ភ្នំពេញៈ បន្ទាប់ពីលាក់ខ្លួនអស់មួយរយៈធំ ក្រោយពេលជួបប្រទះនឹងគ្រោះថ្នាក់ចរាចរណ៍យ៉ាងធ្ងន់ធ្ងរកាលពីថ្ងៃទី៧ មីនាបណ្តាលឲ្យក្រុមអ្នកសិល្បៈចំនួន៤រូបស្លាប់នៅនឹងកន្លែងនៅពេលនេះ តារាចម្រៀងសសរទ្រូង សាន់ដេ លោក ខេមរៈ សេរីមន្ត ដែលរួចជីវិតពីគ្រោះថ្នាក់ចរាចរណ៍ដ៏កំណាចនេះបានព្រមចេញមុខដើម្បីធ្វើការបកស្រាយបំភ្លឺជុំវិញគ្រោះថ្នាក់នោះកាលពីព្រឹកម្សិលមិញ។
Friday, 15 March 2013
សេត គឹមសឿន
ភ្នំពេញ ប៉ុស្តិ៍
ខេមរៈ សេរីមន្ត សំពះទទូចសុំឲ្យមានការគោរពច្បាប់ចរាចរណ៍ក្នុងសន្និសីទម្សិលមិញ។ រូបថត សេត គឹមសឿន
តារាចម្រៀង ខេមរៈ សេរីមន្ត ដែលរួចជីវិតពីគ្រោះថ្នាក់ ហើយរងរបួសជង្គង់តែបន្តិច ជាំក និងជាំដៃ បាននិយាយថា នៅក្នុងហេតុការណ៍ដំបូងខ្ញុំមានដំណើរទៅច្រៀងនៅក្រុងព្រះសីហនុដោយយើងសម្តែងនៅថ្ងៃទី៨ មីនា។ កាលដែលចេញទៅថ្ងៃទី៧ ព្រោះគិតថា យើងចង់ស្រួលមានពេលបើកបរបានសមរម្យ កុំឲ្យមានការតក់ក្រហល់នាំឲ្យខូចការងារ ហើយក៏មានពេលបានកម្សាន្តមុនពេលសម្តែងផង។
ប៉ុន្តែមិនទាន់បានដល់គោលដៅផងយើងក៏បានជួបហេតុការណ៍អាក្រក់នេះ ដោយសារតែនៅពេលនោះមានភ្លៀងរលឹមៗហើយបានឃើញរថយន្តកុងតឺន័រមួយបានបើកមកបញ្ជ្រាសទិសជាមួយនឹងខ្ញុំ ហើយនៅពេលជិតមកដល់កន្លែងកើតហេតុប្រហែល១០០-២០០ម៉ែត្រ ខ្ញុំមិនអាចស្មានច្បាស់ ព្រោះឃើញពីចម្ងាយដែរ ឃើញឡានហ្នឹងវេចង្កូតពេញផ្លូវបន្ទាប់មករថយន្តហ្នឹងបានមកទទឹងតែម្តង គឺមកទទឹង ពួកយើងព្យាយាមគេចឲ្យផុតពីគូទឡាន ពីកន្ទុយឡានរបស់គាត់ តែត្រូវបានកន្ទុយរថយន្តរបស់គាត់វាត់បោកយកតែម្តង។ ខ្ញុំចាំបានតែប៉ុណ្ណឹង វាមិនត្រូវកាប៊ីនទេ វាវាត់ត្រូវកន្ទុយ យើងព្យាយាមគេចអស់លទ្ធភាព។
ដោយឡែកស្ថានភាពអ្នករួមដំណើរនៅក្នុងហេតុការណ៍នោះ លោក សេរីមន្ត បានឲ្យដឹងថា ហេតុការណ៍ជាក់ស្តែង ពួកគេនៅខាងក្រោយ ខ្ញុំនៅខាងមុខ អ្នកខ្លះនៅខាងក្រោយ មិនមែនគាត់គេងលក់ទេ គាត់គេងលេង ស្តាប់ចម្រៀងលេង ស្តាប់កាស់ យើងស្ងប់ស្ងាត់ទាំងអស់គ្នា។ ខ្ញុំបានឃើញហេតុការណ៍ហ្នឹង ខ្ញុំបានក្រាបទាន់ វាលឿនពេកតែមួយវិនាទី ឬលឿនជាងមួយវិនាទីទៅទៀត។ ខ្ញុំគិតថា ខ្ញុំគ្មានជីវិតមកឈរនៅទីនេះទេ ព្រោះកុងតឺន័រហ្នឹងវាធំពេក មិនមែនធម្មតាទេ។ ខ្ញុំក្រាបមែន តែមិនគិតថាខ្លួនឯងបានរស់ទេ។
