ដោយ វោហារ ជាតិ
2014-04-23
RFA
ព្រះបរមរាជវាំង នារាជធានីភ្នំពេញ។ រូបថតអំឡុងឆ្នាំ២០១២ (RFA/Mom Sophon)
មន្ត្រីព្រះបរមរាជវាំងបារម្ភអំពីសុវត្ថិភាពព្រះមហាក្សត្រ ដោយសារតែមានគេសង់អគារសណ្ឋាគារក្បែរព្រះបរមរាជវាំងខ្ពស់ជាងវាំង ដែលអាចធ្វើឲ្យជនខិលខូចឆ្លៀតឱកាសប្រើប្រាស់សណ្ឋាគារនេះ បង្កការគំរាមកំហែងដល់សុវត្ថិភាពផ្ទាល់របស់ព្រះអង្គ និងក្រុមគ្រួសាររាជវង្សានុវង្ស ព្រោះថា គេអាចមើលឃើញបរិវេណវាំងពីសណ្ឋាគារនោះមកដោយភ្នែកបានងាយ។
មន្ត្រីព្រះបរមរាជវាំងឲ្យដឹងថា ខុទ្ទកាល័យព្រះបរមរាជវាំងបានសុំឲ្យអាជ្ញាធរចាត់វិធានការរុះរើអគារថ្ម ដែលកំពុងសាងសង់ជាសណ្ឋាគារនៅជិតវាំងនោះចេញ ដើម្បីការពារសុវត្ថិភាពព្រះមហាក្សត្រ និងមន្ត្រីការទូតនានា។
មន្ត្រីខុទ្ទកាល័យព្រះបរមរាជវាំង លោក អ៊ុំ ដារាវុធ ឲ្យដឹងនៅថ្ងៃទី២៣ មេសា ថា សំណង់អគារសណ្ឋាគារនោះ ស្ថិតចម្ងាយប្រមាណ ៨០ម៉ែត្រ ទិសខាងជើងឆៀងខាងលិចព្រះបរមរាជវាំងនោះ ត្រូវបានគេសង់កម្ពស់ប្រហែល ៣០ម៉ែត្រ គឺខ្ពស់ជាងច្បាប់ដែលកំណត់ឲ្យសង់ប្រហែល ២០ម៉ែត្រ នៅតំបន់ក្បែរព្រះបរមរាជវាំង។
លោកព្រួយបារម្ភថា ការសង់អគារខ្ពស់ជិតព្រះបរមរាជវាំងដូច្នេះ គឺអាចបង្កគ្រោះថ្នាក់ដល់សុវត្ថិភាពព្រះមហាក្សត្រ រួមទាំងមន្ត្រីដទៃៗទៀតផង៖ «វាប៉ះពាល់ដល់ទី១ សន្តិសុខផ្ទាល់ខ្លួនព្រះមហាក្សត្រ ទី២ សុវត្ថិភាពផង។ សន្តិសុខស្អី? សន្តិសុខហ្នឹងខ្ញុំបានឃើញពេលដែលថា អូតែលហ្នឹងសង់អត់ទាន់ហើយក្ដី គឺដល់ដំបូលហើយ មើលទៅចំព្រះរាជដំណាក់សេរីមង្គល ព្រះរាជដំណាក់សេរីមង្គលហ្នឹង គឺថាសន្តិសុខហ្នឹង គឺថាជាព្រះរាជដំណាក់មួយដែលព្រះមហាក្សត្រព្រះ នរោត្តម សីហនុ ព្រះបរមរតនកោដ្ឋយើងទទួលផ្ញៀវធំៗ ដូចជាប្រមុខរដ្ឋ ប្រធានាធិបតីអីហ្នឹងមកជួបគ្នាកន្លែងហ្នឹង។ ដល់ពេលខ្ញុំមើលទៅចំហ្នឹងតែម្ដង ខាងលើហ្នឹងគឺថាមនុស្សយើងអាចដាក់កាំភ្លើងមួយមក ចង់ធ្វើឃាតនរណាក៏បានដែរ»។
លោកថា ទន្ទឹមពេលមិនទាន់មានចម្លើយអំពីការរុះរើសំណង់នោះតាមការស្នើសុំរបស់មន្ត្រីព្រះបរមរាជវាំង តាមរយៈអាជ្ញាធរ បែរជាម្ចាស់សំណង់សង់ព្រះបរមរូបអតីតព្រះវីរក្សត្រលើដំបូលអគារថែមទៀត ដែលទង្វើនេះលោកថា ខុសច្បាប់ និងផ្គើនទៅនឹងបទបញ្ជា។
