អង្គការ​ចំនួន​១៥​ជួប​ជុំ​គ្នា​ដើម្បី​លើក​កម្ពស់​ការ​យល់​ដឹង​ផ្នែក​សាសនា

អង្គការ​ចំនួន​១៥ ដែល​ធ្វើ​ការ​ពាក់ព័ន្ធ​នឹង​សាសនា​មក​ពី​គ្រប់​ទិស​ទី​ក្នុង​ពិភព​លោក បាន​ប្រមូល​ផ្ដុំ​គ្នា​នៅ​ថ្ងៃ​នេះ​នៅ​រាជធានី​ភ្នំពេញ ដើម្បី​ចាប់​ផ្ដើម​យុទ្ធនាការ​ផ្សព្វផ្សាយ​ការ​កសាង​សន្តិភាព ក្នុង​ចំណោម​អ្នក​កាន់​សាសនា​គ្រប់​ប្រភេទ។

ដោយ ម៉ម មុនីរតន៍
2014-02-01
RFA

ស្ដាប់ ឬ ទាញ​យក​សំឡេង
ស្តាប់សំឡេង ថតសំឡេង

យុទ្ធនាការ​នេះ សម្រេច​ជ្រើស​រើស​យក​ខែ​កុម្ភៈ ជា​រៀង​រាល់​ឆ្នាំ ដើម្បី​ជួប​ជុំ​បញ្ជ្រាប​ការ​យល់​ដឹង​រវាង​សាសនា​នីមួយៗ ជា​ពិសេស ដើម្បី​កាត់​កាត់​បន្ថយ​គម្លាត​ការ​យល់​ខុស ដែល​នាំ​ឲ្យ​កើត​ហិង្សា​ផ្ដើម​ចេញ​ពី​ជំនឿ​ចំពោះ​អ្នក​ប្រតិបត្តិ​សាសនា​នេះ។

ក្រុម​អង្គការ​សង្គម​ស៊ីវិល ដែល​មាន​បេសកកម្ម​ប្រឆាំង​អំពើ​ហិង្សា​នៅ​កម្ពុជា មួយ​ចំនួន ចាត់​ទុក​ថា ការ​ជួប​ជុំ​គ្នា​ដែល​មាន​លក្ខណៈ​ជា​អន្តរ​សាសនា​នេះ គឺ​ជា​ផ្នែក​មួយ​អាច​ផ្ដល់​សេចក្ដី​សុខ និង​ភាព​ស្ងប់​ផ្លូវ​ចិត្ត ហើយ​លើស​ពី​នេះ ថែម​ទាំង​ជា​សារ​ជួយ​រំលឹក​ដល់​អ្នក​នយោបាយ ព្រម​ទាំង​អ្នក​តាក់​តែង​គោល​នយោបាយ ឲ្យ​ធ្វើ​សេចក្ដី​សម្រេច​មួយ​ដោយ​តម្កល់​សេចក្ដី​សុខ​នៅ​ក្នុង​សង្គម និង​ប្រឆាំង​ហិង្សា​ជា​ចម្បង។