តែចៃដន្យអី នៅពេលក្រោកឡើងខ្ញុំមានស្មារតី ខ្ញុំបានស្រែករកគ្នាខ្ញុំទាំងអស់ នៅពេលនោះ ខ្ញុំគ្មានគិតអីក្រៅពីឡានពេទ្យទេ ខ្ញុំគ្មានគិតអីក្រៅពីសង្គ្រោះមនុស្សដែលបានមកជាមួយខ្ញុំទាំងអស់។ ដូច្នេះមនុស្សទាំងអស់នៅក្នុងឡាន ដឹងខ្លួនតែខ្ញុំម្នាក់គត់ ខ្ញុំបានបីមនុស្សដែលមានដង្ហើម ចេញពីឡាន ហើយប្រជាជនក៏បានមកបណ្តើរៗ ខ្ញុំចាប់ផ្តើមអង្វរប្រជាជនឲ្យជួយសហការជាមួយខ្ញុំសង្គ្រោះមនុស្សទាំងអស់ឲ្យរកឡានពេទ្យឲ្យខ្ញុំដែរខ្ញុំកាន់ទូរស័ព្ទក៏ខ្ញុំមិនអាចធ្វើអីបានដែរ គឺពេលនោះ ខ្ញុំត្រូវការប្រជាជនចូលរួមសហការ។ ដោយមានប្រជាជនសហការពេលនោះបានតេទៅវិទ្យុអេប៊ីស៊ី(ABC) ភ្លាមឲ្យវិទ្យុអេប៊ីស៊ីជួយរកឡានពេទ្យឲ្យនៅពេលនោះប្រហែលកន្លះម៉ោង ឡានពេទ្យបានមកដល់ ហើយក៏សូមអរគុណវិទ្យុអេប៊ីស៊ី ដែលបានចូលរួមសកម្មដំបូងក្នុងហេតុការណ៍នេះ។ បន្ទាប់ពីឡានពេទ្យមកដល់យើងបានជួយសង្គ្រោះអ្នកដែលមានជីវិតភ្លាម។
សម្រាប់ខ្ញុំផ្ទាល់ខ្ញុំគិតថា មនុស្សនៅក្នុងឡានទាំងអស់ពួកគាត់មិនអាចបាត់បង់ជីវិតទាំងអស់ទេ ពួកគាត់គ្រាន់តែសន្លប់ទេ។ តែពេលពេទ្យមកដល់គាត់ថា ពួកគេបានស្លាប់ទៅហើយ ខ្ញុំនៅតែមិនជឿ! មនុស្សមានកម្លាំងពលំ ហេតុអីក៏មកស្លាប់ស្រួលៗម៉្លេះ? ខ្ញុំសុំអង្វរគាត់(ពេទ្យ) ម្តងហើយ ម្តងទៀត តែគាត់ថា មិនអាចជួយបានទេ។
តារាចម្រៀងរូបនេះបានបញ្ជាក់ទាំងក្តុកក្តួលថា នៅពេលដឹងថា ពួកគាត់ស្លាប់ភ្លាម ខ្ញុំអត់មានពាក្យអីនិយាយទាល់តែសោះ ព្រោះបាត់បង់មនុស្សជាទីស្រឡាញ់ក្នុងរយៈពេលមួយដ៏ខ្លីខ្ញុំបានក្លាយជាមនុស្សម្នាក់បាត់បង់ស្មារតី បាត់ទៅហើយ។ ប្រជាជននៅទីនោះ នៅពេលឃើញខ្ញុំមានសភាពធ្ងន់ធ្ងរ គាត់បានមកឱបរឹតខ្ញុំផ្តល់កម្លាំងចិត្តឲ្យខ្ញុំ ព្រោះខ្ញុំបានបាត់បង់ស្មារតីទៅហើយ ព្រោះខ្ញុំបានឃើញមនុស្សស្លាប់ ហើយអ្នកទាំងនោះ សុទ្ធតែជាមនុស្សដែលជិតស្និទ្ធរបស់ខ្ញុំ ហើយជាធនធានមនុស្សទៀតផង។
