Sat, 25 October 2014
វង្ស សុខេង
ភ្នំពេញប៉ុស្តិ៍
ដោយសារតែស្ដាប់ចម្រៀងមួយបទ របស់លោក ស៊ីន ស៊ីសាមុត «ឱ ត្រពាំងពាយអើយ…» ធ្វើឲ្យលោក សុន ឆ័យ នឹកស្រណោះដល់ទឹកដីកំណើត ហើយបានចាកចោលប្រពន្ធ កូន ម្តាយនិងបងប្អូនជាទីស្រឡាញ់របស់លោកនៅ ប្រទេសអូស្ត្រាលី ដើម្បីមកជួយស្រោចស្រង់ និងអភិវឌ្ឍប្រទេសកំណើត។
លោក សុន ឆ័យ ឈានចូលវ័យ ៦៣ ឆ្នាំ ជាតំណាងរាស្រ្តមកពីគណបក្សប្រឆាំងតាំងពី ឆ្នាំ១៩៩៣ រហូតដល់បច្ចុប្បន្ន បានរៀបរាប់ពីប្រវត្តិរបស់លោកថា ដោយសារតែលោកនឹកស្រុក និងចង់មកជួយស្រុក លោកបានសម្រេចចិត្តចាកចេញពី អូស្រ្តាលី នៅ ឆ្នាំ១៩៩១។ «ខ្ញុំចេញទៅ អូស្ត្រាលី នៅ ឆ្នាំ១៩៨០ រហូតដល់ ឆ្នាំ១៩៨៥ ទើបបានយកគ្រួសារចេញទាំងអស់ពីស្រុកខ្មែរ ទៅនៅអូស្ត្រាលី។ ខ្ញុំបានប្រឡងចូលសាកលវិទ្យាល័យ ឆ្នាំ១៩៨៤ ខ្ញុំបានជាប់បរិញ្ញាបត្រ ឆ្នាំ១៩៨៥ បន្តរៀនផ្នែកគរុកោសល្យ ដល់ ឆ្នាំ១៩៨៦ ហើយចាប់ផ្ដើមចូលធ្វើគ្រូបង្រៀននៅទីនោះ រហូត ឆ្នាំ១៩៩១»។ លោក សុន ឆ័យ ដែលបានរៀបការជាមួយស្ត្រីជនជាតិអូស្ត្រាលី បានរំឭកថា នៅពេលមួយនោះ លោកបានស្ដាប់វិទ្យុខ្មែរ ហើយបានឮបទ ត្រពាំងពាយ បានធ្វើឲ្យលោកនឹកស្រណោះដល់ស្រុកកំណើត។
លោកថ្លែងថា៖ «នៅពេលនោះ ខ្ញុំចាប់ផ្ដើមស្រណោះខ្លួន ខ្ញុំមានអារម្មណ៍ចង់មកស្រុកខ្មែរ ហើយក៏ចង់មកជួយស្រុកដែរ»។ ជាការគាប់ជួននៅពេលនោះ ស្រាប់តែនៅ អូស្ត្រាលី គេមានបង្កើតវិទ្យាស្ថានមួយដើម្បីមកបង្រៀនភាសាអង់គ្លេសនៅស្រុកខ្មែរគឺជាឱកាសល្អ សម្រាប់លោក ឆ័យ ដោយសារភាសាអង់គ្លេស គឺជាជំនាញរបស់លោក។ លោកបានជាប់ការធ្វើតេស្តនិងបានត្រឡប់មកធ្វើការនៅកម្ពុជានៅក្នុង ឆ្នាំ១៩៩១។ នៅពេលមកដល់កម្ពុជាដំបូង លោកបានចូលបង្រៀនភាសាអង់គ្លេស នៅសាកលវិទ្យាល័យភ្នំពេញ ហើយនៅទីនោះ លោកក៏ជួយបង្រៀនគ្រូមកពីតាមខេត្តនានា ផ្នែកគរុកោសល្យ ព្រោះថា ក្រោយពីរបប ប៉ុល ពត គ្រូថ្មីៗ មិនបានរៀនផ្នែកគរុកោសល្យទេ គ្រាន់តែចេះអាននិងសរសេរអង់គ្លេស ហើយក៏បបួលគ្នាបង្រៀន ទើបលោកឆ្លៀតឱកាសនោះ ជួយបង្រៀនផ្នែកគរុកោសល្យរបៀបថ្មី។ «នៅ អូស្ត្រាលី ខ្ញុំធ្វើការជាអ្នកបកប្រែ នៅក្រសួងអន្តោប្រវេសន៍ ដែលពេលនោះ អូស្ត្រាលី មានគម្រោងទទួលជនភៀសខ្លួនខ្មែរច្រើនពី ប្រទេសថៃ ដែលក្នុងមួយឆ្នាំ មានពលរដ្ឋខ្មែរពី ៣០០០ ទៅ ៤០០០ នាក់បានទៅរស់នៅ ប្រទេសអូស្ត្រាលី ហើយ អូស្ត្រាលី មានគម្រោងជួយរកផ្ទះឲ្យនៅ»។
