លោក​ ហោ ណាំហុង​ កោះប្រជុំ​រដ្ឋមន្ត្រី​ការបរទេស​អាស៊ាន​ក្រៅផ្លូវការ

ប្រមុខការទូតកម្ពុជា លោក​ឧបនាយករដ្ឋមន្ត្រី​ហោ ណាំហុង​ នឹង​ដឹកនាំ​ប្រតិភូ​កម្ពុជា​ទៅ​ចូលរួម​ក្នុង​មហាសន្និបាត​អង្គការ​សហប្រជាជាតិ នៅក្នុង​ទីក្រុង​ញូវយ៉ក ពី​ថ្ងៃទី២៥កញ្ញា​ ដល់​ថ្ងៃទី៤ខែតុលា។ រដ្ឋមន្ត្រី​ការបរទេស​កម្ពុជា​នឹង​ចូលរួម​ក្នុង​កិច្ចប្រជុំ​អន្តរជាតិ​ជាច្រើន​នៅទីនោះ ដែល​ក្នុង​ចំណោម​​កិច្ចប្រជុំ​ទាំងនោះ ក៏​មាន​ការ​ជួបគ្នា​ក្រៅ​ផ្លូវការ​រវាង​រដ្ឋមន្ត្រី​ការបរទេស​អាស៊ាន​ផងដែរ។

ថ្ងៃ ព្រហស្បតិ៍ 20 កញ្ញា 2012
ដោយ លាង ដឺលុច
RFI

ជំនួបកំពូល​អាស៊ាន នៅ​កម្ពុជា កាល​ពី​ខែ​កក្កដា​កន្លងទៅ

ជំនួបកំពូល​អាស៊ាន នៅ​កម្ពុជា កាល​ពី​ខែ​កក្កដា​កន្លងទៅ RFI/Delux Leang

សេចក្តីរាយការណ៍​របស់​លាង ដឺលុច ពី​ភ្នំពេញ

(02:02)

កិច្ច​ប្រជុំ​ក្រៅ​ផ្លូវការ​នៃ​រដ្ឋមន្ត្រី​ការបរទេស​អាស៊ាន​ត្រូវ​បាន​​គ្រោង​រៀបចំ​ឡើង​នៅ​ពេល​ណា​មួយ​នៃមហា​សន្និបាត​អង្គការ​សហប្រជាជាតិ​ ដែល​នឹង​ប្រព្រឹត្ត​ទៅ​ពី​ថ្ងៃ​ទី​២៥​កញ្ញា ដល់​ថ្ងៃ​ទី​៤​តុលា។ នេះ​បើ​យោ​ង​តាម​សេចក្តី​ជូន​ដំណឹង​របស់​ក្រសួង​កាបរទេស​កម្ពុជា ដែល​រៀបរាប់​អំពី​កម្មវិធី​ការងារ​របស់​លោក​ឧបនាយករដ្ឋមន្ត្រី​ហោ ណាំហុង​ នៅ​ក្នុង​មហាសន្និបាតអង្គការ​សហប្រជាជាតិ​ដែល​នឹង​ប្រព្រឹត្តទៅ​នៅទីក្រុង​ញូវយ៉ក សហរដ្ឋអាមេរិក។ នេះ​គឺ​ជាការ​ឆ្លៀត​​ជួប​គ្នា​នៃ​ប្រមុខ​ការទូត​ប្រទេស​អាស៊ាន ខណៈ​ដែល​ពួកគេ​មាន​វត្តមាន​នៅ​ក្នុង​មហាសន្និបាត​អង្គការ​សហប្រជាជាតិ​ជាមួយគ្នានោះ។​
 
អ្នក​នាំ​ពាក្យ​ក្រសួង​ការបទេស​កម្ពុជា លោក​ កុយ គួង​បាន​អះអាង​ប្រាប់​វិទ្យុ​បារាំង​អន្តរជាតិ​នៅ​ថ្ងៃ​នេះ​ថា ក្នុង​នាម​ជា​ប្រធានអាស៊ាន កម្ពុជា​បាន​កោះ​ប្រជុំ​ក្រៅ​ផ្លូវ​ការ​នៃ​រដ្ឋមន្ត្រី​ការ​បរទេស​អាស៊ាន​នេះ។ ប៉ុន្តែ​លោក​បញ្ជាក់​ថា លោក​មិន​បាន​ដឹង​អំពី​របៀបវារៈ​នៃ​កិច្ច​ប្រជុំ​នោះ​ទេ។
 
