ដោយ ជិន ជេដ្ឋា
2014-11-27
RFA
ផ្ទះ និងផលដំណាំរបស់ពលរដ្ឋរស់នៅចំណុចអូរដើមគរ ឋិតនៅភូមិសង្គមថ្មី ឃុំថ្មដា ស្រុកវាលវែង ខេត្តពោធិ៍សាត់ រូបថតថ្ងៃទី ២៣ វិច្ឆិកា ២០១៤។ Photo Provided
អាជ្ញាធរខេត្តពោធិ៍សាត់ អះអាងថា នឹងពុំមានការបណ្ដេញចេញ ឬឈូសឆាយប៉ះពាល់ផ្ទះសម្បែងគ្រួសារនាយទាហានណាម្នាក់នៅតំបន់ថ្មដា ស្រុកវាលវែង ឡើយ។
ការបញ្ជាក់របស់អាជ្ញាធរនេះ គឺបន្ទាប់ពីមានគ្រួសារ និងនាយទាហានការពារព្រំដែនខ្មែរ-ថៃ នៅច្រកថ្មដា ប្រតិកម្មចំពោះសកម្មភាពរបស់កម្លាំងសមត្ថកិច្ចចម្រុះ ចុះឈូសឆាយផ្ទះ និងខ្ទមរបស់ពលរដ្ឋចំនួន ១២ខ្នង ដែលគេដឹងថា នៅក្នុងចំណោមប្រជាពលរដ្ឋទាំងនោះ មានក្រុមគ្រួសារនាយទាហានមួយចំនួនដែរ។
សកម្មភាពឈូសឆាយកម្ទេចផ្ទះ និងផលដំណាំអ្នកភូមិសង្គមថ្មី នៃឃុំថ្មដា កាលពីថ្ងៃទី២២ ខែវិច្ឆិកា ឆ្នាំ២០១៤ បានធ្វើឲ្យនាយទាហានខ្លះកំពុងឈរជើងការពារព្រំដែនខ្មែរ-ថៃ បារម្ភខ្លាចអាជ្ញាធររំលោភយកដីធ្លី ដែលកូនប្រពន្ធរបស់ខ្លួនកាន់កាប់នៅភូមិឯកភាព និងភូមិកណ្ដាល ទៅឲ្យក្រុមហ៊ុន ដូចសកម្មភាពធ្វើនៅភូមិសង្គមថ្មី ដែរ។ ប៉ុន្តែអាជ្ញាធរ ថានឹងមិនប៉ះពាល់ដីគ្រួសារនាយទាហានឡើយ។
អភិបាលរង និងជាអ្នកនាំពាក្យសាលាខេត្តពោធិ៍សាត់ លោក កើត ឆែ ថ្លែងនៅថ្ងៃទី២៧ ខែវិច្ឆិកា ថា អាជ្ញាធរមានវិធានការការពារដីរបស់រដ្ឋ ពីការកាប់រានដោយក្រុមអនាធិបតេយ្យនៅតំបន់នោះ ប៉ុន្តែចំពោះគ្រួសារនាយទាហានដែលកាន់កាប់ដីធ្លីជាក់ស្ដែង និងមានការដឹងឮពីមេបញ្ជាការរបស់ខ្លួន ឬអាជ្ញាធរមូលដ្ឋានជាយូរមកហើយនោះមិនប៉ះពាល់ឡើយ បើទោះបីជាមិនទាន់មានប្លង់កាន់កាប់ស្របច្បាប់ក៏ដោយ ក៏អាជ្ញាធរនឹងសម្រួលលើបញ្ហានេះដែរ។ លោកបញ្ជាក់ថា រឿងឈូសផ្ទះ និងខ្ទមចំនួន ១២ខ្នងកន្លងទៅ គឺជារឿងដាច់ដោយឡែកពីគ្រួសារនាយទាហានចូលកាន់កាប់ដោយត្រឹមត្រូវ និងមិនកាប់រានដីព្រៃរបស់រដ្ឋបន្ថែមនោះ៖ «គ្រួសារកងទ័ព និងអ្នកដែលនៅក្នុងបន្ទាយ អត់ទាន់មានដីលំនៅឋាននេះ មេគេបានមកជជែករួចហើយ ប៉ុន្តែខេត្តមានភារកិច្ចរកដីជូនប្រជាពលរដ្ឋខ្លួន»។
