ក្រសួងមហាផ្ទៃប្រកាសដោះលែងអ្នកទោសជាសកម្មជនអាវលឿងថៃម្នាក់
Posted about
138 days ago |
មន្ត្រីជាន់ខ្ពស់ក្រសួងមហាផ្ទៃ នៅថ្ងៃទី១ ខែកុម្ភៈ បានប្រកាសដោះលែងអ្នកទោសថៃ ម្នាក់ឈ្មោះ អ្នកស្រី រ៉ាត់ទ្រី ប៉ៃប៉ូតាណាប៉ៃប៉ូន (Ratree Paiputanapaiboon) ចេញពីគុកព្រៃស ជាស្ថាពរ និងបានប្រកាសបន្ធូរបន្ថយទោសចំនួន ៦ខែ នៅក្នុងចំណោមទោសសរុប ៨ឆ្នាំ ឲ្យអ្នកទោសថៃ ម្នាក់ទៀត គឺលោក វីរៈ ស៊ុំក្វាមឃីត (Veera Somkwamkid) ដែលកំពុងតែជាប់ឃុំខ្លួននៅក្នុងគុកព្រៃស។
ដោយ សុខ សេរី
2013-02-01
វិទ្យុអាស៊ីសេរី
អ្នកទោសថៃ លោក វីរៈ ស៊ុំក្វាមឃីត (Veera Somkwamkid) និងអ្នកស្រី រ៉ាត់ទ្រី ប៉ៃប៉ូតាណាប៉ៃប៉ូន (Ratree Paiputanapaiboon) កំពុងតែលត់ជង្គង់សំពះនៅគ្រាដែលមន្ត្រីពន្ធនាគារព្រៃស អានព្រះរាជក្រឹត្យដោះលែង និងបន្ធូរបន្ថយទោស នៅគុកព្រៃស កាលពីថ្ងៃទី១ ខែកុម្ភៈ ឆ្នាំ២០១៣។ RFA/Sok Serey
ការដោះលែងអ្នកស្រី រ៉ាត់ទ្រី ប៉ៃប៉ូតាណាប៉ៃប៉ូន និងការបន្ធូរបន្ថយទោសលោក វីរៈ ស៊ុំក្វាមឃីត នោះ ត្រូវបានមន្ត្រីជាន់ខ្ពស់ក្រសួងមហាផ្ទៃ បានអះអាងថា គឺជាការពង្រឹងចំណងការទូត និងទំនាក់ទំនងរវាងកម្ពុជា និងថៃ តាមសំណើរបស់នាយករដ្ឋមន្ត្រីថៃ អ្នកស្រី យីងឡាក់ ស៊ីណាវ៉ាត់ (Yingluck Shinawatra) កាលពីខែធ្នូ ឆ្នាំ២០១២ កន្លងទៅនេះ។
ការដោះលែង និងបន្ធូរបន្ថយទោសចំពោះអ្នកទោសថៃ ទាំងពីរនាក់នោះ បានធ្វើឡើងនៅចំថ្ងៃដែលប្រជាពលរដ្ឋខ្មែរជាច្រើនម៉ឺននាក់ បានប្រារព្ធព្រះរាជពិធីដង្ហែព្រះបរមសព ព្រះមហាវីរក្សត្រ ព្រះបាទសម្ដេចព្រះ នរោត្តម សីហនុ នៅថ្ងៃទី១ ខែកុម្ភៈ នៅរាជធានីភ្នំពេញ។
អ្នកទោសថៃ ទាំងពីរនាក់បានអុជធូបសំពះព្រះឆាយាល័ក្ខណ៍ព្រះមហាវីរក្សត្រ និងបានលត់ជង្គង់សំពះនៅគ្រាដែលមន្ត្រីជាន់ខ្ពស់ក្រសួងមហាផ្ទៃ លោក បេ ទាឡេង កំពុងតែអានប្រកាសព្រះរាជក្រឹត្យលើកលែងទោស និងបន្ធូរបន្ថយទោសរបស់ព្រះមហាក្សត្រ ព្រះបាទសម្ដេចព្រះ បរមនាថ នរោត្តម សីហមុនី នៅគុកព្រៃស។
