Monday, 21 April 2014
ស៊ូ វុទ្ធី
ភ្នំពេញ ប៉ុស្តិ៍
ភ្នំពេញ : តារាសម្តែង និងម៉ូដែល មេម៉ាយចាយសម្រស់អ្នកនាង ចន ច័ន្ទលក្ខិណា បានប្រកាសដោយសម្ដីប្រាកដប្រជាថា ការរស់នៅជាជីវិតស្រ្តីមេម៉ាយ ពេលនេះអ្នកនាងមិនត្រូវការឡើយស្នេហា មិនថាថ្ងៃមុខប្រែប្រួលយ៉ាងណា ពេលនេះក្នុងចិត្តគិតតែម្យ៉ាងគឺអនាគតកូនស្រី។
កាលដែលនាំឲ្យអ្នកមេម៉ាយរូបនេះប្រកាសដូច្នេះ ខណៈមានព័ត៌មានផ្ទុះយ៉ាងថ្មីសន្លាងថានាងមានបុរសអ្នកជំនួញ សម្បូរទ្រព្យម្នាក់បានស្ម័គ្រខ្លួន មកធ្វើជាអ្នកព្យាបាលរបួសបេះដូង និងធានាចិញ្ចឹមនាងឲ្យរស់នៅក្នុងជីវភាពហ៊ឺហាស៊ីវិល័យ។
ពាក្យល្ហិចល្ហៀងអំពីចំណងស្នេហ៍ថ្មីអ្នកនាងចនច័ន្ទលក្ខិណា ត្រូវបណ្តាញព័ត៌មានក្នុងស្រុកមួយអះអាងថា វាមានប្រភពពីអ្នកសិល្បៈជិតដិតនឹងនាងទម្លាយប្រាប់។ ប្រភពនោះបានឲ្យដឹងថា ក្រោយពីតារាស្រីរូបនេះ បានលែងលះអតីតស្វាមី តាមប្រព័ន្ធតុលាការរួចភ្លាម នាងក៏ត្រូវបានកន្លង់សម្បូរទ្រព្យប្រជែងគ្នាតាមប្រលោមស្នេហ៍ ភ្លែត ដោយពេលនេះមានបុរសវ័យកណ្តាលម្នាក់ ជាអ្នកជំនួញ មានមុខមាត់សម្បូរទ្រព្យ ធានាស្អំបេះដូងនាងមិនឲ្យរងា។
ប្រភព ដដែលនោះបានលើកឡើងទៀតថា ឲ្យតែភាគីខាងស្រី គឺអ្នកនាង ចន ច័ន្ទលក្ខិណា បើកភ្លើងខៀវភ្លាម បុរស នោះធានាថានឹងផ្គត់ផ្គង់ការរស់នៅយ៉ាងហ៊ឺហាស៊ីវិល័យ រួចបើកចំហពីទំនាក់ទំនងនោះជាសាធារណៈ។
បកស្រាយបំភ្លឺ ព័ត៌មានដ៏គួរឲ្យរសើបមួយនេះ អ្នកនាង ចន ច័ន្ទលក្ខិណា បានបញ្ជាក់ប្រាប់ភ្នំពេញប៉ុស្តិ៍តាមទូរស័ព្ទជាមួយសំណើចកក្អឹកថា៖ «ខ្ញុំមិនដឹងថាប្រភពដែលរាយការណ៍ព័ត៌មានឲ្យទៅនោះ គេបានព័ត៌មានមកពីណាទេ សូម្បីតែខ្ញុំខ្លួនឯងក៏មិនបានដឹងថា មានអ្នកណាតាមស្រឡាញ់ និងមានអ្នកមានទ្រព្យណាចង់ធានាចិញ្ចឹមផ្គត់ផ្គង់ខ្ញុំដែរ មិនដឹងមែន!»។
ជាមួយនឹងឧទានចម្លើយបែបភ្ញាក់ផ្អើលនោះ តារាសម្ដែង មានអាជីពម៉ូដែល ពិធីការិនី និងជាម្ចាស់ហាងសាឡនរូបនេះបានលើកឡើងថា៖ «ព័ត៌មានថា ខ្ញុំកំពុងត្រូវបានបុរសវ័យកណ្តាលម្នាក់មានទ្រព្យស្តុកមានមុខរបរជាអ្នកលក់ឡានស្រឡាញ់ ឲ្យតែខ្ញុំឆ្លើយថាព្រម នោះគេនឹងចូលស្តីរៀបការពេញច្បាប់ និងបើកចំហអីណា!។ តែរឿងហ្នឹង ខ្ញុំមិនដែលដឹង ហើយខ្ញុំក៏មិនមានស្គាល់អ្នកជំនួញលក់ឡានអីណាដែរ»។
អ្នកនាងបាន បដិសេធថា៖ «មិនដឹងខ្លួន ហើយក៏មិនស្គាល់អ្នកជំនួញណាមែន។ ខ្ញុំក៏មិនបានគិតដែររឿងស្នេហា ឬប្តីសីនោះ។ ពេលនេះអ្វីដែលចាំបាច់ឲ្យខ្ញុំគិតនោះគឺអនាគតកូនឯណោះទេ»។
ចំណង ស្នេហ៍តារាល្បីអ្នកនាង ចន ច័ន្ទលក្ខិណា និងលោក យុត្ថារ៉ា ឆានី ដែលបញ្ចប់ភាពជាប្តីប្រពន្ធចំពោះមុខតុលាការកាលពីចុងឆ្នាំ២០១៣ ក្រោយពីរួមរស់ជាមួយគ្នាជាងមួយទសវត្សរ៍ និងបន្សល់តំណក់ឈាម កូនស្រីវ័យ៦ឆ្នាំម្នាក់ ត្រូវបានមនុស្សជាច្រើនផ្តោតការចាប់អារម្មណ៍ថាមកពីអ្នកនាង ចន ច័ន្ទលក្ខិណា មានអ្នកទីបីជាមន្ត្រីយោធាឋានៈពាក់ផ្កាយលើស្មាមកឆក់យកបេះដូង។
