តាមការគ្រោងទុកក្រុមមេដឹកនាំសហជីព នឹងជួបគ្នានាថ្ងៃអង្គារទី ១៩ កុម្ភៈនេះ ឯសណ្ឋាគារសាន់វ៉េ ក្នុងទីក្រុងភ្នំពេញ ដើម្បីពិភាក្សាអំពីប្រាក់ខែ អប្បរមារបស់កម្មករកាត់ដេរក្នុងប្រទេសកម្ពុជា ដែលថា គេនឹងកែខៃធ្វើយ៉ាងណា ដើម្បីឲ្យកើនដល់ ១៥០ដុល្លារ ក្នុងមួយខែ ខណៈដែលបច្ចុប្បន្នកម្មករទទួលបានត្រឹមតែ ៦១ដុល្លារនោះ ។
មាស មុន្នី
Tuesday 19 February 2013
The Free Press Magazine
កម្មកររោងចក្រយ៉ុងវ៉ា ធ្វើកូដកម្ម ទាមទារប្រាក់ខែ កាលពីសប្ដាហ៏កន្លងទៅ ពេល ដែលថៅកែគេចខ្លួន មិនទទួលខុសត្រូវ
លោក រ៉ុង ឈុន ប្រធានសហភាពសហជីពកម្ពុជា បានព្រមានថា “ បើសិនជាគ្មានដំណោះស្រាយទៅតាមការស្នើសុំរបស់សហជីពនោះទេ អនាគតដ៍ខ្លីនឹងមានមហាបាតុកម្ម កូដកម្ម ដោយសន្តិវិធី នៅតាមបណ្តារោងចក្រ ។ដើម្បីឲ្យកម្មកររស់បានស្រួលសូមឲ្យនិយោជក ហើយនឹងរដ្ឋាភិបាលចូលរួមជម្រុញនិយោជក ដើម្បីផ្តល់ប្រាក់ឈ្នួលអប្បបរមា ជូនដល់កម្មករ១៥០ដុល្លារក្នុងមួយខែ ” ។ ដោយមេដឹកនាំសហជីពរូបនេះ បានលើកឡើងថា វានឹងមិនអាក្រក់ពេកទេនៅពេលដែលប្រាកខែគោលរបស់កម្មករ នៅវៀតណាម១៧០ដុល្លារ និងប្រទេសថៃ ៣០០ ដុល្លារ នោះ។
ក្រុមមេដឹកនាំសហជីពបាននិយាយថា ដោយសារតែប្រាក់ខែតិចតួច និង ការរំលោភបំពានលើលក្ខណការងារពីសំណាក់និយោជក បានធ្វើឲ្យកម្មករក្នុងប្រទេសកម្ពុជាប្រឈមនឹងបញ្ហាជីវភាពធ្ងន់ធ្ងរ ហើយស្ទើរតែមិនរលោះថ្ងៃ ឧស្សាហកម្មផ្នែកនេះ ត្រូវបានគម្រាមដោយរលកបាតុកម្ម កូដកម្ម ៕