អ្នក​ជំនាញ៖ រឿង​អាស្រូវ​នៃ​សកម្មជន​ប្រឆាំង​ការជួញដូរ​មនុស្ស​មិន​អាច​ងាកចេញ​ពី​បញ្ហា​ពិត​​នៅ​កម្ពុជា

អ្នកស្រី​ ម៉ម​ សូម៉ាលី​ ដែល​មាន​មុខនាទី​ក្នុង​ឆាក​អន្តរជាតិ ​ជាច្រើន​​ឆ្នាំ​ក្នុង​នាម​​ជា​អ្នក​ដឹកនាំ​សំខាន់​ម្នាក់​នៅ​ក្នុង​កិច្ច​ប្រឹង​ប្រែង​ដើម្បី​ប្រយុទ្ធ​ប្រឆាំង​អំពើ​ជួញ​ដូរ​ផ្លូវ​​ភេទ​បាន​លាឈប់​ពី​មូលនិធិ​ដែល​ដាក់​ឈ្មោះ​លោក​ស្រី​គឺ​មូលនិធិ​ម៉ម សុម៉ាលី​ដែល​មាន​មូលដ្ឋាន​នៅ​បូរី​ញូយ៉ក​។


ម៉ែន​ គឹមសេង
14 មិថុនា 2014
វីអូអេខ្មែរ

វ៉ាស៊ីនតោន — ប្រទេស​កម្ពុជា​នៅ​តែ​មាន​បញ្ហា​ទាក់​ទង​នឹង​ការជួញដូរ​មនុស្ស​យក​ទៅ​បម្រើ​សេវាកម្មផ្លូវ​ភេទ​និង​ពលកម្ម​ដោយ​បង្ខំ​បើ​ទោះ​បី​ជា​ឋានៈ​របស់​ប្រទេស​នេះ​ត្រូវ​បាន​សហរដ្ឋ​អាមេរិក​ដាក់​នៅ​ក្នុង​កម្រិត​ទីពីរហើយ​ប្រាក់​ចំណូល​សរុប​សម្រាប់​មនុស្ស​ម្នាក់ៗ​មាន​ការ​ប្រសើរឡើង​ក៏ដោយ។ នេះ​បើតាម​ការ​បញ្ជាក់​របស់​អ្នក​ជំនាញ​ខាង​ការប្រឆាំង​នឹង​ការ​ជួញដូរ​មនុស្ស។

ទន្ទឹម​នឹង​នោះ​ដែរ ​សកម្មជន​ប្រឆាំង​នឹង​ការ​ជួញដូរ​ផ្លូវ​ភេទ​និង​ការជួញដូរ​មនុស្ស​មើលឃើញ​ថា គេ​ត្រូវ​តែផ្តោត​ឱ្យ​ចំ​បញ្ហា​ដែល​កំពុង​តែ​គំរាម​កំហែង​ប្រទេស​កម្ពុជា​ជាជាង​រឿងរ៉ាវបុគ្គលបន្ទាប់​ពី​មាន​រឿងអាស្រូវ​ទាក់ទង​នឹង​ការលាលែង​របស់សកម្មជន​ប្រឆាំង​នឹង​ការ​ជួញ​ដូរ​មនុស្ស​ដ៏ល្បី​ឈ្មោះ​ដែល​នាំ​ឱ្យ​មាន​ការ​ព្រួយ​បារម្ភ​ពី​ការបាត់​ជំនឿ​និង​ការពិបាក​ក្នុង​ការ​ស្វែង​រក​ថវិកា​ពី​ម្ចាស់​ជំនួយនិង​សប្បុរស​ជននានា។