យ៉ាងណា នាយទាហានកំពុងឈរជើងការពារព្រំដែនខ្មែរ-ថៃ ម្នាក់ បានថ្លែងក្នុងលក្ខខណ្ឌសុំមិនបញ្ចេញឈ្មោះថា រូបលោក និងនាយទាហានប្រហែល ៣០នាក់ផ្សេងទៀត ក្នុងវរការពារព្រំដែនលេខ១៤៥ ចំណុះឲ្យកងពលតូចអន្តរាគមន៍លេខ១៤ នឹងដោះឯកសណ្ឋានយោធា រួចប្រគល់អាវុធទៅឲ្យមេបញ្ជាការរបស់ខ្លួន ប្រសិនបើផ្ទះ ឬដីធ្លីដែលកូនប្រពន្ធកំពុងរស់នៅ និងអាស្រ័យផល ត្រូវអាជ្ញាធររឹបអូសយកទៅឲ្យក្រុមហ៊ុន។ លោកថា គ្រួសារនាយទាហានភាគច្រើន មិនទាន់មានប្លង់កម្មសិទ្ធិនៅឡើយ។ ដូច្នេះ អាជ្ញាធរអាចរំលោភយកដោយប្រើលេសផ្សេងៗ ដើម្បីយកដីពួកគាត់ដូចនៅភូមិសង្គមថ្មី ដែរ៖ «នៅក្នុងជួរកងទ័ពនេះ ការពារកុំឲ្យថៃ ឡើងមកឈ្លានពាន។ ឥឡូវថៃ មិនឡើងផង ខ្មែរមកដីខ្មែរគ្នាឯង។ តស៊ូដើម្បីជាតិមាតុភូមិ ដល់ពេលគេយកដីអស់ចឹង មិនដឹងតស៊ូដើម្បីអីទេ ចិត្ដបងចិត្ដខ្ញុំដូចគ្នា»។
ឃុំថ្មដា ត្រូវបានក្រសួងមហាផ្ទៃ បង្កើតជាឃុំរដ្ឋបាលរបស់ស្រុកវាលវែង ខេត្តពោធិ៍សាត់ ក្រោយសមាហរណកម្មទាហានខ្មែរក្រហមនៅឆ្នាំ១៩៩៨។ ឃុំនេះមានភូមិចំនួនបី គឺភូមិសង្គមថ្មី ឯកភាព និងភូមិកណ្ដាល។ ប្រជាពលរដ្ឋរស់នៅតំបន់នេះ ភាគច្រើនជាអតីតទាហានខ្មែរក្រហម ហើយពួកគេទទួលបានរបបដីពីអាជ្ញាធរមូលដ្ឋានបែងចែកនៅក្នុងឆ្នាំ១៩៩៩ និងខ្លះនៅឆ្នាំ២០០០ បន្ទាប់ពីកងកម្លាំងរាជរដ្ឋាភិបាលកម្ពុជា ទៅបោះទីតាំងឈរជើងនៅតំបន់នោះ ដោយបាននាំគ្រួសាររបស់ពួកគេទៅរស់នៅជាមួយ។ ប្រជាពលរដ្ឋនៅតំបន់នេះ ចាប់ផ្ដើមមានរឿងដីធ្លីជាបន្តបន្ទាប់ជាមួយក្រុមហ៊ុន អឹម.ឌី.អេស (MDS) របស់លោកឧកញ៉ា ទ្រី ភាព បន្ទាប់ពីក្រុមហ៊ុនមួយនេះទទួលបានសិទ្ធិនៅតំបន់នោះ ដើម្បីអភិវឌ្ឍទៅជាតំបន់សេដ្ឋកិច្ចពិសេស និងដាំដំណាំកសិឧស្សាហកម្មកាលពីឆ្នាំ២០១០៕
