ភ្នំពេញៈ ក្រៅពីមានសំណាងដ៏មហាសាលមិននឹកស្មាន ទទួលបានកាដូផ្ទះមួយល្វែងនិងរថយន្តស៊េរីទំនើបម៉ាកហាយលែនឌ័រមួយគ្រឿងពីម្ចាស់សម្អាងការសុខគាបូតាថ្មីៗនេះ តារាកំប្លែងស្ងួតមានកំណើតនៅខេត្តស្វាយរៀងនាយ ពែកមីក៏ទទួលបានកាដូថ្មីពីអ្នកភូមិម្តុំគីឡូម៉ែត្រលេខ៦ពិសេសអ្នករស់នៅតាមបណ្តោយផ្លូវចូលផ្ទះនាយដែរដោយពួកគេសុទ្ធតែថ្លែងថា នៅពេលឡើងកូដល្បីខ្លាំងពែកមី មានចរិតឈ្លើយ។ ប៉ុន្តែការលើកឡើងនេះនាយពែកមី បានបដិសេធ។
Wednesday, 02 January 2013
ស៊ូ វុទ្ធី
ភ្នំពេញ ប៉ុស្តិ៍
តារាកំប្លែងនាយពែកមី និងនាង ខ្ញុង នៅក្នុងពេលសម្ពោធរឿងអាបពាក់មួកសុវត្ថិភាព ស្នាដៃទី១របស់ខ្លួន។ រូបថត សេត គឹមសឿន
អ្នកភូមិដែលមានលំនៅជាប់នឹងផ្លូវចូលក្នុងបុរីពិភពថ្មីស្ថិតនៅសង្កាត់គីឡូម៉ែត្រលេខ៦ខណ្ឌឫស្សីកែវនៅជិតស្ថានីយទូរទស្សន៍ស៊ីធីអិនបានសម្តែងការមិនពេញចិត្តចំពោះតារាកំប្លែងដែលកំពុងពេញនិយមនាយ ពែកមី ទាក់ទិនទៅនឹងសកម្មភាពនៅក្រៅឆាក។
ពួកអ្នកភូមិនោះបាននិយាយថា៖
«នាយ ពែកមី តាំងពីមករស់នៅផ្ទះល្វែងថ្មី នៅក្នុងបុរីពិភពថ្មីនិងមានឡានទំនើបម៉ាកហាយលែនឌ័រនោះគេហាក់សម្តែងនូវចរិតមិនមែនជាអ្នកសិល្បៈអ៊ីចឹងបើកឡានលឿនបែបចរិតក្មេងស្ទាវរាល់ថ្ងៃពួកខ្ញុំតាំងពីនាយពែកមី មករស់នៅទីនេះបារម្ភពីសុវត្ថិភាពកូនចៅណាស់ព្រោះថា ពែកមី នេះបើកឡានលឿនៗពេក»។
ស្រ្តីវ័យចំណាស់មួយក្រុមដែលសុំមិនបញ្ចេញឈ្មោះបានប្រាប់ភ្នំពេញ ប៉ុស្តិ៍ថា៖«តាមពិតពួកខ្ញុំស្រឡាញ់និងគាំទ្រណាស់អ្នកសិល្បៈពិសេសសិល្បៈបែបប្រជាប្រិយនិងកំប្លែងតែម្តងពិសេសគឺក្រុមកំប្លែងរបស់ស្ថានីយទូរទស្សន៍ស៊ីធីអិននេះតែម្តងដែលមើលទៅក្រុមនេះកំប្លែងពោរពេញដោយការអប់រំ»។ ពួកគេបានបន្តលើកឡើងថា៖«ពួកខ្ញុំមិនចូលចិត្តនឹងចរិតនាយ ពែកមី នៅខាងក្រៅឆាកទេ មើលទៅគេដូចជាមិនមែនជាចរិតអ្នកសិល្បៈបើកឡានលឿនចរិតដូចជាក្មេងស្ទាវ»។
បើទោះជាយ៉ាងណា អ្នកភូមិទាំងនោះ បានឲ្យដឹងថាពួកគាត់និយាយនេះមិនមែនជាការស្អប់ឬក្នុងន័យផ្ចាញ់ផ្ចាល នឹងលោក ពែកមី ទេតែនេះជាពាក្យសម្តីដើម្បីស្ថាបនាមួយឲ្យលោក ពែកមី ដែលជាតារាកំប្លែងក្នុងចិត្តមហាជននេះ ឲ្យលោកកែប្រែដើម្បីកេរ្ដិ៍ឈ្មោះល្បីជាងនេះទៀតដែរ។
