ដោយ៖ ញឹម សុខន
ថ្ងៃចន្ទ ទី30 មិនា 2015
http://vodhotnews.com
ស្តាប់សំឡេង៖ |
ចម្លងទុក |
ក្រសួងសាធារណៈការ និងដឹកជញ្ជូន ស្តីបន្ទោសមន្ត្រីក្រោមឱវាទថាបានពង្រាយក្រុមចល័ត ត្រួតពិនិត្យរថយន្តដឹកទំនិញតាមបណ្តារាជធានី ខេត្តនានា ដែលផ្គើននឹងវិធានការរបស់ក្រសួងបង្កឲ្យមានបញ្ហាកើតឡើង ។
ការព្រមានរបស់ក្រសួងសាធារណការនេះ ធ្វើឡើងក្រោយពីផ្ទុះរឿងថាសមត្ថកិច្ចនិងក្រុមជញ្ជីងចល័ត ត្រង់គីឡូម៉ែតលេខ៨៩ ក្នុងស្រុកអូរាំងឪ ខេត្តត្បូងឃ្មុំ កាលពីថ្ងៃទី១៩ ខែមីនា ឆ្នាំ២០១៥ បានព្រួតគ្នាធ្វើទារុណកម្មអ្នកបើកបររថយន្តដឹកស្រូវពីរនាក់ចោទថា អ្នកដឹកស្រូវព្យាយាមបើករថយន្តគេច មិនចូល ឲ្យត្រួតពិនិត្យ ។
លិខិតជូនដំណឹងរបស់ក្រសួងសាធារណការ និងដឹកជញ្ជូន ចុះថ្ងៃទី២៧ ខែមីនា ឆ្នាំ២០១៥ផ្ញើទៅកាន់មន្ទីរនានា តាមបណ្តារាជធានីខេត្តឲ្យដឹងថា ក្រសួងបានមើលឃើញថា ការដែលសមត្ថកិច្ចមន្ទីរសាធារណការរមួយចំនួន នៅតែមានការដាក់ប៉ុស្តិ៍ជញ្ជីងថ្លឹងបែបអនាធិបតេយ្យ បង្កជាបញ្ហានៅតាមផ្លូវ ។
ក្រសួងសាធារណៈការអះអាងថា ទង្វើរបស់ក្រុមជញ្ជីងចល័តនេះ បាននឹងកំពុងផ្គើនទៅនឹងការសម្រេចរបស់ក្រសួង ដែលចង់ពង្រឹងបន្ថែមទៀត នូវការគ្រប់គ្រង ការដឹកជញ្ជូនលើសទម្ងន់ និងការលុបបំបាត់ប៉ុស្តិ៍ជញ្ជីងថ្លឹងបែបអនាធិបតេយ្យតាមផ្លូវថ្នល់ ។
ប្រធានសមាគមប្រជាធិបតេយ្យឯករាជ្យនៃសេដ្ឋកិច្ចក្រៅប្រព័ន្ធ លោក វន់ ពៅ បានស្វាគមន៍ និងវិធានការនេះ ។ ប៉ុន្តែលោកថា ក្រសួងមួយនេះគួរបង្ហាញពីចំណាត់ការផ្លូវច្បាប់ឲ្យមានប្រសិទ្ធភាព ដើម្បីធានាថាទង្វើជម្រិតទារប្រាក់ក្រៅច្បាប់ ពីពលរដ្ឋមិនកើតមានទៀតទេទៅថ្ងៃអនាគត ។ លោកថា «កាលណាចេញបទដ្ឋានគតិយុត្តិ ឬសេចក្តីជូនដំណឹង សេចក្តីប្រកាសណាមួយ គណៈកម្មការត្រូវអនុវត្តឲ្យបានពិតប្រាកដ កុំឲ្យចេះតែស្នាបន្លាចក្អែក អាក្អែកវាដឹងថាស្នាហ្នឹងមិនមុត វាលែងខ្លាចទៅហើយ» ។
