ភ្នំពេញ: លោកឧបនាយករដ្ឋមន្ត្រី ហោ ណាំហុង រដ្ឋមន្ត្រីការបរទេស និងសហប្រតិបត្តិការអន្តរជាតិ កាលពីថ្ងៃទី២ ខែសីហា ឆ្នាំ២០១២ បានចេញលិខិតយ៉ាងខ្លីមួយថា “វាជារឿងអកុសលណាស់ថា អ្នកដែលបន្តការពារកេរដំណែលរបបខ្មែរក្រហម ខិតខំបង្វែរការយកចិត្តទុកដាក់ ចេញពីកេរមរតករបស់ខ្មែរក្រហម ក្នុងផលប្រយោជន៍នៃការការពាររបស់គេ ដោយបង្វែរទិសពីការយកចិត្តទុកដាក់លើរឿងរបស់គេ ដោយបង្កហេតុឲ្យមានការយល់ច្រឡំមកលើឥស្សរជនសាធារណៈ ដូចជារូបខ្ញុំ”។
ថ្ងៃទី 3 សីហា 2012
ដោយ: លីនណា
CEN
ភ្នំពេញ: លោកឧបនាយករដ្ឋមន្ត្រី ហោ ណាំហុង រដ្ឋមន្ត្រីការបរទេស និងសហប្រតិបត្តិការអន្តរជាតិ កាលពីថ្ងៃទី២ ខែសីហា ឆ្នាំ២០១២ បានចេញលិខិតយ៉ាងខ្លីមួយថា “វាជារឿងអកុសលណាស់ថា អ្នកដែលបន្តការពារកេរដំណែលរបបខ្មែរក្រហម ខិតខំបង្វែរការយកចិត្តទុកដាក់ ចេញពីកេរមរតករបស់ខ្មែរក្រហម ក្នុងផលប្រយោជន៍នៃការការពាររបស់គេ ដោយបង្វែរទិសពីការយកចិត្តទុកដាក់លើរឿងរបស់គេ ដោយបង្កហេតុឲ្យមានការយល់ច្រឡំមកលើឥស្សរជនសាធារណៈ ដូចជារូបខ្ញុំ”។
លោក ហោ ណាំហុង បានបន្តថា “ខ្ញុំចង់និយាយយ៉ាងខ្លីពីប្រវត្តិរបស់ខ្ញុំ ដើម្បីជម្រះឲ្យអស់នូវការខ្វែងគំនិតទាំងនេះ។ របបខ្មែរក្រហម គឺជារឿងសោកនាដកម្មមួយ ដែលនៅតែដក់ជាប់ក្នុងអារម្មណ៍ប្រជាជនកម្ពុជារហូតដល់សព្វថ្ងៃ”។
លោកឧបនាយករដ្ឋមន្ត្រីបានបញ្ជាក់ថា “ក្នុងនាមជាអ្នកទោសនៅជំរុំអប់រំបឹងត្របែក ដែលនៅទីនោះ ខ្ញុំបានបាត់បង់ប្អូនស្រីពីរនាក់ ព្រមទាំងស្វាមី និងកូនរបស់គេ និងក្មួយស្រីម្នាក់ ក៏ដូចជាសហសេវិកជាច្រើន ខ្ញុំគ្មានអ្វីក្រៅពីការសោកសៅ និងការរំលែកទុក្ខលំបាករបស់ជនរងគ្រោះ និងក្រុមគ្រួសារគេ។ សូម្បីតែមកដល់សព្វថ្ងៃនេះក្ដី ក៏ប្រជាជនកម្ពុជានៅតែបន្តរងទុក្ខ ដោយសារឧក្រិដ្ឋកម្មរបស់របបខ្មែរក្រហម”។
លោកបានបន្ថែមថា “ពួកខ្មែរក្រហមមិនត្រឹមតែបានបំផ្លាញប្រជាជនខ្មែរអស់មួយជំនាន់នោះទេ តែក៏បានបំផ្លិចបំផ្លាញស្ទើរតែទាំងអស់ផងដែរ នូវអរិយធម៌ខ្មែរ ដែលមកដល់ពេលនេះ យើងកំពុងតែបន្តស្ដារឡើងវិញ”។
លោក ហោ ណាំហុង បានលើកឡើងថា “អង្គជំនុំជម្រះវិសាមញ្ញ ក្នុងតុលាការកម្ពុជា គឺជាតុលាការច្បាប់ មិនមែនជាវេទិកានយោបាយនោះទេ។ ខ្ញុំជឿជាក់ថា ការប៉ុនប៉ងធ្វើនយោបាយភាវូបនីយកម្មតុលាការនេះ ឬការបង្កឲ្យមានការខ្វែងគំនិតគ្នា គឺជាទង្វើមិនសមស្របទេ”។
លោកបានបញ្ជាក់ចុងក្រោយថា “ការសង្ឃឹមដ៏ធំធេងរបស់ខ្ញុំ គឺថា នៅថ្ងៃណាមួយ នឹងរកឃើញនូវយុត្តិធម៌ និងកេរដំណែលរបស់ខ្មែរហ្រម ដែលនឹងត្រូវបោះចោលទៅក្នុងធុងសំរាមប្រវត្តិសាស្ដ្រ ដោយលែងមានអ្នកការពារ ឬការខ្វែងគំនិតគ្នាទៀត”៕ K
H.E. Hor Namhong was also a prisoner!!!