ដោយ៖ ខាន់ លក្ខិណា | ថ្ងៃអាទិត្យ ទី26 មេសា 2015
http://vodhotnews.com
ប្រជាសហគមន៍ព្រៃឡង់នៅថ្ងៃអាទិត្យនេះ អំនាវនាវឲ្យស្ថាប័នពាក់ព័ន្ធ និងរដ្ឋាភិបាល ជួយអន្តរាគន៍ជាបន្ទាន់ ដើម្បីបញ្ឈប់ក្រុមអ្នកមានអំណាច និង ក្រុមហ៊ុនមួយចំនួនដែលកំពុងកាប់ផ្លាញព្រៃនៅក្នុងតំបន់នោះយ៉ាងអនាធិបតេយ្យ ។
ប្រជាសហគមន៍ព្រៃឡង់មកពីភូមិស្រែថ្មាយ ឃុំកំពង់ចាម ស្រុកសំបូរ ខេត្តក្រចេះ លោក ថៃ ប៊ុនលៀង ប្រាប់អ្នកសារព័ត៌មានក្នុងសិក្ខាស្ដីពី យុវជន និងការការពារព្រៃឡង់នៅព្រឹកថ្ងៃអាទិត្យនេះថា សព្វថ្ងៃនេះ ព្រៃឡង់ត្រូវបាន ជនខិលខូច ក្រុមឈ្នួញ និងអ្នកមានអំណាចមួយចំនួនកំពុងតែកាប់ឈើនៅក្នុងតំបន់ព្រៃឡង់យ៉ាងអាណាធិបតេយ្យ ។ លោកបន្តថា កាប់ឈើនៅព្រៃឡង់នេះដែរ ធ្វើឲ្យពួកគាត់ជួបការលំបាកក្នុងជីវភាពរស់នៅ ព្រោះជីវភាពអ្នកភូមិត្រូវពឹងផ្អែកលើអនុផលពីព្រៃឈើទាំងនោះ ។
លោកថៃ ប៊ុនលៀង បន្តថា ប្រសិនបើគ្មានការទប់ស្ដាត់ និងការពារទេព្រៃឡង់ដែលមាននៅសព្វថ្ងៃនិងត្រូវបាត់បង់នៅពេលដ៏ខ្លីខាងមុខនេះ ។
ព្រៃឡង់គឺជាព្រៃដែលមានទំហំធំជាងគេរបស់កម្ពុជាស្ថិតនៅក្នុងខេត្តចំនួន៤គឺ ខេត្តកំពង់ធំ ព្រះវិហារ ក្រចេះ និងខេត្តស្ទឹងត្រែង។ ប្រជាសហគមន៍លើកឡើងថា ក្នុងរយៈពេល៥ឆ្នាំចុងក្រោយនេះ ព្រៃឡង់កំពុងរងការបំផ្លាញធ្ងនធ្ងរដោយសារការផ្តល់ដីសម្បទានសេដ្ឋកិច្ច សម្បទានរ៉ែ និង ធ្វើអាជីវកម្មព្រៃឈើយ៉ាងអាណាធិបតេយ្យ ៕
សូមសរសេរមកកញ្ញា ខាន់ លក្ខិណា តាមរយៈ khanleakhena@yahoo.com
ព្រៃឈើ រលាយ ផ្ទះ របស់ប្រជាពរដ្ឋ ក៏ ចាប់ផ្តើម ហិនហោច ដែរ !
I see sth like the flam is burning the wood. I have a request, if they caght the wood, please do not burn it. Use it to built the houses for poor people in the rural area. Please think about my idea.