ស្នេហ៍​បែក​បាក់ សុគន្ធ​កញ្ញា បញ្ជាក់​ថា​មិន​ធ្លាប់​ស្រឡាញ់ ធីដូណា ទេ

ភ្នំពេញៈ តើ​អ្នក​ណា​ម្នាក់​ជា​អ្នក​ចូល​ជ្រែក​បំបែក​ស្នេហា​របស់​កំពូល​តារា​ចម្រៀង​ស្រី​ប្រចាំ​ឆ្នាំ​នាង ឱក សុគន្ធ​កញ្ញា? តើ​មូល​ហេតុ​ចម្បង​អ្វី​ខ្លះ​ដែល​នាំ​ឲ្យ​ចំណង​ស្នេហ៍​ស្រឡាញ់​គ្នា​តាំង​ពី​គ្រា​ក្រ​អស់​រយៈ​ពេល​ជិត​៧​ឆ្នាំ​រវាង ឱក សុគន្ធ​កញ្ញា និង​តន្ត្រី​ករ រ៉េត ធីដូណា បែក​គ្នា​?

Friday, 21 December 2012
សេត គឹមសឿន
ភ្នំពេញ ប៉ុស្តិ៍

តារា​ចម្រៀង​នាង ឱក សុគន្ធ​កញ

តារា​ចម្រៀង​នាង ឱក សុគន្ធ​កញ

ទើប​តែ​រំជួល​ចិត្ត​ជាមួយ​នឹង​ចំណង​ស្នេហ៍​បែក​បាក់​របស់​អតីត​តារា​ចម្រៀង​រស្មី​ហង្ស​មាស​នាង សុគន្ធ និសា និង​កវី​លោក សុខ ជំនោរ ស្ទើរ​តែ​មិន​ទាន់​រលត់​ផង​បែរ​ជា​ពេល​នេះ វា​បាន​ក្លាយ​ជា​រឿង​មិន​នឹក​ស្មាន​សម្រាប់​មហា​ជន​មួយ​ទៀត​នៅ​ពេល​ដែល​ចំណង​ស្នេហ៍​ជិត​៧​ឆ្នាំ​របស់ ឱក សុគន្ធ​កញ្ញា និង​រ៉េត ធីដូណា ដើរ​ដល់​ផ្លូវ​បំបែក​នោះ​។

អ្នក​គ្រប់​គ្រង​កម្មវិធី​សិល្បៈ​ល្បី​ឈ្មោះ​ម្នាក់​បាន​ឲ្យ​ដឹង​ថា លោក​មិន​បាន​ដឹង​ពី​ការ​បែក​បាក់​របស់ ឱក សុគន្ធ​កញ្ញា និង រ៉េត ធីដូណា តាម​រយៈ​ពួក​គេ​និយាយ​ដោយ​ផ្ទាល់​មាត់​ទេ ប៉ុន្តែ​នៅ​ក្នុង​សិល្បៈ​ភាគ​ច្រើន​គេ​បាន​ដឹង​ពី​ការ​បែក​បាក់​នេះ ហើយ​លោក​ក៏​មិន​បាន​ដឹង​ពី​មូល​ហេតុ​ចម្បង​ណា​មួយ​ច្បាស់​លាស់​ពី​ការ​ផ្តាច់​ចំណង​ទាក់​ទង​ស្នេហា​របស់​ពួក​គេ​ដែរ គ្រាន់​តែ​នៅ​ក្នុង​ពិភព​សិល្បៈ​គេ​សង្ស័យ​ថា ទំនង​ជា​ឱក សុគន្ធ​កញ្ញា បែក​ចិត្ត​ព្រោះ​តែ​តារា​រូប​នេះ ឥឡូវ​មិន​ដូច​ពី​មុន​ឡើយ ពោល​គឺ​នាង​មាន​សម្រស់​ស្រស់​ស្អាត​ដូច​ផ្កា ហើយ​មាន​ទឹក​លុយ​ទៀត តែ​បើ​ក្រឡេក​មើល រ៉េត ធីដូណា វិញ មាន​មាឌ​ធំ​ធាត់​កន្ទ្រល ហើយ​គ្រាន់​តែ​ជា​តន្ត្រី​ករ​កំប៉ិក​កំប៉ុក​ម្នាក់​ប៉ុណ្ណោះ​ពោល​គឺ​ស្នេហា​ក៏​ត្រូវ​ការ​លុយ​ចាយ បាយ​ស៊ី​ដែរ​។