នាយិកា​ប្រតិបត្តិ​នៃ​អង្គការ​ក្រុម​ការងារ​ដើម្បី​ដោះស្រាយ​ទំនាស់ កញ្ញា ស្រី សុធាវី ឲ្យ​ដឹង​នៅ​ថ្ងៃ​ទី​១ កុម្ភៈ ថា អ្វី​ដែល​សង្គម​ស៊ីវិល​ជ្រើស​រើស​យក​ការ​ជួប​ជុំ​បែប​សាសនា​នេះ​ឡើង ដោយ​ហេតុ​ថា គឺ​ដើម្បី​បង្ហាញ​សារ​ដល់​អ្នក​ដែល​មាន​និន្នាការ​សាសនា​ដោយ​ឡែក​ពី​គ្នា ប៉ុន្តែ​ពួក​គេ​អាច​ខិត​ជិត​ចូល​គ្នា ហើយ​ប្រកៀក​ស្មា ដើម្បី​ផល​ប្រយោជន៍​រួម។ ជាង​នេះ​ទៀត តាម​យន្តការ​នេះ ជឿ​ថា​ក៏​ជា​ផ្នែក​មួយ​ជួយ​ក្រើន​រំលឹក​ដល់​អ្នក​រៀប​ចំ​គោល​នយោបាយ និង​ជាពិសេស​អ្នក​នយោបាយ គប្បី​ពង្រឹង​សាមគ្គី​ភាព​ជា​ធ្លុង​មួយ ដើម្បី​ស្ថិរភាព និង​ភាព​សុខសាន្ត​នៅ​ក្នុង​សង្គម​ថែម​ទៀត​ផង៖ «នៅ​ក្នុង​សកម្មភាព​នេះ វា​មិន​ផ្ទាល់​អ្វី​ជា​លក្ខណៈ​ផ្ទាល់​ទេ នៅ​ក្នុង​ការ​ដោះស្រាយ​បញ្ហា​ទាំងអស់​ហ្នឹង។ ប៉ុន្តែ វា​លក្ខណៈ​ប្រយោល​ក្នុង​ការ​ផ្ដល់​ក្នុង​ការ​យល់​ដឹង ស្វែង​យល់​ពី​គ្នា​ទៅ​វិញ​ទៅ​មក អំពី​មនុស្ស​ជាតិ អំពី​សាសនា។ ហើយ​អំពី​ធ្វើ​ម៉េច ដែល​មនុស្ស​ម្នាក់ៗ​ហ្នឹង​អាច​ស្វែង​យល់​ពី​សាសនា​នីមួយៗ ហើយ​អាច​នៅ​ក្នុង​សហគមន៍ ហើយ​សង្គម​មួយ​ដែល​ជា​ជន​ដែល​ល្អ»

កាល​ពី​ថ្ងៃ​ទី​២៣ ខែ​កញ្ញា ឆ្នាំ​២០១០ កិច្ច​ប្រជុំ​មួយ​នៃ​មហា​សន្និបាត​អង្គការ​សហប្រជាជាតិ បាន​សម្រេច​យក​សប្ដាហ៍​ទី​មួយ​នៃ​ខែ​កុម្ភៈ ដើម្បី​ជួប​ជុំ​ជា​សកល​សម្រាប់​សុខដុមរមនា​ពិភពលោក ដែល​ផ្ដោត​សំខាន់​លើ​ចម្រុះ​សាសនា ឬ​អន្តរ​សាសនា​គ្រប់​វិស័យ។ ផ្ដើម​ចេញ​ពី​បញ្ហា​នេះ​ហើយ ទើប​អង្គការ​ចំនួន​១៥ ដែល​ធ្វើ​ការ​ពាក់ព័ន្ធ​នឹង​សាសនា​នៅ​កម្ពុជា កំណត់​សប្ដាហ៍​ទី​មួយ​នៃ​ខែ​កុម្ភៈ បារម្ភ​ពិធី​នេះ​ដែរ។

ដោយ​ឡែក​សម្រាប់​ប្រធាន​បទ​នៅ​ឆ្នាំ​នេះ​នៅ​កម្ពុជា គឺ​កំណត់​យក​ការ​លើក​កម្ពស់​កិច្ច​សហប្រតិបត្តិការ​អន្តរ​ជំនឿ​សាសនា​ដើម្បី​ចិរភាព។ ក្នុង​នោះ មាន​ព្រះពុទ្ធ​សាសនា ឥស្លាម​សាសនា និង​គ្រិស្ត​សាសនា។ សកម្មភាព​នេះ ក្រៅ​ពី​បង្កើត​កម្មវិធី​អប់រំ និង​បំផុស​សំណួរ​លើក​ហេតុផល​ពី​សាសនា​ហើយ។ ទន្ទឹង​នឹង​នេះ ថែម​ទាំង​ជំរុញ​ឲ្យ​មាន​យុទ្ធនាការ​ដាំ​ដើម​ឈើ និង​ធ្វើ​ទស្សនកិច្ច ព្រម​ទាំង​ផ្លាស់​ប្ដូរ​បទ​ពិសោធន៍​រវាង​សាសនា​មួយ ទៅ​សាសនា​មួយ​ផ្សេង​ទៀត។ ដោយ​ឡែក យុទ្ធនាការ​ឆ្នាំ​នេះ​មាន​អ្នក​ចូល​រួម​ប្រមាណ​ជាង ១០០​នាក់។