ប្រធាន​បទ​នៃ​កិច្ច​ប្រជុំ​មិន​ត្រូវ​បាន​គេ​ទំលាយ​អោយ​ដឹង​ឡើយ ខណៈ​សមាគម​ប្រជាជាតិ​អាស៊ីអាគ្នេយ៍​មួយ​នេះ ​កំពុង​ត្រូវ​រក​ដំណោះ​ស្រាយ​បញ្ហា​ជម្លោះ​ដែន​សមុទ្រ​ចិន​ខាង​ត្បូង។ ជម្លោះ​សមុទ្រ​ចិន​ខាង​ត្បូង​ជា​ទំនាស់​ដែន​សមុទ្រ​រវាង​ប្រទេស​ចិន​ដែល​ជា​ដៃ​គូ​សេដ្ឋកិច្ច​របស់​អាស៊ាន ជាមួយ​សមាជិក​អាស៊ាន​មួយ​ចំនួន​ដូចជា ហ្វីលីពីន វៀតណាម ម៉ាឡេស៊ី និងប្រ៊ុយណេ។
 
ក្រៅ​ពី​កិច្ច​ប្រជុំ​នេះ លោក​ហោ ណាំហុង​ត្រូវ​ចូលរួម​ក្នុង​មហា​សន្និបាត​អង្គការ​ប្រជាជាតិ ក្នុង​សម័យ​ប្រជុំ​លើក​ទី​៦៧ ដែល​ក្នុង​កិច្ច​ប្រជុំ​នោះ លោក​ឧបនាយក​រដ្ឋមន្ត្រី​កម្ពុជា​ត្រូវ​ថ្លែង​សុន្ទរកថា​មួយ​ផង​ដែរ។
 
យោងតាម​សេចក្តី​ជូនដំណឹង​របស់​ក្រសួង​ការបរទេស​កម្ពុជា លោក​ហោ ណាំហុង​ក៏​នឹង​ចូលរួម​ក្នុង​កិច្ច​ប្រជុំ​រវាង​រដ្ឋមន្ត្រី​ការបរទេស​អាស៊ាន និង​រដ្ឋមន្ត្រី​ការបទេស​អាមេរិក និង​កិច្ចប្រជុំ​មួយ​ទៀត​រវាង រដ្ឋមន្ត្រី​ការបរទេស​អាស៊ាន​ជាមួយ​ប្រធាន​មហាសន្និបាត អង្គការ​សហប្រជាជាតិ និង​អគ្គលេខាធិការ​អង្គការ​សហប្រជាជាតិ។
 
ក្នុង​សម័យ​ប្រជុំ​នៅ​ទីក្រុង​ញូយ៉ក​នោះ លោក ហោ ណាំហុង​ក៏​ចូលរួម​ក្នុង​កិច្ចប្រជុំ​ជាន់ខ្ពស់​នៃ​អនុសញ្ញា​អាវុធ​គីមី​ស្តី​ពី ១៥​ឆ្នាំ​នៃ​អនាគត​អនុសញ្ញា​អាវុធ​គីមី ដែល​និយាយ​អំពី ភាព​ជោគជ័យ​នៃ​ប្រតិបត្តិការ និង​ការ​ប្តេជ្ញា​ចិត្ត​ចំពោះ​អនាគតកាល៕

——————————————-

ទាក់ទងនឹងប្រធានបទនេះ​ដែរ :

What Next?

Recent Articles

One Response to "លោក​ ហោ ណាំហុង​ កោះប្រជុំ​រដ្ឋមន្ត្រី​ការបរទេស​អាស៊ាន​ក្រៅផ្លូវការ"

  1. ដូនពេញ says:

    អាហោ-5ហុង អាទ្រពងអាហ៊ុន-សែន, អាកញ្ជាះយួន,…
    អាហោ-5ហុង គឺជាមេគុកព្រៃស,….
    អាហោ-5ហុង គឺជាអាយ៉ងយួនហានូយ,…
    អាហោ-5ហុង គឺជាអាជ័យធ្លាក់ទឹក ហៃអើៗ…របស់អាហ៊ុន-សែន,…