ភ្នំពេញៈ ខណៈពេលដែលតារាចម្រៀងប្រុស ប្រចាំផលិតកម្មសាន់ដេ លោក កែវ វាសនា កំពុងធ្លាក់ចុះប្រជាប្រិយភាព ស្រាប់តែកាលពីម្សិលមិញនេះ ភ្នំពេញ ប៉ុស្តិ៍ បានទទួលសំបុត្រអនាមិកមួយច្បាប់មានពីរទំព័រដោយបានទម្លាយអាថ៌កំបាំងរបស់តារាចម្រៀងវ័យក្មេង កែវ វាសនាថា តារារូបនេះមានទំនាក់ទំនងស្នេហាជាមួយនឹងនារីវ័យក្មេងម្នាក់នៅខេត្តបន្ទាយមានជ័យហើយមួយរយៈចុងក្រោយនេះ សង្សាររបស់តារាចម្រៀងរូបនេះបានខឹងសម្បានឹង កែវ វាសនា យ៉ាងខ្លាំងរហូតហ៊ានជេរ ដៀលត្មះតារាចម្រៀងរូបនេះខ្លាំងទៀតផងដោយសារតែ កែវ វាសនា ពូកែញ៉ែស្រីមិនរើសមុខ។
Thursday, 21 March 2013
សេត គឹមសឿន
ភ្នំពេញ ប៉ុស្តិ៍
តារាចម្រៀងប្រចាំផលិតកម្មសាន់ដេ កែវ វាសនា។ រូបថត សេត គឹមសឿន
តាមរយៈលិខិតនោះបានឲ្យដឹងថា ក្នុងការប្រគំតន្ត្រីលក់សំបុត្រ និងកម្មវិធីរបស់ក្រុមហ៊ុន នៅតាមបណ្តាខេត្តនានា គេបានដឹងថា កែវ វាសនា ជាតារាចម្រៀងប្រុសមួយរូបដែលពូកែញ៉ែស្រី មិនរើសមុខ។ លិខិតនោះបានបន្តថា ទន្ទឹមនឹងស្ថានភាព កែវ វាសនា ដែលធ្លាប់តែមានប្រជាប្រិយភាព លេចធ្លោហើយសព្វថ្ងៃនេះ ហាក់ដូចជាធ្លាក់កូដ បើប្រៀបធៀបនឹងតារាថ្មីថ្មោង គឺតារាចម្រៀងរូបនេះមានតែឈ្មោះ និងបទចម្រៀងដែលស្តាប់ទៅថប់ៗ ហើយជារឿយៗគេមិនដែលធ្លាប់បានឃើញ យុវវ័យជ្រើសយកបទចម្រៀងរបស់លោក មកធ្វើការប្រឡងនោះទេ ព្រោះបើច្រៀងទៅពួកគេខ្លាចធ្លាក់ ដោយស្វ័យប្រវត្តិ។
ជាមួយនឹងរាសីដាក់អារក្ខធ្វើនេះ លិខិតដែលសរសេរដោយដៃនោះបានបន្តថា ខណៈពេលដែលតារាចម្រៀងក្នុងផលិតកម្មសាន់ដេ កែវ វាសនា កំពុងតែវិលមុខនឹងរឿងធ្លាក់ប្រជាប្រិយភាពនោះ ស្រាប់តែឆ្នាំនេះ កែវ វាសនា ត្រូវសង្សារទាត់ចោលទៀតផង។
សង្សាររបស់តារាចម្រៀងវេចសម្ពាយមកពីខេត្តកំពង់ឆ្នាំង កែវ វាសនា ត្រូវបានគេទម្លាយថា ឈ្មោះ ធាវី ជាអ្នករស់នៅក្នុងស្រុកមង្គលបុរី ខេត្តបន្ទាយមានជ័យ។ សំបុត្រអនាមិកនោះបានបញ្ជាក់ទៀតថា ក្រុមគ្រួសាររបស់នារីវ័យក្មេងនោះមិនគាំទ្រ កែវ វាសនា មូលហេតុដោយសារតែ កែវ វាសនា ចេះតែច្រៀង និងមានស្រីច្រើន ញ៉ែស្រីមិនរើសមុខ។
ជាងនេះទៅទៀតលិខិតនោះបានបញ្ជាក់ថា ក្រុមការងារ និងក្រុមអង្គរក្សស្ទាវរបស់ កែវ វាសនា តែងតែទាក់ទងហៅនារីរូបស្រស់ក្មេងៗស្អាតៗ ឲ្យទៅជួបលោក កែវ វាសនា នៅកន្លែងណាដែល កែវ វាសនា ចង់ជួប។ ទង្វើបែបនេះហើយដែលញ៉ាំងឲ្យសង្សារកែវ វាសនា ឈ្មោះធាវី មានការខឹងសម្បាយ៉ាងខ្លាំងរហូតហ៊ានដៀល កែវ វាសនា ខ្លាំងៗ ប៉ុន្តែ កែវ វាសនា នៅតែតាមអង្វរកញ្ញា ធាវី រហូត។ ប្រភពនោះបានបញ្ជាក់ថា នៅពេលសង្សារឈ្មោះ ធាវី ខឹងម្តងៗ កែវ វាសនា បើករថយន្តទៅខេត្តបន្ទាយមានជ័យទាំងយប់ម៉ោង ២-៣ទៀបភ្លឺក៏មានដែរ។
អ្នកធ្លាប់ស្គាល់តារាចម្រៀង កែវ វាសនា មួយចំនួនលាន់មាត់ថា ក្នុងនាមជាតារាចម្រៀងល្បី ម្នាក់ដែរ ហេតុអ្វីក៏ពូកែញ៉ែស្រីមិនរើសមុខបែបនេះ។ ជាមួយគ្នានោះ ប្រភពដដែលសង្កត់ធ្ងន់ថា នៅពេលមានលុយច្រើន កែវ វាសនា តែងប៉ាវមិត្តភក្តិប្រុសស្រីចូលក្លិបអស់លុយរលីង ហើយព្រឹកឡើងនាំគ្នាទិញពងទា និងមីហូបធ្វើមុខក្រៀមក្រំតែម្តង។
ជុំវិញការទម្លាយអាថ៌កំបាំងរបស់ប្រភពអនាមិកនេះ តារាចម្រៀងកែវ វាសនា មិនអាចទាក់ទងសុំការបំភ្លឺបានទេកាលពីម្សិលមិញ ខណៈទូរស័ព្ទរបស់តារាចម្រៀងរូបនេះគ្មានអ្នកលើក៕
ចេះតែមែនហើយ ស្រីមិនញែរ ទៅញែរគោឬ?
ta ouy te bros bros jos srey srey vinh dol kor.sexy 9