ជាក់ស្តែងដូចជាបងបើករថយន្តឲ្យខ្ញុំ គាត់ជាជំនួយការរបស់ខ្ញុំ ហើយគាត់ក៏ជាតួសម្តែងម្នាក់នៅក្នុងឈុតឆាកការ៉ាអូខេ ដែលបានធ្វើឲ្យបងប្អូនសប្បាយរីករាយដែរ ហើយក្រៅពីនោះសុទ្ធតែជាធនធានមនុស្សផ្នែករាំទៀតផងបាត់បង់មួយរំពេចខ្ញុំគ្មានអីក្រៅពីឈរសម្លឹងមើលមុខពួកគាត់នៅក្នុងហេតុការណ៍ហ្នឹងទេ។ សម្លឹងមុខគាត់ថា ហេតុអីគាត់ស្លាប់? ប្រជាពលរដ្ឋឃើញទុក្ខសោករបស់ខ្ញុំ គាត់បានលួងលោមខ្ញុំ ឲ្យចេញពីទីតាំងហ្នឹង ដើម្បីដកឃ្លាឲ្យបានធូរស្បើយ។ គាត់ក៏បានសួរខ្ញុំថា មានស្គាល់អ្នកណាទេ? ខ្ញុំបានឆ្លើយថាមានស្គាល់បងប្អូនខ្លះនៅកំពង់សោម គាត់ក៏បានជូនខ្ញុំទៅទីនោះ។ នៅក្នុងហេតុការណ៍ហ្នឹងខ្ញុំបានសង្គ្រោះមនុស្សដែលសន្លប់ ខ្ញុំបានបីចេញពីឡានខ្លួនឯង ខ្ញុំបានជួយធ្វើចលនាឲ្យមនុស្សដែលបានរងរបួសធ្ងន់ ហើយប្រជាពលរដ្ឋក៏បានជួយយ៉ាងច្រើនដែរ តែធ្វើម៉េចបើជីវិតពួកគាត់បានអស់ទៅហើយ។ ប៉ុន្តែខ្ញុំជឿជាក់ថា ការបាត់បង់ជីវិតរបស់គាត់ត្រូវអស់ព្រោះតែបណ្តាលមកពីការបើកបរដោយគ្មានការប្រុងប្រយ័ត្នរបស់កុងតឺន័រ។
ការរួចរស់ពីមហាគ្រោះថ្នាក់ដោយគ្រាន់តែរងរបួសបន្តិចបែបនេះ សេរីមន្ត និយាយបែបអបិយជំនឿថា ការដែលសល់មនុស្សប៉ុន្មាននាក់នៅរស់នេះ ខ្ញុំមិនដឹងថា មូលហេតុអីទេ តែបងប្អូនក៏បានដឹងដែរថា ក្រោយនឹងទៀតក៏មានគ្រោះថ្នាក់មួយទៀតកើតឡើងនៅកន្លែងហ្នឹងដែរ។
ខ្ញុំគិតថា ជំនឿខ្មែរយើងប្រាកដជាមានខ្ញុំចង់នៅកន្លែងហ្នឹងប្រជាជនចង់ឲ្យខ្ញុំចេញ បន្ទាប់ពីខ្ញុំចេញក៏មានគ្រោះថ្នាក់មួយទៀតកើតឡើង។ សួរថា បើខ្ញុំនៅ តើខ្ញុំនៅកន្លែងណា ខ្ញុំប្រាកដជានៅជាមួយនឹងអ្នកធ្វើកំណត់ហេតុហ្នឹងហើយ ដកស្រង់ព័ត៌មានហើយអ្នកដកស្រង់ព័ត៌មាននោះបានស្លាប់ភ្លាមមួយរំពេច ដូច្នេះជំនឿខ្មែរយើងប្រាកដជាមាន ប្រហែលជាមានអ្វីមួយដាស់តឿនប្រជាពលរដ្ឋនាំខ្ញុំចេញពីកន្លែងហ្នឹងហើយ។ នេះជាជំនឿរបស់ខ្មែរយើងមិនអាចកាត់ផ្តាច់បានទេ។