កំណត់ចំណាំចំពោះអ្នកបញ្ចូលមតិនៅក្នុងអត្ថបទនេះ៖ ដើម្បីរក្សាសេចក្ដីថ្លៃថ្នូរ យើងខ្ញុំនឹងផ្សាយតែមតិណា ដែលមិនជេរប្រមាថដល់អ្នកដទៃប៉ុណ្ណោះ។
អត្ថបទដែលទាក់ទង
- ពលរដ្ឋមានជម្លោះដីខេត្តកោះកុងស្នើតុលាការកំពូលទម្លាក់ចោលសាលក្រមតុលាការខេត្ត
- សង្គមស៊ីវិលនិងពលរដ្ឋនៅពោធិ៍សាត់រិះគន់អាជ្ញាធរថារំលោភដីពលរដ្ឋទៅឲ្យក្រុមហ៊ុន
- ពលរដ្ឋនៅបាត់ដំបងចោទមេឃុំបឹងប្រាំថាបញ្ជាឲ្យសមត្ថកិច្ចច្រូតស្រូវអ្នកភូមិយកជាកម្មសិទ្ធិ
- សង្គមស៊ីវិលនិងម្ចាស់ជំនួយជំរុញឲ្យរដ្ឋាភិបាលកែទម្រង់ដីធ្លីឲ្យមានប្រសិទ្ធភាព
- អ្នកមានជម្លោះដីធ្លីនៅបឹងប្រាំមួយចំនួនមិនពេញចិត្តដំណោះស្រាយរបស់លោក ឈាង វុន
- សង្គមស៊ីវិល៖ ការមិនព្រមដោះស្រាយបញ្ហាដីនៅមេមត់ជាការរំលោភសិទ្ធិមនុស្សធ្ងន់ធ្ងរ
- សង្គមស៊ីវិលស្នើសុំឲ្យមានការកែទម្រង់អភិបាលកិច្ចដីធ្លីនិងធនធានធម្មជាតិ
- មូលហេតុជំរុញឲ្យសកម្មជនដីធ្លីនៅបឹងកក់តវ៉ានៅខាងមុខសាលារាជធានីភ្នំពេញ
- ពលរដ្ឋតវ៉ានៅមុខសាលាខេត្តបន្ទាយមានជ័យដើម្បីរក្សាការពារដីរបស់ខ្លួន
អស់លោកកងទ័ពទាំងអស់នាំគ្នាដោះឯកសណ្ឋានយោធាចោលឱ្យអស់ទៅ
ឱ្យពួកអាចុយម្រ៉ាយអាជ្ញាធរនិងអាចុយម្រ៉ាយអង្គរក្សវាទៅការពារព្រំដែនម្ដង
ឱ្យពួកអាចុយម្រ៉ាយ ហ៊ុន សែន នៅដេកសុខស្រួលវានាំគ្នាធ្វើចោរប្លន់ដីធ្លី
សម្បើមណាស់សព្វថ្ងៃហ្នឹង ។
ទ្រី ភាព ជាកញ្ជះ ហ៊ុន សែន
ពួកវាបានកាប់ឈើលក់រលាយហិនហោចអស់ហើយ
ឥឡូវនេះបែបមិនសូវមានឈើកាប់ទៀតទេ
ដូចនេះពីថ្ងៃនេះតទៅមុខពួកវាមកកាប់ឈូសឆាយផ្ទះប្រជាជនយកដីធ្លីម្ដង
នេះហើយចិត្តស្មោះបោះឆ្នោតឱ្យមេចោរឡើងកាន់អំណាចប្លន់ដីផ្ទះខ្លួនឯង
ពេលវាបានអំណាចវាគ្មានទៅប្លន់អ្នកណាក្រៅពីអ្នកដែលបោះឆ្នោតឱ្យពួកវាហ្នឹងទេ !
