សាលាក្ដីខ្មែរក្រហម មិនទាន់បានដោះលែងជនជាប់ចោទ អៀង ធីរិទ្ធ តាមសេចក្ដីសម្រេចរបស់សាលាដំបូងទេ នៅថ្ងៃទី១៤ ខែកញ្ញា។
ដោយ ឡេង ម៉ាលី
2012-09-14
វិទ្យុអាស៊ីសេរី
១៩-តុលា-២០១១៖ ជនជាប់ចោទ អៀង ធីរិទ្ធ នៅក្នុងសវនាការនៃសាលាក្ដីខ្មែរក្រហម។
Photo courtesy of ECCC
មន្ត្រីនាំពាក្យសាលាក្ដីខ្មែរក្រហម លោក នេត្រ ភក្ត្រា ថ្លែងឱ្យដឹងថា ការមិនទាន់បានដោះលែងនេះ ក៏ព្រោះតែភាគីសហព្រះរាជអាជ្ញាមិនសុខចិត្តនឹងសេចក្ដីសម្រេចរបស់សាលាដំបូង ហើយបន្តប្ដឹងសាទុក្ខទៅតុលាការកំពូលទៀត៖ «នៅព្រឹកមិញនេះ សហព្រះរាជអាជ្ញាបានដាក់បណ្ដឹងសាទុក្ខ ប្រឆាំងទៅនឹងការសម្រេចរបស់អង្គជំនុំជម្រះសាលាដំបូង ដោយស្នើសុំឱ្យពន្យារនូវការដោះលែងលោកស្រី អៀង ធីរិទ្ធ សិន ហើយបានស្នើសុំទៅអង្គជំនុំជម្រះតុលាការកំពូល ដើម្បីធ្វើយ៉ាងម៉េច ឱ្យការដោះលែងលោកស្រី អៀង ធីរិទ្ធ នេះ ធ្វើឡើងដោយមានលក្ខខណ្ឌ»។
កាលនៅថ្ងៃទី១៣ កញ្ញា សាលាដំបូងបានសម្រេចដោះលែងជនជាប់ចោទ អៀង ធីរិទ្ធ ដោយបញ្ជាក់ហេតុផលថា ដោយសារតែជំងឺវង្វេងវង្វាន់ និងបាត់ការចងចាំរបស់ជនជាប់ចោទកាន់តែធ្ងន់ធ្ងរ មិនអាចចូលរួមតតាំងក្ដីក្នុងសវនាការបាន។ ហេតុផលនេះ គឺផ្អែកតាមសក្ខីកម្មរបស់អ្នកជំនាញផ្នែកពេទ្យ ចាត់តាំងដោយសាលាក្ដីខ្មែរក្រហម ដែលបញ្ជាក់ក្នុងសវនាការកាលពីថ្ងៃទី៣០ និង៣១ សីហា។
សេចក្ដីសម្រេចរបស់សាលាដំបូង មិនបានដាក់លក្ខខណ្ឌទេ ក៏ប៉ុន្តែ បានដាក់វិធានការមួយចំនួន។ លោក នេត្រ ភក្ត្រា ថ្លែងថា ឥឡូវនេះ សហព្រះរាជអាជ្ញាបានស្នើសុំដាក់លក្ខខណ្ឌចំនួន៦ចំណុចបន្ថែមទៀត៖ «លក្ខខណ្ឌដែលបានដាក់នោះ គឺមានដូចជា ត្រូវស្នាក់ក្នុងលំនៅឋានជាក់លាក់មួយ ដែលសហមេធាវីការពារក្ដីរបស់គាត់ ត្រូវប្រាប់អំពីអាសយដ្ឋាន ឬត្រូវបង្ហាញខ្លួនមួយសប្ដាហ៍ម្ដង ដើម្បីឱ្យអាជ្ញាធរមានសមត្ថកិច្ច ឬក៏មន្ត្រីផ្លូវការ ដែលចាត់តាំងដោយអង្គជំនុំជម្រះសាលាដំបូង ត្រូវពិនិត្យពីសុវត្ថិភាព ហើយឱ្យគាត់ប្រគល់លិខិតឆ្លងដែន និងអត្តសញ្ញាណប័ណ្ណរបស់គាត់ ហើយមិនត្រូវទាក់ទងនឹងភាគីផ្សេងៗ ដែលទាក់ទងជាមួយនឹងសំណុំរឿង ជាពិសេស គឺជាមួយនឹងសាក្សី ជាមួយនឹងអ្នកជំនាញ ដើមបណ្ដឹងរដ្ឋប្បវេណី លើកលែងតែស្វាមីរបស់គាត់ គឺលោក អៀង សារី និងទី៦ នោះ គឺត្រូវឋិតនៅក្រោមការត្រួតពិនិត្យវេជ្ជសាស្ត្រ ដោយអ្នកអនុវត្តផ្នែកវេជ្ជសាស្ត្រ ដែលអង្គជំនុំជម្រះសាលាដំបូងបានចាត់តាំង ៦ខែម្ដង»។