ហេតុការណ៍គ្រោះថ្នាក់នេះកើតឡើងប្រហែលជាម៉ោង៨ជាងបន្តិចទេ ខ្ញុំអ្នកនៅក្នុងហេតុការណ៍ខ្ញុំអត់មានខ្វល់ពីអីវ៉ាន់របស់ខ្ញុំទេខ្ញុំខ្វល់តែជីវិតមនុស្សខ្ញុំអត់មានស្តាយរបស់ទាំងនោះអីបន្តិចទេ ខ្ញុំស្តាយតែជីវិតមនុស្ស។ បន្ទាប់មកប្រជាជនក៏បានជូនខ្ញុំតាមម៉ូតូទៅផ្ទះបងប្អូននៅកំពង់សោម ខ្ញុំអត់មានជម្លៀសខ្លួនអីទេ គឺខ្ញុំចាកចេញតាមសម្រួល។ ខ្ញុំក៏មានការសោកស្តាយដែរ ដែលមានការចុះផ្សាយថា ខ្ញុំជម្លៀសខ្លួន មេឃុំនៅទីនោះបានដឹងច្បាស់ព្រោះមុនចេញទៅខ្ញុំបានផ្ញើរបស់ទាំងនោះជាមួយគាត់ ឲ្យគាត់ជួយមើល ហើយឲ្យជួយមើលសាកសពអ្នកដែលបានស្លាប់ផង ព្រោះខ្ញុំមិនអាចនៅទៀតបានទេ អារម្មណ៍ខ្ញុំមិនអាចទទួលយកបាន។
ការបកស្រាយរឿងប្រពន្ធកូន
ខេមរៈ សេរីមន្ត បានធ្វើការបដិសេធទាំងស្រុងចំពោះព័ត៌មានថា លោកមានប្រពន្ធ និងកូន ហើយប្រពន្ធកូនរបស់លោកក៏ស្ថិតនៅក្នុងគ្រោះថ្នាក់នោះដែរ។ ប៉ុន្តែទោះបីជាយ៉ាងណាតារារូបនេះនៅតែបកស្រាយមិនច្បាស់ចំពោះក្មេងម្នាក់ដែលស្ថិតនៅក្នុងរថយន្តរបស់លោកឡើយ ខណៈលោកមិនបានបញ្ជាក់ថា ក្មេងម្នាក់នោះជាអ្នកណានោះ។
ខេមរៈ សេរីមន្ត ដាក់ពាក្យបណ្តឹង
តារាចម្រៀង ខេមរៈ សេរីមន្ត បានដាក់ពាក្យបណ្តឹងប្តឹងក្រុមហ៊ុន SK រួចហើយ ក្នុងនោះគេបានដឹងថា លោកទាមទារសំណងប្រមាណចំនួន៩ម៉ឺនដុល្លារសហរដ្ឋអាមេរិក។
សេរីមន្ត និយាយថា៖«ការដែលខ្ញុំដាក់ពាក្យបណ្តឹងនេះ ព្រោះខ្ញុំចង់បញ្ចប់គ្រោះថ្នាក់ចរាចរណ៍ចាប់ពីថ្ងៃនេះតទៅ បើយើងដាក់ពាក្យបណ្តឹងធម្មតា ស្រាលពេក តើអ្នកណាខ្លាច? អ្នកក្រុមហ៊ុនត្រូវប្រយ័ត្នលើអ្នកបើកបររបស់ខ្លួន»។
លោកបានបញ្ជាក់ថា៖ «រថយន្តរបស់ខ្ញុំក៏មិនថោកដែរ ជំងឺចិត្តរបស់ខ្ញុំ ពេលវេលារបស់ខ្ញុំ ការងាររបស់ខ្ញុំ ក៏មិនតិចដែរ រយៈពេលនេះបងដឹងហើយថា ខ្ញុំរវល់ខ្លាំងណាស់ ហេតុអីខ្ញុំត្រូវមកជួបបញ្ហាហ្នឹងដោយសារការបើកបររបស់គាត់? ខ្ញុំត្រូវធ្វើឲ្យគាត់ដឹងថា គាត់ត្រូវតែយកចិត្តទុកដាក់លើអ្នកបើកបររបស់គាត់»។
