បើទោះបីជាបាទទួលប្រាក់បៀវត្សរ៏ ខែ មករាដែលជាបុរេប្រទាន របស់រដ្ឋាភិបាលកាលពីចុងសប្ដាយ៏កន្លងទៅក្ដី ក៏ក្រុមកម្មករនៃរោងចក្រយ៉ុងវ៉ា បានឲ្យក្រុមអ្នករាយការណ៏ព័ត៌មាន ដឹងថា ពួកគេនឹងបន្តកូដកម្មនៅព្រឹកនេះទៀត ដើម្បីទាមទារប្រាក់អត្ថប្រយោជន៏ និង ប្រាក់អតីតភាព។
សិលាពល
Monday 18 February 2013
The Free Press Magazine
ក្រុមកម្មករនៃ រោងចក្រ យ៉ុងវ៉ា ធ្វើកូដកម្ម កាលពីសប្ដាហ៏កន្លងទៅ
តំណាងកម្មករមួយរូបបាននិយាយថា ” យើងសូមថ្លែងអំណរគុណរដ្ឋាភិបាល ប៉ុន្តែយើងត្រូវការអត្ថប្រយោជន៏ និងអតីតភាព ព្រោះយើងធ្វើការនៅរោងចក្រនេះ ជាច្រើនឆ្នាំមកហើយ ។ ខ្ញុំធ្វើការនៅទីនេះ៨ឆ្នាំមកហើយ តាមដែលខ្ញុំគណនាលើអត្ថប្រយោជន៏ និង អតីតភាព ខ្ញុំត្រូវមានប្រាក់ជាង ១ពាន់ដុល្លារ.. យើងដេកនៅខាងមុខ រោងចក្ររាល់យប់..” ។
កាលពីដើមសប្ដាហ៏កន្លងទៅ កម្មកររោងចក្រយ៉ុងវ៉ាទាំងពីរ ដែលមានទីតាំងស្ថិតក្នុងក្រុងតាខ្មៅជាង ៧ពាន់ នាក់ បានធ្វើកូដកម្មករ ទាមទារប្រាក់ខែបន្ទាប់ពីថៅកែ របស់គេបានរត់គេចខ្លួន ប៉ុន្តែកាលពីចុងសប្ដាហ៏ រដ្ឋាភិបាល បានផ្ដល់ប្រាក់បុរេប្រទាន ដើម្បីបើកប្រាក់ខែដល់ក្រុមកម្មករទាំងនោះ ដោយទុកប្រាក់អត្ថប្រយោជន៏ និង ប្រាក់អតីតភាពដោះស្រាយនៅពេលដែលបញ្ហាត្រូវ បានបញ្ចប់ តាមផ្លូវតុលាការ ដែលបើកផ្លូវឲ្យ ឡាយឡុងទ្រព្យសម្បត្តិរោងចក្រ ទើបដោះស្រាយប្រាក់ទាំងនោះជាក្រោយ ៕