សហព្រះរាជអាជ្ញាបានលើកឡើងថា លក្ខខណ្ឌសម្រាប់ដោះលែងជនជាប់ចោទ អៀង ធីរិទ្ធ មិនត្រឹមតែគិតអំពីសិទ្ធិរបស់ជនជាប់ចោទទេ គឺត្រូវពិចារណាដែរអំពីសិទ្ធិរបស់ជនរងគ្រោះ ដើមបណ្ដឹងរដ្ឋប្បវេណី សហព្រះរាជអាជ្ញា និងសហគមន៍អន្តរជាតិ រួមនឹងកត្តាផ្សះផ្សាជាតិ ស្ថិរភាព យុត្តិធម៌ សុវត្ថិភាព និងសណ្ដាប់ធ្នាប់សាធារណៈ។
សហព្រះរាជអាជ្ញា ក៏ស្នើសុំឱ្យសាលាដំបូងផ្អាកការដោះលែងជនជាប់ចោទ អៀង ធីរិទ្ធ រហូតទាល់តែអង្គជំនុំជម្រះតុលាការកំពូលសម្រេចលើបណ្ដឹងសាទុក្ខនេះសិន ស្របតាមវិធានការផ្ទៃក្នុងតុលាការកំពូល ទុកពេល២ថ្ងៃសម្រាប់ពិនិត្យបណ្ដឹងសាទុក្ខ និងរយៈពេល១៥ថ្ងៃ សម្រាប់ធ្វើសេចក្ដីសម្រេចជាចុងក្រោយ។ ដូច្នេះ លទ្ធផលដោះលែង គេរំពឹងថានឹងអាចដឹងនៅក្នុងខែតុលា ខាងមុខនេះ៕
កំណត់ចំណាំចំពោះអ្នកបញ្ចូលមតិនៅក្នុងអត្ថបទនេះ៖ ដើម្បីរក្សាសេចក្ដីថ្លៃថ្នូរ យើងខ្ញុំនឹងផ្សាយតែមតិណា ដែលមិនជេរប្រមាថដល់អ្នកដទៃប៉ុណ្ណោះ។
យាយកញ្ចាស់នេះជាសមាជិកសកម្មរបស់កំពូលអង្គការខ្មែរ
ក្រហម ។ ក្រុមរបស់គេហ្នឹឯងដែលជាអ្នកចេញបញ្ជាឱ្យប្រល័យ
ខ្មែរក្នុងការសងសឹក ។ ពិព្រោះតែពួកគេចង់សងសឹកហ្នឹងឯងដែល
វាផ្ទុយពីគោលការណ៍៍ដើមរបស់បដិវត្តន៍ដែលបានយល់ព្រមគ្នា
ជាមួយលោកហ៊ូ្ យន់, លោកហ៊ូ នឹមជាដើម ទើបពួកមេឃាតករ
នេះសម្លាប់អស់លោកទាំងនោះចោល ។ តើអាឆាង យុ វាសរសេរ
ថាម៉េចដែរអំពីមេខ្មែរក្រហមទាំងនេះ ។
យាយកញ្ចាស់នេះវាទេណា៎! កុំជឿវា!!!!!!! វាប៉ិនធ្វើពុតណាស់!!!
យាយកញ្ចាស់នេះវាធ្វើពុតទេណា៎! កុំជឿវា!!!!!!! វាប៉ិនធ្វើពុតណាស់!!!
អុអូរ!!!!!!!! អ្នកមា្តយ!អ្នកម្តាយឈី់ខ្លាំងឬ?ចុះក្រែងអ្នកម្តាយថ្លាប់ពូកែខាងផលិតឌ៍សុតបុរាណ្យដ៍ល្បីល្បាញនោះអី!ម្តេចមិនថ្វើទទួលទាន-ហូប-ចុក-
បុកទំពារ-ច្រំច្រាស-បោសកន្តាលដើមទ្រូង-ដាច់ដោច-លេបចុះកម្ពង់-ដាច់ដាបខ្លួនអែងទៅ! មានអង្កាអែណាមកទិចទានកសាងអ្នកម្តាយទៀតអែណា។
រួចចុះលោកឌ៍ពុកនោះមិនជួយបុកកន្ទក់ពូតលាយស្កត្នោតឆ្វើថ្នាំអាចម៍កន្តោរអោយអ្នកម្តាយសោយផងទៅ!នៅថើអីម៉ាងៃៗលួចលុញពងលេងឬយ៉ាងមេច?
សម្តែងស្មោះត្រង់ជូនអង្កាមក! បើមិនអញ្ចឹងទេយកទៅស២១អាឡូវហ្នឹង!!ហាស!!ហូយ!!!!ចុកពោះហាស!!!!១!!!២!!!៣!!៤!!!៥!!!៦!!៧!!