នៅពេលនោះ លោក ឆ័យ បានបង្កើតសមាគមខ្មែរនៅ អូស្ត្រាលី ដោយបានរៀបចំអ្នកចាស់ដែលមានបទពិសោធរស់នៅមុនឲ្យជួយដល់អ្នកថ្មីដូចជា រកសាលារៀនសម្រាប់ក្មេងរៀន បង្កើតកន្លែងឲ្យមនុស្សចាស់ៗដែលឯកោបានជួបជុំជជែកគ្នា។ លោកបន្តថា៖ «ខ្ញុំធ្វើការបានតែពីរឆ្នាំទេ ហើយក៏រៀនបញ្ចប់បរិញ្ញាបត្រនៅទីនោះ។ ខ្ញុំបង្រៀនផ្នែកគរុកោសល្យ និងសេដ្ឋកិច្ចខ្លះខ្ញុំបង្រៀនវិទ្យាសាស្រ្តនិងគណិតវិទ្យានៅតាមបណ្ដាវិទ្យាល័យនៅ អូស្ត្រាលី»។ កាលពីប្រមាណជា ២ ឬ ៣ ឆ្នាំមុនលោក សុន ឆ័យ បានទទួលមេដាយពីស្ដេច អេលីហ្សាបែត នៃ ប្រទេសអូស្ត្រាលី។ លោកថា៖ «ខ្ញុំមិនដឹងទេ ប្រហែលគេគិតថា ខ្ញុំបានជួយការងារសង្គមនៅក្នុងការងារសមាគមខ្មែរនៅទីនោះគឺនៅ រដ្ឋអូស្ត្រាលីខាងត្បូង»។
លោកនិយាយថា មកដល់ ឆ្នាំ១៩៩៣ ពេលដែលរណសិរ្សជាតិរំដោះប្រជាពលរដ្ឋខ្មែរ ដែលដឹកនាំដោយសម្ដេច សឺន សាន បានចូលស្រុក ក្រោយពីមានកិច្ចព្រមព្រៀង ទីក្រុងប៉ារីស មក ពេលនោះ លោកតា សឺន សាន ត្រូវការបេក្ខជនតំណាងរាស្ត្រ ឈរឈ្មោះនៅ ខេត្តសៀមរាប។ ដោយលោកគាំទ្ររណសិរ្សនេះហើយស្រុកកំណើតលោកក៏នៅ សៀមរាប ទៀតនោះលោកក៏បានឈរឈ្មោះជាបេក្ខជនតំណាងរាស្រ្ត ហើយក៏បានជាប់ឆ្នោតតាំងពីពេលនោះមក គឺនៅ ឆ្នាំ១៩៩៣ ហើយ ឆ្នាំ១៩៩៨ លោកក៏បានជាប់ឆ្នោតទៀត ប៉ុន្តែនៅពេលនោះ លោកជាតំណាងរាស្រ្ត គណបក្ស សម រង្ស៊ី ជាគណបក្សថ្មីមួយដែលទើបបង្កើតថ្មី បន្ទាប់ពីលោក សម រង្ស៊ី ត្រូវបានបណ្តេញចេញពីគណបក្ស ហ៊្វុនស៊ិនប៉ិច។ រហូតមកដល់សព្វថ្ងៃ លោក សុន ឆ័យ ជាតំណាងរាស្ត្រគណបក្សសង្គ្រោះជាតិ មណ្ឌលភ្នំពេញ។ គណបក្សសង្គ្រោះជាតិ ជាគណបក្សដែលរួមបញ្ចូលគ្នា រវាងគណបក្ស សម រង្ស៊ី និងគណបក្ស សិទ្ធិ មនុស្ស។
លោកបញ្ជាក់ថា៖ «នៅ អូស្ត្រាលី ខ្ញុំឃើញថា មានរបៀបគ្រប់គ្រងបែបប្រជាធិបតេយ្យជាមូលដ្ឋាន ហើយគេពង្រឹងស្ថាប័នជាតិគេត្រឹមត្រូវ និងគ្រប់គ្រងដោយមាននីតិរដ្ឋជាមូលដ្ឋាន ធ្វើឲ្យប្រទេសនេះ មិនមានអ្វីរំខានដល់ជីវិតរស់នៅរបស់ប្រជាពលរដ្ឋគេ ទើបធ្វើឲ្យខ្ញុំមានជំនឿលើប្រព័ន្ធគ្រប់គ្រងបែបប្រជាធិបតេយ្យ»។ លោកបន្តថា តាមប្រវត្តិសាស្រ្ត ប្រទេសកម្ពុជា មិនដែលរស់នៅសុខសាន្តបានយូរទេ ដោយសារតែការគ្រប់គ្រងប្រទេស ធ្វើឡើងទៅតាមអំណាចបុគ្គល ឬអំណាចទាហាន ហើយចលនាផ្លាស់ប្ដូរមេដឹកនាំប្រទេសទៀតសោត ក៏តែងតែបង្កើតឲ្យមានសង្គ្រាមផ្ទៃក្នុង រហូតដល់បាត់បង់ជីវិតមនុស្សផងដែរ។