លោក​ យ៉ា ណាវុធ ​នាយក​ប្រតិបត្តិ​អង្គការ​ខារ៉ាម​កម្ពុជា​បាន​បញ្ជាក់​ថា៖

«យើង​មើល​ឃើញ​ថា​អំពើ​ជួញដូរ​មនុស្ស​នេះ​ហាក់​ដូចជា​មិនថម​ថយ​ទេ​បើ​នៅ​ដរាប​ណា​ដែល​បញ្ហា​ការងារ​នៅ​តែ​មាន​គម្លាត​គ្នា​នៅ​ក្នុង​ប្រទេស​កម្ពុជា​ហើយ​ជា​ពិសេស​សមាហរណកម្ម​សេដ្ឋកិច្ចអាស៊ាន​ក្នុង​ពេល​ខាង​មុខ​នេះ​ហើយ​គួប​ផ្សំ​ប្រជាពលរដ្ឋ​យើង​កង្វះ​ទីផ្សារ​ការងារ​ផង​អញ្ចឹងខ្ញុំ​គិត​ថា​អំពើ​ជួញដូរ​មនុស្ស​អត់​ថយ​ទេ​ហើយ​បើសិន​ជាយើ​ង​មិន​មាន​ថវិកា​ជួយសង្គ្រោះ​ពលរដ្ឋ​ជាពិសេស​ពលរដ្ឋ​កម្ពុជា​គឺ​យើង​ពិបាក​ក្នុង​ការ​ជួយ​គាត់​ឬក៏​បន្ថយ​នូវ​ការ​ឈឺចាប់​ផ្លូវ​ចិត្ត​របស់​គាត់​ណាស់​ហើយ​ជាពិសេស​គឺ​ថា​នឹង​ធ្វើ​ឱ្យ​គាត់​រស់​នៅ​ដោយ​ការ​ឈឺចាប់​នូវ​អំពើ​ជួញដូរ​ផ្លូវ​ភេទ​ក្តី​អំពី​កម្លាំង​ការងារ​ក្តី»។​

សហរដ្ឋ​អាមេរិក​បាន​វាយ​តម្លៃ​ថា​ប្រទេស​កម្ពុជា​គឺ​ជា​តំបន់​ឆ្លងកាត់​ ​ជា​ប្រទេស​គោលដៅ​និង​ជា​ប្រភព​សម្រាប់​ការជួញដូរ​មនុស្សឱ្យ​ធ្វើ​ពលកម្ម​ដោយ​បង្ខំ​និង​ជួញដូរ​មនុស្ស។

របាយការណ៍​ត្រួត​ពិនិត្យ​ការជួញដូរ​មនុស្ស​សម្រាប់​ឆ្នាំ​២០១៣ ​របស់​ក្រសួង​ការបរទេស​សហរដ្ឋ​អាមេរិក​បាន​បញ្ជាក់​ថា​ពលរដ្ឋ​កម្ពុជា​មាន​បុរស​ ស្រ្តី​ និង​កុមារ​ បាន​ធ្វើ​ចំណាក​ស្រុក​នៅ​ក្នុង​តំបន់​ ជាពិសេស​ប្រទេស​ថៃ​និង​ម៉ាឡេស៊ី ​និង​ប្រទេស​មួយ​ចំនួន​ទៀតទៅ​ធ្វើការងារ​ផ្សេងៗ​តាម​រោងចក្រ​ ភោជនីយដ្ឋាន​និង​ឧស្សាហកម្ម​មួយ​ចំនួន​ប៉ុន្តែ​មាន​ពួកគេ​មួយ​ចំនួន​ធំ​ត្រូវ​គេ​បង្ខំ​ឱ្យ​ប្រកប​របរ​ផ្លូវ​ភេទ ​បម្រើ​តាម​ផ្ទះ​និង​ធ្វើការ​លំបាក​តាម​ទូក​នេសាទ​ជាដើម។

​របាយការណ៍​នេះ​បាន​បន្ត​ថា​ក្នុង​ប្រទេស​វិញ ​ស្រ្តី​កម្ពុជា​និងជនជាតិ​វៀតណាមត្រូវ​បាន​គេ​នាំ​មក​ទីក្រុង​ភ្នំពេញ​ សៀមរាប ​ប៉ោយប៉ែត ​កោះកុង​ និង​ក្រុង​ព្រះ​សីហនុ ​ដើម្បី​បម្រើ​សេវាកម្ម​ផ្លូវ​ភេទ ​ក្នុង​ផ្ទះបន ​និង​កន្លែង​ជាច្រើន​ទៀត​ដូច​ជា​បៀរហ្កាដឹន ​ហាង​ម៉ាស្សារ ​និង​ហាង​ខារ៉ា​អូខេ។

