ទិន្នន័យប្រកបដោយ ភាពពិត និងគួរឱ្យចាប់ អារម្មណ៍ ស្ដីពីស្នេហា និង ការ “ឡើងគ្រែ” របស់មនុស្ស ខាងក្រោមនេះ ត្រូវបានលើកឡើង ក្នុងសៀវភៅ មួយក្បាល របស់ GS. John Croucher ដែលមាន ចំណងជើង ថា “Love by Numbers” ។
Written by ភ្នំពេញដេលីញូវ
Tuesday, 19 March 2013
ខាងក្រោមនេះគឺជាខ្លឹមសារ នៅក្នុងសៀវភៅ របស់លោក GS. John Croucher ដែលមាន ចំណងជើងថា Love by Numbers ៖
– មនុស្សប្រើប្រាស់សញ្ញាចំនួនប្រហែល ៥២ សម្រាប់ការចែចង់ ហើយសញ្ញាដែលត្រូវគេប្រើច្រើនបំផុតគឺ ការច្បូតសក់។
– មនុស្សចំនួន ៥០% ក្នុងចំណោមអ្នកដែលបានចូលរួមក្នុងការស្ទង់មតិនៅព្រំដែនខាងជើងរបស់អាមេរិក បានឱ្យដឹងថា ពួកគេចូលចិត្ត “រួមស្នេហ៍” នៅកន្លែងដែលងាយបង្កឱ្យ “ឈឺបេះដូង” ដូចជា ឆ្នេរសមុទ្រ ឬការិយាល័យ។
– បុរសអូស្ដ្រាលីចំនួន ២៣% ដែលមានស្នេហាតែមួយ បានឱ្យដឹងនៅក្នុងការស្ទង់មតិមួយថា ពួកគេចង់ផ្លាស់ប្ដូរ “រសជាតិ” ក្នុងរឿងលើគ្រែរបស់ប្រពន្ធ ឬមិត្តស្រីរបស់ខ្លួន ចំណែក ២៦%ទៀត ចង់បានការផ្លាស់ប្ដូរឥរិយាបទ អារម្មណ៍របស់នាង , ៩% ចង់ឱ្យនាងផ្លាស់ប្ដូររូបរាងខាងក្រៅ , ៨% ជ្រើសរើសការផ្លាស់ប្ដូរការត្អូញត្អែរ និង ៤% ចង់ឱ្យប្រពន្ធ ឬមិត្តស្រី ផ្លាស់ប្ដូរភាពឆ្លាតវៃ។
– នៅក្នុងការស្ទង់មតិមួយនៅអាមេរិក បុរសចំនួន ១១% ប្រាប់ថា ពួកគេបានបញ្ចប់ទំនាក់ទំនងស្នេហាដោយសារតែសត្វឆ្មា។
– រឿងផ្លូវភេទមុនរៀបការចំពោះស្ដ្រីក្រោមអាយុ ២០ឆ្នាំ កើតឡើងច្រើនបំផុតនៅ អាឡឺម៉ង់ និងអង់គ្លេស ដែលមានរហូតដល់ ៧០%។ នៅអាស៊ី បញ្ហានេះមានត្រឹមតែ ជាង ៩% ។
– នៅលើពិភពលោក អាពាហ៍ពិពាហ៍ចំនួន ៦០% គឺកើតឡើងដោយការផ្គូផ្គង។
– បុរសងាយនឹងធ្លាក់ចូលក្នុងអន្លង់ស្នេហា ជាងស្ដ្រី។
– មនុស្សចំនួន ១% នៅលើពិភពលោក ទទួលស្គាល់ខ្លួនឯងថា មិនមានភេទពិតប្រាកដ មិនមានអារម្មណ៍សិច។
– ស្ដ្រីជនជាតិអង់គ្លេសចំនួន ២៥% ប្រាប់ថា ពួកគេនឹងមិនស្លៀកពាក់ខោអាវទ្រនាប់ ប្រសិនជិតដល់ពេលមានការណាត់ជួបពិសេស។
– អាពាហ៍ពិពាហ៍ចំនួន ៣២% បានបញ្ចប់ដោយការលែងលះ។ អំឡុងពេលដែលងាយបែកបាក់គ្នាបំផុត គឺ ៥ឆ្នាំដំបូងបន្ទាប់ពីបានរៀបការ។
– នៅអាមេរិក ៦២% នៃអ្នកបញ្ជាយានយន្ដ មានសកម្មភាពចែរចង់ ជាមួយនឹងមនុស្សដែលកំពុងបើកបរដូចគ្នា។ ៣០% ក្នុងចំណោមពួកគេ ទទួលបានជោគជ័យក្នុងការចែចង់។
– អំឡុងពេលដែលគូស្នេហាងាយនឹងនាំគ្នារួមភេទបំផុត គឺនៅម៉ោង ១០ និង ៣០នាទីយប់។