ឆ្លើយតបនឹងការលើកឡើងរបស់មហាជននោះ នាយ ពែកមី ហាក់មិនសូវជាសប្បាយចិត្តនោះឡើយហើយនិយាយទាំងកំហឹងថា៖«ខ្ញុំមិនចង់និយាយរឿងកំប៉ិកកំប៉ុកនេះទេតែបើនិយាយរឿងការងារសិល្បៈឆ្នាំថ្មី២០១៣ពែកមី មានអ្វីប្លែកនោះខ្ញុំនិយាយបានហើយអនុញ្ញាតឲ្យថតរូបទៀត។ ខ្ញុំចង់ដឹងណាស់ថាតើអ្នកភូមិថាខ្ញុំបើកឡានលឿនហើយបើកឈ្លើយនោះគាត់ឃើញខ្ញុំពេលណាមានគ្នាប៉ុន្មាននាក់ហើយនៅកន្លែងណា»។
ក្រៅពីប្រើភាសាខ្លាំងៗទទូចបែបចម្ងល់នោះតារាកំប្លែងដែលធ្លាប់បួសជាសង្ឃកាលពីនៅអាយុក្រោម២០ឆ្នាំរូបនេះបានទាំងនិយាយទៀតថា៖«រឿងនេះកើតចេញមកពីមនុស្សពីរ-បីនាក់តែធ្វើឲ្យប៉ះពាល់ដល់កេរ្តិ៍ឈ្មោះសិល្បៈខ្ញុំខ្លាំងណាស់ហើយខ្ញុំក៏ចង់ដឹងណាស់អ្នកនិយាយរឿងនេះជាការបរិហារកេរ្តិ៍ខ្ញុំអាចប្តឹងអ្នកថាខ្ញុំបើកឡានលឿននោះបាន»។
នាយ ពែកមី មិនបាននិយាយច្រើនទេដោយឲ្យអ្នកគ្រប់គ្រងក្រុមកំប្លែងខ្លួនលោក សុវណ្ណរិទ្ធីហៅ វិចទ័រ បានចូលខ្លួនមកបញ្ជាក់វិញម្តង។ លោកសុវណ្ណ រិទ្ធី បានប្រាប់ក្នុងភាសាទន់ភ្លន់សមជាអ្នកនិពន្ធថា៖«រឿងលោក ពែកមី កូនចៅខ្ញុំបើកឡានលឿនឬយ៉ាងណា ឆ្ងាយពីភ្នែកខ្ញុំ ខ្ញុំមិនដឹងទេ។តែបើនិយាយពីខ្ញុំមើលឃើញពួកយើងនៅជុំគ្នាបុរីពិភពថ្មីនោះខ្ញុំឃើញថា ពែកមី បើកបរគោរពច្បាប់ចរាចរណ៍បានល្អណាស់ »។
អ្នកដឹកនាំកម្មវិធី និងជាអ្នកនិពន្ធរឿងកំប្លែងដ៏ពេញនិយមរូបនេះក៏បានឲ្យដឹងផងដែរថា៖«ពែកមី គេក៏មានកូនអាយុបីបួនឆ្នាំលេងនៅមុខផ្ទះដូចអ្នកភូមិដែរហើយគេក៏យល់ដឹងពីសុខសុវត្ថិភាពពីរឿងនេះដែរ»។
ជាមួយហេតុផលនោះ លោក សុវណ្ណ រិទ្ធី ក៏បានលើកពីគុណសម្បត្តិ និងសុជីវធម៌ របស់ពែកមី ចំពោះអ្នកភូមិឲ្យដឹងផងដែរថា៖«ពែកមី និងអ្នកជិតខាងសព្វថ្ងៃគេមិនដែលវាយឫកឆ្មើងឆ្មៃនោះទេជួបចាស់ទុំក្នុងភូមិដប់ដងពែកមីសំពះទាំងដប់ដងហ្នឹងហើយមួយទៀតគេក៏តែងតែនិយាយណែនាំដល់ក្មេងៗក្នុងភូមិសុំកុំឲ្យបើកបរលឿនឬឈ្លើយមានតែស្នើឲ្យគេនាំគ្នាគោរពច្បាប់ចរាចរណ៍និងសិទ្ធិអ្នកដទៃមិនដូចគេនិយាយទេ»៕
