ថ្ងៃទី 6 កក្កដា 2012
ដោយ: លីនណា
CEN
ភ្នំពេញ: នៅក្នុងវិស័យសិល្បៈ យើងឃើញថា មានគូស្នេហ៍ជាអ្នកសិល្បៈជាច្រើនគូ បានចាប់ដៃគ្នាកសាងគ្រួសារជាមួយគ្នា។ តួយ៉ាងនៅថ្ងៃនេះ យើងសូមលើកយកនូវទស្សនៈផ្ទាល់ខ្លួនរបស់សិល្បករពីររូប ដែលមានកូន ថាតើអ្នកសិល្បៈចង់ឲ្យកូនៗរបស់គេក្លាយជាអ្នកសិល្បៈដូចគេ ឬក៏មិនចង់?
សម្រាប់គូស្នេហ៍សិល្បៈ លោក សាពូន មីដាដា និងអ្នកនាង សឿ សុធារ៉ា បានរៀបការអំឡុងឆ្នាំ២០០៩ មកដល់ពេលនេះ ពួកគេបានទទួលបានលទ្ធផលជីវិត គឺមានបុត្រីម្នាក់ ដែលមានអាយុជាង ១ខួប ហើយលោក សាពូន មីដាដា បាននិយាយឲ្យដឹងថា កូនរបស់គាត់ហាក់ដូចជាមានទំនោរទៅរកសិល្បៈដូចរូបលោក និងភរិយាផងដែរ។
លោក សាពូន បាននិយាយថា នៅពេលនេះ បុត្រីរបស់លោកមានអាយុ ១ខួបកន្លះហើយ និងមានឈ្មោះថា សាពូន ដារ៉ាពិមាន។ សម្រាប់ចំណង់ចំណូលចិត្តទៅថ្ងៃអនាគតរបស់បុត្រីលោក គឺលោកសម្រេចទៅតាមឧបនិស្ស័យរបស់កូន បើគាត់មានដុងទៅខាងណា លោកនឹងជំរុញទៅខាងហ្នឹង។
លោកបញ្ជាក់ថា “តែបើមាននិស្ស័យផ្នែកសិល្បៈដូចឪពុក និងម្ដាយ គឺកាន់តែល្អប្រសើរទៀត តែបើតាមខ្ញុំមើលទៅ កូនរបស់ខ្ញុំស្រឡាញ់ខាងសិល្បៈណាស់ រាល់ពេលដែលឃើញម្ដាយរបស់គេឡើងកម្មវិធីខនសឺតតាមប៉ុស្ដិ៍ទូរទស្សន៍ ក៏ដូចជាឃើញខ្ញុំ គាត់តែងធ្វើកាយវិការ ធ្វើសំឡេង បើទោះបីជាមិនចេះនិយាយក៏ដោយ គាត់ធ្វើសំឡេង រ្ហ! រ្ហ! ច្រៀងតាម និងរាំតាមអ៊ីចឹង”។
តាមរយៈការឃើញនូវតម្រាប់របស់កូនយ៉ាងដូច្នេះ លោក សាពូន មីដាដា បញ្ជាក់បន្ថែមថា “ថ្នាលសិល្បៈរបស់កូនង៉ែតតូចមួយនេះ ដែលគាត់មានដុងតាមឪពុក តាមម្ដាយយ៉ាងនេះ ប្រហែលជាទៅខាងសិល្បៈហើយ តាមខ្ញុំមើលឃើញ”។
ដោយឡែកតារាសម្ដែងជើងចាស់មួយរូប គឺលោក យុត្ថារ៉ា ឆានី បានរៀបការជាមួយអ្នកនាង ចន ច័ន្ទលក្ខិណា អស់រយៈពេលប្រមាណ ១៥ឆ្នាំហើយនោះ និងមានកូនស្រីម្នាក់អាយុជាង ៥ឆ្នាំ។
លោក យុត្ថារ៉ា ឆានី បានឲ្យដឹងថា ចំពោះថ្ងៃអនាគតរបស់កូនស្រីលោក គឺលោកចង់ឲ្យគេរៀនឲ្យបានច្រើន ហើយធ្វើអ្វីទៅតាមចំណង់ចំណូលចិត្តរបស់គេ តែបើកូនមានទំនោរមកខាងសិល្បៈ លោកនឹងជំរុញបន្ថែម។
សរុបមក អ្នកសិល្បៈគឺតែងតែចង់ឲ្យកូនៗរបស់ពួកគេទៅថ្ងៃអនាគតបំពេញការងារជាអ្នកសិល្បៈដូចខ្លួនដែរ ពោលគឺចង់បានពាក្យថា “ស្លឹកឈើជ្រុះមិនឆ្ងាយពីគល់”៕ S
ល្អហើយបានកូនស្រីនោះព្រោះបើចូលខាងសិល្បះឆាប់មានហាងឆេងលក់បានជាងកូនប្រុស។
លក់កូនស្រីហ្អែង ទៅ លក់អោយអញ អញអោយមួយរយលុយខ្មែរ
ហ្អែងស្មានតែកូនតារាលក់មួយរយលុយខ្មែរគេលក់ហ្អី បើហ្អែងអត់មានលុយ$$$ វីឡា ឡានទំនើប
ប្អូនធារ៉ា កូនប្អូនគួរអោយខ្នាញ់ដល់ហើយ មើលចុះមុខដូចដល់ហើយ សង្ខឹមថាធំទៅល្មីដូចម្តាយគាត់
ជូនពរណាក្មួយស្រី! សូមអោយក្មួយមានសុខភាពល្អណា!
ចំណែកបង ឆានី នឹងបងលក្ខណាវិញ ក៌មិនធម្មតាដែរមើលចុះ ទ្រលុកទ្រលន់ដល់ហើយ!
កំអាលមោទនភាពពេក! ពាក្យបុរាណដំណាលថា មានមិនដែនបីតំណ ក្រមិនដែលបីជាន់នោះទេ។ ខ្វះអីកូនអ្នកមានអ្នកធំបច្ចុប្បន្ន គំនិតចោលម្សៀងតែគគោល។ យកល្អកុំទម្រើសក្មេងអី ព្យាយាមឲ្យគេរៀនបានខ្ពស់ ទោះជាយ៉ាងណាក័ល្អមើលដែរ៕
ជូនពរសំណាងល្អគ្រប់ៗគ្នា