វេជ្ជ​បណ្ឌិត​ទម្លាយ​ជំងឺ​មរណៈ​អាថ៌​កំបាំង​ដែល​សម្លាប់​កុមារ​រាប់​សិប​នាក់

09 July 2012
ឆាយ ច័ន្ទនីដា និង Bridget Di Certo
ភ្នំពេញ ប៉ុស្តិ៍

ភ្នំពេញៈ ក្រុម​វេជ្ជ​បណ្ឌិត បាន​ទម្លាយ​ករណី​ជំងឺ​មរណៈ​អាថ៌​កំបាំង ដែល​បាន​ឆក់​យក​ជីវិត​កុមារ​កម្ពុជា រាប់​សិប​នាក់ នៅ​ក្នុង​រយៈ​ពេល ៤ ខែ​ចុង​ក្រោយ​នេះ។

មេ​រោគ​ពោះ​វៀន ៧១ (Enterovirus 71) ដែល​ធម្មតា ទាក់​ទង​នឹង​ជំងឺ​ដៃ ជើង និង​មាត់ ត្រូវ​បាន​ក្រុម​អ្នក​ជំនាញ​សិក្សា​អំពី​មេរោគ នៅ​វិទ្យា​ស្ថាន​ប៉ាស្ទ័រ កំណត់​ថា​ ជា​មូល​ហេតុ នៃ​ការ​ផ្ទុះ​ជំងឺ​នោះ។ នេះ​បើ​យោង​តាម​សារ​អេឡិចត្រូនិក របស់​ប្រធាន​ផ្នែក​សិក្សា​មេរោគ​នៃ​ក្រសួង​សុខា​ភិបាល និង​ជា​វេជ្ជ​បណ្ឌិត នៅ​មន្ទីរ​ពេទ្យ​កុមារ​គន្ធបុប្ផា ដែល​បាន​ផ្ញើ​ចេញ​កាល​ពី​ថ្ងៃ​សុក្រ ហើយ ដែល​ភ្នំពេញ ប៉ុស្តិ៍ ទើប​តែ​ទទួល​បាន កាល​ពី​ថ្ងៃ​អាទិត្យ​ម្សិល​មិញ។

ជំងឺ​ដៃ ជើង និង​មាត់ ជា​ជំងឺ​កើត​ឡើង​ក្នុង​តំបន់​ខ្លះ ​នៃ​ប្រទេស​វៀត​ណាម ហើយ​អ្នក​សិក្សា​អំពី​មេរោគ បាន​កំណត់​ថា វា​បណ្តាល​មក​ពី​មេរោគ​ក្នុង​សែ​ស្រឡាយ EV71 បន្ទាប់​ពី​ធ្វើ​ការ​សាក​ល្បង​ស្រាវ​ជ្រាវ​រក​ឃើញ​ការ​ប្រែ​ប្រួល​ថ្មីៗ នៃ​ជំងឺ​ដែល​បាន​កើត​ឡើង​នៅ​ក្នុង​ប្រទេស​ភូមិ​ផង​របង​ជាមួយ​របស់ កម្ពុជា​នេះ។

នាយក​ប្រចាំ​ប្រទេស​នៃ​អង្គការ​សុខ​ភាព​ពិភព​លោក Dr. Pieter Van Maaren បាន​ថ្លែង​ថា សែ​ស្រឡាយ​មេ​រោគ​នេះ​ ពុំ​មែន​ងាយ​ស្រួល​​វិនិច្ឆ័យ​រក​ឃើញ​នោះ​ទេ ហើយ​ថា​ការ​ស្រាវ​ជ្រាវ​កំពុង​បន្ត​ធ្វើ។ លោក​បាន​មាន​ប្រសាសន៍​ ដោយ​បញ្ជាក់​ពី​ការ​កំពុង​បន្ត​សិក្សា​ស្វែង​យល់​ជំងឺ​ដែលអង្គ​ការ​សុខ​ភាព​ ពិភព​លោក​ WHO និង​ក្រសួង​សុខា​ភិបាល​បាន​អះ​អាង​ថា​ បាន​ផ្តាច់​ជីវិត​កុមារ ៥៦ នាក់​រួច​មក​ហើយ​ថា៖​«វា​ពុំ​ចាំបាច់​ត្រូវ​ចេញ​ការ​ប្រកាស​អាសន្ន​ សម្រាប់​ការ​ធ្វើ​ដំណើរ​ជា​បន្ទាន់​នោះ​ទេ ហើយ WHO ពុំ​ទាន់​មាន​គម្រោង​យ៉ាង​ណា​នោះ​ទេ គិត​មក​ទល់​ថ្ងៃ​នេះ»។

