ឆៃលី ដា​ឡែ​ន នៅតែមាន​ហាងឆេង

ភ្នំពេញ: ​តារា​ដែល​កាក់កប​ក្នុង​អាជីព​ចម្រៀង និង​សម្តែង​ក្រៅប្រទេស កញ្ញា ឆៃលី ដា​ឡែ​ន ក្រោយពី​ខកខាន​មិនបាន​រួម​ដំណើរ​ជាមួយ​កញ្ញា កុល ដាវី ឆ្លង​ទ្វីប​ទៅ​សម្តែង​នៅ​ប្រទេស​កាណាដា​រួចមក ក៏មាន​លេចឮ​ដឹ​ណឹ​ង​ថា តារា​សិច​ស៊ី​រូបនេះ មាន​គម្រោង​ទៅ​សម្តែង​នៅឯ​ប្រទេស​បារាំង​។

ថ្ងៃទី 22 ធ្នូ 2012
ដោយ: CEN

ទោះបីជា​មួយរយៈ​ធំ​ទៅហើយ ដែល​តារា​វ័យ ២៧​ឆ្នាំ រូបនេះ មិនបាន​ឡើង​សម្តែង​តាម​ឆាក​ប្រគំ​តន្ត្រី​នានា តាម​បណ្តា​ស្ថានីយទូរទស្សន៍​ក្តី តែ​ប្រជាប្រិយភាព​របស់​នាង ហាក់​នៅមាន​ការពេញនិយម​ពី​សំណាក់​អ្នក​ដែល​និយម​គាំទ្រ ឬ​និយាយបានថា អ្នក​ដែល​និយម​អញ្ជើញ​តារាចម្រៀង និង​តារា​សម្តែង ចូលរួម​ក្នុង​ពិធីមង្គលការ ឬ​ពិធី​ផ្សេងៗ​។

ដោយសារតែ​រដូវ​មង្គលការ​កូនប្រុស​ស្រី ហើយ​តារា​មួយចំនួន​សប្បាយ​នឹង​ឱកាស​កើប​ប្រាក់ ដោយ​មិនបាន​គិតពី​ការនឿយហត់​កម្លាំង​នោះ តារា​ខ្លះ​មានការ​អញ្ជើញ​ដល់​ទៅ​ពីរ ឬ​បី​កន្លែង​ក្នុង​មួយថ្ងៃ​ក៏មាន ក្នុងនោះ​ក៏មាន​កញ្ញា ឆៃលី ដា​ឡែ​ន មួយរូប ដែល​ទោះបី​អាជីព​ឈរជើង​មិន​នឹង​របស់​នាង ហាក់​ជួប​នូវ​វិបត្តិ​បន្តិចបន្តួច​ក្តី តែ​ក្នុង​រដូវ​ការ​នេះ កញ្ញា ឆៃលី ដា​ឡែ​ន ក៏​មមាញឹក​នឹង​អាជីព​ជា​អ្នកចម្រៀង​របស់​នាង​ដូចគ្នា​។​


ជាក់ស្តែង នៅតាម​បណ្តាញ​ទំនាក់ទំនង​សង្គម Facebook គេ​ឃើញ​កញ្ញា​បង្ហោះ​រូប រាល់ពេល​ដែល​នាង​បាន​ចេញទៅ​សម្តែង និង​ច្រៀង​ក្នុង​កម្មវិធី​សិរី​សួស្តី ស្ទើរតែ​រាល់ថ្ងៃ​។ បើ​យោងតាម​ការ​បង្ហោះ​រូប បង្ហាញ​ពី​ភាពមិន​ទំនេរ​របស់​នាង បញ្ជាក់ថា ហាងឆេង​របស់​តារា​សិច​ស៊ី​រូបនេះ នៅតែមាន ទោះបីជា​នាង​មិនបាន​ឡើង​ឆាក​តាម​ឆាក​ស្ថានីយទូរទស្សន៍​ក្តី​។

​ដា​ឡែ​ន​បាន​ឲ្យ​អ្នកយកព័ត៌មាន​ដឹងថា “​ក្នុង​រដូវ​ការ​នេះ ខ្ញុំ​ដូចជា​មិនសូវ​ទំនេរ​ប៉ុន្មាន​ដែរ ព្រោះ​ត្រូវ​ចេញ​ច្រៀង​ក្នុង​ភ្នំពេញ​នេះ ក៏មាន​តាម​ខេត្ត​ឆ្ងាយៗ ដូចជា បាត់ដំបង ពោធិ៍សាត់ ក្រចេះ ប៉ោយប៉ែត កំពង់ចាម​”​។

​ទោះបី​ការចេញ​ច្រៀង​នៅតាម​រោងការ មាន​ភាព​រវល់​យ៉ាងណាក៏ដោយ តែ​កញ្ញា ឆៃលី ដា​ឡែ​ន បាន​សម្តែង​ការសោកស្តាយ ចំពោះ​ពេលវេលា​ដែល​កញ្ញា​បានធ្វើ​ឲ្យ​វា​បាត់បង់ តែ​នាង​នៅតែ​ទទូច​សុំ​ការយោគយល់​ពី​បងប្អូន ក៏ដូចជា​បណ្តា​ស្ថានីយទូរទស្សន៍​មួយចំនួន ឲ្យ​អត់ឱន និង​ផ្តល់ឱកាស​ឲ្យ​នាង​បាន​ឡើង​សម្តែង និង​ច្រៀង​តាម​ទូរទស្សន៍​វិញ​ផង ព្រោះ​នាង​បាន​កែប្រែ នូវ​អ្វីដែល​នាង​បានធ្វើ​កន្លងមកហើយ​។ កញ្ញា​បាន​បន្តថា “​ទោះបីជា​ខ្ញុំ​មាន​ការងារ​ច្រៀង​ស្ទើរ​រាល់ថ្ងៃ​ក្តី តែ​ខ្ញុំ​នៅតែ​មិន​សប្បាយចិត្ត​ដដែល ដរាបណា​នាង​ខ្ញុំ​មិនបាន​បម្រើ​អារម្មណ៍​របស់​បងប្អូន នៅតាម​កញ្ចក់​ទូរទស្សន៍​”៕ J

What Next?

Recent Articles

2 Responses to "ឆៃលី ដា​ឡែ​ន នៅតែមាន​ហាងឆេង"

  1. . says:

    នាងនឹងលែងមានហាងឆេងទៀតឡើយ នៅពេលសុដន់ដ៏ទ្រលុកទ្រលន់ទាំងទ្វេររបស់នាង អស់ឥទ្ធិពល!

  2. ???... says:

    នៅពេលsilicon expire date គឺវាធ្លាយបែក ពេលនោះដោះនាងក៏ស្វឹតរួញតូចក្រញ៉ង់មែនទេ លោក ចុច?