ព្រះវិហារ: លោកនាយឧត្ដមសេនីយ៍ គន់ គីម អគ្គមេបញ្ជាការរង នៃកងយោធពលខេមរភូមិន្ទ នាយរងសេនាធិការចំរុះ នៃកងយោធពលខេមរភូមិន្ទ និងជាអនុប្រធានទី១ គណៈបញ្ជាការសមរភូមិមុខព្រំដែនកម្ពុជា-ថៃ បានព្រមានដោយពាក្យសម្តីធ្ងន់ៗ ទៅកាន់នាយទាហាន និងកងនគរបាលជាតិជាន់ខ្ពស់ជាច្រើនរូប ដែលសុទ្ធសឹងតែជាអ្នកទទួលខុសត្រូវ នៅតាមបន្ទាត់ព្រំដែន កម្ពុជា-ថៃ គឺធ្វើយ៉ាងណាបង្ក្រាបកុងត្រូលជជុះ និងគេចចេញឱ្យផុតពីបទល្មើសព្រៃឈើ។
ថ្ងៃទី 17 សីហា 2012
ដោយ: បាយ័ន
CEN
លោកនាយឧត្ដមសេនីយ៍ គន់ គីម និងចូលរួមផងដែរ ពីនាយឧត្ដមសេនីយ៍ ហ៊ីង ប៊ុនហៀង និងលោកឧត្ដមសេនីយ៍ឯក ខេង សុមេធ អគ្គស្នងការរងនគរបាលជាតិ ក្នុងពិធីបិទវគ្គបំប៉នជំនាញ នៅកងពលធំអន្ដរាគមន៍លេខ៣
លោកនាយឧត្ដមសេនីយ៍ គន់ គីម មានប្រសាសន៍យ៉ាងដូច្នេះ ក្នុងពិធីបិទវគ្គហ្វឹកហ្វឺនបំប៉នជំនាញបញ្ជូនសារ វិស្វកម្មកាំភ្លើងធំ រថក្រោះ ការពារអាកាស ទ័ពព្រៃ និងយុទ្ធវិធីថ្មើរជើង ទប់ទល់ការពារទីតាំង ដែលធ្វើឡើងនៅទីបញ្ជាការកងពលធំអន្ដរាគមន៍លេខ៣ តំបន់ពាក់ស្បែក ក្នុងស្រុកជាំក្សាន្ដ ខេត្ដព្រះវិហារ នាព្រឹកថ្ងៃទី១៧ ខែសីហា ឆ្នាំ២០១២។
អ្វី ដែលសំខាន់បំផុតនោះ ថ្នាក់ដឹកនាំកំពូលៗដែលចូលរួមនោះដែរ មានលោកនាយឧត្ដមសេនីយ៍ ហ៊ីង ប៊ុនហៀង អគ្គមេបញ្ជាការរង នៃកងយោធពលខេមរភូមិន្ទ និងជាមេបញ្ជាការដ្ឋាន បញ្ជាការអង្គរក្ស និងលោកឧត្ដមសេនីយ៍ឯក ខេង សុមេធ អគ្គស្នងការរងនគរបាលជាតិក្រសួងមហាផ្ទៃ និងជាអនុប្រធានគណៈបញ្ជាការសមរភូមិមុខទិសយោធភូមិភាគទី៤។
លោកនាយឧត្ដមសេនីយ៍ គន់ គីម បាននិយាយយ៉ាងចំហនៅចំពោះមុខនាយទាហាន, នាយទាហានរង និងពលទាហានដែលចូលរួមនៅទីនោះថា កុងត្រូលជជុះគឺជាបទបញ្ជារបស់សម្ដេចតេជោ ហ៊ុន សែន នាយករដ្ឋមន្ដ្រី នៃព្រះរាជាណាចក្រកម្ពុជា នៅជាធរមាននៅឡើយ ហេតុនេះកងកំលាំងប្រដាប់អាវុធទាំងអស់ត្រូវតែបង្ក្រាបកុងត្រូលជជុះនោះឱ្យខាងតែបាន។
