ថ្ងៃទី 15 កក្កដា 2012
ដោយ: CEN
សម្តេចហ៊ុនសែន ជួបក្រុមយុវជនស្ម័គ្រចិត្ត វាស់វែងដីធ្លី នៅខេត្តសៀមរាប កាលពីយប់ថ្ងៃទី១៣កក្កដា ឆ្នាំ២០១២
(រូបថត៖ វេបសាយ នគរបាលជាតិ)
ខេត្តសៀមរាប: សម្តេចនាយករដ្ឋមន្ត្រី ហ៊ុន សែន បានជួបសំណេះសំណាលជាមួយនឹងក្រុមយុវជនស្ម័គ្រចិត្ត ចុះវាសវែងដីធ្លី កាលពីយប់ថ្ងៃទី១៣ ខែកក្កដា ឆ្នាំ២០១២ នៅទីរួមខេត្តសៀមរាប។ ក្រុមយុវជនស្ម័គ្រ ដឹកនាំលោកហ៊ុនម៉ានិត កូនប្រុសសម្តេចហ៊ុនសែន ក្នុងឯកសណ្ឋាន កងទ័ពប៉ារ៉ា បានចុះបំពេញបេសកកម្មវាស់វែងដីធ្លី ផ្តល់កម្មសិទ្ធិជូនប្រជាជន តាមការផ្តួចផ្តើមរបស់សម្តេចហ៊ុនសែន ចាប់តាំងពីថ្ងៃ២៦មិថុនា ឆ្នាំ២០១២។
វេបសាយរបស់នគរបាលជាតិ បានបង្ហាញថា ក្នុងពិធីនោះ សម្តេចហ៊ុនសែន បានជំរុញឲ្យក្រុមការងារយុវជនទាំងអស់ យកចិត្តទុកដាក់ ឲ្យបានហ្មត់ចត់ទៅលើការងារវាស់វែងដីធ្លី ជាពិសេសចំពោះបញ្ហាព្រំដី និងមិនត្រូវឃុបឃិតណាមួយនោះទេ។
សម្ដេចនាយករដ្ឋមន្ត្រី ហ៊ុន សែន បានមានប្រសាសន៍ថា “សូមក្មួយៗ ដែលធ្វើការងារនេះ កុំឲ្យបន្សល់ទុកបញ្ហាឲ្យប្រជាជន មានទំនាស់ព្រំដីទៅថ្ងៃក្រោយ ហើយសូមជួយតាមដានមើលបញ្ហា ដែលអាចកើតមានករណីឃុបឃិតរវាងមន្ត្រី អាជ្ញាធរដែនដី ឬក៏ក្រុមហ៊ុន ដែលទទួលដីសម្បទាន ដែលអាចកើតឡើងនៅក្នុងពេលផ្ដល់កម្មសិទ្ធិដីធ្លីនេះ ព្រោះកិច្ចការនេះ យើងធ្វើដើម្បីប្រយោជន៍របស់ប្រជាជន”។
សម្ដេចនាយករដ្ឋមន្ត្រី ហ៊ុនសែន ក៏បានសរសើរចំពោះក្រុមយុវជនស្ម័គ្រចិត្ត ដែលបានចូលរួមចំណែកជាមួយរាជរដ្ឋាភិបាល ក្នុងកិច្ចការជាប្រវត្តិសាស្ត្រ ដែលជាការអនុវត្តនយោបាយចាស់សកម្មភាពថ្មី នៅក្នុងការវាស់វែងផ្ដល់ប័ណ្ណកម្មសិទ្ធិដីធ្លី ជូនប្រជាពលរដ្ឋពេលនេះ។
យោងតាមទិន្នន័យ បានបញ្ជាក់ថា មានប្រជាពលរដ្ឋប្រហែលជាង ៣០ម៉ឺនគ្រួសារ ដែលស្មើនឹងមនុស្សប្រហែលជាង ១លាននាក់ ដែលត្រូវទទួលបានដីធ្លី ក្នុងបេសកកម្មរបស់ក្រុមយុវជនស្ម័គ្រចិត្តប្រមាណ ១.៥០០ នាក់ ដែលបានបញ្ជូន ចេញពីគ្រប់មហាវិទ្យាល័យ ដើម្បីទៅជួយវាស់វែងដីធ្លី ធ្វើប័ណ្ណជូនប្រជាពលរដ្ឋ។