«ខ្ញុំមិនចង់ឃើញទុក្ខវេទនាបែបនេះតទៅទៀតទេនេះជាបំណងធំដែលខ្ញុំត្រឡប់មកកម្ពុជាវិញ»។ លោកឲ្យដឹងទៀតថា ក្រោយរដ្ឋប្រហារ ឆ្នាំ១៩៩៧ លោក សម រង្ស៊ី និងភរិយារបស់គាត់បានសុំឲ្យលោកជួយដល់គណបក្សថ្មីរបស់គាត់។ លោកបញ្ជាក់ថា៖ «នៅក្នុងជីវិតនយោបាយ ខ្ញុំមិនសូវយកចិត្តទុកដាក់ពីតួនាទី និងអំណាចនោះទេ។ ក្នុងឋានៈជាតំណាងរាស្រ្ត ខ្ញុំត្រូវតែបំពេញតួនាទីឲ្យបានត្រឹមត្រូវ ដូច្នេះហើយនៅក្នុងរដ្ឋសភា ចេះតែចង់មានយោបល់មិនថា អាក្រក់ឬល្អនោះទេ តែនេះគ្រាន់តែជាការបញ្ចេញយោបល់ចង់ឲ្យការគ្រប់គ្រងប្រទេសបានត្រឹមត្រូវ»។
លោក សុន ឆ័យ បានឲ្យដឹងទៀតថា៖ «ម្ដាយខ្ញុំ ចេះតែខឹងខ្ញុំ ហេតុអ្វីបានជាយកគាត់ទៅនៅប្រទេសល្អ បែរជាខ្ញុំ មករស់នៅស្រុកខ្មែរទៅវិញ តែដោយសារតែខ្ញុំចូលចិត្តការងារដើម្បីសង្គម និងមានការគាំទ្រពីគ្រួសារផង ទើបខ្ញុំអាចរស់នៅស្រុកខ្មែរបាន»។ លោកបន្ថែមថា ដោយសារតែបញ្ហានយោបាយ និងការបញ្ចេញមតិដោយមិនសំចៃមាត់ លោកធ្លាប់ទទួលរងការគំរាមកំហែងសព្វបែបយ៉ាងដូចជា គំរាមសម្លាប់តាមទូរស័ព្ទ ការប្លុងចោលជាកញ្ចប់ក្លែងក្លាយ នៃគ្រឿងផ្ទុះ ។ល។
«ខ្ញុំធ្លាប់ទទួលរងការគំរាមកំហែងដល់អាយុជីវិត ដោយសារតែរិះគន់រឿងយោធា ខ្ញុំនិងភរិយាបារម្ភណាស់ គ្រោះថ្នាក់បំផុតគឺពី ឆ្នាំ១៩៩៣ ដល់ ១៩៩៩ ហើយ ឆ្នាំ១៩៩៦ ទើបខ្ញុំសម្រេចចិត្តឲ្យកូន និងភរិយាត្រឡប់ទៅរស់នៅ អូស្ត្រាលី វិញ ដោយសារតែការងាររបស់ខ្ញុំ ខ្ញុំមិនចង់ឲ្យប្រពន្ធនិងកូន ទទួលនូវអំពើអាក្រក់ណាមួយ ដែលបណ្ដាលមកពីទង្វើរបស់ខ្ញុំទេ ហើយខ្ញុំតែងតែលួងខ្លួនឯងថា បើគ្មានការប្រថុយវាគ្មានការផ្លាស់ប្ដូរទេ»។ អង្គុយលើកៅអីក្នុងរដ្ឋសភា ប្រមាណ ២០ ឆ្នាំមកហើយនោះ លោក ឆ័យ ឲ្យដឹងទៀតថា លោកបានស្នើច្បាប់មួយចំនួនក្នុងគោលបំណងចង់ពង្រឹងស្ថាប័នសភា និងស្ថាប័នរដ្ឋដទៃទៀត ឲ្យមានតម្លាភាព និងនីតិរដ្ឋ តែត្រូវបានច្រានចោលទាំងអស់។ «ខ្ញុំចង់ពង្រឹងរដ្ឋសភា ឲ្យធ្វើការបានត្រឹមត្រូវដើម្បីកែលម្អស្ថាប័នរដ្ឋដទៃទៀតជាច្រើន។
ខ្ញុំបានស្នើច្បាប់ច្រើនដែរ ទោះបីគេមិនអនុម័តច្បាប់ខ្ញុំតែវាក៏ជាគំនិតមួយដែរសម្រាប់គេ»។ លោក ឆ័យ បានស្នើច្បាប់ប្រហែលពី ១៣ ទៅ ១៤ ច្បាប់ដូចជា សេចក្ដីស្នើច្បាប់ប្រឆាំងអំពើពុករលួយ ក្រុមប្រឹក្សារាជបល័្លង្ក ឧក្រិដ្ឋកម្មពុករលួយ ប្រកាសទ្រព្យសម្បត្តិ និងសិទ្ធិទទួលព័ត៌មាន តែមិនមានច្បាប់ណាមួយត្រូវបានរដ្ឋសភា ដែលគ្រប់គ្រងដោយគណបក្សប្រជាជនទទួលយកទៅអនុម័តនោះទេ។