លោក​ធន សារ៉ាយ ​ប្រធាន​អង្គការ​សិទ្ធិ​មនុស្ស​អាដហុក​បាន​បញ្ជាក់ថា​និន្នាការ​នៃ​ការ​កេង​ប្រវ័ញ្ច​ផ្លូវ​ភេទ​ក៏បាន​ផ្លាស់​ប្តូរ​រូបភាព​ផងដែរ​ក្នុង​មួយ​រយៈ​កន្លង​មក​នេះ៖

«ឥឡូវ​នេះ​យើ​ងឃើញ ​មាន​ទិដ្ឋភាព​ថ្មី​មួយ​គឺ​ថា​រឿង​នៃ​ការ​រៀបអាពាហ៍​ពិពាហ៍​ដោយ​បង្ខំ​វិញ​ដូច​ជា​ទៅ​កូរ៉េ​ ទៅចិន​មាន​ការ​មក​បោក​ប្រាស់​មួយ​ចំនួន​ទៅលើ​នារី​ក្រមុំ​របស់​យើង​ដែល​គ្នា​ទៅ​រៀបការ​យក​ប្តី​ជាចិន​ឬ​ជា​កូរ៉េ​គឺ​ថា​មានការ​ធ្វើ​បាប​ខ្លះ ​មាន​ការ​គាប​សង្កត់​ទៅលើ​ផ្លូវ​ចិត្ត​ក៏ ​ដូច​ជា​ផ្លូវកាយ​មួយ​ចំនួនបាន​កើត​មាន​ហើយ»។

រឿងរ៉ាវ​ដែល​នាំ​ឱ្យ​មាន​ក្តី​បារម្ភ​ក្នុង​ចំណោម​សកម្មជន​ប្រយុទ្ធ​ប្រឆាំង​នឹង​ការ​ជួញ​ដូរផ្លូវ​ភេទ​បាន​កើត​មានឡើង​បន្ទាប់​ពីអ្នកស្រី​ ម៉ម​ សូម៉ាលី​ ដែល​មាន​មុខនាទី​ក្នុង​ឆាក​អន្តរជាតិ ​ជាច្រើនឆ្នាំ​ក្នុង​នាមជា​អ្នក​ដឹកនាំ​សំខាន់​ម្នាក់​នៅ​ក្នុង​កិច្ច​ប្រឹង​ប្រែង​ដើម្បី​ប្រយុទ្ធ​ប្រឆាំង​អំពើ​ជួញ​ដូរ​ផ្លូវភេទ​បាន​លាឈប់​ពី​មូលនិធិ​ដែល​ដាក់​ឈ្មោះ​លោក​ស្រី​គឺ​មូលនិធិ​ម៉ម សុម៉ាលី​ដែល​មាន​មូលដ្ឋាន​នៅ​បូរី​ញូយ៉ក​ដោយ​សារ​មាន​សេចក្តី​រាយការណ៍​របស់​បណ្តាញ​ផ្សាយ​ព័ត៌មានមួយ​ចំនួនក្នុង​រយៈ​ពេល​ ២ឆ្នាំ​ចុងក្រោយ​នេះ​បាន​នាំឲ្យ​មាន​ការមន្ទិល ​សង្ស័យ​អំពី​រឿង​របស់​ស្រ្តីខ្លះ​ដែល​មូលនិធិ​របស់​អ្នកស្រី ​ហៅថា​ជា​ជនរងគ្រោះ​ពី​ការជួញដូរ​ផ្លូវ​ភេទ។ ថ្មីៗ​នេះ​ទៀត ​មាន​ការ​មន្ទិល​សង្ស័យ​ផងដែរ​ទៅ​លើ​ដំណើរ​រឿង​ផ្ទាល់​ខ្លួន​របស់​អ្នកស្រី​ ម៉ម សូម៉ាលី ​ដែល​មាន​ការចុះ​ផ្សព្វផ្សាយ​យ៉ាង​ខ្ទរខ្ទារ​ថា ​អ្នកស្រី​ជា​ជនរងគ្រោះ​នៃ​អំពើ​ជួញដូរ​ផ្លូវ​ភេទ​ម្នាក់​ដែរ។