អនុប្រធាន​រដ្ឋបាល និង​ហិរញ្ញវត្ថុ​នៃ​ពុទ្ធិក​សកលវិទ្យាល័យ ព្រះសីហនុរាជ ព្រះតេជព្រះគុណ អឿន សំអាត មាន​ថេរ​ដីកា​ថា នេះ​ជា​មធ្យោបាយ​ដើម្បី​កាត់​បន្ថយ​គម្លាត​រវាង​ការ​យល់​ខុស​ពី​សាសនា​មួយ ទៅ​សាសនា​មួយ​ផ្សេង​ទៀត ហើយ​បង្ក​ជា​ហិង្សា​ឡើង។ ព្រះអង្គ​បន្ត​ថា យុទ្ធនាការ​នេះ​មិន​ត្រឹម​តែ​បញ្ជ្រាប​ការ​យល់​ដឹង​ពី​សាសនា​មួយ ទៅ​សាសនា​មួយ​ទៀត​ប៉ុណ្ណោះ​ទេ ថែម​ទាំង​ជួយ​ជា​ស្មារតី​ដល់​អ្នក​នយោបាយ​ទៀត​ផង ហើយ​ក៏​ជា​វិធី​ជួយ​ឲ្យ​សង្គម​ទទួល​បាន​សុខ​សន្តិភាព៖ «ប្រជាពលរដ្ឋ​ទាំងអស់ គឺ​ត្រូវ​ការ​សុខ​សន្តិភាព​ផ្នែក​ផ្លូវ​ចិត្ត បន្ទាប់​អំពី​សង្កត់សង្កិន​នៅ​ក្នុង​សង្គម ដែល​បញ្ចប់​ដោយ​សង្គ្រាម ហើយ​យើង​ត្រូវ​ការ​សន្តិភាព​ផ្នែក​ផ្លូវ​ចិត្ត»

ពាក់ព័ន្ធ​នឹង​ការ​យល់​ខុស និង​ប្រកាន់​សាសនា​ក្នុង​ពេល​កន្លង​មក​នេះ ហិង្សា​បាន​ផ្ទុះ​ឡើង​រវាង​អ្នក​កាន់​សាសនា​ព្រះពុទ្ធ និង​អ្នក​កាន់​សាសនា​ឥស្លាម នៅ​ប្រទេស​ភូមា។ មួយ​វិញ​ទៀត ហិង្សា​ប្រហាក់​ប្រហែល​គ្នា​នេះ បាន​កើត​ឡើង​ដែរ​នៅ​ប្រទេស​បង់ក្លាដេស។

គ្រូ​គង្វាល​បេសកកម្ម​នៃ​សាសនា​គ្រិស្ត លោក ហេង សុទ្ធថា ឲ្យ​ដឹង​ថា សាសនា គឺ​ជា​ចំណុច​ប្រសព្វ​នៃ​ជំនឿ​របស់​មនុស្ស​លោក។ ហេតុ​នេះ លោក​ថា បើ​អ្នក​មាន​ជំនឿ​លើ​សាសនា​អាច​យក​ចំណុច​នេះ ដើម្បី​បង្កើត​បញ្ហា នោះ​ភាព​សុខសាន្ត​នៅ​ក្នុង​សង្គម​នឹង​ពុំ​អាច​កើត​មាន​បាន​ឡើយ។ ក្នុង​ន័យ​នេះ លោក​បញ្ជាក់​ថា ការ​ជួប​ជុំ​រវាង​អ្នក​ដឹក​នាំ​នៃ​អន្តរ​សាសនា​នៅ​ពេល​នេះ នឹង​ជា​មធ្យោបាយ​ដ៏​ប្រសើរ​ថែម​ទៀត ដល់​ការ​សម្រេច​ចិត្ត​របស់​អ្នក​រៀប​ចំ​គោល​នយោបាយ៖ «តែង​តែ​មាន​គំនិត​ផ្សេងៗ​គ្នា​អំពី​អ្វី​ដែល​គេ​ជឿ និង​អំពី​គណបក្ស​ដែល​គេ​កាន់​នៅ​ក្នុង​ហ្នឹង។ ប៉ុន្តែ បើ​សិន​ណា​បើ​គេ​អ្នក​ទាំងអស់​គ្នា​យល់​អំពី​គ្នា​ដូច​ជា​អ្វី ដែល​យើង​រួម​គ្នា ហើយ​ពិភាក្សា​គ្នា​នៅ​ថ្ងៃ​នេះ ក៏​អាច​ជួយ​ពី​ភាព​ប៉ះពាល់​ដល់​សង្គម​ជាតិ​យើង​ដែរ»