សម្ដេចហ៊ុនសែន បានលើកទឹកចិត្តដល់ក្រុមយុវជន ឲ្យខិតខំធ្វើកិច្ចការវាស់វែងដី ឲ្យបានល្អ ហើយសម្ដេចនឹងផ្ដល់ប័ណ្ណទទួលស្គាល់នូវការបំពេញការងារ ដល់ក្រុមយុវជនស្ម័គ្រចិត្តទាំងអស់គ្នា ដែលបានរួមចំណែកជាមួយរាជរដ្ឋាភិបាល ក្នុងការអនុវត្តនយោបាយចាស់សកម្មភាពថ្មីនេះ ក្នុងវិស័យដីធ្លីនេះ៕
ឣាចម៍ក្តឣាសែនឣើយ មិនទាន់ឣីផងមាការឃុបឃិតគ្នានិងសីុសំណូក មានឣំពើពុករលួយបាត់ទៅហើយ។ ហើយមកនិយាយឣាចម៍ក្តស្ឣី ឣាក្បត់ជាតិទាំងពូជ……
នេះជានយោបាយប្រជាភិថុត
នេះជានយោបាយរបស់គណបក្សប្រជាជនកម្ពុជា
ពីព្រោះនឹងមានការបោះឆ្នោតជាសកលនៅឆ្នាំ ២០១៣
ខាងមុខនេះ ដូច្នេះហើយ គណបក្សប្រជាជនកម្ពុជា
ត្រូវរកកម្មវិធីអូសទាញយុវជនដែលមានអាយុគ្រប់
ការបោះឆ្នោតចូលមកជាសកម្មជនរបស់គណបក្សឧ្យមាន
ចំនួនច្រើនបន្ថែមទៀត៕
ហ៊ុន សែន ប្រើប្រាស់វិធីការក្នុងការសាងអំណាចទៀតហើយ
មានការនាំយកយុវជនមកចូលរួមក្នុងផែនការណ៍លើកឡើងនេះ៕
ស្មានថាយុវជនទាំងនោះជាកូនចៅអ្នកស្នេហាជាតិឬ តាមពិតយុវជនទាំងនោះសុទ្ធតែកូនចៅរបស់ អ្នកបំរើ និងកំពុងតែសីុពែហ៊ុនសែន ព្រោះហ៊ុនសែនបានគំរាមម៉ែឪរបស់សមាជិកបក្សប្រជាជន ឲ្យបញ្ចូនកូនចៅមកបំរើបក្សប្រជាជនព្រោះចង់បង្ហាញនិងសំញ៉ែងកំលាំងយុវជនដើម្បីបំបាក់យុវជន ដ៍ទៃទៀតកុំឲ្យរៀនបះបោលដូចយុវជននៅប្រទេអេហ្ស៊ីបអី ព្រោះរដ្ឋាភិបាលក៍មានកំលាំងយុវជន ដែរ។ មិនខ្មះទេហ៊ុនសែនអើយ ស្ទីលរបស់សែនឯងត្រូវបានគេប្រើរួចហើយនៅប្រទេសអេហ្ស៊ីប ទុយនេសីុ និងលីប៊ី តែនៅទីបំផុតមេដឹកនាំទាំងនោះរួមជាមួយសែនឯងបានជួបនូវរឿងរ៉ាវដ៍កំសត់ដែលពីភពលោក មិននិយាយរកនិងស្តាប់តាមការអង្វរនៅទីបំផុត។
បើតាមខ្ញុំគិតវាសនាហ៊ុនសែនទៅនិងខ្មោចកាដាហ្វីនៅមិនយូរទេព្រោះទង្វើរហ៊ុនសែនកាន់តែ ធ្វើឲ្យខ្លួនឯងចូលជ្រៅទៅទីភពងងឹតសូន្យសុងទាំងពួជន៍នៅរយៈពេលឆាប់ៗខាងមុខនេះឯង។
ជាការពិតណាស់ មិនយូរទេ ហ៊ុន សែននិងមានវាសនាដូចជា ហ្គាដាហ្វីជាក់ជាមិនខាន។