សុំ​មិន​បញ្ចេញ​ឈ្មោះ​លោក​បាន​និយាយ​ថា៖​«​បង​មិន​បាន​ដឹង​ច្បាស់​ដែរ តែ​ក្នុង​ពិភព​សិល្បៈ​គេ​បាន​និយាយ​ថា ពួក​គេ​បែក​គ្នា​យូរ​គួរ​សម​ហើយ តែ​ពួក​គេ​ចេះ​តែ​ខំ​លាក់​បាំង​។ និយាយ​ទៅ​អា​កញ្ញា វា​ល្បី វា​ស្អាត​ខ្លាំង​ណាស់​ឥឡូវ រីឯ ដូណា វិញ​ធាត់​មែន​ទែន ហើយ​គ្រាន់​តែ​ជា​តន្ត្រី​ករ​ធម្មតា​ម្នាក់ អ្នក​សិល្បៈ​គេ​និយាយ​គ្រប់​គ្នា​ថា មិន​ស៊ី​គ្នា​ទេ។ នេះ​ក៏​ជា​មូលហេតុ​មួយ​ដែរ​»។

ស្រប​គ្នា​នោះ​ក៏​មាន​ប្រភព​ដទៃ​ទៀត​បញ្ជាក់​ស្ទើរ​ច្បាស់​១០០​ភាគ​រយ​ថា ស្នេហា​ព្រាត់​ប្រាស​មួយ​នេះ បណ្តាល​មក​ពី​មាន​ជន​ទី​៣ ដែល​ជា​មន្ត្រី​ធំ​មាន​អំណាច ឆាប​ឆក់​ស្ទូច​យក​ឱក សុគន្ធ​កញ្ញា ខណៈ​ដែល​គ្រួសារ​នាង​ក៏​មាន​បំណង​ផ្តាច់​ចំណង​ទាក់​ទង សុគន្ធ​កញ្ញា និង​រ៉េត ធីដូណា នេះ​តាំង​ពី​យូរ​ណាស់​មក​ហើយ​ដែរ​។ តែ​ពាក់​ព័ន្ធ​នឹង​មន្ត្រី​មាន​អំណាច​ចូល​ខ្លួន​មក​ជ្រៀត​ជ្រែក​នោះ អ្នក​គ្រប់​គ្រង​កម្ម​វិធី​ខាង​លើ​បញ្ជាក់​ថា លោក​ក៏​មិន​បាន​ដឹង​ច្បាស់​ដែរ ប៉ុន្តែ​បើ​និយាយ​ពី​គ្រួសារ​សុគន្ធ​កញ្ញា បំបែក​បំបាក់​នោះ​អាច​ទៅ​រួច ព្រោះ​តាំង​ពី​ដើម​មក​មិន​ដែល​ឮ​ថា ក្រុម​គ្រួសារ សុគន្ធ​កញ្ញា ទទួល​ស្គាល់ ឬ​ក៏​ពេញ​ចិត្ត​នឹង រ៉េត ធីដូណា នោះ​ទេ​។លោក​បាន​បញ្ជាក់​ថា៖​«​បើ​និយាយ​ពី​គ្រួសារ​អា​កញ្ញា ហាម​ឃាត់​ជា​រឿង​ត្រឹម​ត្រូវ​ដែរ ព្រោះ​តាំង​ពី​ដើម​មក គ្រួសារ​អា​កញ្ញា មិន​ដែល​ពេញ​ចិត្ត​នឹង ដូណា ទេ​»។



