ដោយ សុ ជីវី
2014-10-24
RFA
អតីតមេដឹកនាំនៅរបបខ្មែរក្រហម នួន ជា (ឆ្វេង) និង ខៀវ សំផន (Photo courtesy of ECCC)
សាលាក្ដីខ្មែរក្រហមនៅថ្ងៃទី២៤ ខែតុលា ព្រមានមេធាវីការពារក្ដីអោយអតីតមេដឹកនាំខ្មែរក្រហម លោក នួន ជា និង ខៀវ សំផន ថាបានប្រព្រឹត្តកំហុសវិជ្ជាជីវៈ ដូចដែលមានចែងក្នុងវិធានផ្ទៃក្នុង។
ការព្រមាននេះគឺបន្ទាប់ពីក្រុមមេធាវីការពារក្ដីបានធ្វើពហិការ ដោយដើរចេញពីបន្ទប់សវនាការសំណុំរឿង ០០២ វគ្គ ២ កាលពីថ្ងៃទី១៧ ខែតុលា និងពុំបានបង្ហាញវត្តមានក្នុងកិច្ចប្រជុំរៀបចំសវនាការកាលពីថ្ងៃទី២១ តុលា ដែលតុលាការចាត់ទុកថា ជាសកម្មភាពរារាំងកិច្ចដំណើការនីតិវិធី។
សាលាដំបូងនៃសាលាក្ដីខ្មែរក្រហមបង្គាប់អោយក្រុមមេធាវីការពារ លោក នួន ជា និងលោក ខៀវ សំផន ត្រូវចូលរួមកិច្ចប្រជុំរៀបចំសវនាការដែលគ្រោងនឹងធ្វើនៅថ្ងៃទី២៨ ខែតុលា។
សេចក្ដីប្រកាសព័ត៌មានរបស់សាលាក្ដីខ្មែរក្រហមបានបញ្ជាក់ថា នោះគឺជាកិច្ចប្រជុំអសាធារណៈដែលជាឱកាសសំខាន់អោយក្រុមមេធាវី ជាពិសេសមេធាវីការពារអតីតប្រធានគណៈប្រធានរដ្ឋនៃរបបខ្មែរក្រហម លោក ខៀវ សំផន ពិភាក្សាបញ្ហាជាមួយសាលាក្ដី។
ឆ្លើយតបបញ្ហានេះ មេធាវីជាតិការពារអោយលោក ខៀវ សំផន គឺលោក គង់ សំអុន ហៅការព្រមាននេះថា ជារឿងអយុត្តិធម៌ចំពោះក្រុមលោក។ លោកថា ក្រុមលោកមានហេតុផលគ្រប់គ្រាន់ក្នុងការចាកចេញពីសវនាការ ហើយហេតុផលចម្បងបំផុតនោះគឺក្រុមលោកតម្កល់ប្រយោជន៍កូនក្ដីជាធំ៖ «សំឡេង»។
លោក គង់ សំអុន នៅមិនទាន់បញ្ជាក់បានទេ ថាតើលោកនឹងទៅចូលរួមកិច្ចប្រជុំរៀបចំសវនាការទៅតាមការបង្គាប់របស់សាលាដំបូងនេះ ឬយ៉ាងណានៅឡើយ ដ្បិតលោកត្រូវជួបប្រជុំរកការសម្រេចក្នុងក្រុមជាមុនសិន។
វិទ្យុអាស៊ីសេរី នៅមិនទាន់អាចសុំប្រតិកម្មពីលោក សុន អារុណ មេធាវីជាតិការពារអតីតប្រធានសភានៃរបបខ្មែរក្រហម លោក នួន ជា បាននៅឡើយទេ។
មន្ត្រីនាំពាក្យនៃសាលាក្ដីខ្មែរក្រហម លោក នេត្រ ភក្ត្រា មានប្រសាសន៍ថា សាលាក្ដីនៅមិនទាន់បង្ហាញថា តើនឹងមានវិធានការយ៉ាងណានៅឡើយទេ ចំពោះក្រុមមេធាវីការពារប្រសិនបើពួកគាត់បន្តមិនចូលប្រជុំតាមការបង្គាប់របស់សាលាដំបូង។
ក្រុមមេធាវីការពារក្ដីឱ្យជនជាប់ចោទ ខៀវ សំផន តែងតែស្នើសុំឱ្យសាលាក្ដីខ្មែរក្រហមសម្រេចលើសំណុំរឿង ០០២ វគ្គ ១ ឱ្យចប់សព្វគ្រប់សិន មុននឹងចាប់ផ្ដើមសំណុំរឿង ០០២ វគ្គ ២។ ចំណែកជនជាប់ចោទ នួន ជា សុំឱ្យតុលាការបញ្ឈប់សវនាការ ០០២ វគ្គ ២ សិន មុននឹងមានសេចក្ដីសម្រេចអំពីបណ្ដឹងដិតចិត្តរបស់លោក៕
កំណត់ចំណាំចំពោះអ្នកបញ្ចូលមតិនៅក្នុងអត្ថបទនេះ៖ ដើម្បីរក្សាសេចក្ដីថ្លៃថ្នូរ យើងខ្ញុំនឹងផ្សាយតែមតិណា ដែលមិនជេរប្រមាថដល់អ្នកដទៃប៉ុណ្ណោះ។
អត្ថបទដែលទាក់ទង
- មេធាវីការពារក្តី នួន ជា និងខៀវ សំផន បន្តធ្វើពហិការមិនចូលរួមសវនាការ
- មេធាវីការពារក្ដីឲ្យលោក នួន ជា និងលោក ខៀវ សំផន ធ្វើពហិការមិនចូលសវនាការ
- ចៅក្រមផ្អាកសវនាការបន្ទាប់ជនជាប់ចោទ នួន ជា និងខៀវ សំផន ដើរចេញពីសវនាការ
- សម្ភាសមេធាវីការពារក្តីឲ្យអតីតមេដឹកនាំខ្មែរក្រហមក្នុងសំណុំរឿង០០២វគ្គ២
- សាលាក្តីខ្មែរក្រហមនឹងបើកសវនាការលើសំណុំរឿង០០២វគ្គ២នៅថ្ងៃ១៧តុលា
- សាលាក្ដីខ្មែរក្រហមនឹងប្រជុំពេញអង្គលើកទី១១នៅថ្ងៃទី១៦តុលា
- ជនរងគ្រោះនៃសម័យខ្មែរក្រហមជួបប្រជុំក្នុងសំណុំរឿង០០២
- សាលាក្ដីខ្មែរក្រហមនឹងរៀបចំកិច្ចប្រជុំរវាងដើមបណ្ដឹងរដ្ឋប្បវេណីនិងមេធាវីនៅថ្ងៃ៦តុលា
- សាលាក្ដីខ្មែរក្រហមនឹងបើកសវនាការសំណុំរឿង០០២វគ្គ២នៅថ្ងៃ១៧តុលា