ការស្រាវជ្រាវបានអោយដឹងថា អ្នកផឹកស្រាដែលឈប់ផឹក និងបែរជាធ្វើលំហាត់ប្រាណនោះ អាចជួយរកាត់បន្ថយការបាត់បង់កំហាប់ឆ្អឹងបាន។ការបង្កើតឆ្អឹងសារជាថ្មីត្រូវបានប៉ះពាល់ដោយការផឹកស្រា។ អ្នកស្រាវជ្រាវជនជាតិអូស្ត្រាលីបានរកឃើញថា ការជៀសវាងការផឹកស្រាក្នុងរយៈពេលត្រឹមតែ៨សប្តាហ៍អាចជួយកែប្រែភាពមិនរក្សាលំនឹងរវាងការបង្កើតឆ្អឹង និងការបាត់បង់ឆ្អឹងដែលជាលទ្ធផលនៃការផឹកស្រា។ ពួកគេបាននិយាយថា ការធ្វើលំហាត់ប្រាណក៏អាចជួយការពារប្រឆាំងនឹងការថយចុះដង់ស៊ីតេនៃឆ្អឹងផងដែរ។
ប្រភព Health.com.kh
Tuesday 18 September 2012
សារព័ត៌មានសេរី
ការស្រាវជ្រាវត្រូវបានចេញផ្សាយនៅក្នុង Alcoholism: Clinical & Experimental Research។
សឺរជី ម៉េចឈឺរីកូវ (Sergei Mechtcheriakov) ជាសាស្ត្រាចារ្យរងខាងផ្នែកចិត្តសាស្ត្រនៅសាកលវិទ្យាល័យវេជ្ជសាស្ត្រ Innsbruck បាននិយាយថា ការស្រាវជ្រាវនេះផ្តល់ការយល់ដឹងបន្ថែមពីផលប៉ះពាល់នៃការផឹកស្រាកម្រិតខ្ពស់ក្នុងរយៈពេលយូរចំពោះមនុស្ស។
គាត់បាននិយាយថា យើងអាចឃើញថា សូម្បីតែជាលិកាឆ្អឹងអាចត្រូវបានប៉ះពាល់ដោយការផឹកស្រាផងដែរ។ វាហាក់ដូចជា ការបូកបញ្ចូលគ្នានៃឥទ្ធិពលពុលផ្ទាល់នៃជាតិស្រា និងមេតាបូលីសរបស់វាលើជាលិកាឆ្អឹង និងកត្តានៃរបៀបរស់នៅមួយចំនួនផងដែរដូចជា ការថយចុះលំហាត់ប្រាណ ក៏អាចដើរតួសំខាន់ផងដែរ។
ក្នុងការស្រាវជ្រាវ, បុរស៥៣នាក់ដែលផឹកស្រាខ្លាំងត្រូវបានគេធ្វើតេស្តមើលដង់ស៊ីតេរបស់ឆ្អឹង។ អ្នកចូលរួមដែលមានអាយុពី២១ឆ្នាំ ទៅ៥០ឆ្នាំ បានបូមឈាមនៅពេលដែលការស្រាវជ្រាវបានចាប់ផ្តើម និងធ្វើការបូមឈាមម្តងទៀតបន្ទាប់ពីការព្យាបាលបាន៨សប្តាហ៍។ ពួកគេបានបំពេញសំនួរលើថាតើការធ្វើលំហាត់ប្រាណប៉ុណ្ណាមុននឹងពួកគេបានចាប់ផ្តើមការព្យាបាលនោះ។
ភីតធឺរ ម៉ាលីក (Peter Malik) បាននិយាយថា យើងបានរកឃើញថា ដង់ស៊ីតេឆ្អឹងត្រូវបានថយចុះចំពោះបុរសដែលផឹកស្រាដែលមិនមានជំងឺថ្លើម។
ម៉ាលីកបានពន្យល់ថា ចំពោះមនុស្សដែលមិនមានជំងឺពុកឆ្អឹង, ការធ្វើរបៀបនេះបានន័យថា ការកើនឡើងហានិភ័យនៃការបាក់ឆ្អឹងត្រូវបានថយចុះអំឡុងពេលការតមមិនផឹកស្រានេះ។
គាត់បាននិយាយថា បន្ថែមពីលើនេះ, ការធ្វើលំហាត់ប្រាណជាទៀងទាត់ហាក់ដូចជាការពារឆ្អឹងចំពោះឪពុកម្តាយដែលផឹកស្រា។
អ្នកស្រាវជ្រាវបានចង្អុលបង្ហាញថា ទោះជាយ៉ាងណាក៏ដោយ, មេតាប៉ូលីសនៃឆ្អឹងត្រូវបានប្រសើរឡើងក្នុងអំឡុងពេលសប្តាហ៍ដំបូងនៃការជារសះស្បើយ។
ម៉េចឈឺរីកូវបាននិយាយថា ការជារសះស្បើយបន្ទាប់ពីការផឹកស្រាយូរអង្វែងត្រូវការចំណាយពេលជាច្រើនខែ និងជាច្រើនឆ្នាំ។ យើងត្រូវការយល់អោយបានច្បាស់នៃដំណើរការទាំងនេះដើម្បីទទួលបានកម្មវិធីនៃការអោយជាសះស្បើយនេះអោយបានល្អប្រសើរ៕