អាមេចោរហ្នឹងខ្លាចយួនខ្លាចសៀមខ្លាំងណាស់ វាមិនហ៊ានទៅប្លន់ដីសៀមដីយួនទេ
វាប្លន់តែប្រជាជនខ្មែរនិងកូនទាហានវាហ្នឹងឯង !
នៅមានពួកអាជ្ញារធរខំប្រឹងការពារយកចោរធ្វើឪពុកទៀត វាជិតដល់ថ្ងៃ
ឪចោរវាមកប្លន់ដីធ្លីវាឆាប់ៗខាងមុខនេះហើយ !
ហើយនៅមានពួកអាប្ដេជ្ញាស្លាប់ក៍មិនដូរឪចោរវាចេញពីតំណែងដែរ ចាំមើលដល់ថ្ងៃឪចោរវាមកយកដីធ្លីវា
ពេលនោះពួកវាស៊ូស្លាប់មិនដូរ ឬមួយក៍វាហូរទឹកភ្នែកដល់ស្លាប់ស្ដាយដីផ្ទះសំបែង ?
ជិតដល់វេនបាត់បង់ដីធ្លីម្ដងម្នាក់ៗហើយ ចាំប្រុងខ្លួនឱ្យហើយទៅ ព្រោះឥឡូវអស់ឈើកាប់ហើយ
រកលុយដាក់ហោប៉ៅមិនសូវបាន កាប់យកដីពួកទាហាន ពួកបោះឆ្នោតគាំទ្រ ពួកអាអង្គរក្ស
និងពួកអាធរអង្គាមឆ្អឹងម្ដង ។
យើងមានការបារម្ភចំពោះបញ្ហាអសកម្មក្នុងសង្គម ក្នុងស្ថានភាពដូចនេះ ណាស់។
ក្នុងនាមជាអ្នកគិតគូរដល់ប្រយោជន៍ និងសេចក្តីសុខរបស់ប្រជាពលរដ្ឋទូទៅ និងដើម្បីអនាគតរបស់គណបក្សប្រជាជនផង យើងគិតថា ត្រូវធ្វើអ្វីក៏ដោយ ក៏ស្ថិតនៅក្នុងក្របខ័ណ្ឌច្បាប់ដែរ។
ច្បាប់គឺ ទាំងប្រជាជនសាមញ្ញ ទាំងគ្រួសារកងទ័ពគឺសុទ្ធតែជាពលរដ្ឋកម្ពុជាដូចគ្នា។ ដូចនេះ បើជាពលរដ្ឋដូចគ្នាត្រូវធ្វើអ្វីៗ ក៏ត្រូវក្នុងកិច្ចការពារនៃច្បាប់ ។
គ្រាន់តែអ្វីដែលជាគោលនយោបាយរបស់រាជរដ្ឋាភិបាល គឺ ការយកទុកដាក់ចំពោះជីវភាពគ្រួសារកងទ័ព ដែលរាជរដ្ឋាភិបាលតែងតែបានរៀបចំជាភូមិអភិវឌ្ឍន៍កងទ័ព ដូចជានៅតំបន់ប្រាសាទតាមាន់ នៅភូមិធម្មជាតិខេត្តព្រះវិហារ និងមជ្ឈមណ្ឌលយោធិនពិការជាដើម។ យើងគិតថា នៅទីនេះ ក៏គួរតែមានគោលនយោបាយដូចគ្នា ដែលមិនគួរទុករឿងតូចឲ្យកើតជាធំ ឡើយ។ មេបញ្ជាការអង្គភាពព្រំដែននេះ ត្រូវលើកគម្រោងសុំដីសម្បទានសង្គមកិច្ច និងគម្រោងអភិវឌ្ឋន៍លំនៅដ្ឋាន គម្រោងសេវាសុខភាព សិក្សាធិការ និងហេដ្ឋារចនាសម្ពន្ធចាំបាច់នានា សម្រាប់គ្រួសារកងទ័ពរបស់ខ្លួន ទៅ។ មិនត្រូវបណ្តោយឲ្យគាត់ដើចាប់ដីនៅ ដៅយអនាធិបតេយ្យ អាងឈ្មោះ ជាកងទ័ពទេ។ បើធ្វើដូចនេះ វាល្អតែម្តង។