ឱក សុគន្ធ​កញ្ញា និង​រ៉េត ធីដូណា បាន​ផ្តើម​ស្នេហ៍​ដំបូង​ក្នុង​ឆ្នាំ​២០០៥ ខណៈ​ដែល​ពួក​គេ​ស្ថិត​នៅ​ក្រោម​ដំបូល​ផលិតកម្ម​យូធូ​តែ​មួយ ហើយ​ពេល​នោះ សុគន្ធ​កញ្ញា មាន​សម្រស់​មិន​គួរ​ដាក់​ភ្នែក​មើល​ឡើយ ហើយ​ទ្រព្យ​ធន​ក៏​មិន​មាន​អ្វី​អស្ចារ្យ​អាច​និយាយ​បាន​ថា រ៉េត ធីដូណា និង​សុគន្ធ​កញ្ញា ស័ក្តិ​សម​នឹង​គ្នា​។ ប៉ុន្តែ​ប៉ុន្មាន​ឆ្នាំ​ក្រោយ​មក ពិសេស​ក្រោយ​ពេល សុគន្ធ​កញ្ញា ចូល​រស្មី​ហង្ស​មាស សម្រស់​របស់​នាង​បាន​វិវត្ត​ក្លាយ​ជា​សត្វ​ហង្ស ស៊ី​ដាច់​មិន​អាច​យក​ទៅ​ដាក់​ផ្ទឹម​ជាមួយ​នឹង រ៉េត ធីដូណា បាន​ទៀត​ឡើយ​។

ជុំវិញ​ដំណឹង​សាយ​ភាយ​ពី​ការ​បែក​បាក់​គ្នា​នេះ ឱក សុគន្ធ​កញ្ញា មិន​បាន​និយាយ​ដោយ​ខ្លួន​នាង​ផ្ទាល់​ឡើយ ដោយ​តារា​រូប​នេះ​បាន​បង្វែរ​ឲ្យ​ប្អូន​ស្រី​បង្កើត​របស់​នាង​ឈ្មោះ តាណា និយាយ​ជំនួស​វិញ​។ ប្អូន​ស្រី​ឱក សុគន្ធ​កញ្ញា បាន​ឲ្យ​ដឹង​ថា សុគន្ធ​កញ្ញា និង រ៉េត ធីដូណា មិន​ធ្លាប់​មាន​ទំនាក់​ទំនង​ស្នេហា​នឹង​គ្នា​ឡើយ​កាល​ពី​រយៈ​ពេល​កន្លង​មក​។

តាណា និយាយ​ថា៖​«​ខ្ញុំ​មិន​ដឹង​រឿង​ស្នេហា​ពួក​គាត់​ទេ តាំង​ពី​ដើម​មក​ពួក​គាត់​ជា​មិត្ត​ភក្តិ​តើ!​រាប់​អាន​ធ្វើ​ការ​ជាមួយ​គ្នា ហើយ​ឥឡូវ​នេះ​ខ្ញុំ​ក៏​មិន​បាន​ដឹង​ថា ពួក​គាត់​យ៉ាង​ម៉េច​ដែរ តែ​ពួក​គាត់​នៅ​តែ​ធ្វើ​ការ​ជាមួយ​គ្នា​ធម្មតា​ទេ ពួក​គាត់​អត់​មាន​ប្រែ​ប្រួល​ផង តែ​ត្រង់​បង​ថា ពួក​គាត់​មាន​ស្នេហា​អី​ហ្នឹង តាំង​ពី​មុន​មក​គាត់​(សុគន្ធ​កញ្ញា​)​មិន​ដែល​និយាយ​ផង​!»។