លោកនាយឧត្ដមសេនីយ៍កងទ័ពរូបនោះ ក៏បាននិយាយយ៉ាងដូច្នេះថា កុងត្រូលជជុះបច្ចុប្បន្ននៅតែកើតមានជាហូរហែរតែកងកំលាំងប្រដាប់អាវុធរបស់យើងហាក់ដូចជា មិនមានការរហ័សរហួនបង្ក្រាបកុងត្រូលជជុះទាំងនោះ។ ការស្ពឹកស្រពន់ ត្រូវតែភ្ញាក់រលឹកឡើងវិញ ហើយចេញធ្វើសកម្មភាពបង្ក្រាបកុងត្រូលទាំងនោះ តាមបទបញ្ជារបស់សម្ដេចតេជោ។
លោក គន់ គីម បន្ដថា បើថ្នាក់ធំៗមិនបង្ក្រាបលោកស្នើឱ្យមន្ដ្រីយោធាថ្នាក់ក្រោមបង្ក្រាប និងពួកគេអាចបំពាក់អាវុធនៅនឹងកន្លែងឱ្យធ្វើជាប្រធាន ខ, ប្រធាន គ និងប្រធានវរៈនៅទីនោះតែម្ដង។ ព្រោះពួកគេជាអ្នកបញ្ចេញស្នាដៃខណៈ ពេលដែលមេរបស់ខ្លួនភ្លេចខ្លួនក្នុងការបង្ក្រាបកុងត្រូលជជុះ។
លោកនាយឧត្ដមសេនីយ៍ គន់ គីម បាននិយាយទៀតថា កន្លងមកមានកងពលខ្លះបានជាប់ពាក់ព័ន្ធនិងការរកស៊ីឈើ ប៉ុន្ដែឥឡូវក្រោយពីកងពលទាំងនោះ បានទទួលការស្ដីបន្ទោសពួកគេបានផ្អាកសកម្មភាព ប៉ុន្ដែទោះបីយ៉ាងណាក៏ដោយ លោកបានផ្ដាំឱ្យទាហានដែលជាប់ពាក់ព័ន្ធទាំងនោះបញ្ឈប់ទាំងអស់ លែងឱ្យមានការពាក់ព័ន្ធតទៅទៀត។
លោកនិយាយថា បទល្មើសព្រៃឈើគឺជាវិធានការណ៍ក្ដៅមួយ ដោយយើងទាំងអស់គ្នាត្រូវតែគោរពដោយមិនអនុវត្ដផ្ទុយទៅនឹងច្បាប់ជាធរមានឡើយ។ ហេតុនេះ យើងមិនត្រូវគិតអ្វីឱ្យខុសពីផ្លូវច្បាប់ ហើយងាកមកប្រកាន់នូវជំហរអភិវឌ្ឍន៍នៅតាមកងពលរបស់ខ្លួនដើម្បីឈានទៅរកភាពរីកចំរើនទៅថ្ងៃអនាគត។
ពាក់ព័ន្ធនឹងដី ដែលបានចែកជូនគ្រួសារកងទ័ព ហើយមានការទទួលខុសត្រូវតាមបណ្ដាកងពលនីមួយៗ លោកនាយឧត្ដមសេនីយ៍ គន់ គីម ក៏ស្នើឱ្យមេកងពលទាំងនោះ ត្រូវបែងចែកឬក៏ផ្ដល់ជូនគ្រួសារកងទ័ព ឱ្យបានស្មើរៗគ្នាដោយមិនត្រូវកេងបន្លំអ្វីឡើយ។ ក្នុងករណី មានភាពមិនត្រឹមត្រូវ មន្ដ្រីប្រឆាំងអំពើពុករលួយ គេនឹងចុះស៊ើបអង្កេតស្រាវជ្រាវករណីនោះ។