យ៉ាង​ណា​ក្តី មន្ទីរ​ពេទ្យ​គន្ធ​បុប្ផា​ដែល​ដំបូង​គេ​ បាន​ជូន​ដំណឹង​ទៅ​ក្រសួង​អំពី​ការ​ផ្ទុះ​នៃ​ជំងឺ​នេះ​ បាន​ឲ្យ​ដឹង​នៅ​ក្នុង​សេចក្តី​ថ្លែង​ការណ៍​កាល​ពី​ថ្ងៃ​ម្សិល​មិញ​ថា កុមារ ៦៤ រូប​ បាន​បាត់​បង់​ជីវិត​ ដោយសារ​ជំងឺ​នេះ​ គិត​តែ​ក្នុង​មន្ទីរ​ពេទ្យ​របស់​ពួក​គេ​ប៉ុណ្ណោះ។

វេជ្ជ​បណ្ឌិត​ស្ថាបនិក​មន្ទីរ​ពេទ្យ​នេះ លោក Beat Richner បាន​មាន​ប្រសាសន៍​ អំពី​រោគ​សញ្ញា​ពិសេស​នៃ EV71 នេះ​ថា៖​«​[កុមារ​]​រង​ការ​ខូច​ខាត​សរី​រាង្គ​ដង្ហើម​ នៅ​ក្នុង​សួត​ទាំង​ស្រុង ​នៅ​ប៉ុន្មាន​ម៉ោង​ចុង​ក្រោយ ​នៃ​ជីវិត​របស់​ពួក​គេ»។ លោក Richner ដែល​បារម្ភ​ថា ការ​ស្លាប់​របស់​កុមារ​ទាំង​នោះ​ ប្រហែល​បណ្តាល​មក​ពី​ការ​ព្យាបាល​ខុស ឬ​ការ​ពុល​ថ្នាំ​ ដែល​ប្រើ​នៅ​តាម​គ្លីនិក​ឯកជន​ បាន​បន្ថែម​ថា៖ ​«យើង​នៅ​តែ​ពុំ​ទាន់​ដឹង​អ្វី​ឲ្យ​ពិត​ប្រាកដ​ ដែល​បណ្តាល​ឲ្យ​កើត​ជំងឺ​សួត​ដ៏​មរណៈ​នេះ និង​មិន​ដឹង​ថា កត្តា​ពុល​ថ្នាំ​ មាន​ចំណែក​បណ្តាល​ឲ្យ​មាន​ការ​ស្លាប់​នេះ​ឬ​យ៉ាង​ណា​នោះ​ទេ​»។

រដ្ឋ​មន្ត្រី​ក្រសួង​សុខា​ភិបាល លោក ម៉ម ប៊ុនហេង បាន​ថ្លែង​ថា ទោះ​បី EV71 ពុំ​មែន​ជា​ជំងឺ​ថ្មី​ក្តី វា​ត្រូវ​ការ​ពេល​វេលា​ ដើម្បី​ឲ្យ​ក្រុម​មន្ត្រី​ធ្វើ​ការ​ស្រាវ​ជ្រាវ ​ឲ្យ​បាន​ច្បាស់​លាស់ មុន​ពេល​យើង​ធ្វើ​ការ​បញ្ចេញ​ផ្សព្វ​ផ្សាយ​ជា​សាធារណៈ។ ប៉ុន្តែ​លោក​រដ្ឋ​មន្ត្រី​បាន​បន្ថែម​ថា៖​ «មនុស្ស​ទាំង​អស់​ក្នុង​ប្រទេស​កម្ពុជា​ គួរ​យល់​ដឹង​អំពី​អនាម័យ​ល្អ»។

មន្ត្រី​សុខា​ភិបាល​បាន​ឲ្យ​ដឹង​កាល​ពី​ថ្ងៃ​ម្សិល​មិញ​ថា ពួក​គេ​កំពុង​បន្ត​អំពាវនាវ​ ដល់​ប្រជា​ពល-​រដ្ឋ​ឲ្យ​អនុវត្ត​នូវ​គោល​ការណ៍​អនាម័យ​ល្អ និង​ត្រូវ​រាយ​ការណ៍​ ពី​ជំងឺ​ដែល​គួរ​ឲ្យ​សង្ស័យ​ទាំង​ឡាយ​ដែល​បណ្តាល​ឲ្យ​មាន​ការ​គ្រុន​ក្តៅ​ ទៅ​កាន់​មន្ទីរ​ពេទ្យ។