ចំណែកក្រុមហ៊ុន ក៏អញ្ចឹងដែរ។ ពិសេសក្រុមហ៊ុន ដែលមានសម្ព័ន្ធជិស្និទ្ធជាមួយរដ្ឋាភិបាល និងគណបក្សប្រជាជន គឺត្រូវធ្វើអ្វី ដើម្បីកិត្យានុភាពរបស់គណបក្សប្រជាជន។ តែបើថា ក្រុមហ៊ុននេះ ជាអ្នកជួយផ្នែកហិរញ្ញវត្ថុដល់គណបក្សប្រជាជន ពៅខាងមុខ តែខាងក្រោយខ្នង ក្រុមហ៊ុនដើររឹបអូស គ្មានយោគយល់និងរកស៊ីទុច្ចរិត នោះទេ, គឺក្រុមហ៊ុននេះហើយ ដែលសម្លាប់គណបក្សប្រជាជន។ ហើយចាំមើលថា នៅពេលណាមួយដែលគណបក្សប្រជាជនបាត់បង់ការគាំទ្រ សួរថា តើក្រុមហ៊ុននេះ មានសេចក្តីសុខដែរឬទេ? គិតថា វាមិនមែនជារឿងទឹកឡើង ទេ តែជារឿងច្បាប់។ នៅពេលនោះ គេនឹងអនុវត្តច្បាប់ ទៅតាមអ្វីដែលត្រូវតែធ្វើ។
ដំណោះស្រាយមានតែប៉ុណ្ណេះ គឺ រដ្ឋាភិបាលកុំការពារឈ្មួញទុច្ចរិត អាជ្ញាធរនៅមូលដ្ឋានត្រូវចេះដោះស្រាយបញ្ហាតាមផ្លូវច្បា់ប់ និងលទ្ធភាពសមស្រប។ ប្រជាជន និងគ្រួសារកងទ័ពត្រូវចេះរស់នៅក្នុងច្បាប់ កុំរំលោភច្បាប់ ចង់បានអី ស្នើសុំតាមសន្តិវិធី៕
ច្បាប់ នៅលើ បក្សពួក ខិលខូច ( ចេញពី របប ខ្មោច ប៉ុល ពត មក បាតដៃ ទទេ ) អីឡូវមានសិទ្ធ
យកដី ស្រែ ចំការ ពី អ្នកណា ក៏បាន ដោយយក លេស ដី រដ្ឋ ដី អភិវឌ្ឈ , ម្នាក់ៗ មានបាន ពី ការ
កេងប្រវ័ញ ដីធ្លី ព្រៃឈើ យកទៅធ្វើមានបានផ្ទាល់ខ្លួន សង់វីឡា រថយន្ត ទំនើបៗ ថ្លៃៗ
របស់ប្រើប្រាស់ ទំនើបៗ លុុយ រាប់ពាន់លានដុល្លារ បានមក ពី ការ ប្រើល្បិចកល នេះ អែង !
ចំពោះ ប្រទេសជាតិ ជំពាក់ បំណុល បរទេស រាប់ពាន់លានដុល្លារ នរណា ជាអ្នកចេញ សង ? !
មនុស្ស អគតិ ខ្លះ ក្បាលស្អុយ លោភលន់ មិនចេះស្កប់ ប្រហែលជា ង៉ាប់ ទៅ យកដី ទៅតាម ហើយ !
តើ ប្រទេស ផ្សេងៗ មានបញ្ហា រំលោភ ដីធ្លី កក្រើក មេឃ កក្រើកដី ទូទាំងប្រទេស ដូច
ប្រទេសកម្ពុជា ក្នុង របប ហ៊ុន សែន ឬ ទេ ?