បន្ទាយមានជ័យ: កងឯកភាពកំពុងប្រតិបត្តិការបោសសម្អាតមីន នៅលើផ្ទៃដីសរុប៤.១៣៨ហិចតា ស្ថិតក្នុងឃុំទួលពង្រ ស្រុកម៉ាឡៃ ខេត្តបន្ទាយមានជ័យ។ ជាលទ្ធផលសង្គ្រោះបានផ្ទៃដី ៣៩០ហិចតា រកឃើញមីនប្រឆាំងថ្មើរជើង៣គ្រាប់ ប្រឆាំងនឹងរថក្រោះ១គ្រាប់។
ថ្ងៃទី 4 មករា 2013
ដោយ: សូផុន
CEN
ឆ្នាំ២០១២ អង្គភាពស៊ីម៉ាក់ រកឃើញមីនប្រឆាំងនឹងមនុស្សជាតិ ១.៥៤៦គ្រាប់ មីនប្រឆាំងនឹងរថក្រោះ ១៣គ្រាប់ គ្រាប់យុទ្ធភណ្ឌមិនទាន់ផ្ទុះ ២.៧៨៩គ្រាប់ គ្រាប់កាំភ្លើងដៃ ១៨២គ្រាប់ នៅខេត្តបន្ទាយមានជ័យ
ដោយឡែកសម្រាប់ឆ្នាំ២០១២ ផ្ទៃដីដែលសង្គ្រោះបានពីគ្រាប់មីនទូទាំងខេត្តបន្ទាយមានជ័យ បានចំនួន ៥.៥៥៦.០៩៦ហិចតា រកឃើញមីនប្រឆាំងនិងមនុស្សជាតិ ១.៥៤៦គ្រាប់ មីនប្រឆាំងនិងរថក្រោះ ១៣គ្រាប់ គ្រាប់យុទ្ធភ័ណ្ឌមិនទាន់ផ្ទុះ ២.៧៨៩គ្រាប់ គ្រាប់កាំភ្លើងដៃ ១៨២គ្រាប់។ ក្នុងនោះឆ្លើយតបតាមសំណើសុំជួយអន្តរាគមន៍ពីប្រជាពលរដ្ឋ កងកម្លាំងប្រដាប់អាវុធលើករណីគ្រាប់យុទ្ធភ័ណ្ឌមិនទាន់ផ្ទុះបាន ៣៥៨លើក។
លោក ប្រាក់ សុខុន រដ្ឋមន្ត្រី អមនាយករដ្ឋមន្ត្រី និងជាអនុប្រធានអាជ្ញាធរមីនកម្ពុជា សរសើរនិងទទួលស្គាល់ដល់ការប្រឹងប្រែង លះបង់សាច់ស្រស់ឈាមស្រស់ របស់មន្ត្រី និងបុគ្គលិកស៊ីម៉ាក់ នៅក្នុងចំការមីន។ សង្គ្រោះផ្ទៃដីសម្រាប់ឆ្នាំ២០១២ ជូនដល់ប្រជាពលរដ្ឋ និងអាជ្ញាធរបានរហូតដល់ទៅជិត ៦.០០០.០០០ហិចតា និងបានបោសសម្អាតប្រមូលយុទ្ធភ័ណ្ឌមិនទាន់ផ្ទុះ ដែលប្រឆាំងនឹងមនុស្ស បានរាប់សិបម៉ឺនគ្រាប់។ រាល់ការលះបង់ខ្ពស់នេះ ពិតជាបានចូលរួមចំណែកយ៉ាងសកម្ម ក្នុងបុព្វហេតុជាតិ មាតុភូមិ និងបានចូលរួមកាត់បន្ថយភាពក្រីក្ររបស់ប្រជាពលរដ្ឋ តាមរយៈដោះមីនប្រគល់ដី ដើម្បីបង្កបង្កើនផលនិងបានកាត់បន្ថយនូវអត្រាគ្រោះថ្នាក់ និងហានិភ័យផ្សេងៗ ដែលនឹងកើតមានឡើងជាយថាហេតុ លើពលរដ្ឋស្លូតត្រង់។
លោក ប្រាក់ សុខុន អំពាវនាវដល់ប្រជាពលរដ្ឋទាំងអស់ ដែលរស់នៅ និងកំពុងបង្កបង្កើនផលនៅលើផ្ទៃដី ដែលជាទឹកដីសមរភូមិចាស់ សូមបង្កើនការប្រុងប្រយ័ត្ន និងចូលរួមសហការជាមួយកំលាំងសមត្ថកិច្ច ត្រូវរាយការណ៍បន្ទាន់ ករណីដែលប្រទះឃើញគ្រាប់មិនទាន់ផ្ទុះនិងមីន។
ប្រតិភូអមបានចុះទៅដល់ទីតាំងរុករក និងបោសសំអាតគ្រាប់មីនផ្ទាល់ ដើម្បីពិនិត្យការរស់នៅ និងសកម្មភាពការងារស៊ីម៉ាក់ និងបានចូលរួមកំទេចគ្រាប់មីនផងដែរ។ លោក និង ប្រតិភូ បានជួយឧបត្ថម្ភដល់ប្រជាពលរដ្ឋពិការ ដោយសារគ្រាប់មីន និងគ្រាប់មិនផ្ទុះចំនួន៥២នាក់ ក្នុងម្នាក់ទទួលបាន សារុង១ អាវយឺត១ ថវិកា ១០.០០០រៀល និង ឧបត្ថម្ភដល់អង្គភាពកំចាត់មីនទី១ខេត្តនូវទឹកសុទ្ធវីតាល់ ៣០កេស មី៣០កេស ត្រីខ៣០យួរ៕
These ammunition should be kept in Ah Cheat’s house, but please keep them out of reach of children…
Khmerologist, you are right! These ammunitions will be used to welcome you whenever you arrive in Cambodia. Oh, bring Srey Khmer with penis with you too. I really appreciate that if you do so. Do not forget to bring the whole family members along with you………Remember, buy just one-way airple tickets!