13 July 2012
មាស រ័ត្ន
ភ្នំពេញ ប៉ុស្តិ៍
ភ្នំពេញៈ កន្លងមកគេតែងសរសើរជនស្បែកសថាមានការអប់រំជ្រៅជ្រះជាងខ្មែរ ដូច្នេះសីលធម៌របស់គេក៏សន្មតថាគ្រាន់បើដែរ។ ប៉ុន្តែសម្រាប់រឿងរំលោភសេពសន្ថវ:លើកុមារកម្ពុជាកន្លងមក ត្រូវបានគេមើលឃើញថា ខ្មែរ និងជនបរទេស បានប្រព្រឹត្តអំពើអនាចារទាំងនេះមិនសូវលើសខ្វះគ្នាទេ។ រហូតមកដល់ពេលនេះ មានអង្គការក្រៅរដ្ឋាភិបាលជាច្រើនធ្វើការផ្សព្វផ្សាយអំពីការការពារកុមារ។
មានអង្គការមួយឈ្មោះថា Let Us Create (តោះយើងនាំគ្នាបង្កើត) មានមូលដ្ឋាននៅក្រុងព្រះសីហនុ ដែលជាតំបន់មានការកេងប្រវ័ញ្ចផ្លូវភេទលើកុមារជាញឹកញយ បានបើកថ្នាក់គូរគំនូរដើម្បីជួយព្យាបាលកុមារដែលមានបញ្ហារំលោភបំពានកន្លងមក ក៏ដូចជាបញ្ចៀសពួកគេឲ្យផុតពីការកេងប្រវ័ញ្ចនានាដូចជាកេងកម្លាំងពលកក្មផងដែរ។ ដោយយល់ថា គំនូរមធ្យោបាលមួយដែល សកលលោកជ្រើសរើសយកមកព្យាបាលមនុស្សដែលមានបញ្ហាផ្លូវចិត្តកញ្ញា លៀ ឃីដ អ្នកគ្រប់គ្រងកម្មវិធី របស់អង្គការនេះថ្លែងថា៖ «ពេលដែលគេគូរគំនូរ សម្រាប់កុមារដែលមានបញ្ហាក្នុងជីវិតគ្រួសារដ៏ក្រីក្រ គេអាចបញ្ចេញនូវអារម្មណ៍ទុក្ខព្រួយឯកោ ឬរីករាយបាន។ ដូច្នេះគេអាចមានអារម្មណ៍ធូរស្បើយពីទុក្ខសោកពីមុនបាន»។
យោងតាមការស្រាវជ្រាវរបស់អង្គការម្លប់តាប៉ាង ដែលធ្វើការការពារកុមារនៅក្រុងព្រះសីហនុ មានកុមារចំនួន៧០០នាក់កំពុងដើរលក់វត្ថុអនុស្សាវរីយ៍ មានកងដៃ កងជើង ឬ ខ្សែកនៅតាមមាត់សមុទ្រ ហើយពួកគេប្រឈមនឹងការលួងលោមគេងប្រវ័ញ្ចផ្លូវភេទពីអ្នកទេសចរ អសីលធម៌មួយចំនួន។
ប្រធានរបស់អង្គការម្លប់តាប៉ាង លោក អៀវ សៅសារិន ថ្លែងថា «ជនបរទេសខ្លះពិតជាចង់ទិញវុត្ថុអនុស្សាវរីយ៍ពីកុមារទាំងនោះមែន ប៉ុន្តែជនបរទេសខ្លះមិនចង់ទិញទេ ប៉ុន្តែបានផ្តល់លុយឲ្យកុមារទាំងនោះជំនួសវិញ។ កុមារខ្លះអាចរកលុយបានពី១០ ទៅ២០ដុល្លារឯណោះ ក្នុងមួយថ្ងៃ ដូច្នេះយើងពិបាកនឹងយកកុមារទាំងអស់នោះមកបណ្តុះបណ្តាលណាស់ ពីព្រោះពួកគេញៀននឹងមុខរបរហ្នឹងហើយ»។
ប៉ុន្តែទោះបីយ៉ាងណា អង្គការរបស់គាត់ក៏បានយកកុមារដែលលក់ដូរតាមឆ្នេរសមុទ្រខ្លះមកបណ្តុះ បណ្តាលនៅកន្លែងរបស់គាត់ដែរ ហើយអង្គការរបស់គាត់បានសហការជាមួយនឹងអង្គការដទៃ ធ្វើយុទ្ធនាការផ្សព្វផ្សាយអំពីការការពារកុមារ ដោយស្នើឲ្យអ្នករត់តុក តុក ម៉ូតូឌុបឬម្ចាស់ផ្ទះសំណាក់ឧស្សាហ៍ឃ្លាំមើលដល់កុមារលក់វត្ថុអនុស្សាវរីយ៍នោះផង។
ចំណែកអង្គការ Let Us Create ក៏មានបញ្ហាស្រដៀងគ្នានេះដែរ ដូច្នេះវិធីសាស្រ្តថ្មីដើម្បីចូលរួមកាត់បន្ថយបញ្ហារំលោភបំពាន គឺគេបានផ្តល់ការឧបត្ថម្ភមួយផ្នែកជួយផ្គត់ផ្គង់ដល់គ្រួសាររបស់ ក្មេងទាំងនោះ។