លោក លី សុវណ្ណ អនុ​ប្រធាន​នាយក​ដ្ឋាន​ជំងឺ​ឆ្លង​ បាន​ថ្លែង​ថា៖​«បើ​កុមារ​គ្រុន​ក្តៅ និង​មាន​កន្តួល​លើ​ស្បែក សូម​បញ្ជូន​ពួក​គេ​ទៅ​កាន់​មន្ទីរ​ពេទ្យ»។

EV71 អាច​បង្ក​ឲ្យ​​ឈឺ​ ដៃ ជើង និង​មាត់​ធ្ងន់​ធ្ងរ​ ដែល​រួម​មាន​ឈឺ​ប្រព័ន្ធ​ប្រសាទ សរសៃ​ឈាម​បេះ​ដូង និង​ផ្លូវ​ដង្ហើម ហើយ​អាច​មាន​ករណី​ស្លាប់​ ដោយសារ​​រោគ​រលាក​​ខួរ​ក្បាល​ផង​ដែរ។

ពុំ​មាន​វិធី​ព្យាបាល​ទប់​នឹង​មេ​រោគ EV71 នេះ​ត្រូវ​គេ​រក​ឃើញ​នៅ​ឡើយ​ទេ ប៉ុន្តែ​ហានិភ័យ​ នៃ​ការ​ឆ្លង​បាន​ធ្លាក់​ចុះ​ គួរ​ឲ្យ​កត់​សម្គាល់​ បើ​សិន​ការ​អនុវត្ត​អនាម័យ​របស់​បុគ្គល និង​បរិស្ថាន​ត្រូវ​ទៅ​តាម​ស្តង់ដារ​នោះ។ នេះ​បើ​យោង​តាម​ព័ត៌មាន​ទាក់​ទង​នឹង​មេរោគ​នេះ ​ដែល​បាន​ចុះ​ផ្សាយ​នៅ​លើ​គេហ​ទំព័រ​របស់ WHO។

អត្ថ​បទ​ឆ្នាំ ២០០៣ នៅ​ក្នុង​ព្រឹត្តិ​បត្រ​នៃ​ជំងឺ​ឆ្លង​ថ្មី​បាន​រៀប​រាប់​ពី​ការ​ផ្ទុះ​យ៉ាង​ ខ្លាំង​ថ្មីៗ​ ដែល​រួម​មាន​ការ​ផ្ទុះ​នៃ​ជំងឺ​នេះ ​នៅ​ឆ្នាំ ១៩៩៨ នៅ​កោះ​តៃ​វ៉ាន់​ ដែល​បាន​បណ្តាល​ឲ្យ​មនុស្ស ៧៨ នាក់​ស្លាប់។ យ៉ាង​ណា​ក្តី ការ​ផ្ទុះ​នា​ពេល​នោះ​ កើត​មាន​ករណី​មិន​ស្លាប់​ចំនួន ៤០៥ ករណី។
នៅ​ប្រទេស​កម្ពុជា យោង​តាម​ក្រសួង​សុខា​ភិបាល និង WH​O ក្នុង​ចំណោមកុមារ​កើត​ជំងឺ​នេះ​ ៧៤ ករណី​ឆ្លង​មាន ៥៦ នាក់​បាន​ស្លាប់។ តែ​យោង​តាម​មន្ទីរ​ពេទ្យ​គន្ធ​បុប្ផា តួ​លេខ​ករណី​កើត​ជំងឺ​នេះ​មាន​ ៦៦ នាក់​ ហើយ​បាន​ស្លាប់ ៦៤ នាក់​។

លោក គាង តារា ប្រធាន​មន្ទីរ​ពេទ្យ​បង្អែក​ខេត្ត​ព្រៃ​វែង​ដែល​ជាប់​ព្រំដែន​ជាមួយ​ប្រទេស​ វៀតណាម​បាន​ឲ្យ​ដឹង​ថា មន្ទីរ​ពេទ្យ​របស់​លោក​ ពុំ​មាន​ករណី​នៃ​ជំងឺ​នេះ​ទេ តែ​ថា​ មន្ទីរ​ពេទ្យ​លោក​បាន​ទទួល​ព័ត៌មាន​ឲ្យ​ប្រយ័ត្ន​ អំពី​ជំងឺ​នេះ​ពី​ក្រសួង​សុខា​ភិបាល៕ CR

What Next?