លោក អ៊ុំ ដារាវុធ៖ «បើសិនជាយើងមិនព្រមរុះរើ ហើយយើងទៅសង់បន្ថែមទៀត មានន័យថា យើងឌឺដាក់អាជ្ញាធរ។ ទី២ តាមគំនិតរបស់ខ្ញុំ ខ្ញុំយល់ថា ម្ចាស់ហ្នឹងអត់មានភាពត្រឹមត្រូវទេ ពីព្រោះគាត់សាងសង់នេះសំអាងទៅលើស្អី? ទី១ អត់ច្បាប់ពីបរមរាជវាំង។ ទី២ គាត់សាងសង់ជារូបបរមរូបហ្នឹង ជាថ្ម ស៊ីម៉ង់ត៍ បេតុងនៅកណ្ដាលវាល។ ដូចយើងជ្រាបស្រាប់ហើយ ព្រះបរមរតនកោដ្ឋយើង សូម្បីរដ្ឋាភិបាលយើងសង់នៅសួនច្បារសម្ដេច ហ៊ុន សែន ក៏មានគ្របជាដំបូលកុំឲ្យលោកក្ដៅ អានេះដាក់កណ្ដាលវាល ហាលថ្ងៃ ហាលភ្លៀង អ៊ីចឹងអត់សម?»។
ចំណែកម្ចាស់សំណង់អគារ លោក ស៊ឹន គឹមហេង បដិសេធមិនឆ្លើយតបរឿងនេះទេ។ ក៏ប៉ុន្តែលោកបានប្រាប់កាសែត ឌឹ ខេមបូឌា ដេលី (The Cambodia Daily) កាលពីថ្ងៃទី២២ មេសា ថា មូលហេតុដែលលោកសង់ព្រះបរមរូបលើអគាររបស់លោកនេះ គឺដោយសារលោកគោរពស្រឡាញ់សម្ដេចឪ ហើយលោកថា លោកនឹងរើព្រះបរមរូបនេះបើសិនជាអាជ្ញាធរបញ្ជា។
រឿងសុំឲ្យម្ចាស់សណ្ឋាគាររុះរើសំណង់ឲ្យនៅទាបជាងកម្ពស់ព្រះបរមរាជវាំងនេះ លោក អ៊ុំ ដារាវុធ ឲ្យដឹងថា មន្ត្រីវាំងបានសុំឲ្យអាជ្ញាធររាជធានីភ្នំពេញ ចាត់វិធានការហើយ តែលោកនៅមិនទាន់ដឹងលទ្ធផលយ៉ាងណានៅឡើយទេ។
រីឯអ្នកនាំពាក្យសាលារាជធានីភ្នំពេញ លោក ឡុង ឌីម៉ង់ អះអាងថា សាលារាជធានីភ្នំពេញ កំពុងពិចារណាលើវិធានការនេះដោយប្រុងប្រយ័ត្ន ដើម្បីរក្សាផលប្រយោជន៍នៃភាគីទាំងពីរ។ លោកថា អាជ្ញាធរនឹងចុះទៅពិនិត្យមើលសំណង់នោះថា តើគួរត្រូវវាយតម្រឹមកម្ពស់ឲ្យទាប ឬក៏ត្រូវបាំងជញ្ជាំងវាំងឲ្យខ្ពស់បន្ថែម ដើម្បីកុំឲ្យមើលឃើញបរិវេណវាំងពីសណ្ឋាគារនោះមក៕
កំណត់ចំណាំចំពោះអ្នកបញ្ចូលមតិនៅក្នុងអត្ថបទនេះ៖ ដើម្បីរក្សាសេចក្ដីថ្លៃថ្នូរ យើងខ្ញុំនឹងផ្សាយតែមតិណា ដែលមិនជេរប្រមាថដល់អ្នកដទៃប៉ុណ្ណោះ។
អត្ថបទដែលទាក់ទង
- ព្រះមហាក្សត្រគ្រោងលើកលែងនិងបន្ធូរបន្ថយទោសដល់ទណ្ឌិតប្រមាណ៦០០នាក់
- មន្ត្រីព្រះបរមរាជវាំង៖ លិខិតលោក សម រង្ស៊ី មិនប៉ះពាល់ធ្ងន់ធ្ងរដល់ព្រះមហាក្សត្រ
- ព្រះមហាក្សត្រយាងបំពេញព្រះរាជទស្សនកិច្ចនៅខេត្តរតនគិរី
- ព្រះមហាក្សត្រនិងសម្ដេចម៉ែយាងមកពីប្រទេសចិនវិញល្ងាចនេះ
- ព្រះមហាក្សត្រនិងសម្ដេចម៉ែយាងទៅចិននៅថ្ងៃទី១៩ កុម្ភៈ
- តួនាទីរបស់ព្រះមហាក្សត្រនៅពេលសង្គមជួបវិបត្តិនយោបាយ
- ព្រះអនុជទទូចព្រះមហាក្សត្រយាងអន្តរាគមន៍ដោះស្រាយបញ្ហានយោបាយ
- ព្រះមហាក្សត្រមិនទាន់ឆ្លើយតបនឹងសំណើយាងជាអធិបតីរំលត់ភ្លើងនយោបាយ
- អ្នកវិភាគមួយចំនួនសុំព្រះរាជអន្តរាគមន៍ពីព្រះមហាក្សត្រកោះហៅបក្សធំ២ជួបចរចា
Maybe they think king is useless! Royal palace is useless! Consistent to their previous policy!
