សាលាក្ដី​សោកស្ដាយ​ចំពោះ​ការ​លេចធ្លាយ​ឯកសារ​ជនជាប់​ចោទ ក្នុង​សំណុំ​​រឿង ០០៣

ឯកសារ​ចំនួន​៦ទំព័រ​​ដែល​ត្រូវ​បាន​​ចាត់ទុក​ជាការស​ម្ងាត់ ​ត្រូវ​​បាន​​គេដក​ចេញ​ពី​គេហទំព័រ​របស់​សាលាក្ដី​​ហើយ​​កាល​ពីម្សិលមិញ​ បន្ទាប់ពី​ត្រូវ​​បានដាក់​​បង្ហោះ​ជាសាធារណៈ​​​កាល​ពី​​ថ្ងៃ​ចន្ទ​ ។​ប៉ុន្តែ​យ៉ាង​ណា​ក៏​​ដោយ ​សាលាក្ដី​​នៅ​​តែ​បាន​​បង្ហាញ​​ការសោកស្ដាយ​​ចំពោះ​​ការ​លេចធ្លាយ​​ឯកសារ​ដែល​បាន​​បង្ហាញ​​អត្តសញ្ញាណ​ជន​ជាប់ចោទ​​​ក្នុង​​សំណុំ​រឿង​​០០៣ នោះ។

ដោយ សិលាពល
Wednesday 26 December 2012
The Free Press Magazine

មាស មុត អតីតមេបញ្ជាការ ទ័ពជើងទឹករបស់ខ្មែរក្រហម ដែលជាប់ចោទក្នុងសំណុំរឿង ០០៣

មាស មុត អតីតមេបញ្ជាការ ទ័ពជើងទឹករបស់ខ្មែរក្រហម ដែលជាប់ចោទក្នុងសំណុំ រឿង ០០៣

ឯកសារនោះ​បាន​​​ប្រាប់ឈ្មោះ​ជន​សង្ស័យ​ពីរ​រូប​​គឺ ស៊ូ ម៉េត អតីត​មេបញ្ជាការកងទ័ព​អាកាស ​និង ​មាស មុត អតីត​មេបញ្ជាការទ័ព​​ជើងទឹក​​នៃ​របប​​ខ្មែរក្រហម​ ដែល​ត្រូវ​​បាន​តុ​លាការ​ចោទ​ប្រកាន់​ពី​បទឧក្រិដ្ឋកម្ម ​ប្រឆាំង​មនុស្សជាតិ​ អំឡុង​កម្ពុជាគ្រប់គ្រង​​ដោយ​​របប​​ខ្មែរ​ក្រហម​​ឆ្នាំ ​១៩៧៥-១៩៧៩។​

ពួក​គេ​ត្រូវ​​បាន​​ចោទប្រកាន់​​​ពី​បទចូលរួម​ នៅ​​ក្នុង​សកម្ម​ភាព​ជម្លៀស​ប្រជាពលរដ្ឋ​ បង្ខំ​​ឲ្យ​ធ្វើ​ការ​ជា​ទម្ងន់ ​រំលោភ​បំពាន​ធ្វើទារុណកម្ម​ សម្លាប់​មនុស្ស​ ហើយ​ជាប់ទាក់ទង​នឹង​​ទីតាំង​ឧក្រិដ្ឋកម្ម​ចំនួន​១២ កន្លែង​ ដែល​រួមមាន​ទាំង​ព្រលាន​​យន្តហោះ​កំពង់​ឆ្នាំង ទីតាំង​សម្រាប់​ប្រហារ​ជីវិត​​ស្ទឹង​​ តូច ​និង​ការ​ដ្ឋាន​វាយថ្ម​ស្ទឹងហាវ។

លោកស្រី យូកូ ម៉ែដា ( Yuko Maeda ) មន្ត្រីទំនាក់ទំនង​សាធារណៈ​រប​ស់​សាលាក្ដី​បាន​​បង្ហាញ​ការ​សោក​​ស្ដាយ​ចំពោះ​​ការលេចធ្លាយ​​ឯកសារ​ទាំងនេះ​ ។​ដោយ​លើក​ឡើង​ថា ​ខ្លឹម​សារ​របស់​វា​​គួរ តែ​រក្សា​ទុក​ជា​ការ​សម្ងាត់​៕

What Next?

Recent Articles