«ខ្ញុំជាអ្នកផ្ដើមគំនិតឲ្យមានការសួរដេញដោលរដ្ឋមន្រ្តីដំបូងគេ នៅក្នុង រដ្ឋសភា តាមបែបប្រជាធិបតេយ្យ»។ លោក ឆ័យ បានឲ្យដឹងទៀតថា នៅក្នុងជីវិតនយោបាយរបស់លោក លោកធ្លាប់បានជួបជាមួយអតីតព្រះមហាក្សត្រ និងលោកនាយករដ្ឋមន្រ្តី ហ៊ុន សែន ក្រោយរដ្ឋប្រហារ ឆ្នាំ១៩៩៧ ដើម្បីចូលរួមរកដំណោះស្រាយនយោបាយដើម្បីចៀសវាងការកាប់សម្លាប់ខ្មែរគ្នាឯង។ លោកថ្លែងថា៖ «ពេលនោះខ្ញុំសុំឲ្យលើកលែងទោសដល់អ្នកដែលរត់ចោលស្រុក ដោយពន្យល់ថា មិនគួរឲ្យមានការតស៊ូរវាងខ្មែរ និងខ្មែរទៀតនោះទេ។ ខ្ញុំក៏បានជួបអតីតព្រះមហាក្សត្រ ដើម្បីសុំឲ្យព្រះអង្គជួយបង្រួបបង្រួម»។
ដូចពេលមុនៗដែរ លោក ឆ័យ បានច្រានចោលនូវការចោទប្រកាន់ជារឿយៗដែលថា លោកមានប្រវតិ្តជាកូនចារកម្មរបស់លោក ហ៊ុន សែន ដែលលោក ហ៊ុន សែន តែងតែនិយាយជាសាធារណៈ។ លោកបញ្ជាក់ថា៖ «នាយករដ្ឋមន្រ្តីបែរជាប្រមាថហើយចោទខ្ញុំថា ជាគិញរបស់គាត់ ដើម្បីបង្ខូចខ្ញុំ តែខ្ញុំគិតថា ការពិតវានៅតែជាការពិត ហើយយូរឆ្នាំទៅប្រជាពលរដ្ឋនឹងស្គាល់។ ខ្ញុំទុកបញ្ហានេះឲ្យរាស្រ្តវិនិច្ឆ័យ ជាលទ្ធផលគឺយើងទទួលបានលទ្ធផលល្អ (តាមលទ្ធផលបោះឆ្នោត)»។ ប៉ុន្តែយ៉ាងណាក៏ដោយ នៅក្នុង ឆ្នាំ១៩៩៤ លោកនិងភរិយា ធ្លាប់មានទំនាក់ទំនងជាមួយលោកនាយករដ្ឋមន្រ្តីខ្លះដែរ ដោយសារតែពេលនោះ មានការរាប់អានគ្នាជាលក្ខណៈបុគ្គលក្នុងការងារកសិកម្ម។ «គាត់ឃើញភរិយាខ្ញុំចេះខាងផ្នែកកសិកម្ម គាត់ចេះតែឲ្យជួយ ដោយកាលនោះគាត់ត្រូវអភិវឌ្ឍតំបន់ ក្រាំងយ៉ូវ ខ្ញុំក៏សម្របសម្រួលទៅគាត់ក៏មានការចាប់អារម្មណ៍ជាមួយខ្ញុំ រហូតដល់ថា ស្រឡាញ់ខ្ញុំដូចប្អូនប្រុស»។
លោក សុន ឆ័យ កើតនៅថ្ងៃ ទី១ ខែមករា ឆ្នាំ១៩៥៦ ក្នុង ខេត្តសៀមរាប ក្នុងគ្រួសារក្រីក្រមួយ ដែលមានបងប្អូន ១១ នាក់។ ឪពុក និងបងប្រុសស្រី ២ នាក់របស់លោកបានស្លាប់នៅក្នុងរបបខ្មែរក្រហម។ នៅមុនរបបខ្មែរក្រហម លោកបានរៀនចប់ត្រឹម បាក់ឌុប ហើយបានចូលធ្វើជាកុម៉្មង់ដូ នៅអាយុ ១៤ឆ្នាំ ពី ឆ្នាំ១៩៧០ ដល់ ១៩៧៥។ លោក ឆ័យ និងក្រុមគ្រួសារក៏ត្រូវបានខ្មែរក្រហមបង្ខំឲ្យធ្វើការដូចពលរដ្ឋខ្មែរដទៃទៀតដែរ ក៏ប៉ុន្តែគ្រួសារលោកមិនមែនជាគោលដៅដែលត្រូវខ្មែរក្រហមតាមសម្លាប់នោះឡើយ។
នៅក្រោយថ្ងៃរំដោះ ៧ មករា ឆ្នាំ១៩៧៩ លោកបានព្យាយាមមកភ្នំពេញ ដើម្បីបន្តការសិក្សា តែត្រូវបានរារាំងដោយកងទ័ពវៀតណាម។ នៅពេលក្រោយមក ទៀតលោកបានភៀសខ្លួនទៅតាមព្រំដែនខ្មែរ-ថៃ។ ដោយសារតែលោកចេះភាសាអង់គ្លេស លោកបានទទួលសិទ្ធិជ្រកកោននៅអូស្ត្រាលីយ៉ាងងាយស្រួល។ លោក ឆ័យ បានរៀបការជាមួយស្ត្រីជនជាតិអូស្ត្រាលី នៅក្នុង ឆ្នាំ១៩៨២។ «ខ្ញុំរៀបការភ្លាម ពេលទៅដល់ អូស្ត្រាលី ដោយស្គាល់ភរិយាខ្ញុំនៅរៀនជាមួយគ្នា។ វាមិនដែលមានទេជនជាតិអូស្ត្រាលី មករៀបការជាមួយបុរសដែលមានប្អូនដល់ទៅ ៤ នាក់ជាបន្ទុកដោយសារគាត់ស្រឡាញ់ខ្ញុំគាត់ជួយមើលថែប្អូនៗខ្ញុំ»។ រហូតមកដល់សព្វថ្ងៃ លោក ឆ័យ មានកូនបីនាក់ កូនស្រីម្នាក់បងគេ។ នៅពេលនេះ ភរិយានិងកូនៗរបស់លោក រស់នៅ និងរៀននៅ ប្រទេសអូស្ត្រាលី ហើយតែងតែចុះឡើងរកគ្នាទៅវិញទៅមកនៅពេលមានពេលទំនេរ។ បងប្អូនបង្កើតចំនួន ៩ នាក់របស់លោកព្រមទាំងម្តាយរបស់លោកបច្ចុប្បន្នកំពុងរស់នៅ ប្រទេសអូស្ត្រាលី។
