សុគន្ធ និសា ធ្លាយ​រឿង​ពោះ​ម៉ាយ​អ្នក​ជំនួញ​មាន​អំណាច​តាម​ស្អិត

ភ្នំពេញៈ ខណៈ​ពេល​ដែល​កំពុង​លេច​មុខ​ច្រៀង​នៅ​សហរដ្ឋ​អាមេរិក​យ៉ាង​ជោគ​ជ័យ ស្រាប់​តែ​នៅ​ស្រុក​ខ្មែរ​ឯណេះ​វិញ មាន​ធ្លាយ​ព័ត៌មាន​ថា តារា​ចម្រៀង​មុខ​ស្រទន់​មាន​មន្ត​ស្នេហ៍​នាង សុគន្ធ និសា ត្រូវ​បាន​បុរស​ពោះ​ម៉ាយ​អ្នក​មាន​អំណាច និង​ទ្រព្យ​សម្បត្តិ​ស្តុក​ស្តម្ភ​ស្រុក​ខ្មែរ​ម្នាក់​តាម​អន្ទង​ចិត្ត​នាង​មិន​ស្ទើរ​ឡើយ សូម្បី​តែ​នាង​ទៅ​ដល់​អាមេរិក​ទៅ​ហើយ​ក្តី​ក៏​បុរស​រូប​នោះ​តែង​ទាក់​ទង​នាង​ឥត​ដាច់​ដែរ​។

Tuesday, 25 December 2012
សេត គឹមសឿន
ភ្នំពេញ ប៉ុស្តិ៍

ការ​ចាក​ចេញ​ទៅ​ច្រៀង​នៅ​សហរដ្ឋ​អាមេរិក​របស់​តារា​ចម្រៀង​ស្រស់​សោភា​នាង សុគន្ធ និសា បាន​ស្ថិត​នៅ​ក្នុង​ក្រសែ​ភ្នែក​ចាប់​អារម្មណ៍​របស់​ប្រិយ​មិត្ត​ទស្សនិក​ជន​មិន​តិច​ទេ ព្រោះ​ជា​ញឹក​ញយ​គេ​តែង​បាន​ដឹង​ថា តារា​រូប​នេះ​មាន​មន្ត​ស្នេហ៍ ហើយ​អ្វី​ដែល​ជា​ការ​ចាប់​អារម្មណ៍​កាន់​តែ​ខ្លាំង​នោះ គឺ​នៅ​ពេល​ដែល សុគន្ធ និសា ទៅ​ដល់​សហរដ្ឋ​អាមេរិក​ភ្លាម​ស្រាប់​គេ​បាន​ឃើញ​រូប​ថត​មួយ​សន្លឹក​របស់​នាង​ត្រូវ​បាន​បង្ហោះ​នៅ​ក្នុង​ប្រព័ន្ធ​ហ្វេស​ប៊ុក​ដោយ​អង្គុយ​ទទួល​អាហារ​ជាមួយ​នឹង​បុរស​ម្នាក់​យ៉ាង​ជិត​ស្និទ្ធ​ដែល​គេ​សង្ស័យ​ថា បុរស​រូប​នោះ​ជា​អ្នក​ជួយ​ស្អំ​បេះដូង​របស់​នាង​។ ប៉ុន្តែ​ទោះ​ជា​យ៉ាង​ណា មិន​មាន​ការ​ឆ្លើយ​តប​ណា​មួយ​ពី​តារា​ស្រី​រូប​នេះ​ឡើយ។

