Thu, 27 November 2014
ប៉ិច សុធារី
ភ្នំពេញប៉ុស្តិ៍
ភ្នំពេញៈ រដ្ឋមន្ត្រីក្រសួងវប្បធម៌ និងវិចិត្រសិល្បៈ នឹងចាត់មន្ត្រីឲ្យចុះទៅពិនិត្យពីផលប៉ះពាល់ទៅលើវប្បធម៌ខ្មែរនៅលើភ្នំបូកគោ ខណៈដែលមានការលើកឡើងថា មានជនជាតិវៀតណាម សាងសង់ទីតាំងសាសនា និងមានការរៀបចំពិធីសាសនាផ្សេងៗនៅតំបន់នោះ។
វិធានការនេះ ធ្វើឡើងបន្ទាប់ពីមានការស្នើសុំឆ្លើយបំភ្លឺជុំវិញបញ្ហាវប្បធម៌ និងសិល្បៈ ពីសំណាក់ លោក យ៉ែម បុញ្ញឫទ្ធិ ប្រធានគណៈកម្មការ អប់រំ យុវជន កីឡា ធម្មការ កិច្ចការសាសនាវប្បធម៌និងទេសចរណ៍ ដែលជាគណៈកម្មាការទី ៧ នៃរដ្ឋសភា កាលពីថ្ងៃម្សិលមិញ នៅវិមានរដ្ឋសភា។
បន្ទាប់ពីការឆ្លើយបំភ្លឺ លោកស្រី ភឿង សកុណា រដ្ឋមន្ត្រីក្រសួងវប្បធម៌ និងវិចិត្រសិល្បៈ បានថ្លែងថា បញ្ហាដែលថា មានជនជាតិវៀតណាមសាងសង់ទីតាំងសាសនានៅលើភ្នំបូកគោនោះ រដ្ឋមន្ត្រីក្រសួងទេសចរណ៍ធ្លាប់បានឆ្លើយបំភ្លឺនៅរដ្ឋសភាម្តងរួចហើយ ប៉ុន្តែក្រសួងវប្បធម៌ នឹងចាត់មន្ត្រីជំនាញ ចុះទៅពិនិត្យទីនោះបន្ថែមទៀតពីផលប៉ះពាល់ទៅលើវប្បធម៌របស់កម្ពុជា។
លោកស្រីបញ្ជាក់ថា៖«បើតាមខ្ញុំដឹង ទីនោះជាកន្លែងមួយដែលមានជំនឿ គេយល់ថា ស័ក្តិសិទ្ធិគេទៅ។ ទេសចរណ៍ភាគច្រើនគេទៅកន្លែងហ្នឹង ដូច្នេះខ្ញុំគិតថាជាសិទ្ធិសេរីភាពរបស់ជំនឿខាងសាសនាមួយ តែយើងខ្ញុំនឹងទៅមើលថា មានផលប៉ះពាល់ដល់វប្បធម៌របស់យើងយ៉ាងម៉េច»។
មិនអាចសុំការអធិប្បាយជុំវិញបញ្ហានេះ ពីលោកឧកញ៉ា សុខ គង់ ដែលជាម្ចាស់វិនិយោគនៅតំបន់ទេសចរណ៍ភ្នំបូកគោបានទេ ដោយទូរស័ព្ទពុំអាចទំនាក់ទំនងបាន។
កន្លងមកធ្លាប់មានព័ត៌មានថា មានជនជាតិវៀតណាម ជាច្រើននាក់ បាននាំគ្នាមកតាំងសមាធិ និងបួសជាសច្ចំ នៅចំណុចវាលស្រែមួយរយ លើភ្នំបូកគោ ក្នុងខេត្តកំពត ដោយអ្នកខ្លះ បានចំណាយពេលពីពីរទៅបីយប់ដើម្បីស្នាក់នៅទីនោះ។
ក្រោយទទួលបានព័ត៌មាននេះ កាលពីថ្ងៃទី២៧ សីហា អាជ្ញាធរខេត្តកំពត បានបង្កើតគណៈកម្មការចម្រុះមួយ ក្នុងនោះ មានមន្ទីរវប្បធម៌ផងដែរ បានចុះស៊ើបអង្កេត។ ជាលទ្ធផលអាជ្ញាធរបានអះអាងថា ពុំមានជនជាតិវៀតណាម ធ្វើអាស្រម ឬទីតាំងសំចតនោះទេ។
អភិបាលខេត្តកំពត លោក ខូយ ឃុនហ៊ួរ បានថ្លែងកាលពីម្សិលមិញថា នៅលើភ្នំបូកគោ ពិតជាមានការសាងសង់វិហារសាសនាផ្សេងៗ ដូចជាវិហារយេស៊ូគ្រឹះ វិហារចិន ហើយក៏មានវត្តព្រះពុទ្ធសាសនាផងដែរ ប៉ុន្តែពុំមានការសាងសង់វិហារវៀតណាម ដូចព័ត៌មានមួយចំនួនបានលើកឡើងនោះទេ។