ជាមួយគ្នានេះ តារាចម្រៀង ខេមរៈ សេរីមន្ត ក៏សុំធ្វើការអំពាវនាវដល់ប្រជាជនទាំងអស់មេត្តាគោរពច្បាប់ចរាចរណ៍ បើកបរដោយប្រុងប្រយ័ត្ន ហើយត្រូវចាំក្នុងចិត្តថា «ថ្ងៃនេះ និងថ្ងៃស្អែក កុំឲ្យមានគ្រោះថ្នាក់ចរាចរណ៍ រួមគ្នាបញ្ឈប់គ្រោះថ្នាក់ចរាចរណ៍ពីវិនាទីនេះតទៅ»៕
I never want to hear about those Khmer stars or models’ personal information and their songs because it means nonsense. It’s just copied from others. Why do we all spent our time and….. for that useless thing?
សូមសសើរដោយស្មោះចំពោះលោក ខេមរៈ សេរីមន្ត លោកពិតជាមានជីវិតថ្លៃមែន!!!
ឈប់ព្រុសទៅ អាខ្មោច Heng ហ្អែងនិយាយគ្មានបានការទេវើយ
លោកហេង កុំមានទស្សនៈចង្អៀតចង្អល់ខ្លាំងពេក។ តាមពិតខ្ញុំក៏មិនសូវចូលចិត្តស្តាប់បទចម្រៀងសម័យនេះដែរ តែទោះជាយ៉ាងណា ប្រហែលជា ខេមរៈ សេរីមន្ត រកប្រាក់បានច្រើនជាងលោកដែរ។ បើចង់បន្ទោស បន្ទោសក្រសួងវប្បធម៌ទៅវិញទេ។
ក្រសួងគមនាគមន៍ ត្រូវតែធ្វើការពិនិត្យចំពោះប័ណបើកបរ ថាតើអ្នកបើកបរចេះច្បាប់បើកបរគួរទទួលប័ណដែរឬទេនៅពេលប្រឡង?……
ចំណែករថយន្ដនៅស្រុកខ្មែរយើង ត្រូវពិនិត្យឲ្យបានដឹតដល់ នៅពេលធ្វើឆៀក( state inspection )ប្រចាំរាល់១ដង១ឆ្នាំ គឺឆែកហ្វ្រាំង ,ប្រេងចង្កូត,ប្រេងម៉ាស៊ឺន,ប្រេងហ្វ្រាំង,ភ្លើងចង្កៀងមុខក្រោយ,ភ្លើងស៊ីញ៉ូឆេ្វងស្តាំ,
កៅស៊ូផ្លិត , ប័ណ្ណធានារ៉ាប់រង, ឆែកបំពង់ផ្សែង ជាដើម ។ល។នឹង។ល។ បើពិនឹត្យទៅឃើញមានគ្រប់គ្រាន់ហើយ អ្នកផ្តើមធ្វើឆៀកបើកបររថយន្ដនោះឃើញថាហ្វ្រាំងស៊ីល្អ, ចង្កូតមិនញ័រ, ស៊ីផ្លេឮ, ទើបចាប់ផ្ដើមធើ្វឆៀក.
NO NO a na name heng niyay jea 1 anah tich mers….
ពួកចម្រៀងសព្វថ្ងៃនេះ យកមេប្រយោគ មីកាតុ អាចាបចៀន ថេរ៉ាយុ ស្អីគេនោះមកឲ្យពិន្ទុ អ្នកច្រៀង ពួកវាច្រៀងខ្លួនឯងមិនកើតផង
គួរតែខ្មាស់ខ្លួនឯង និងពិភពលោក គ្មានជំនាញ ចេះតែឡើងព្រុស ពេញទូរទស្សន៌ ពិតជាយ៉ាប់មែន។