ទន្ទឹម​នឹង​មាន​ព័ត៌មាន​ថា បុរស​អាមេរិក​ជា​ច្រើន​ដែល​តែង​ចំណាយ​លុយ​ចូល​រាំ​ច្រៀង​ដើម្បី​បាន​គយ​គន់​សម្រស់​អ្នក​សិល្បៈ​ខ្មែរ​នៅ​ពេល​ពួក​គេ​ចេញ​ទៅ​ច្រៀង​ម្តង​ៗ​ចូល​ចិត្ត​តារា​ចម្រៀង សុគន្ធ និសា នោះ ប្រភព​ព័ត៌មាន​នៅ​អាមេរិក​វិញ​គេ​ក៏​បាន​ដឹង​ផង​ដែរ​ថា បុរស​អាមេរិក​មិន​តិច​នាក់​ទេ ដែល​មាន​បំណង​ចង់​បាន​តារា​ចម្រៀង​អតីត​គូ​ស្នេហ៍​ក្រោម​ដំបូល​ផ្ទះ​តែ​មួយ​ជាមួយ​លោក សុខ ជំនោរ ជា​គូ​ស្នេហ៍​គាប់​ចិន្តា​នោះ។ គេ​បាន​ឲ្យ​ដឹង​ថា​មាន​អ្នក​ខ្លះ​តាម​នាង​ស្អិត​ដូច​តុកកែ​ក៏​មាន​ដែរ តែ​នាង​បាន​ត្រឹម​តែ​ញញឹម​គ្មាន​វាចារ​ផ្តល់​ចម្លើយ​នោះ​ទេ។

ប៉ុន្តែ​ការ​មិន​ព្រម​ផ្តល់​ចម្លើយ​ឲ្យ​ប្រុស​អាមេរិក​នោះ ក៏​ទំនង​ជា​បណ្តាល​មក​ពី​នាង​មាន​ចិត្ត​ស្ទាក់​ស្ទើរ​នៅ​ឡើយ ដោយ​សារ​នៅ​ក្នុង​ស្រុក​ឯ​ណេះ​វិញ នាង​ក៏​មាន​បុរស​ពោះ​ម៉ាយ​ស៊េរី​អ្នក​មាន​អំណាច​មាន​ទ្រព្យ​ម្នាក់​តាម​កៀក​កិត​នាង​ឲ្យ​ស្អិត​មិន​ចាញ់​អ្នក​អាមេរិក​ដែរ ក្រោយ​ពេល​អ្នក​ចម្រៀង​រូប​នេះ​ចែក​ចាន​ឆ្នាំង​ជាមួយ​នឹង​លោក សុខ ជំនោរ​នោះ​។

អ្នក​បម្រើ​ការ​ងារ​នៅ​ក្នុង​ក្រុមហ៊ុន​បច្ចេក​វិទ្យា​ម្នាក់​បង្ហើប​ឲ្យ​ដឹង​ថា បុរស​ពោះ​ម៉ាយ​វ័យ​ជិត​ពាក់​កណ្តាល​អាយុ​ម្នាក់​នោះ​ជា​អ្នក​ជំនួញ​ដ៏​មាន​ឥទ្ធិ​ពល​ហើយ​ក៏​មាន​អំណាច​មិន​ធម្មតា​ដែរ។ គេ​មាន​ជំនួញ​ចម្ការ​កៅស៊ូ​នៅ​ខេត្ត​កំពង់ចាម និង​មាន​ជំនួញ​ដ៏​ធំ​ជា​ច្រើន​មុខ​នៅ​ភ្នំពេញ ដោយ​បូក​រួម​នឹង​ក្រុមហ៊ុន​នាំ​ចូល​ផ្តាច់​មុខ​ទូរស័ព្ទ​និង​ផលិត​ផល​ម៉ាក​ដ៏​ធំ​ផង​ដែរ​។