Recent Articles

13 Responses to "វេជ្ជ​បណ្ឌិត​ទម្លាយ​ជំងឺ​មរណៈ​អាថ៌​កំបាំង​ដែល​សម្លាប់​កុមារ​រាប់​សិប​នាក់"

  1. ចៅចេកអាំង says:

    គួរអោយអាណិតកុមារដែលបានស្លាប់ទាំងអស់នោះណាស់។ទោះជាយ៉ាងណាក៏ដោយក្រសួងសុខា ភិបាលនិងមន្ទីរពេទ្យជាតិទាំងអស់សហកការណ៏ជាមួយWHOបានដុតដៃដុតជើងបំពេញ ការងារយ៉ាងខ្លាំងក្លាដើម្បីស្វើងរក ប្រភេទនៃមេរោគនិងវិធានការការពារ។នេះជាសកម្មភាពគួរអោយកោតសរសើរ។

  2. ពួកយើងទាំងអស់គ្នាសង្ឈឹមថា​ក្រសួងសុខាភិបាលនិងទប់ស្កាត់បានសម្រាច។

  3. សូមអគុណដល់ក្រសួងសុខាភិបាល។

  4. Khmer Pit says:

    ក្រសួង​គួរ​​តែ​​មាន​សកម្មភាពពិសេស​ និង​កក់​ក្ដៅ​ជាង​នេះ មិន​មែន​ធម្មតា​ៗ​អញ្ចឹង​ទេ!!!!!!!!!!!

  5. tola says:

    I would like to comment on th EV 71 virus , the health minister should asking
    Australian government for help as this kind of virus happened on Australia in 1999.

  6. តើពេលណាយើងអាចរកវិធីព្យាបាលបាន? ក្នុងពេលដែលយើងមិន
    ទាន់រកឃើញនូវវិធីព្យាបាល សូមបុគ្គលិកពេទ្យទាំងអស់ បន្តថែរក្សា
    នូវក្មេងៗសត់ទាំងនោះដោយយកចិត្តទុកដាក់ផង តែត្រូវប្រុងចំពោះ
    ពេទ្យដែលអសមត្ថភាព ឬខ្វះបទពិសោធ ដែលអាចនាំអោយធ្ងន់ធ្ងរ
    លើសដើម។ តួរយា៉ងដូចមន្ទីរសំរាកព្យាបាលមួយកន្លែងឋិតនៅក្នុង
    ទីរួមខេត្តសៀមរាប(ម្តុំផ្សារក្រឡាញ់) ឈ្មោះ ឆាយ លាង ដែលយក
    តែបុគ្គលិកអសមត្ថភាព ខ្លះមិនមែនជាពេទ្យមកព្យាបាល និងចាក់ថ្នាំ
    ផ្តេសផ្តាសដែលធ្វើអោយប្រពន្ធខ្ញុំស្ទើតែបាត់បង់ជីវិត ចុងបពា្ចប់
    ពេលអាឆ្គួតមួយណឹងចាក់ថ្នាំអស់ចិត្តហើយដល់ម៉ោង10យប់
    វាបានអោយខ្ញុំទៅរកពេទ្យផ្សេង ខ្ញុំក៏បានទៅកន្លែងមួយទៀតឈ្មោះ
    មន្ទីរពេទ្យ ខ្មែរ-ចិន ដែលឋិតនៅជិតផ្សាកណ្តាល នាក្រុុងសៀមរាប
    បន្ទាប់មក ពេទ្យចិនបីនាក់ និងអ្នកបកប្រែខ្មែរពីរនាក់បានពិនិត្យ
    និងដាក់ថ្នាំ 2ម៉ោងក្រោយមកប្រពន្ធក៏ជា។ តាមពិតវាជាអាការះ
    ធម្មតាប៉ុណ្ណោះ ែតបែរជាអាឆ្គួតមួយនោះចេះតែអោយថ្នាំផ្តាស់
    ទៅវិញ។ ខ្ញុំសូមអរគុណចំពោះមន្ទីរពេទ្យ ខ្មែរចិន ដែលព្យាបាល
    ប្រពន្ធខ្ញុំទាន់ពេលវេលា។ ជាចុងក្រោយ សូមអោយមន្ទីរពាក់ព័ន្ធ
    ចុះពិនិត្យមើលមន្ទីរពេទ្យភ្លើរឈ្មោះ ឆាយ លាង នេះផង។