លោក ឆ័យ បានធ្វើជាតំណាងរាស្ត្រអស់រយៈពេលប្រមាណ ២០ ឆ្នាំមកហើយក៏ដោយ ក៏លោកមិនដែលមានបំណងចង់ទៅធ្វើការនៅក្នុងរដ្ឋាភិបាលនោះឡើយ។ លោកចង់បន្តធ្វើការនៅក្នុងរដ្ឋសភាបន្តទៅទៀតដើម្បីធ្វើឲ្យស្ថាប័នជាតិកំពូលមួយនេះក្លាយទៅជាស្ថាប័នមានអំណាចពេញលេញក្នុងការពង្រឹងការអនុវត្តច្បាប់ ដើម្បីធ្វើឲ្យកម្ពុជាក្លាយទៅជាប្រទេសដែលមាននីតិរដ្ឋពិតប្រាកដ៕
សូមកោតសរសើរលោកខ្លាំងណាស់ដែលមានស្មារតីស្នេហាជាតិពិតបា្រកដ។ លោករៀនចប់ត្រឹមតែ បរិញ្ញាបត្រសោះលោកគ្រាន់បើជាងឈងវុនរាប់លានដងឯណោះ ព្រោះឈាងវុនអួតថាខ្លួនរៀនចប់ រហូតដល់ អនុបណ្ឌិត ឬបណ្ឌិតមិនចាំ តែបែជាមានចរិកឆ្កួតនិងអត់កំណើតនិងចូលចិត្តតែខាងជួយ បំផ្លាញជាតិផ្ទុយពីលោកតំណាងរាស្ត្រសុនឆ័យហៅមិនពឮ។ ជូនពរលោកសុនឆ័យបន្តរបេសកកម្ម នេះបន្តរទៀតដើម្បីការពារនិងលើកតំកើងជាតិខ្មែរឲ្យល្បីដូចប្រទេសគេ។
if he was born in 56, he is not 63 years old now.
ជាមនុស្សល្អម្នាក់ ដែលមិនសរសើរ មិនបាន។ សូមអោយលោកបានជោគជ័យក្នុងការខំប្រឹងប្រែង របស់លោក។
we can see ,we can tell who have ability to work for our nation. who having the knowledge to make peace and prosper for our nation. I just as our people to make a comparison between Mr SON CHHAI and Mr CHHEANG VONN who will you chose as the person to work for our nation?????? this is only a short sample for those who love the person that not love his own nation. peace for all CAMBODIAN
If Youn invade Cambodia by troops directly, it’s hard to win because it’s easy to be understood by Cambodian people and international community.
So Youn installed Khmer traitor puppet to work as an aggression toll for them in Cambodia;
Youn keep encroaching the border, its puppet does nothing;
Youn keep sending illegal immigration to occupy Cambodia everyday, its puppet does nothing;
