ទឹកជំនន់ពីប្រទេសថៃដែលផ្ដើមកាលពីសប្ដាហ៏កន្លងទៅ បានធ្វើឲ្យភូមិចំនួន៦ ក្នុងខេត្ត បន្ទាយមានជ័យលិចលង់ ផ្លូវជាច្រើនពាន់ម៉ែត្រដាច់ដោច និង លិចស្រូវរាប់ពាន់ហិកតា។
ផុន សុភា
Tuesday 18 September 2012
សារព័ត៌មានសេរី
ផ្លូវថ្នល់ដែលត្រូវបានបំផ្លាញ ដោយទឹកជំនន់ កាលពីពេលកន្លងទៅ
លោក សួង មួន មេភូមិអូរបីជាន់ ក្នុងស្រុក អូរជ្រៅ ខេត្ត បន្ទាយមានជ័យបានថ្លែងប្រាប់ក្រុមអ្នករាយការណ៏ព័ត៌មានកាលពីម្សិលមិញថា ជំនន់ទឹកភ្លៀងបានហូរធ្លាក់ពីខេត្ត ស្រៈកែវ ប្រទេស ថៃ ហើយបានប៉ះពាល់ភូមិចំនួន ៦ និង បានជន់លិចផ្លូវថ្នល់ប្រវែង ៥៤៧៨ ម៉ែត្រ លិចស្រូវជាង៤ពាន់ហិកតានិង ដំឡូងមីជាង១០០ហិកតា ។
ជាមួយគ្នាកាលពីម្សិលមិញដែរ ក្រសួងធនធានទឹកនិង ឧតុនិយមបានប្រកាសឲ្យដឹងថា ជ្រលងសម្ពាធទាបដែលធ្វើឲ្យមានភ្លៀងខ្លាំងគ្របដណ្ដបទៅលើខេត្ត ជាង១០របស់ប្រទេសកម្ពុជាអស់រយៈពេល២សប្ដាហ៏មកនេះ នឹង បន្តអូសបន្លាយរហូតដល់ថ្ងៃទី ២៣កញ្ញា ៕