  7. ឡេង សុភាវង្ស
    Jul 13, 2012
    តើពេលណាយើងអាចរកវិធីព្យាបាលបាន? ក្នុងពេលដែលយើងមិន
    ទាន់រកឃើញនូវវិធីព្យាបាល សូមបុគ្គលិកពេទ្យទាំងអស់ បន្តថែរក្សា
    នូវក្មេងៗសត់ទាំងនោះដោយយកចិត្តទុកដាក់ផង តែត្រូវប្រុងចំពោះ
    ពេទ្យដែលអសមត្ថភាព ឬខ្វះបទពិសោធ ដែលអាចនាំអោយធ្ងន់ធ្ងរ
    លើសដើម។ តួរយា៉ងដូចមន្ទីរសំរាកព្យាបាលមួយកន្លែងឋិតនៅក្នុង
    ទីរួមខេត្តសៀមរាប(ម្តុំផ្សារក្រឡាញ់) ឈ្មោះ ឆាយ លាង ដែលយក
    តែបុគ្គលិកអសមត្ថភាព ខ្លះមិនមែនជាពេទ្យមកព្យាបាល និងចាក់ថ្នាំ
    ផ្តេសផ្តាសដែលធ្វើអោយប្រពន្ធខ្ញុំស្ទើតែបាត់បង់ជីវិត ចុងបពា្ចប់
    ពេលអាឆ្គួតមួយណឹងចាក់ថ្នាំអស់ចិត្តហើយដល់ម៉ោង10យប់
    វាបានអោយខ្ញុំទៅរកពេទ្យផ្សេង ខ្ញុំក៏បានទៅកន្លែងមួយទៀតឈ្មោះ
    មន្ទីរពេទ្យ ខ្មែរ-ចិន ដែលឋិតនៅជិតផ្សាកណ្តាល នាក្រុុងសៀមរាប
    បន្ទាប់មក ពេទ្យចិនបីនាក់ និងអ្នកបកប្រែខ្មែរពីរនាក់បានពិនិត្យ
    និងដាក់ថ្នាំ 2ម៉ោងក្រោយមកប្រពន្ធក៏ជា។ តាមពិតវាជាអាការះ
    ធម្មតាប៉ុណ្ណោះ ែតបែរជាអាឆ្គួតមួយនោះចេះតែអោយថ្នាំផ្តាស់
    ទៅវិញ។ ខ្ញុំសូមអរគុណចំពោះមន្ទីរពេទ្យ ខ្មែរចិន ដែលព្យាបាល
    ប្រពន្ធខ្ញុំទាន់ពេលវេលា។ ជាចុងក្រោយ សូមអោយមន្ទីរពាក់ព័ន្ធ
    ចុះពិនិត្យមើលមន្ទីរពេទ្យភ្លើរឈ្មោះ ឆាយ លាង នេះផង។

  8. អីឡូវនេះកាកបាទក្រហមកម្ពុជាបានបរិច្ចាកទឹកប្រាក់ចំនួន១លានដុល្លារដល់មន្ទីពេទ្យគន្ធៈបុប្ផា។

  9. និងមានសកម្មភាពមនុស្សធម៏ជាច្រើននិងរៃអង្គាសថវិការសំរាប់ជួយដល់ពេទ្យគន្ធៈបុប្ផា,ក្នុងនោះមាន មូលនិធិបាយ័ន,មូលនិធិស៊ីធីអិន…។ល។
    តារាចម្រៀងសូដានីតាក៏មានគំរោងសម្រាប់បង្កើតមូលនិធិជួយគន្ធៈបុប្ផាផងដែរ។

  10. យើងខ្ញុំជាប្រជាពលរដ្ឋកម្ពុជា ទន្ទឹមរង់ចាំយ៉ាងអន្ទះសារ អំពីលទ្ធផលជាវិជ្ជមានរបស់ មន្រ្តីជំនាញស្រាវជ្រាវ នៃជំងឺនេះ។ ខ្ងុំ សូមអរគុណចំពោះ បុគ្គលិករដ្ឋាភិបាលដែលខិតខំ និង ផ្នែកពាក់ព័ន្ធទាំងអស់ ស្រាវស្រាវ អំពី ជំងឺ EV71 ដ៏សែនសាហាវនេះ។