អង្គការ​ក្នុង​ស្រុក​មួយ​ចំនួន​បាន​សម្តែង​ការ​ព្រួយ​បារម្ភ​ថា​រឿងរ៉ាវ​អាស្រូវ​នេះអាច​នឹង​ធ្វើ​ឱ្យ​ប៉ះពាល់​ដល់​កិច្ច​ខិតខំ​ប្រឹង​ប្រែង​ក្នុ​ងការ​ទប់​ស្កាត់​ការជួញដូរ​មនុស្ស​និង​ការ​ជួយ​ដល់​ជន​រងគ្រោះ​ស្រាប់។

ប៉ុន្តែ​លោក​យ៉ា ណាវុធ​នៃ​អង្គការ​ខារ៉ាម​កម្ពុជា​បាន​ទទូច​ថា​គេត្រូវ​មើល​ឃើញ​ពី​ការងារ​កន្លង​មក​ក្នុង​ផ្នែក​ទប់​ស្កាត់​ការ​ជួញដូរ​មនុស្ស​ហើយ​ត្រូវ​បន្ត​បេសកកម្ម​នេះ​តទៅ​ទៀត៖

«សម្រាប់​ខ្ញុំ​ ខ្ញុំ​មើល​ឃើញ​អញ្ចេះ ​ទោះបី​យ៉ាង​ម៉េច​ក៏​ដោយ​ក៏​អង្គការ​មួយ​ហ្នឹង​បាន​ជួយ​សង្គ្រោះ​ប្រជា​ពលរដ្ឋ​យើង​ជាច្រើន​ដែល​ត្រូវ​បាន​គេ​ជួញ​ដូរ​ពីក្រៅ​ប្រទេស​មក​ហ្នឹង​។ អញ្ចឹង​ទោះបី​ជា​មានធ្វើ​ឱ្យ​ម្ចាស់​ជំនួយឬ​ក៏ មូលនិធិធំៗ​មាន​ការ​អាក់​អន់​ស្រពន់​ចិត្ត​មួយ​ចំនួន​មែន​ក៏​ប៉ុន្តែ​យ៉ាង​ហោចណាស់​ក៏​អាច​ជួយ​សង្គ្រោះបាន​ស្រ្តី និង​បុរសខ្មែរ​ជាច្រើន​ដែល​ត្រូវ​បាន​គេ​ជួញ​ដូរ​ទៅ​កាន់បណ្តា​ប្រទេស​ផ្សេងៗ»។​

​នៅក្នុង​របាយការណ៍ឆ្នាំ​២០១៣​របស់​ក្រសួង​មហាផ្ទៃ​កម្ពុជា​បាន​បញ្ជាក់ថា​អំពើ​ជួញដូរ​មនុស្ស​ ការធ្វើ​អាជីវកម្ម​ផ្លូវ​ភេទ ​ការរត់​ពន្ធ​មនុស្ស ​និង​ការ​ជួញ​ដូរ​មនុស្ស​ឆ្លងដែន​នៅ​តែ​មាន​ភាព​ស្មុគស្មាញ ​បត់បែន ​និង​ជ្រក​ក្រោម​រូបភាព​ស្របច្បាប់​ផ្សេងៗ។

លោក​ស្រី ជូ ប៊ុនអេង ​រដ្ឋ​លេខាធិការ​ក្រសួង​មហាផ្ទៃ​បាន​បញ្ជាក់​ប្រាប់​ដល់​សន្និបាត​បូក​សរុប​លទ្ធផល​ការងារ​ទាក់​ទង​នឹង​ស្ថានភាព​នៃការ​ជួញ​ដូរ​ដោយ​ទទួល​ស្គាល់ថា៖