Youn take concession land for some million hectares in side and near the border, its puppet does nothing;
Youn control Ang Kor Wat, Boc Kor, Sea shore, petroleum, imported goods, so called (economy), its puppet does nothing
Youn run Khmer millitary, its puppet does nothing;
Youn colonize the whole Cambodia and working to swallow Cambodia completely one day, it puppet does nothing;
Youn puppet only discourage and scare its own people to keep quiet do nothing and allow Youn to do any thing they want
I think if Cambodia is an independent and sovereignty state, if it can’t fight the aggressor, it always can go to United Nation for help; unfortunately, Hun Sen CPP the Youn puppet will not dare to do that
========================
If Hun Sen CPP change mind and become patriot, it will jeopardy their position, power, property , crony and family tree; with these kinds of low low character people, they never will
I admire at Viet Leader and its citizen, you can not hire one of them to be traitor of their own country no matter what you give them
GOD bless you and your family brother’.you are the best from the democracy world and bring democracy to our homeland’not like some people come from the democracy but followed the communist style because the money.i wish we have more then half in the parliament have the same idea like you our country will be bright in the future.we have the democracy law and people have the right to know everything ‘politic,finance,defense,and every budget must tell the nation and bring all the criminal who rob nation money.bravo brother’i really appreciate that you have done to our country we respect you brother.GOD bless you and take care you every minute ‘
ចំណេះដឹងព្រមទាំងបទពិសោធន៍សមល្មម នឹងជាប្រធានរដ្ឋសភា។
មានចំនុចខ្លះល្អគួរចង់ពិចារណាដែរ. តែមានទង្វើខ្លះដូចជាល្ងង់ខ្លៅ ដូចនេះខំប្រឹងទៀតទៅ ព្រោះមានកិច្ចសំខាន់ជាច្រើនរង់ចាំយើង !តួរអង្គ សុនឆ័យ អាចជាយុទ្ធសាស្ត្រប្តូរសេះ និងក្រឡាអុក ធ្វើឱយអ្នកគាំទ្រវង្វេង!?