បកស្រាយពីចម្ងល់នេះជាថ្មី អ្នកនាង ចន ច័ន្ទ លក្ខិណា បានបញ្ជាក់ថា៖ «ខ្ញុំទទួលស្គាល់ជីវិតស្នេហាជាប្តីប្រពន្ធរបស់ពួកយើង១០ឆ្នាំ មុននោះ រស់នៅប្រកបដោយភាពល្អូកល្អិនមែន ពុំដែលមានរឿងរកាំរកូសនោះទេ។ តែវាយូរទៅវាហាក់បីដូចសោះកក្រោះ តែមិនដូចអ្វីដែលគេគិតថាខ្ញុំមានអ្នកទីបីអីណានោះដែរ គឺមិនមានទេ»។
អ្នកនាងបានបន្តថា៖ «កាលដែលពួកខ្ញុំសម្រេចចិត្តលែងលះគ្នានោះ មកពីខ្ញុំគិតថា បើមិនធ្វើដូច្នេះទេ ភាពល្អូនល្អិននោះនឹងរសាត់បាត់ពីពួកយើងជារៀងរហូត តែបើយើងលែងលះគ្នា រាប់អានគ្នាដូចជាបងប្អូននោះ ភាពល្អូកល្អិននឹងនៅរក្សាបាន»។
អ្នកនាងបញ្ជាក់ថា៖ «ពេលនេះដ្បិតថា ពួកខ្ញុំលែងលះគ្នា តែការនិយាយស្តី និយាយរកគ្នាធម្មតា រាល់ខ្ញុំធ្វើការនៅទូរទស្សន៍បាយ័នខ្ញុំជាកូនចៅគាត់ ហើយគាត់យកខ្ញុំធ្វើជាជំនួយការគាត់ដែរ»។
ក្រៅពីអះអាងថានៅ រាប់អានគ្នាធម្មតាអ្នកនាងក៏បានបង្ហើបទៀតថា៖ «នៅនេះលោក យុត្ថារ៉ា ឆានី គាត់កំពុងមានគម្រោងបើកក្រុមហ៊ុនផ្ទាល់ខ្លួនគាត់មួយទៀត ហើយគាត់ក៏បានប្រាប់ខ្ញុំហើយដែរ គឺត្រូវការខ្ញុំជួយការងារគាត់ ធ្វើជាជំនួយការជាចាំបាច់ ខ្ញុំក៏ឯកភាពដែរ ព្រោះថា វាជារឿងល្អដែរ យើងបែកគ្នា មិនបានដាក់បន្ទុកឲ្យអ្នកណាចិញ្ចឹមកូនតែម្នាក់ទេគឺនៅចិញ្ចឹម ជាមួយគ្នា»៕
នេះជាយុទ្ឋសាស្រ្តដើម្បីប្រជាប្រិយដែលអាចរកប្រាក់
ឆ្ងល់ដែហេតុអីបានជាមនុស្សភាគច្រើនស្រឡាញ់តែទ្រព្រសម្បត្តិ (ខាងស្រីឬខាងប្រុស) អញ្ចឹង។ តើពួកគេមានបេះដូងស្រឡាញ់ពិតដែរឬទេនៅក្រោយការរៀបការនោះបើខ្លះគេស្រឡាញ់តែ ទ្រព្យសម្បត្តិដូច្នេះនោះ។ ក្រោយរៀបការគេស្រឡាញ់គ្នាពិតប្រកដដែឬទេ។ តែចំពោះខ្ញុំវិញខ្ញុំប្រាថ្នា ស្រឡាញ់ចិត្តនិងចិត្ត បើយើងទាំងពីស្រឡាញ់គ្នានិងរស់នៅបានសុខជាមួយគ្នាហើយនោះទ្រព្បសម្ប ត្តិគឺកើតឡើងក្រោយនោះទេ។ សំណូមពរតារាមួយគូរខាងលើគិតពីចំនុចនេះទៅមិនខុសទេ ឬមួយក៍ សុខចិត្តទៅយកប្រុសអ្នកមានតែទ្រាំរស់នៅជាមួយដោយមិនមានស្នេហាពិត?
ពួកតារាសិល្បះ តែងតែអញ្ចឹង ! មើលតែតារាជំនាន់មុនៗ ឌីសាវ៉េត អី!!! សួរថាប្តីសីនៅឯណា?
នេះឬ សុភមង្គល កូនចៅប្តី១ប្រពន្ធ១ ដល់ចាស់កោងខ្នងនោះ! គ្មានទេ គឺដើម្បីប្រាក់ប៉ុណ្ណោះ!!!
ចែកគ្នារកស៊ីស្រួលប្លែកពុនឹងស្គាល់វត្ថុម៉ែចែកបានច្រើន តើខុសប្លែកនៅចំណុចណាខ្លះ?
That’s Right, Mi Leakana, Mi Ny Mollika, Mi Ny Monineath all are the Same, does everything for $$!!!!!!!
Money is much more important than the real love for these actress in CBD. When you have money you can find other handsome boyfriends when her husband works far a way from home at that time she can also find a true love the same. So the first thing she can live with a rich man and then she can use those properties to feet other young boys is fine.