«ការធ្វើ​អាជីវកម្ម​ផ្លូវភេទ​តាម​រូបភាព​ជា​សេវា​កំសាន្ត​ រូបភាព​ភ្ជាប់​ពាក្យ​អាពាហ៍ពិពាហ៍ ​ការនាំ​ស្រ្តី​ចេញ​ទៅក្រៅ ​ប្រទេស​តាម​ទិដ្ឋាការ​ទេសចរណ៍​តែ​ក្នុង​គោលដៅ​រក​គូស្រករ ​ឬ​លក់​កម្លាំង​ពលកម្ម ​ឬ​កេង​ប្រវ័ញ្ច​ផ្លូវភេទ​ឬស្មុំទាន​…ជាដើម»។​

លោក​ឧត្តម សេនីយ៍ត្រី​ ជីវ ផល្លី ​អនុប្រធាន​នាយកដ្ឋាន​ប្រឆាំង​នឹង​ការ​ជួញដូរ​និង​ការពារ​អនីតិជន​ក៏​ បាន​បញ្ជាក់​ដែរ​ថា៖​

«ព័ត៌មាន​ផ្លូវ​ការ​យើ​ងមាន​ដែរដូច​ជាគាត់​ត្រូវ​បាន​គេ​បោក​បញ្ឆោត​លួងលោម​ហើយ​ត្រូវ​បាន​គេ​នាំ​យក​ទៅ ​ចិន​ដើម្បី ​រៀបការ​ជាមួយ​នឹង​ជន​ជាតិ​ចិន​ជា​បុរស​ហើយ​ត្រូវ​បាន​គេ​បង្ខំ​ឱ្យ​រួម​ភេទ​ត្រូវ​បាន​គេ​ធ្វើ​អំពើ​ហិង្សា​ហើយ​ត្រូវ​បាន​ខ្លះ​ គេ​លក់​បន្ត»។

ជារៀងរាល់​ឆ្នាំមាន​ស្ត្រី​កម្ពុជា​រាប់​រយនាក់​ត្រូ​វបាន​អាជ្ញាធរ​ប្រមូល​យក​មក​ណែនាំ​និង​សង្គ្រោះ​ចេញ​ពី​ផ្ទះ​បន។ ក្រសួង​មហាផ្ទៃ​បាន​បញ្ជាក់​ថា​ក្នុងឆ្នាំ​២០១២​គឺ​មាន​ស្រ្តី​ចំនួន​៤៧០​នាក់​ត្រូវ​បាន​ជួយ​សង្គ្រោះ​ពី​ផ្ទះ​បន​និង​យក​មក​អប់​រំ​ណែនាំ។

សហរដ្ឋ​អាមេរិក​ក៏​បាន​ទទួល​ស្គាល់​ចំពោះ​កិច្ច​ខិតខំប្រឹង​ប្រែង​ទាំង​នោះ​ ដែរ​ប៉ុន្តែ​បាន​មើល​ឃើញថានៅ​មិន​ទាន់​អនុវត្តតាម​បាន​ទាំង​ស្រុង​ឱ្យ​ស្រប​នឹង​និយាម​អប្បបរិមាក្នុង​ការ​ទប់​ស្កាត់​ការ​ជួញដូរ​នេះ​នៅ​ឡើយ​ទេ។

​នៅក្នុង​សៀវភៅ​កំណត់​ហេតុ​ផ្ទាល់​ខ្លួន​របស់​លោក​ស្រី​ ហ៊ីលឡារី គ្លីនតុន ​ដែល​មាន​ចំណង​ជើង​ថា«ជម្រើស​ដ៏​លំបាក» ​ដែល​បាន​ចេញផ្សាយ​កាលពីថ្ងៃ​អង្គារ​ ក៏​បាន​បញ្ជាក់​ពី​បញ្ហា​អាក្រក់​នៅ​ក្នុង​ការជួញដូរ​មនុស្ស​នៅ​ក្នុង​ប្រទេស​កម្ពុជា។ លោក​ស្រី​បាន​បញ្ជាក់​ថា៖