លោក ចាប ចំរើន ថ្លែងថា ជាប្រធានរបស់អង្គការនេះ បានបង្កើតសាលពិព័រណ៍ឈ្មោះថា Let Us Create ដើម្បីដាក់តាំងលក់រូបគំនូរគូរដោយកុមារទាំងនោះ។ តាមការសង្គេតរបស់លោក គំនូររបស់ក្មេងទាំងនេះលក់ដាច់គ្រាន់បើដែរ ហើយអ្នកទិញភាគច្រើនគឺជាភ្ញៀវទេសចរនៅខេត្តព្រះសីហនុ។
នៅថ្ងៃទី២៣ ខែនេះ អង្គការរបស់លោកនឹងដឹកយកគំនូរពី៥០ ទៅ ៧០ផ្ទាំង ទៅដាក់តាំងលក់នៅភ្នំពេញ ឯសាលពិព័រណ៍ Botanic (ផ្ទះលេខ១២៦ ផ្លូវ ១៩ ក្បែរសារមន្ទីរជាតិ) ការដាក់តាំងបង្ហាញចាប់ផ្តើមពីម៉ោង៦ល្ងាចតទៅ និងមានរយ:ពេលពេញមួយខែឯណោះ ដែលសាធារណជនអាចចូលទស្សនាដោយសេរី៕
ជួយទិញផលិតផលខ្មែរ គឺស្រលាញ់ខ្មែរ ហើយសមជាខ្មែរ
ចូរយ់កុំភ្េចថាកុមារគឺជាទំពាាំងស្នង ឫស្សី. គួរតែសំលឹងមើលពីការប្រឹងប្រែងរបស់កុមារដែលរស់ ដោយខ្លួនឯង និង ចាប់ផ្តើមកសាងជីវិតរបស់ពួគគេដោយការតស៊ូ និងព្យាយាម។
កុមារគឺជាមនុស្សដែលពិបាកថែទាំ ពិបាកចិញ្ចឹម ប៉ន្តែពួគគាត់បែរជាងាយស្រួលខ្លាំងណាស់ក្នុងការលួងលោម ដូច្នេះបើសិនជាមនុស្សពេញវ័យ អោយពួគគាត់ក្លាយជាមនុស្សល្អនោះពួគគាត់ហ្នឹងក្លាយជាមនុស្សល្អ តែបើបង្រៀនពួគគាត់អោយក្លាយជាមនុស្សអាក្រក់នោះពួគគាត់ហ្នឹងក្លាយជាមនុស្សអាក្រក់ជាក់ជាមិនខាន ដូច្នេះសូមថែរក្សានិង ស្រឡាញ់កុមារអោដូចជាភ្នែកទាំគូររបស់អ្នក ព្រើថាវាគ្រាន់តែចេះមើលតែប៉ណ្ណោះតែចំនែកឯ ការវិភាគ និងគិតគឺខួរក្បាលរបស់អ្នក….
ភាពក្រីក្រ នាំអោយកូនចៅជួបនៅបញ្ហាក្រពះស្រេកឃ្លាន
ដើម្បីទិញនំចំណីបានគឺត្រូវការលុយ ដូច្នេះវិធីដោះស្រាយស្វែងរកមូនិធិ
គឺរកលុយតំកល់សំរាប់ជួយដល់ជនខ្វះខាតច្បាស់លាស់ ។
ហើយបង្កើតច្បាប់ដាក់បង្ហាញដល់ភ្ញៀវអោយដឹង អំពីទោសទណ្ឌកម្ម
ដ៏ធ្ងន់ធ្ងរ នឹង ត្រូវបង់ប្រាក់អោយច្រើនទើបមនុស្សរៀងចាល ។
ក្រែងមានអ្នកមានសមត្ថកិច្ចឆ្លៀតរកស៊ីជាមួយក្មេងៗដែរ ទើបបានជាបំបាត់មិនឈ្នះ ?
បើសិនជាមានមនុស្សអាក្រកហើយ សង្ខឹមថាអ្នកនឹងជាមនុស្សដែលមានឆន្ទះ ជាមួយនិងគុណធម័។
យ៉ាងហោចណាស់ ក៏មានល្អម្នាក់ក្នុងចំណោម ១០ នាក់ដែរ ។បើសិនជា ១០០នាក់ ឫ ១០០០០ នាក់នោះវាហ្នឹងមានចំនួនច្រើន ជាក់ជាមិនខាន់. ហើយបើសិនជាអ្នកអាចជួយបានម្នាក់វាប្រសើរជា មិនដែលជួយសោះដែរណា…អ្វីដែលអាំចជួយបានគួរតែជួយតែបើវាហួសពីសម្ថភាពដែលខ្លួនយើងកំុពុងតែមាននោះ គឺជួយបានប៉ុណ្ណាយកប៉ុណ្ណឹង យ៉ាងហោចណាស់ក៏យើងមាននូវកូនចិត្ត ១ដែលមិនប្រមាថដល់ពួគគាត់នោះ គឺវាល្អណាស់ទៅហើយ….សង្ឃឹមថាមនុស្សគ្រប់រូបនិងមានកូនចិត្ត១នេះ…