ខ្ញុំមិនចង់បញ្ចេញ មតិ សំរាប់ ពត័មាន នេះសោះ ប៉ុន្តែ ទ្រាំមិនបាន នឹង ការ និយាយ បែបឈ្លើយ របស់នាយ ពែកមី ដែលអាងអី អាងប្តឹង អាងតុលាការ….ហេតុអ្វីគាត់មិនឆ្លើយតប ដោយកិរិយា ទន់ភ្លន់ និង អរគុណចំណោះ មតិរិះគន់….ត្រឹមតែ កាយវិការ ប៉ុណ្ណេះ គេមិនចាំបាច់ នៅឆ្ញល់ថា ពត៌មាននេះ ពិត ឬអត់ទេ..គឺ ពិតជា ឈ្លើយមែន ទាំងក្នុងឆាក និងជីវិត ខាងក្រៅ…។ លោកវិចទ័រក៏ អញ្ចឹង ពូកែណាស់ ខាងនិយាយ កាន់ជើង កូនចៅ….វិចទ័រនិយាយថា ឃើញជួបចាស់ទុំក្នុងភូមិដប់ដងពែកមី សំពះទាំងដប់ដង,,,,,,ហាហាហាហា អញ្ចឹងលោក វិចទ័រឯង ជាប្រពន្ធលោកពែកមី មែនទេ?? បានដឹងគ្រប់សព្វអញ្ចឹង..។ មានកម្មវិធីថ្មីៗ របស់ លោកវិចទ័រ មិនតិចជាង 4 ទៅ 5 កម្មវិធី ដែល មិនទទួល បានជោគជ័យ ហើយ ត្រូវបាន បិទវិញ..ដូចជា កម្មវីធី ដំណឹងហួសចិត្ត..(ដូចឡប់) ហើយកម្មវិធី ដែល ល្បី ដែលលោកវិចទ័រ ដឹកនាំសព្វថ្ងៃ គឺជាកម្មវិធីដែល បន្តពី លោក ខេវិន ដែលផ្លាស់ទៅ ដឹកនាំ SEATV..។ ពូកែនិពន្ធ និងដឹកនាំអី ធ្វើបន្ត តែពីគេ ហ្នឹង….!!!
លោកពែកមី គួរយកមតិគេទៅពិចារណា ឆ្លុះបញ្ចាំងមើលកំហុសរបស់ខ្លួនផងទៅ។វាមិនទាន់ខាតបង់អ្វីនៅឡើយទេ។លោកកុំគិតថាលោកអាចយកកូនចង្អេរទៅបាំងខ្មោចដំរី
បានឱ្យសោះ ហើយកុំព្យាយាមបន្តរឿងឱយវែងឆ្ងាយធ្វើអ្វី។ការអត់ធ្មត់នឹងអាចនាំមកនូវភាពល្អប្រសើរឡើងវិញ។រូបលោកដូចជាខ្លែង ដែលអាចហោះឡើងក្នុងលំហអាកាសលុះណាតែមានខ្យល់។តាមការកត់សំគាល់ផ្ទាល់របស់ខ្ញុំ លោកកំពុងតែភ្លាវហើយ។
ពែកមីមិនយូរទេ និង……………….ស្ងាត់ទៅវិញហើយ
បងពាក់មីគាត់ធ្វើឬកអញ្ចឹង! ភ្លេចក្ដាមខ្ចងកាលនៅកំសត់តាមភូមិហើយ។
តាមចំឡើយរបស់លោកពែកមីខាងលើ សបញ្ជាក់ចាមនុស្សេនេះពិតជាមានបញ្ហាខាងសិលធម៌មែន
នាយអាពាក់ំមី ប្រហែលជាយកតម្រាប់តាមសម្តេច ហ៊ុន សែន របស់យើងហើយ។ គាត់មិនដែលទទួលស្គាល់ថា ខ្លួនឯងមានចំនុចខ្វះខាតទេ ហើយមិនត្រឹមតែមិនអរគុណ ដល់អ្នកដែលរិះគន់ដើម្បីស្ថាបនានោះទេ ថែមទាំងចង់គំនុំជាមួយអ្នករិះគន់ទៀត។ ចរិតបែបនេះ បង្ហាញពីភាពល្ងង់ខ្លៅរបស់បុគ្គលនោះ ហើយថែមទាំងមិនអាចស្គាល់គតិបណ្គិតអស់មួយជីវិត។