«មាន​មន្ត្រី​ប៉ូលិស​ជាច្រើន​នៅ​គ្រប់​កម្រិត​ទាំង​អស់​ទទួល​បាន​កា​រហ្វឹកហ្វឺន​តិចតួច​ឬអ្នក​ខ្លះ​មិន​ទទួល​បាន​ទាល់​តែ​សោះ​នូវ​ជំនាញ​ដើម្បី​ដោះស្រាយ​បញ្ហា​ទាំង​នេះឬ​ក៏​ការពារ​ជន​រងគ្រោះ​ ហើយ​មាន​មន្ត្រី​រាជការ​ជាច្រើន​ធ្វើ​មិន​ដឹង​មិន​ឮ​ ឬក៏​កាន់​តែ​អាក្រក់​ជាងនេះ​ទៀត​នោះ គឺ​ពួកគេ​ទទួល​បាន​ផល​ប្រយោជន៍​ពី​ការ​ជួញដូរ​មនុស្ស»។

មូលនិធិ​ម៉ម សុម៉ាលី​ដែល​បាន​ធ្វើ​ឱ្យ​ពិភព​នៃ​អ្នក​ធ្វើ​ការងារ​ប្រឆាំង​នឹង​ការជួញដូរ​មនុស្ស​មាន​ការ​ភ្ញាក់​ផ្អើល​បាន​បញ្ជាក់ថា​ពួកគេ​កំពុង​តែ​រៀបចំ​ផែនការ​បន្ទាប់​ទៀត​នៅ​ក្រោយ​ពី​ការលាឈប់​យ៉ាង​តក់​ក្រហល់​របស់​លោក​ស្រី​ម៉ម សុម៉ាលី។ លោកស្រី​អាលីសុន ណាកាមូរ៉ា នាយក​ខាងផ្នែក​ទំនាក់​ទំនង​នៃ​មូលនិធិ​ម៉ម សុម៉ាលី​បាន​បញ្ជាក់​តាម​សារអេឡិកត្រូនិក​ថា​មូលនិធិ​កំពុង​តែ​រៀបចំ​ផែនការ​សម្រាប់​ដំណើរការ​ក្នុង​ពេល​ខាង​មុខ​ទៀត​ហើយ​ផែនការ​នេះ​នឹង​រៀបចំ​រួចរាល់​ក្នុង​ពេល​ដ៏ខ្លី​ខាងមុខនេះ។ ប៉ុន្តែបាន​បញ្ជាក់​នៅ​ក្នុង​សេចក្តី​ថ្លែង​ការណ៍​កន្លង​មក​ថា​នឹង​នៅ​បន្ត​ជួយ​ដល់​អង្គការ​អាហ្វេស៊ីព​ដដែល។​

នៅ ក្នុង​សារអេឡិក​ត្រូនិក​ផ្ញើ​មក​ឱ្យ​វីអូអេ​អង្គការ​អាហ្វេស៊ីព​មិន​បង្ហាញ​ពីការប៉ះពាល់​ដល់​សកម្មភាព​ការងារ​របស់​ពួកគេ​ហើយ​ផ្តោត​លើ​ការងារ​ដែល​ត្រូវ​ធ្វើ​សម្រាប់​ជួយ​ដល់​ស្ត្រី​និង​ការប្រយុទ្ធ​នឹង​ការជួញដូរ​មនុស្ស។

លោក​សៅ ឈឿត​នាយក​ប្រតិបត្តិ​នៃ​អង្គការ​អាហ្វេស៊ីព​បាន​បញ្ជាក់​ថា​ការប្រយុទ្ធ​នឹង​ការជួញ​ដូរ​មនុស្ស​«ពិបាក​សម្រេច​បាន​ណាស់​ដោយ​សារ​តែ​ជន​រងគ្រោះ​ភាគ​ច្រើន​មាន​កម្រិត​ការ​សិក្សា​អប់​រំ​ទាប ​ឬ​មិន​មាន​កម្រិត​វប្បធម៌​អ្វី​ទាំង​អស់ ​មិន​មាន​ជំនាញ​ការងារ​ ហើយ​រង​ការប៉ះ​ពាល់​អារម្មណ៍»។