អ្នកនាំពាក្យក្រសួងសាធារណៈការ និងដឹកជញ្ជូន លោក នូ វឌ្ឍនៈ មិនអត្ថាធិប្បាយពីយន្តការពង្រឹងប្រសិទ្ធភាពនៃកាចុះអនុវត្តច្បាប់នេះទេ ដោយជំរុញឲ្យទៅសួរអ្នកនាំពាក្យមួយរូបទៀត គឺលោក ប៉ែន បូរាណ ដែលលោក ប៉ែន បូរាណ អះអាងថាជាប់ប្រជុំ ។ ប៉ុន្តែអ្នកនាំពាក្យ លោក ផែង សុវិជ្ជានោ អះអាងប្រាប់កាសែតក្នុងស្រុកថា ក្រសួងបញ្ជាឲ្យឈប់មានប៉ុស្តិ៍ចល័តនៅទូទាំងប្រទេសហើយ ដើម្បីទប់ស្កាត់ភាពមិនប្រក្រតីនេះ ។
មន្ត្រីស៊ើបអង្កេតសមាគមការពារសិទ្ធិមនុស្សអាដហុក លោក ស៊ឹង សែនករុណា ដែលតាមដានករណីនេះ អះអាងថា អាជីវករធ្លាប់បង្ហាញការខកចិត្តច្រើនដងទៅនឹងមន្ត្រីជំនាញ ដែលប្រកាសចាត់វិធានការមន្ត្រីខិលខូចជម្រិតទារប្រាក់ពលរដ្ឋខុសច្បាប់នេះ ។
ប៉ុន្តែលោកថា បើវិធានការរបស់ក្រសួងពេលនេះមានប្រសិទ្ធភាព នោះអាចជួយបង្កើតម្លៃផលិតផលក្នុងស្រុកដល់កសិករបាន ។ លោកថា «នេះជាបញ្ហាផងដែរ ប្រសិនជាករណីដែលមានរបៀបនេះតាមដងផ្លូវ ជាហេតុមួយធ្វើឲ្យពួកគាត់ដែលទិញផលិតផល ជាពិសេសដំណាំស្រូវ គាត់អាចនឹងទិញពីប្រជាពលរដ្ឋថោក ពីព្រោះគាត់យកចំណាយផ្សេងៗជាមួយក្រុមជញ្ជីងចល័តអស់ហ្នឹង» ។
តាមអ្នកបើកបររថយន្តដឹកស្រូវ អះអាងថា ក្រោយពីសមត្ថកិច្ចព្រួតគ្នាធ្វើទារុណកម្ម ពួកគេបានដាក់ពាក្យប្តឹងទៅតុលាការទាមទារសំណង៥ម៉ឺនដុល្លារ ពីជនដៃដល់ ដោយចោទថា ការដែលក្រុមជញ្ជីងចល័ត និងសមត្ថកិច្ចខេត្តត្បូងឃ្មុំ និងខេត្តព្រៃវែង សហការគ្នាតាមបាញ់ និងធ្វើទារុណកម្មពេលនោះ ជាចេតនាប៉ងសម្លាប់ ។
សូមសរសេរមកលោក ញឹម សុខន តាមរយៈ sokhorn@vodhotnews.com
កណ្ដួយម៉ែវាមន្រ្តីរដ្ឋាភិបាលកូនមីសំផឹងពុករលួយ ដេកចាំតែហុតឈាមប្រជាជនមែន
ពីមុនមានកុងត្រូលជជុះ ឥឡូវមកបង្កើតជញ្ជីងជជុះកណ្ដយយម៉ែវាធ្វើទុក្ខប្រជាជនទៀតហើយ
រដ្ឋាភិបាលដឹកនាំដោយអាកញ្ចាស់ចុយម្រ៉ាយ ហ៊ុន សែន
ប្រើតែក្បួនដដែលៗដើម្បីហុតឈាមជាតិ ។