ថ្ងៃទី 25 មិថុនា 2012
ដោយ: សមុទ្រ
CEN
បុរសជនជាតិអង់គ្លេសវ័យចំណាស់ម្នាក់ បានស្លាប់លើសាឡុង ដោយសារជំងឺរ៉ាំរ៉ៃ
ព្រះសីហនុ: បុរសជនជាតិអង់គ្លេសវ័យចំណាស់ម្នាក់ បានស្លាប់លើសាឡុង នៅក្នុងបន្ទប់ផ្ទះជួលមួយកន្លែង ស្ថិតក្នុងក្រុម៥ សង្កាត់លេខ២ ក្រុងព្រះសីហនុ កាលពីថ្ងៃទី២៤ ខែមិថុនា ឆ្នាំ២០១២។
ប៉ូលិសនិយាយថា ជនរងគ្រោះស្លាប់នោះមានឈ្មោះ EDWARD BROWN ជនជាតិអង់គ្លេស កើតឆ្នាំ១៩៣៩ កាន់លិខិតឆ្លងដែនលេខ70676521 បានមកជួលផ្ទះស្នាក់នៅជិតដប់ឆ្នាំកន្លងមកហើយ។
ប៉ូលិសបន្តថា ជនរងគ្រោះគាត់មានអាការៈជំងឺរ៉ាំរ៉ៃ ដោយបានកាត់ជើងមួយចំហៀងត្រឹមជង្គង់ទៀតផង ដោយសង្ស័យថា គាត់មានជំងឺទឺកនោមផ្អែមរ៉ាំរ៉ៃ និងចាស់ជរា។
ជំហានដំបូងក្រុមកោសល្យពិច័យបានធ្វើការសន្និដ្ឋានថា ស្លាប់ដោយជំងឺប្រចាំកាយរ៉ាំរ៉ៃ។
បច្ចុប្បន្នសាកសពត្រូវបានប៉ូលិសរៀបចំទុកដាក់ឲ្យស្ថានទូត ដឹកយកទៅស្រុកកំណើតវិញ៕ S