ដោយ សុខ សេរី
2012-07-09
វិទ្យុអាស៊ីសេរី
អ្នកនាំពាក្យក្រសួងការបរទេសកម្ពុជា លោក កុយ គួង មានប្រសាសន៍នៅថ្ងៃទី៩ ខែកក្កដា ឆ្នាំ២០១២ ថា កម្ពុជាមិនទាន់ប្រកាសនៅថ្ងៃនេះទេក្នុងការដកកងទ័ពចេញពីតំបន់គ្មានកងទ័ពបណ្តោះអាសន្ន ទំហំជាង ១៧គីឡូម៉ែត្រក្រឡា នៅក្បែរតំបន់ប្រសាទព្រះវិហារនោះ។
អ្នកនាំពាក្យក្រសួងការបរទេស លោក កុយ គួង មានប្រសាសន៍ប្រាប់អ្នកកាសែតនៅវិមានសន្តិភាព នៅថ្ងៃទី៩ កក្កដា ឆ្នាំ២០១២។
RFA/Sok Serey
លោក កុយ គួង បានមានប្រសាសន៍ប្រាប់អ្នកកាសែតនៅឯវិមានសន្តិភាពថា កម្ពុជាពិតជាមានឆន្ទៈក្នុងការដកកងទ័ពនោះ ដោយរង់ចាំការប្រកាសជាផ្លូវការនៅថ្ងៃខាងមុខ៖ «ដើម្បីអនុវត្តតាមដីកាបង្គាប់នោះ យើងនឹងមានឆន្ទៈដកកងទ័ពចេញពីតំបន់គ្មានកងទ័ពបណ្តោះអាសន្នដែលកំណត់ដោយតុលាការ (យុត្តិធម៌អន្តរជាតិ ICJ ) ក៏ប៉ុន្តែយើងមិនទាន់ប្រកាសនៅថ្ងៃនេះទេ។ យើងនឹងប្រកាសនៅថ្ងៃខាងមុខ។ នៅថ្ងៃខាងមុខហ្នឹង ខ្ញុំមិនដឹងថាពេលណាទេ ប៉ុន្តែយើងពិតជាមានឆន្ទៈ»។
ការបញ្ជាក់នេះ នៅគ្រាដែលកាសែតបាងកក ប៉ុស្តិ៍ (Bangkok Post) របស់ថៃ បានចេញផ្សាយនៅថ្ងៃទី៩ ខែកក្កដា ឆ្នាំ២០១២ ថា ប្រទេសកម្ពុជា រំពឹងថា នឹងប្រកាសដកកងទ័ពចេញពីតំបន់គ្មានកងទ័ពបណ្តោះអាសន្ន នៅក្បែរប្រសាទព្រះវិហារ នៅថ្ងៃទី៩ ខែកក្កដា ឆ្នាំ២០១២។
ការដកនោះគឺជាជំហានវិជ្ជមានមួយឆ្ពោះទៅរកការធ្វើឲ្យប្រសើរឡើងនៃទំនាក់ទំនងរវាងរដ្ឋាភិបាលនៃប្រទេសទាំងពីរ។ យ៉ាងណាក្ដី ការចេញផ្សាយរបស់កាសែតថៃ មួយនេះ គឺបានដកស្រង់ប្រភពអនាមិក៕
កំណត់ចំណាំចំពោះអ្នកបញ្ចូលមតិនៅក្នុងអត្ថបទនេះ៖ ដើម្បីរក្សាសេចក្ដីថ្លៃថ្នូរ យើងខ្ញុំនឹងផ្សាយតែមតិណា ដែលមិនជេរប្រមាថដល់អ្នកដទៃប៉ុណ្ណោះ។
Why should Khmer put soldiers at Thailand border? Thai are good. They are close friend of the hero Sam Rainsy. Soldiers are suppose to put at Vietnam border instead, because Sam Rainsy said Yuon is bad.