Thursday, 06 February 2014
សេត គឹមសឿន
ភ្នំពេញ ប៉ុស្តិ៍
ភ្នំពេញៈ បន្ទាប់ពីរងបណ្តឹងពីបទបរិហារកេរ្តិ៍ជាសាធារណៈ អស់រយៈពេលជិត២ឆ្នាំ ពីសំណាក់ម្ចាស់ហាងខ្មែរឌីហ្សាញនោះ សាលាដំបូងរាជធានីភ្នំពេញ នៅព្រឹកថ្ងៃព្រហស្បតិ៍នេះ បានប្រកាសសាលក្រម ដោយតម្រូវឲ្យ តារាសម្តែង និងជាពិធីការិនីល្បីឈ្មោះនាង ឌួង ហ្សូរីដា ត្រូវពិន័យជាប្រាក់ចំនួន ២ លានរៀល និងត្រូវសងជំងឺចិត្តដើមបណ្តឹងចំនួន ៥ លានរៀល។
កាលពីថ្ងៃទី២៩ មករា ឆ្នាំ២០១៤ កន្លងទៅថ្មីៗនេះ សាលាដំបូងរាជធានីភ្នំពេញ បានលើកយកសំណុំរឿងបណ្តឹងរបស់អ្នកស្រី តាន់ ធារ៉ា ម្ចាស់ហាងខ្មែរឌីហ្សាញ លើពិធីការិនី ឌួង ហ្សូរីដា មកជំនុំជម្រះពាក់ព័ន្ធនឹងបទបរិហាកេរ្តិ៍ជាសាធារណៈ ហើយសាលក្រមជាផ្លូវការត្រូវប្រកាសនៅថ្ងៃទី៦ ខែកុម្ភៈ ឆ្នាំ២០១៤នេះ។ តាមរយៈសាលក្រម ឌួង ហ្សូរីដា ត្រូវបានពិន័យចំនួន ២ លានរៀល និងត្រូវសងជំងឺចិត្តដើមបណ្តឹងចំនួន ៥ លានរៀល។
គួរបញ្ជាក់ថា មុននេះបន្តិច ឌួង ហ្សូរីដា នៅក្នុងការឆ្លើយឆ្លងគ្នានៅលើបណ្តាញសង្គមហ្វេសប៊ុកជាមួយនឹងអ្នកនិពន្ធ និងដឹកនាំការសម្តែងរបស់ផលិតកម្មរស្មីហង្សមាស លោក សុខ ជំនោរ តារាសម្តែង និងជាពិធីការិនីនាង ឌួង ហ្សូរីដា បានឲ្យដឹងថា យ៉ាងច្រើនណាស់ខ្លួនបង់ប្រាក់ចំនួន ៥០០០ដុល្លារដើម្បីបញ្ចប់រឿង ពាក់ព័ន្ធនឹងបណ្តឹងរបស់អ្នកស្រី តាន់ ធារ៉ា លើរូបនាង។
ពិធីការិនីវ័យ ៣០ ឆ្នាំរូបនេះបានសរសេរនៅលើហ្វេសប៊ុកថា៖«ការកាត់ក្តីចាញ់ ឬឈ្នះ គឺប្រព្រិត្តទៅនៅថ្ងៃ ០៦ កុម្ភៈ។ វាមិនមែនជារឿងក្តីចាប់ចងទេ ចាញ់ ឬឈ្នះវាមិនសំខាន់ ឬ បារម្ភនោះឡើយ ព្រោះយ៉ាងច្រើនបង់លុយ ៥០០០$ តាមតែគេទាមទារទៅ វាតិចជាងការចំណាយសម្រាប់អ្នកបង្ករឿងនេះផង ព្រោះកម្មកំពុងតែតាមហៅបុគ្គលដែលធ្លាប់ធ្វើនោះបណ្តើរៗហើយ។ ក្រុមគ្រួសារខ្ញុំមិនចេះប្រើពាក្យអាក្រក់ជេរដៀលនរណាឡើយ ។ កុំបារម្ភអីណាបងៗ ព្រោះខ្ញុំមិនទទួលការសម្ភាសពីអ្នកកាសែតប្រហែលជិត ២ ឆ្នាំហើយអំពីរឿងនេះ ព្រោះទុកជូនមេធាវីជាអ្នកធ្វើការចុះ»។
តារារូបនេះបានបន្តសរសេរឆ្លើយឆ្លងទៀតថា៖«អរគុណច្រើនបងប្រុស គ្មានបញ្ហាទេ អ្វីៗនឹងដំណើរការល្អ។ ទោះបីជាចាញ់ក៏មិនអីដែរ គឺយើងបង់លុយឲ្យតែគេទៅ គឺវាចប់ហើយ»។
ការសម្រេចនៅក្នុងសាលក្រមរបស់តុលាការនោះ ប្រាកដណាស់ថា ពិធីការិនីនាង ឌួង ហ្សូរីដា នឹងមិនជំទាស់ឡើយ ហើយនាងនឹងបង់ប្រាក់ពិន័យ និងប្រាក់ជំងឺចិត្តលើដើមបណ្តឹងភ្លាម ព្រោះនេះនាងបានត្រៀមចិត្ត និងប្រាក់បង់រហូតដល់៥០០០ដុល្លារអាមេរិកឯណោះ។
ពិធីការិនី ឌួង ហ្សូរីដា មិនអាចទាក់ទងសុំការបំភ្លឺបន្ថែមបានទេនៅថ្ងៃនេះ។
គួរបញ្ជាក់ថា ការប្តឹងប្តល់របស់ម្ចាស់ហាងកាត់ដេរខ្មែរឌីហ្សាញអ្នកស្រី តាន់ ធារ៉ា មកលើម្ចាស់ហាងកាត់ដេរហ្សូហ្វាស្សិននាង ឌួង ហ្សូរីដា បានកើតឡើងក្រោយពេលដែលពិធីការិនីនាង ឌួង ហ្សូរីដា បានសរសេរពាក្យមិនគប្បីមួយចំនួន(ចំណុចសំខាន់គឺពាក្យ Not Human)នៅលើហ្វេសប៊ុក ក្រោយពេលដែលមេជាងរបស់នាងឈ្មោះស្នា បានឈប់ពីហាងរបស់នាង ហើយបែរលេចមុខធ្វើការងារនៅហាងរបស់ម្ចាស់ហាងខ្មែរឌីស្សាញអ្នកស្រី តាន់ ធារ៉ា ខណៈដែលមេជាងរូបនោះបានទទួលការជ្រោមជ្រែង និងបណ្តុះបណ្តាលរបស់នាងអស់លុយមិនតិចនោះ។
ការសរសេរនៅពាក្យមិនគប្បីនោះ ត្រូវបានអ្នកស្រី តាន់ ធារ៉ា ប្តឹងពីបទបរិហារកេរ្តិ៍ទៅកាន់តុលាការរាជធានីភ្នំពេញ ដោយប្តឹងទារសំណងពី ឌួង ហ្សូរីដា ចំនួន៥០០០ដុល្លារ៕
So pretty, love you baby!!!
គួរឱ្យអាណិតដែរខំដាំបណ្ដុះមេជាង ដល់បានផ្លៃគេបេះយកបាត់
ប្រហែលក្ដៅដើមទ្រូងខ្លាំងហើយ ខ្ញុំចង់ជួយផ្លុំ ចិប ដើមទ្រូង ហ្សូរីដា
ឱ្យបានល្ហែល្ហើយ ត្រជាក់ខ្លះៗ ……..!
Hey!សែនសែន …… Don’t want to kiss her chest. She’s mine.Ha.ha.