បើសម្តេច ហ៊ុន សែន របស់យើងមិនអាចទទួលយកការរិះគន់ពេញមួយជីវិតទៅហើយ អោយវាទៅផុតទៅចុះ ហេតុអ្វីបានជាក្មេងៗជំនាន់ក្រោយដូចជានាយ ពាក់មីនេះ បណ្តែតបណ្តោយខ្លួនអោយទៅជាបែបនេះដែរ។ គួរអោយសោកស្តាយ។ សូមអស់លោកពិចារណា និង រិះគន់តែជាមួយអ្នកណាដែលទទួលយកនូវការរិះគន់របស់យើងបានហើយ ទើបមានប្រយោជន៏ចំពោះយើង និង ចំពោះបុគ្គលនោះផ្ទាល់ ក៏ដូចជាសង្គមជាតិទាំងមូល។ បើពុំដូច្នោះទេ អ្នករិះគន់ទាំងឡាយនឹងនាំទុក្ខវេទនាដល់ខ្លួនជាមិនខាន។ នេះជាបរិបទក្នុងសង្គមខ្មែរបច្ចុប្បន្ន។
ខ្ញុំគិតថាពូពាក់មី កំពុងវៃបំបែកឆ្នាំងបាយហើយ,មិន ដឹងជាកំប្លែងត្រង់ណាផង ជ ជ ចាញ់នាយកុយដាច់ ហើយអត់ចេះវៃរឹកទៀត
ពែកមីចៅសំលាញ់ ចៅស្តាប់តាណា ភាពល្បីរបស់ចៅមិនមែនកើតឡើងដោយសារតែ
ការដឹកនាំរបស់អ្នកនយោបាយណាមួយទេ គឺដោយសារចារឹកធម្មជាតិចៅនិងអ្នកដឹកនាំ
ផ្នែកកំប្លែងណាម្នាក់ ជាពិសេសគឺពលរដ្ឋខ្មែរនេះឯង។ ឯនាយកុយនាយក្រឹមសព្វថ្ងៃការ
គាំទ្រសល់២០%ឯ ៨០%គឺចៅពែកមីហើយ តែបើចៅឯងធ្វើចារឹកដូចអាក្រឹមអាកុយ
(ចារឹកពាលខ្វាងម្ខាក់) មិនយូទេនឹងរលាយភាពល្បីនេះជាក់ជាមិនខាន ជឿតាចុះអាចៅ ។
នេះគឺជាចរឹករបស់ខ្មែរមួយចំនួនធំ ឲ្យតែបានបុណ្យស័ក្តិឫមានមុខមាត់លុយកាក់ហ៊ឺហាបន្តិច គឺភ្លេច
ធាតុដើមមួយរំពេច មើលឃើញអ្នកឯទៀតតូចនិងទាបជាងខ្លួន ជាសារធាតុមនុស្សឆាប់ឈ្លក់ទឹក
ម៉ាស៊ីន ភ្លេចថាខ្លួនមានប្រភពចេញមកពីណា។
សម័យតេជោគឺ អព្ចឹាង។ ព្រោះបន្តិចទៀត នាយពាកម៉ី នឹងក្លាយជា អង្គរក្ស រឺ ជាទីប្រឹក្សាផ្ទាល់របស់លោកនាយកស៊ីជោ ហ៊ុន សែន ផងក៏មិនដឹង។
អោយតែមានដែលគេអោយធើឬកធើពារ
បានឡើងកូដបន្ដិចដូចខ្ចងក្ដក់ តែកុំភ្លេចថាខ្លួនជាអាខ្ចងស្រែពពែតណា៎ អាខ្ចងស្រែ!!!!
សម័យតេជោគឺ អព្ចឹាង។
អាក្រូចដូចអាពោន
no one is perfect
?????????
ស្រុកខ្មែរវាអញ្ចឺងមិនថាអ្នកធំមិនថាពែមី ទេ ឈ្លើយនៅពេលបានឡើងកូដ ។មូយដំបរ ស្មើរ ៤