  11. សូមមេត្តាយកចិត្តទុក្ខដាក់ចំពោះកុមារដែលមានជំងឺEV71 ដោយប្រុងប្រយ័ត្នផង។ មេត្តាផ្សព្វផ្សាយពីវិធានការទប់ស្កាត់ជំងឺនេះដល់ទៅប្រជាពលរដ្ឋដែលពុំទាន់បានយល់ដឹងផងដែរ។
    សូមបងប្អូនទាំងអស់មេត្តាជួយជាវិភាគទានដើម្បីជួយកុមារដែលរងគ្រោះនៅប្រទេសកម្ពុជាផង ៕

  12. o says:

    មានរឿងដំណាលមួយថា៖ កាលនោះមានគ្រោះទឹកជំនន់បានមកដល់ចូច្នេះពេលទឹកជំនន់ចាប់ផ្តើម ឡើងបន្តិចលោកមេភូមិបានទៅប្រាប់ប្រជាពលរដ្ឋអោយរៀបចំខ្លួនក្នុងការផ្ាលស់ប្តូរទីលំនៅ ប៉ន្តែមានគ្រួសារមួយគាត់បាននិយាយថាគាត់មិនទៅណាទេព្រោះព្រះនិងជួយគាត់អោគេចផុត ស្រាប់តែទឹកឡើងដល់ចង្កះ កាកបាទក្រហមបានយកអូរប័រទៅជួយគាត់តែគាតើសុខចិត្តអោយគ្រួសារគាត់ទៅនៅលើដំបូលផ្ទះ គាត់មិនព្រមទៅទេគឺកាត់ថាព្រះនិងជួយគាត់ រហូតដល់ទឹកលិចដល់លើដំបូលទៀត គេបានអោ អីលីកុកទ័រទៅយកគាត់ គាត់ក៏បានអោយកូន និងប្រពន្ធរបស់គាត់ឡើងទៅជាមួយគេទេសំរាប់ខ្លួនគាត់ គឺគាត់មិនទៅទេគាត់និយាយថាព្រហនិងមកជួយគាត់ រហូតដល់ទឹកនោះលិចដល់ត្រឹមករបស់គាត់ គាត់ក៏ស្រែកជេរទៅព្រះ​​ថាព្រះចង្រៃ អញខំជឿចាក់ហេតុអីបានជាមិនជួយអញច្ចឹង ពេលនោះព្រះ បានហែកមេឃចេញមកថា ចុុះយើងខំទៅប្រាប់មេភូមិអោយមកប្រាប់ឯង ម៉ាចឯងមិនត្រៀម ពេលកាកបាទក្រហមមកទៀម៉េចឯងមិនទៅជាមួយគេ ម្យ៉ាងវិញទៀតយើងខំអោយ អីលីកុកទ័រទៅ យកម្តងទៀឯងនៅនៅតែមិនព្រមទៀ ចុះឯងចង់អោយើងជួយឯងយ៉ាង ម៉េចទៀត….
    បើចង់រកដំណោះស្រាយគួរតែចេះការពារ វាជមុនសិន ដុចពាក្យចាស់លោកតែងពោលថា ការពារប្រសើរជាព្យាបាល….

  13. linda says:

    ការឈឺចាប់លើកុមារដែលបានកើតជំងឺនេះនឹងកុមារដែលកុំពុងប្រឈរមុខនឹងជំងឺដ៏កាចសាហាវនេះវាជាការឈឺចាប់នឹងការព្រួយបារម្ភរបស់ខ្្ញុំនឹងពលរដ្ឋខ្មែរគ្រប់រូបផងដែរ។ខ្ញុំសូមសុំណូពរអោយក្រុមគ្រូពេទ្យប្រឹងប្រែជួយព្យាបាលអោយអស់លទ្ធិភាពតាមដែរអាចធ្វើបាន។សូមអង្គកាផ្សេងៗនឹងបណ្ដាលប្រទេសលើពិភពលោកសូមមេត្តាជួយកុមារកម្ពុជាផង អនាគត់ នឹងជីវិតពួកគេ គឺត្រូវពឹងផ្អែកលើ លោក លោកស្រី មូលនិធិក អង្គកា នឹងបណ្ដាលប្រទេសលើពិភពលោកជួយពួកគេ។កុមារទាំងកុំពុងរងចាំរអស់លោក លោកស្រីជួយពួកគេ សូមមេត្តាជួយពួកគេផង!!!!!!!
    ពីនាងខ្ញុំប្រជាពលរដ្ឋខ្មែរម្នាក់។