លោកថា៖«ពីមុនមានជនជាតិវៀតណាមគាត់ធ្វើសមាធិតិចតួចនៅរូងថ្មលើភ្នំមែនដោយគាត់សរសេរអក្សរវៀតណាមលើនោះថា គាត់បានមកដល់ទីនេះតែយើងបានណែនាំគាត់រួចហើយ អ៊ីចឹងការសាងសង់វិហារសាសនាផ្សេងៗនោះ គឺដើម្បីទាក់ទាញទេសចរណ៍ប៉ុណ្ណោះ នៅប្រទេសផ្សេងគេក៏មានអ៊ីចឹងដែរ»។
ក្រៅពីបញ្ហានេះ លោក យ៉ែម បុញ្ញឫទ្ធិ ក៏បានស្នើឲ្យឆ្លើយបំភ្លឺជុំវិញបញ្ហាផលប៉ះពាល់ដល់វប្បធម៌ជនជាតិដើមភាគតិចនៅតំបន់អារ៉ែង ខេត្តកោះកុង ពីគម្រោងសាងសង់ទំនប់វារីអគ្គិសនីដែលកំពុងតែមានភាពចម្រូងចម្រាសផងដែរ។
លោក បុញ្ញឫទ្ធិ ថ្លែងថា គណៈកម្មការទី៧ នឹងធ្វើការឃ្លាំមើលជុំវិញចំណាត់ការរបស់ក្រសួងវប្បធម៌ហើយថា រដ្ឋសភា ក៏នឹងដាក់សំណើទៅកាន់រដ្ឋាភិបាល ដើម្បីសុំបង្កើនបន្ថែមថវិកាជាតិដល់ក្រសួងវប្បធម៌ និងវិចិត្រសិល្បៈផងដែរ ខណៈដែលក្រសួងនេះ បានរួមចំណែកក្នុងការទាក់ទាញភ្ញៀវទេសចរ និងថែរក្សានូវវប្បធម៌ជាតិ៕
Do not believe thire action on this matter, they are so stupid
មិនបាច់ទៅមើលធ្វើអីទុកឲ្យយួនវាធ្វើអនាធិបតេយ្យពេញស្រុកខ្មែរទៅព្រោះពួកវាជាចៅហ្វាយហ៊ុនសែន
វិហារចិន និងវៀតណាម ខុសគ្នាត្រង់ណាដែរ លោកអភិបាលខេត្ត???។ វិហារនៅកាច់ជ្រុងផ្លូវនោះ ជាវិហារពុទ្ធសាសនាបែបមហាយាន តែយួនបានសាងសង់លេីទីនោះ។ តេីនគរូបនិយកម្ម និងសំណង់បានដឹង និងឃេីញដែរឫទេ???។ លោក ខូយ ឃុនហួរ ស្គាល់វប្បធម៌ខ្មែរដែរឫយ៉ាងណា??? ឫក៏ឆ្លេីយដោះសារ អោយរួចពីមាត់ តែមិនរួចខ្លួន។
ម្យា៉ងវិញទៀត វិឡាដែលកំពុងសាងសង់ពេញពាស នោះស្ថិតនៅក្នុង កុងត្រារវាង រដ្ឋាភិបាល និងលោក សុខ គង់ដែរឫទេ?
គេបោកខ្មែរថា រូបយាយម៉ៅដែល សុខ គង់ បានសង់នោះ គ្រាន់តែជា អុងកូ មួយតែប៉ុណ្ណោះ មានទាំងអាចារ្យ និង អ្នកបួសតំរៀបជួរគ្នា ថ្វាយបង្គំក្រាបលូនដល់អុងកូនោះទៀតផង។ ដាក់ឈ្មោះ យាយម៉ៅ គ្រាន់តែជាការបន្លំភ្នែកខ្មែរប៉ុណ្ណោះ។
គួរចាប់អារម្មណ៏ថា ភ្នំបូកគោ និង កោះត្រល់ នៅជាប់គ្នាណាស់បងប្អូនខ្មែរ សួរថាប្រហែលជាគេចង់បានអ្វីទៀត???។
នេះជាឪកាសបង្ហាញអោយឃេីញថា ខ្មែរជាម្ចាស់ស្រុក មិនមែន ថៅកែ សុខ គង់ ឫ សុខ អាន ជាម្ចាស់ស្រុកនោះទេ។
អំណាចណា ដែលអនុញ្ញត្តិអោយ សុខ គង់ ឃុបឃិត ធ្វេីស្រេចតែចិត្ត ក្នុងការវាតទី ឫរំលោភ លេីកុងត្រានោះ???។
សូមមេត្តាពិចារណា។ អរគុណ។
នៅក្នុង ប្រទេសកម្ពុជា មានមន្ត្រីកម្ពុជា ឬ ទេ ? ឬ ក៏មានតែ មន្ត្រីបង្ក្រាប ប្រជាពលរដ្ឋខ្លួនអែង
តែប៉ុណ្ណោះ ?
ជនបរទេស វៀតណាម មកធ្វើអី ផ្តេសផ្តាស់ នៅលើទឹកដី កម្ពុជា ម្តេចក៏ មិនបង្ក្រាប ? !
ហ្វឺងសាកាណាវាដឹងអីបើវាជាយួននោះ!!!