បើ​តាម​ប្រភព​សុំ​មិន​បញ្ចេញ​ឈ្មោះ​បាន​ឲ្យ​ដឹង​ថា បុរស​ពោះ​ម៉ាយ​អ្នក​មាន​ទ្រព្យ​ម្នាក់​នោះ​ស្រឡាញ់ សុគន្ធ និសា ណាស់ ឲ្យ​តែ​នាង​និយាយ​ពាក្យ​ថា​អូខេ ជាមួយ​បុរស​នោះ​ភ្លាម​សុគន្ធ និសា នឹង​ក្លាយ​ខ្លួន​ជា​សេដ្ឋិនី​ភ្លែត​តែ​ម្តង​មិន​ចាំ​បាច់​ដើរ​ច្រៀង​យក​ប្រាក់​រាយ​បែក​ញើស​ជោក​ថ្ងាស​នោះ​ឡើយ។ តាម​ប្រភព​ដដែល​បាន​បន្ត​ថា ទោះ​បី​ជា​សុគន្ធ និសា ស្ថិត​នៅ​សហរដ្ឋ​អាមេរិក​ក៏​បុរស​ពោះ​ម៉ាយ​ម្នាក់​នេះ មិន​ទុក​ឲ្យ​នាង​នៅ​ម្នាក់​ឯង​ដែរ ពោល​គឺ​រូប​គេ​តែង​ទាក់​ទង​នាង​រហូត​ខណៈ​ដែល​បច្ចុប្បន្ន​សូម្បី​តែ​ទូរស័ព្ទ​ក៏​អាច​មើល​មុខ​គ្នា​បាន​យ៉ាង​ងាយ​ស្រួល​នោះ​។

ប៉ុន្តែ​ពាក់​ព័ន្ធ​នឹង​ព័ត៌មាន​ដែល​ប្រភព​បាន​លើក​ឡើង​ជា​ហូរ​ហែ​នេះ តារា​ចម្រៀង​ដែល​ចូល​ចិត្ត​រស់​នៅ​ក្នុង​ភាព​ស្ងប់​ស្ងាត់​នាង សុគន្ធ និសា មិន​អាច​ផ្តល់​ព័ត៌មាន​លម្អិត​បាន​ទេ ខណៈ​ដែល​ពេល​នេះ នាង​កំពុង​តុប​តែង​ខ្លួន​យ៉ាង​ស្រស់​ស្អាត​ច្រៀង​នៅ​សហរដ្ឋ​អាមេរិក​នោះ តែ​សង្ឃឹម​ថា ក្រោយ​នាង​វិល​ត្រឡប់​ពី​ការ​សម្តែង​នាង​នឹង​បក​ស្រាយ​ការ​ពិត​ឲ្យ​បាន​ច្បាស់​១០០​ភាគ​រយ​៕

What Next?

Recent Articles

4 Responses to "សុគន្ធ និសា ធ្លាយ​រឿង​ពោះ​ម៉ាយ​អ្នក​ជំនួញ​មាន​អំណាច​តាម​ស្អិត"

  1. ???... says:

    នាងបានស្អឹតជាប់នឹងស៊ុព័រឃ្លូជាមួយវិស្វករម្នាក់នៅអាមេរិកហើយ………..
    នាងមិនអាចប្តូរបេះដូងជាលើកទី៣ទៀតទេ……………

  2. BaBaBoo says:

    ដូចជាគ្មានអារម្មណ៍សោះរបស់ដែលគេប្រើហើយ ចាត់ទុកដូចទឹកលាងជើងសម្រាប់បុរស់ៗមិនខាន ។ ស្នហាប្តូរូប ម្តង

    អ្នកនេះម្តងអ្នកនោះ មានតែសត្វឆ្កែ វាពាក់គ្នាមិនរើសមុខ! ។

  3. bad man says:

    don’t talk bad thing about her so much, can you believe that your sister and your wife not do that before,

  4. 18 Mars says:

    កុំគិតច្រើនជាមួយស្រីស្អាត ពេលឈ្លក់នឹងសម្ភារៈមានស៊ីមានចាយសប្បាយហ៊ឺហា មិនដែលស្គាល់​អ្នកណាទេ​ ដល់ពេលប្រពន្ធដើមគេបាញ់ទើបចាប់ផ្តើមអំពាវនាវ ៖«សូមបងប្អូនខ្មែរទាំក្នុងនិងក្រៅ ប្រទេសជួយនាងខ្ញុំផង នាងខ្ញុំត្រូវការថវិកាយ៉ាងច្រើនសំរាប់ព្យាបាល……….ហ៎……..»