កាល​ពី​ដើម​ទសវត្ស​ទី​៩០ សម្ដេច​ព្រះ​មហា​ឃោសនន្ត ព្រះអង្គ​ធ្លាប់​បាន​ដឹក​នាំ​ព្រះសង្ឃ និង​សាសនិក​អន្តរ​សាសនា​ជា​ច្រើន​ជាតិ​សាសន៍ ដើម្បី​អំពាវនាវ​ឲ្យ​មាន​សុខ​សន្តិភាព។ កាល​ណោះ ប្រទេស​កម្ពុជា កំពុង​ប្រឈម​ការ​បង្ហូរ​ឈាម​ប្រដាប់​អាវុធ ដែល​មាន​ភាគី​ជម្លោះ​ផ្ទៃ​ក្នុង​ជាច្រើន​បក្ស ហើយ​នាំ​ឲ្យ​ប្រទេស​ធ្លាក់​ក្នុង​សង្គ្រាម​ស៊ីវិល​អស់​រយៈពេល​ជា​ច្រើន​ឆ្នាំ។ ក្រោយៗ​មក​ទៀត យុទ្ធនាការ​ប្រហាក់​ប្រហែល​គ្នា​នេះ បាន​ផ្ដួចផ្ដើម​ឡើង​ជា​បន្តបន្ទាប់ ក្នុង​ន័យ​ដើម្បី​ស្ថិរភាព​សង្គម៕

កំណត់ចំណាំចំពោះអ្នកបញ្ចូលមតិនៅក្នុងអត្ថបទនេះ៖ ដើម្បី​រក្សា​សេចក្ដី​ថ្លៃថ្នូរ យើង​ខ្ញុំ​នឹង​ផ្សាយ​តែ​មតិ​ណា ដែល​មិន​ជេរ​ប្រមាថ​ដល់​អ្នក​ដទៃ​ប៉ុណ្ណោះ។



អត្ថបទ​ដែល​ទាក់ទង


What Next?

Recent Articles

One Response to "អង្គការ​ចំនួន​១៥​ជួប​ជុំ​គ្នា​ដើម្បី​លើក​កម្ពស់​ការ​យល់​ដឹង​ផ្នែក​សាសនា"

  1. Uk Kim San says:

    Dans le bouddhisme, on doit combattre en priorité trois défauts. Le premier défaut est lié aux actions du corps. Le deuxième défaut est lié à celles du mental. Le troisième défaut est lié à celles de la parole. Les ambitions du bouddhisme sont plus vastes que cela. Mais, pour commencer, on nous demande de nous limiter à ces trois défauts majeurs.

    Premièrement, on doit combattre : rāga = le désir passionné, enragé. J’ai mis deux adjectifs car je n’ai pas trouvé de mot français pour traduire ce que nous cherchons à combattre. Il s’agit d’un défaut qui est lié à l’empire des sens. On parle parfois de l’autre aspect : lobha = la convoitise ou l’accaparement. Vous lui donnez la main, il vous arrache le bras.

    Deuxièmement, on doit combattre notre tendance à accuser, à condamner, à critiquer, à sous-estimer. Bref, il s’agit du désir d’être le nombril du monde. On a raison. Les autres ont tort. Dosa = accusation, faute. Il s’agit d’un défaut courant, qui apparaît dès que les gens sont en groupe. Certains traducteurs pensent que ce mot veut dire : haine. Mais non !

    Troisièmement, on doit s’interdire les mots inadmissibles, au moment de la colère. On appelle ce phénomène : moha. En français, on dit : la moutarde ou la mouche. Quand la moutarde monte au nez, on risque de se déchaîner verbalement. Les autres se demandent : quelle mouche l’a piqué ?

    On dit que « lobha ou rāga » est une petite faute mais difficile à réparer, que l’accusation est une grande faute mais facile à réparer et que la parole indécente est une très grande faute, très très difficile à réparer.