រដ្ឋលេខាធិការក្រសួងមហាផ្ទៃ លោក នុត សាអាន ដែលធ្វើជាអធិបតីក្នុងពិធីប្រកាសព្រះរាជក្រឹត្យនោះ បានមានប្រសាសន៍ថា ការដោះលែង និងការបន្ធូរបន្ថយទោសនេះ គឺជាប្រយោជន៍រួមដល់ប្រជាជនថៃ និងកម្ពុជា៖ «ថ្ងៃនេះ យើងធ្វើគឺក្នុងកាយវិការការទូតរវាងព្រះរាជាណាចក្រកម្ពុជា និងព្រះរាជាណាចក្រថៃ មិនមែនរាប់បញ្ចូលក្នុងព្រះរាជពិធីថ្វាយព្រះភ្លើងព្រះបរមរតនកោដ្ឋនោះទេ ដូច្នេះសុំបញ្ជាក់ជូនថា មានពិធីដោយឡែកពីគ្នា»។
ជាមួយគ្នានេះ ប្រធានការិយាល័យការពារផលប្រយោជន៍របស់ជនជាតិនៅក្រៅប្រទេស លោក សុវត្ថិ កែវសុង (Suwat Kaewsook) ប្រចាំនៅស្ថានទូតថៃ នៅកម្ពុជា បានមានប្រសាសន៍ជាភាសាខ្មែរថា នេះជាកាយវិការល្អរបស់ប្រមុខរដ្ឋាភិបាលកម្ពុជា លោក ហ៊ុន សែន ចំពោះទំនាក់ទំនងរវាងកម្ពុជា និងថៃ៖ «ប្រជាពលរដ្ឋថៃ ជាពិសេសក្រុមគ្រួសាររបស់អ្នកស្រី រ៉ាត់ទ្រី គាត់មានសេចក្តីរីករាយណាស់ដែលបានទទួលដំណឹងថា គាត់បានទទួលដោះលែងទោសនៅក្នុងឱកាសដ៏សក្ដិសិទ្ធិនេះ ហើយខ្ញុំក៏សុំថ្លែងអំណរគុណដល់រាជរដ្ឋាភិបាលកម្ពុជា ក្នុងឱកាសនេះផងដែរ។ នេះ គឺជាការបង្ហាញឲ្យឃើញភាពជិតស្និទ្ធ និងគ្នា រវាងប្រទេសដែលជាភូមិផងរបងជាមួយគ្នា។ ខ្ញុំសុំអគុណណាស់»។
គេបានឃើញមានក្រុមគ្រួសារនៃអ្នកទោសថៃ ទាំងពីរនាក់នោះមកទទួលស្វាគមន៍ និងសួរសុខទុក្ខនៅមុនការដោះលែង និងបន្ធូរបន្ថយទោសនោះ។
លោក វីរៈ ស៊ុំក្វាមឃីត ត្រូវបានសាលាដំបូងរាជធានីភ្នំពេញ បានកាត់ទោសឲ្យជាប់គុកចំនួន ៨ឆ្នាំ កាលពីថ្ងៃទី១ ខែកុម្ភៈ ឆ្នាំ២០១១ កន្លងទៅនេះ ក្រោមបទចូលទីលានយោធាកម្ពុជា ក្នុងបំណងទុច្ចរិត និងប្រមូលព័ត៌មានសម្ងាត់ប៉ះពាល់ដល់សន្តិសុខជាតិកម្ពុជា។
ចំណែកឯអ្នកស្រី រ៉ាត់ទ្រី ប៉ៃប៉ូតាណាប៉ៃប៉ូន ត្រូវបានសាលាដំបូងរាជធានីភ្នំពេញ បានកាត់ទោសឲ្យជាប់គុក ៦ឆ្នាំ ក្រោមបទចោទដូចគ្នានោះ៕