How about Sokha hotel being constructed in front of the royal palace, on the east bank of Mekong river not far! Who allowed the construction! Boat festival is coming soon, governments officials must sit in an official building in front of the royal palace, how about their safety and security!
នៅពេលខ្លួនមានបញ្ហារបន្លឺសម្លេងនិងការពារក្រុមគ្រួសារស្តេចហើយនៅពេលដល់ត្រើយហើយនោះ និងសើយគូថដាក់ស្តេចវិញ។ ព្រោះបានផលប្រយោជនពីព្រះមហាក្សត្រហើយដូច្នេះចង់នណាមើល ងាយស្តេចអីមើលទៅមិនខ្វល់បើទោះបីជាធ្លាប់និយាយថានិងមិនអនុញ្ញាតឲ្យមានអាគារខ្ពស់ៗនៅជិត វាំងក៍ដោយក៍កាសន្យារបស់រដ្ឋាភិបាលនោះក្លាយជាកាសន្យាខ្យល់ដដែល។ គិតទៅមិនថារាស្ត្រនោះ ទេសូម្បីតែស្តេចក៍គេអាចបោកបានដែរ។
When huge a mount of money flies into the pockets of CPP officials, the rule of law crawls out through the trousers’s legs.
Cambodia was destroyed by dollars and the same as Long Vek regime.
why the royal families are worry about their future in this kingdom of CAMBODIA, if they still support the leader that not honest to kingdom they will lost trust from it own people. because people are keeping their trust to the king as their peace keeper in CAMBODIA. if the king doing nothing to healing this nation the future of royal families is in question?
Mi kanh-chas Di Pok neng Ah kanh-chas Hun Neang kom-pong chos norouk see khtos see chheam neng see arch chun rong krous nov than norouk
ស្ដេចខ្មែរគ្មានអំណាចទេ ប្រៀបដូចមនុស្សស្លាប់១ចំហៀងខ្លួន ដូច្នេះគ្មាននរណាចង់ធ្វើបាបអ្វឹទេ តែមន្ដ្រីវាំងអស់ទាំងនោះទេដែលរអៀសខ្លួន ខ្លាចគេមើលឃើញនៅការប្រព្រឹត្ដមិនល្អ លួចនាំមេនំមេនាងសាហាយស្មន់នៅកន្លែងស្រះស្រង់ក្បែរគ្នានឹងអូតែលនោះ៕
Now it has shown that royalists are useless. Any money paid to city council ? YES,
ANY money paid to anyone in palace? Quite possible.
When laws enforcement becomes POWER?
Or POWER exercises continued by this RGC will stop?
ខ្ញុុំមិនយល់ស្របក្នុងការសង់កំពស់ជញ្ជាំងវាំងថែមទៀតទេ នេះបញ្ជាក់ថា អោយអតិភាពក្រុមហ៊ុនច្រើនជាព្រះមហាក្សត្រហើយហេតុផលមួយទៀត គីធ្វើអោយបាត់បង់ខ្យល់ឪកាសបរិសុទ្ខ ចូលព្រះបរមរាជ្យវាំងទាំងមូល….
The king already gave the power to current government already, why afraid of current government do not listen to you ?
If you are afraid of current government do not listen to you, why you approve the power to the monopole-party assembly, where NO multiple party and against with the National Constitutional Law ???
Cambodia, the kingdom of Questions !
The current government will not destroy the building, but will increase the royal palace hall higher and higher, that no building nearby can not see what is inside in royal palace.
This should be fine for you ??? the royal resident and royal family ???
Bravo, Cambodia- the Kingdom of Questions !!!
Why did not stop the site of construction when it was start???
ឈប់ធ្វើស្តេច ធ្វើរាស្រ្តដូចខ្ញុំទើបស្រួល។ធ្វើស្តេចអត់អំណាចធ្វើបានការអីនាំចង្រៃវាំង។តេជោភ្នក១វាសើចចំអកអោយស្តេចរាល់យប់មុនវាចូលដេក។
ស្តេចគ្នានអំណាចអញ្ចឹងគ្នានអ្នកណាមកធ្វើឃាតអីទេ
ពីព្រោះសព្វថ្ងៃស្តេចរស់ដោយសារគេអោយរស់ដែលន្នឹង។
ខ្ងុំគិតថាអាគារដែលបានសង់នេះពីតជា
ខ្ងុំពិតជាមានមោទនភាពជាខ្លាំងដោយសារខ្ងុំបានឃើញអាគារដែលមានរចនាបទជារបស់ខ្មែរពិតៗ និងបានឃើញខ្មែរចេះស្រលាញ់របស់ខ្មែរ ហើយធ្វើឡើងដោយកូមខ្មែរ ពិតប្រកដ ។