៅ ដើម្បីជាតិ តែបំណងប្រជារាស្រ្ត សូមយាងព្រះអង្គសម្តេចក្រុមព្រះ មកធ្វើជាប្រធានកិត្តិយស នៃគណបក្ស សម្ព័ន្ធសម រង្ស៊ី សិទិ្ធមនុស្ស បើព្រះអង្គចង់បម្រើជាតិ រំដោះប្រទេសពីកញ្ជះបរទេស សូមទ្រង់យាង កុំព្រះអល់ព្រះអែក៕
មិនបាច់នាំគ្នារួមចិត្តគំនិតរកវិធីសាស្រ្តកសាងប្រទេសជាតិ
បង្កើនសេដ្ឋកិច្ចកាត់បន្ថយភាពក្រីក្រនាំតែលំបាកធ្វើអី !
បើរវល់តែរៀបចំគណបក្ស ប្រមូលគ្នាមកប្រជុំ គិតតែកសាង
បក្ស ៗ ៗ ដល់ថ្ងៃស្លាប់ ទៅវិញកសាងបក្សមិទាន់ស្រួលផង
តើបក្សណាមួយអាចដឹកនាំវិស័យកសិកម្មបានជោគជ័យ
អ្នកស្រែបានសុខស្រួល ព្រោះគ្មានអ្នកអ្នកនាំធ្វើ
គ្មានទុនគ្មានថវិការ គ្មានទីផ្សារ គ្មានរោងចក្រកែច្នៃ
នាំគ្នារវល់តែបោកប្រាស់រកសំលេងឆ្នោត ១០០ឆ្នាំ
ទៅមុខទៀត អ្នកក្រប្រហែលមិនពិបាករាប់ទេ ។
អ្នកធ្វើនយោបាយប្រហែលក្រមុនគេ ព្រោះភូតគេលែង
ជឿតើរកលុយឯណាបាន ?
មុខថ្នាក់អ្នកដឹកនាំខ្មែរមួយណាក៏ដួចតាគា្នបេីសិនដេីរជួបពេលថ្ងៃនៅមានពិចារ្យណាបន្តិច
ជួបពេលយប់វិញខ្ញុំផាយមិនងាកក្រោយឡើយ
មុខមាត់ញឹកប៉ុនឆៃមិនមានហុងសុយធ្វើធំអីនោះទេ កុំខំប្រឹងពេក។ បើទៅបំរើខាងវិស័យយោធាទើបទៅរួចខ្លះ។
មុខនេះបេីធើយេាធាអេាយឈរថើបគ្រាប់អាទារីទើបសំ