លោក​បាន​លើក​ពីតម្រូវ​ការ​ក្នុង​ការ​ជួយ​ដល់​ស្ត្រី​ដែល​ជួយ​សង្គ្រោះ​ហើយ​និង​សេចក្តី​ត្រូវការ​ជំនាញ​សម្រាប់​ពួកគេ​ចូល​ទៅ​ក្នុង​សង្គម​វិញ។

«វាអាច​នឹង​ដំណើរ​ការ​បាន​ប្រសិន​បើ​វិស័យ​ឯកជន​មាន​ចេតនា​ក្នុង​ការ​ផ្តល់​ការងារ​ដ៏​ល្អ​ដល់​ពួកគេ​បន្ទាប់​ពី​ពួកគេ​បាន​ស្តា​លទ្ធភាព​រួច​ហើយនិង​ទទួល​ការ​ហ្វឹកហ្វឺន​ជំនាញ​ដោយ​មិន​ចាំបាច់​ទាមទារ​ឱ្យ​មាន​សញ្ញា​ប័ត្រ​ខ្ពស់​ឬ​បទពិសោធន៍»។​

ក្រសួង​ការបរទេស​សហរដ្ឋ​អាមេរិក​ក៏​នឹង​ចេញផ្សាយ​របាយការណ៍​ស្ត្រី​ពី​ស្ថាន​ភាព​នៃ​ការជួញដូរ​មនុស្ស​នៅ​ទូទាំង​ពិភពលោក​ក្នុង​រយៈពេល​ប៉ុន្មាន​សប្តាហ៍​ខាង​មុខ​នេះ៕



អត្ថបទ​​​ព័ត៌មាន​​​ទាក់ទង


What Next?

Recent Articles

One Response to "អ្នក​ជំនាញ៖ រឿង​អាស្រូវ​នៃ​សកម្មជន​ប្រឆាំង​ការជួញដូរ​មនុស្ស​មិន​អាច​ងាកចេញ​ពី​បញ្ហា​ពិត​​នៅ​កម្ពុជា"

  1. VengSreng(ChongAkheat) says:

    ហាស……ហាស…… ហាស….. ហាស….. ah ka-chass kvac vea chheu
    very very happy nas
    ប៉ុន្តែ
    kom ton ngoab tov na ខ្មែរ ត្រូវការ ធ្វើទារុណកម្ម ah chker kvac eng, ទាញសក់ heng យកការបិ ត់chak ភ្នែក heng កាត់ត្រចៀក heng ទាញធ្មេញ heng កាត់ kdor heng វាយ ក្បាល ដោយដំបង កាត់ អណ្តាត heng ឱ្យ heng chrass លាមក ផឹកទឹកនោម កាត់ ក្បាល ដុត teng ross

    =============================

    មើលទៅមុខរបស់ ah ឆ្កែ ka- ចាស់ ហ៊ុន សែន យូរ tov ដូចជាសត្វឆ្កែ, ស្លេក, herm, មាត់ veach ភ្នែក kvac ធ្មេញខូច bak ដែលជានិមិត្តសញ្ញានៃការ vi-neass un-dor-ri-tien ngoab tai-hong ,
    pous ធំ, ស្បែកខ្មៅទាំងអស់, chea ជនក្បត់, ព្រៃផ្សៃ, chareuk- toak- tiep

    Kadouy mer ah ckhher sam-re ot-om-noy-tien

    -គ្រួសាររបស់ vea ទាំងអស់ដូចគ្នា

    -mi cho –kadouy ធំ ta pork prouk ប៊ុនរ៉ានី មុខមើលទៅដូច សត្វចម្លែក , khmouch- chhao, toc-ka-ta

    =========================

    share from friend Facebook

    អាខ្វាក់វាស្មានថាយួន លើកតំកើនពូជវា … តាមពិតយួនធ្វើដើម្បី លេបទឹកដីខ្មែរ អោយបាន១០០% ហើយវានឹងសម្លាប់ អាពូជក្បត់ជាតិ អាខ្វាក់ហ៊ុនសែនអោយអស់ …

    ព្រោះយួនវាស្អប់ណាស់ពូជអាក្បត់ជាតិ វាមិនទុក នាំចង្រៃទេ…