នាង​បាន​បញ្ជាក់​ថា៖​«​រឿង​ថា គ្រួសារ​ខ្ញុំ​ពេញ​ចិត្ត​មិន​ពេញ​ចិត្ត​អី ខ្ញុំ​មិន​សូវ​ដឹង​ដែរ តែ​មាន​រឿង​អី​ដែល​គ្រួសារ​ខ្ញុំ​ត្រូវ​មិន​ពេញ​ចិត្ត​គាត់ ព្រោះ​យើង​អត់​ដែល​មាន​ទំនាក់​ទំនង​អី​នឹង​គ្នា​ផង​។ កន្លង​មក ធ្លាប់​មាន​គេ​ផ្សាយ​ថា ពួក​គាត់​ស្រឡាញ់​គ្នា តែ​បង​កញ្ញា គាត់​មិន​សូវ​រវី​រវល់​ផង ព្រោះ​បក​ស្រាយ​ថា មិន​ស្រឡាញ់​គ្នា ក៏​គេ​នៅ​តែ​ចុះ​ថា ស្រឡាញ់​គ្នា អ៊ីចឹង​ចេះ​តែ​ខ្ជិល​ទៅ​!»។

ដោយ​ឡែក​នៅ​ពេល​មាន​ការ​ចោទ​សួរ​ថា ឱក សុគន្ធ​កញ្ញា បែក​បាក់​ពី​រ៉េត ធីដូណា​ព្រោះ​មាន​មន្ត្រី​មាន​អំណាច​ចូល​ជ្រៀត​ជ្រែក​នោះ ប្អូន​ស្រី​តារា​ចម្រៀង​ឱក សុគន្ធ​កញ្ញា បាន​បញ្ជាក់​ភ្លាម​ថា គ្មាន​ទេ​។ នាង​អះ​អាង​ថា៖​«​រឿង​ថា មាន​ទំនាក់​ទំនង​ស្នេហា​ជាមួយ​មន្ត្រី​រាជ​ការ​មាន​អំណាច​អី​នោះ គ្មាន​ការ​ពិត​ទេ​បង ព្រោះ​គាត់​មិន​ដែល​មាន​ទំនាក់​ទំនង​ជាមួយ​អ្នក​ណា​គេ​ទេ​។ គាត់​ធ្លាប់​ប្រាប់​ថា បើ​គាត់​មាន​អ្នក​ស្រឡាញ់ ត្រូវ​រៀប​ការ​គឺ​គាត់​នឹង​ប្រកាស​តែ​ម្តង​គាត់​អត់​មាន​រឿង​លួច​លាក់​អី​ទេ»​។

ចំណែក​ឯ​រ៉េត ធីដូណា ដែល​ល្បី​ថា​ខូច​ចិត្ត​ផឹក​ស្រា​ដ្បិត​ស្នេហា​ជិត​៧​ឆ្នាំ​ត្រូវ​ចែក​ចាន​ឆ្នាំង​នោះ​មិន​ហ៊ាន​ប្រឈម​មុខ​បក​ស្រាយ​ការ​ពិត​ទេ ខណៈ​លើក​ទូរស័ព្ទ​ហើយ​ដឹង​ថា អ្នក​ព័ត៌​មាន​នោះ​ក៏​បាន​បិទ​ទូរស័ព្ទ​បាត់​តែ​ម្តង​៕

What Next?

Recent Articles

4 Responses to "ស្នេហ៍​បែក​បាក់ សុគន្ធ​កញ្ញា បញ្ជាក់​ថា​មិន​ធ្លាប់​ស្រឡាញ់ ធីដូណា ទេ"

  1. Ta yém says:

    Muk jing srey na ké Sror-lanch nuss. Ar-krork pèk tov hey.

  2. Dabe says:

    eheh don’t think so much. bussiness is that. if they find more prefer buyer, they will consider to change hery.

  3. អាមួយហ្នឹងក្តប៉ិនមេដៃ

  4. បើមិនដឹងកុំនិយាយ says:

    អោយនាងស្រលាញ់យ៉ាងណាបើមុខអាគាត់ហ្និងដូចសត្វហ៊ីង