សូមបញ្ជាក់ថា ក្នុងឱកាសចូលរួមពិធីបិទវគ្គហ្វឹកហ្វឺនបំប៉នជំនាញបញ្ជូនសារ វិស្វកម្មកាំភ្លើងធំ រថក្រោះ ការពារអាកាស ទ័ពព្រៃ និងយុទ្ធវិធីថ្មើរជើង ទប់ទល់ការពារទីតាំង របស់កងពលអន្ដរាគមន៍លេខ៣ លោកនាយឧត្ដមសេនីយ៍ ហ៊ីង ប៊ុនហៀង បានផ្ដល់ថវិកាចំនួន ១០លានរៀល និងស្រាបៀរ ១៥០កេស សំរាប់កងពលជប់លៀងបញ្ចប់វគ្គ។ រីឯក្រសួងការពារជាតិ ក៏បានផ្ដល់អង្ករ ចំនួន ៤តោន, មានមី, មានត្រីខ, មានក្រម៉ា, ទឹកត្រី, ទឹកស៊ីអ៊ីវជាច្រើន ដល់កងពលធំលេខ៣ ផងដែរ៕
ចាក់ទឺកលើក្បាលទា។
អាតោស្ងៀដើរត្រួតពល។
អោយah Cheathទៅបង្រ្កាបទៅ ពីព្រោះវាពូកែច្រើនយ៉ាង!
ឈឺយោនីណាស់….
កុំប្រាប់កូនទាហានធ្វើអី! ប្រាប់មេៗទាហានវិញទើបមានប្រសិទ្ធភាព។ កូនទាហាន
មានអំណាចមកពីណា? មានតែមេទាហានទេដែលអាចធ្វើបានរឿងដាក់ ឬ ដកកុង
ត្រូលជជុះ។ ចំណែករៀងឈើខុសច្បាប់ ក៏ដូចគ្នាដែរ! កូនទាហានមិនហ៊ានកាប់
ឈឺលក់ទេ ហើយក៏គ្មានមធ្យោបាយគ្រប់គ្រាន់ដែរ។ មានតែមេទាហានទេដែលអាច
កាប់ឈើខុសច្បាប់ ហើយមានមធ្យោបាយគ្រប់គ្រាន់ទៀត។
បើដាក់ទោសក៏កូនទាហានមានទោសស្រាលដែរ ចំណែកពួកមេទាហានទើបត្រូវ
នឹងទទួលទោសធ្ងន់ៗ
ស្រវឹងនយោបាយហើយ! ខ្លាចតែនិយាយអត់ត្រូវទេខ្ញុំ!!!
អំពីកុងត្រូលជជុះនិងរកស៊ីព្រៃឈើ បើនិយាយឲ្យចំគឺមកពីកងទ័ពជួរមុខយើង
វាខ្វះខាតប្រាក់កាស ខ្វះស្បៀង ទើបព្យាយាមរកប្រាក់ចំណូលខ្លះៗ ព្រោះលុយ
ប្រចាំថ្ងៃក៏គ្មាន ប្រាក់ខែក៏តិច ស្បៀងក៏ខ្វះ អំណោយក៏ជូនទៅដល់ដៃ គ្រុនឈឺ
ក៏សម្បូរ ចង់សួរទៅមេៗថាបានដឹងដែរឬអត់? ឧទាហរណ៍
កូនចៅ៖ ជ្រកនៅតាមក្រោមផ្ទាំងថ្ម ឬតង់កញ្ចាស់
មេ៖ ស្នាក់នៅសុទ្ធតែអូតែល
កូនចៅ៖ ញ៊ាំតែប្រហុកគ្រឿង ត្រីងៀត
មេ៖ ស្រេចតែចិត្តចង់ ។ល។
ម្លោះហើយមេៗគួរតែមកនៅរួមសុខរួមទុក្ខជាមួយកូនចៅទើបដឹងច្បាស់
កុំហាមឃាត់ពេក អ្នកណាក៏ស្នេហាប្រទេសជាតិដែរ។