កំណត់ចំណាំចំពោះអ្នកបញ្ចូលមតិនៅក្នុងអត្ថបទនេះ៖ ដើម្បីរក្សាសេចក្ដីថ្លៃថ្នូរ យើងខ្ញុំនឹងផ្សាយតែមតិណា ដែលមិនជេរប្រមាថដល់អ្នកដទៃប៉ុណ្ណោះ។
សង្ឃឹមថាថៃនឹងយល់ពីបំណងល្អរបស់ខ្មែរ អ្វីដែលខ្មែរចង់បានគឺសន្តិភាព។
កើតមកជាជាតិសាសន៍ដ៍ទៃ គឺពិតជាមានភ័ពសំណាងជាងខ្មែរដែលកើតនិងរស់នៅលើទឺកដីរបស់ខ្លួនទៅទៀត បើនិយាយពីទោសកំហុស ពួកគេនេះ
មានទោសធ្ងន់ណាស់ បើប្រៀបទៅនិងលោកសំរង្ស៊ី ជាពិសេសលោកម៉មសូណង់ដូ គ្មានទោសកំហុសអ្វីសោះ មិនត្រូវបានគេដោះលែង លោកទាំងពីរមានកំហុស ព្រោះតែស្នេហាជាតិ,ការពារជាតិនិងពលរដ្ឋខ្មែរ,ការពារផលប្រយោជន៍ខ្មែរ រីឯអ្នកដែលរស់បានសុខស្រួលនិងគេលើកដំកើង
គឺអ្នកលួចបំផ្លាញជាតិ,អ្នកក្បត់ជាតិ,អ្នកបាញ់សម្លាប់ចាប់ចងពលរដ្ឋខ្មែរទៅវិញ។
អត់ព្ញដោះលែងម៉មសូណង់ដូ ព្ញតែសៀមកាពិអែណាទៅវិញ។ តេជោមើលទៅកំពុងឈ្លក់ទឹកខ្ទិះ
យិនឡាក់ហើយ។
ខ្មែរក្រីក្រជាប់គុកនៅស្រុកសៀមម៉ាគំនរម៉េចក៏មិនឆ្កែណាវាអើតក្បាលសុំអោយសៀម
វាដោះលែងមកស្រុកវិញផង?អីក៏អន់ជាងមមិះយិងឡាក់ម៉េះ?
បែជាដោះលែងខ្មែរវិញទាល់តែអ្នកណាមានលុយសូកប៉ាន់បានដោះលែង។
អ្នកស្លូតត្រង់ អ្នកការពារផ្ទះខ្លួនឯងអត់ដោះលែងទេពួកអាខ្ញុំយួនអស់នេះ។
ឬកអាអាមួយពាក់វែនតានោះសំពះស្តេចខ្មែរទាំងខ្ជិល កោតតែចេះទៅបន្ធូរបន្ធយ
ទោសអោយវាដែរ
ជាមួយខ្មែរបើវាល្អបានប្រហែលល្អជាមួយយួន សៀម ម៉្លេះសមខ្មែរមិនក្ររហាម
ពិបាកទៅធ្វើខ្ញុំបរទេសអោយអាសៀម អាក្រឡិតម៉ាឡេអីៗវាធ្វើបាបនោះទេ។
ពួកដែលចង់បំផ្លាញជាតិមានយួន សៀម ត្រូវបានរួចខ្លួន ឯអ្នកស្នេហាជាតិ
ស្នេហាប្រជាពលរដ្ឋខ្មែរ ត្រូវបានជាប់គុក និងស្លាប់ជាបណ្តើរៗ។
នេះហើយ ស បញ្ជាក់ថាអ្នកដឹកនាំខ្មែរ ជាកញ្ជះបរទេសពិតប្រាកដមែន ។
មុខអាតាកញ្ចាស់ពាក់វែនតាមួយនេះ វាសំពះស្តេចខ្មែរទាំងបង្ខំចិត្តទេ!
All of those above are stupid traitors. If you have brain you must think before talking.
មើលហើយហួសចិត្ត ។