Vong Sokheng should know how to sum up some numbers. Anyone who was born in 1956 can not be 63 years old in 2014.
It’s hard for anyone who was born in 1956 to passed year 12 exam in Cambodia before 1975. Please get the fact right. Most readers don’t like reading exaggerated news.
Hope you will correct your mistakes.
However, Son Chhay is a good man.
Hun Sen ,
Ah sam-re,
ah kro-roham,
ah ac-vi-chea,
ah la-gne langer,
ah khmer kro-ham,
ah khiet – to- kor,
ah bom-planh cheat,
ah ka-jass youn,
ah kbot cheat,
ah kvac ma-ah-yoos
ah plon dey reash
ah louch pro-pon ke
ah pouk-ro-louy louch cheat
ah ngoab ty-hong
ah pou-ke khang khouch, khang pler
ah ot om-noi-tien
ah un-jeang arch
ah choy mer heng un-dor-ra thien
ah ke kab kbal
ah ke cut kbal chro-louk khnong pa-kun arch
ah kdor veng khmao sa-oy ko-krooc
ah chhker ka-chas dom-bao kbal
ah cut tuek dey auy youn
ah auy youn chol srok
ah ty-hong millions dorng
ah plon-san-leuk chnoat
ah criminal 100000000000000000000000000000000000000000 yang
សូមអោយលោកមានសុខភាពល្អ
មនសិកាជាតិ ការពារជាតិ លើកតំកើងជាតិ គឺប្រសើរណាស់។ តែសុំកុំគិតថា យើងជួយជាតិឲ្យសោះ គឺត្រូវប្រកាន់គំនិត និងប្រោះពាក្យថា បម្រើជាតិ ឬក៏រកស៊ីជាមួយជាតិ វិញ វាប្រសើរជាង។
សព្វថ្ងៃនេះ តើមាននរណាម្នាក់ដែលបានជួយជាតិឬទេ ?? សូម្បីតែលោក ហ៊ុន សែន ក៏មិនមែនជួយជាតិទេ គឺគាត់រកស៊ីជាមួយជាតិ។
ទាំងអស់គ្នា សុទ្ធតែដាក់ការវិនិយោគជាមួយជាតិ ដើម្បីបានទទួលពីជាតិមកវិញនូវផលជាច្រើន។ នៅពេលបានផលមកនោះ គេក៏បង្កើនទុនថែមទៀត ដើម្បីការពារផលប្រយោជន៍ និងពង្រីកផលប្រយោជន៍ ដែលគេទទួលបានពីជាតិ៕
យើងចង់ឲ្យអ្នកនយោបាយខ្មែរ ឬអ្នកធំខ្មែរទាំងអស់ ឈប់និយាយពីរឿងថា ខ្លួន បានជួយជាតិ គឺសូមឲ្យគាត់និយាយថា គាត់ បានរកស៊ីជាមួយជាតិ ឬក៏គាត់និយាយថា គាត់បម្រើជាតិ និងទទួលបានការបីបាច់ ពីជាតិទៅវិញ ជាបុណ្យសក្តិ ជាប្រាក់បំណាច់៕
សូមសរសើរ ចំពោះលោក ណាស់ ។ ខុសជាមួយពូកអារកស៊ីជាមួយជាតិ អស់ឈើ អស់ព្រៃ យកអំណាចយកដីរបស់ប្រជាជន ។