ដោយ៖ ស៊ុន ណារិន | ថ្ងៃពុធ ទី6 ឧសភា 2015
http://vodhotnews.com
ក្រសួងការបរទេសកម្ពុជា នៅថ្ងៃពុធនេះបញ្ជាក់ជាសាជាថ្មីថាដីទំហំ១០ដែលគណបក្សសង្រ្គោះជាតិបានអះអាងថាជាដីរបស់កម្ពុជានោះ ជាដីរបស់វៀតណាមដែលរដ្ឋាភិបាលកម្ពុជា និងវៀតណាមបានឯកភាពគ្នាឲ្យប្រជាពលរដ្ឋខ្មែរដាំដំណាំ។ នេះបើយោងតាមសេចក្តីបំភ្លឺរបស់អ្នកនាំពាក្យក្រសួងការបរទេស លោក កុយ គួង បន្ថែមទៅលើលិខិតរបស់រដ្ឋមន្រ្តីក្រសួងការបរទេស លោក ហោ ណាំហុង ដែលបានផ្ញើទៅប្រធានរដ្ឋសភាលោក ហេង សំរិន។
កាលពីថ្ងៃទី១៩ខែមេសា ឆ្នាំ២០១៥ កម្លាំងសមត្ថកិច្ចវៀតណាមបាននាំពលរដ្ឋខ្លួនចុះធ្វើសកម្មភាពបាញ់ថ្នាំពុលបំផ្លាញដំណាំរបស់កសិករខ្មែរ នៅភូមិជើង ឃុំជាំ ស្រុកមេមត់ ខេត្តត្បូងឃ្មុំ។ លិខិតរបស់ក្រុមតំណាងរាស្រ្តគណបក្សសង្រ្គោះជាតិដែលដាក់ទៅក្រសួងការបរទេសកម្ពុជាឲ្យដឹងថាបន្ទាប់ពីទទួលបណ្ដឹងផ្ទាល់មាត់ពីប្រជាពលរដ្ឋ ក្រុមសមាជិកព្រឹទ្ធសភា រដ្ឋសភា និងប្រជាពលរដ្ឋ កាលពីថ្ងៃទី២៦ ខែមេសា បានចុះទៅពិនិត្យផ្ទាល់ជុំវិញករណីកងកម្លាំងសមត្ថកិច្ចវៀតណាមបាន ពលរដ្ឋនាំខ្លួនចុះធ្វើសកម្មភាពបាញ់ថ្នាំគីមីពុល បំផ្លាញដំណាំរបស់កសិករខ្មែរនៅភូមិជើង។ លិខិតឲ្យដឹងទៀតថាក្រោយពីបានចុះពិនិត្យផ្ទាល់នៅកន្លែងកើតហេតុឃើញថាផលដំណាំ១០ហិកតាត្រូវបានបំផ្លាញ និងប៉ះពាល់ដល់ប្រជាពលរដ្ឋដោយផ្ទាល់ចំនួន៩គ្រួសារ។ ក្រុមតំណាងរាស្រ្តចាត់ទុកករណីនេះបានបង្ហាញថាកងកម្លាំងសមត្ថកិច្ចវៀតណាមបានរំលោភបំពានមាក់ងាយមកលើប្រជាពលរដ្ឋខ្មែរ និងអធិបតេយ្យរបស់កម្ពុជា។
លោក កុយ គួង មានប្រសាសន៍ថាករណីនេះ អ្នកចោទប្រកាន់ត្រូវសិក្សាបញ្ហាព្រំដែនឲ្យច្បាស់ជាមុនសិន។ លោកមានប្រសាសន៍ក្នុងសេចក្តីបំភ្លឺថា«ខ្ញុំយល់ថាអ្នកទាំងនោះមានការយល់ដឹងស្តួចស្តើងណាស់អំពីបញ្ហាព្រំដែនកម្ពុជា។ ខ្ញុំសូមជូនមតិថាសុំឲ្យធ្វើការសិក្សារៀនសូត្របន្ថែមទៀត ដើម្បីឲ្យដឹងការពិត»។ លោកបន្ថែមថាដី១០ហិកតានោះ គឺប្រជាពលរដ្ឋកម្ពុជាបានដឹងរួចមកហើយថាជារបស់វៀតណាម។ ប៉ុន្តែលោកថាក្នុងឆ្នាំ២០១៥ ប្រជាជនបានដាំហួសពីការកំណត់ដល់ទៅជាង១៦ហិកតា។
លោក កុយ គួង បានបញ្ជាក់ថា«ខ្ញុំសូមរំលឹកថា បញ្ហាកម្លាំងសមត្ថកិច្ចវៀតណាមបាននាំពលរដ្ឋខ្លួនចុះធ្វើសកម្មភាពបាញ់ថ្នាំពុលបំផ្លាញដំណាំរបស់កសិករខ្មែរ នៅភូមិជើង ឃុំជាំ ស្រុកមេមត់ ខេត្តត្បូងឃ្មុំ ដែលតំណាងរាស្រ្ត និងសមាជិកព្រឹទ្ធសភាគណបក្សសង្គ្រោះជាតិ បានលើកឡើងនោះ គឺគណៈកម្មាធិការចម្រុះទទួលបន្ទុកកិច្ចការព្រំដែនកម្ពុជា-វៀតណាម បានស្រុះស្រួលគ្នាអនុញ្ញាតឲ្យប្រជាពលរដ្ឋយើងដាំដុះដំណាំចំនួន១០ហិកតាក្នុងដីវៀតណាម ដែលប្រជាពលរដ្ឋយើង បានដឹងច្បាស់អំពីបញ្ហានេះ។ ក៏ប៉ុន្តែ ក្នុងឆ្នាំ ២០១៥ ថ្មីៗនេះ ប្រជាពលរដ្ឋយើង បានដាំដំណាំចំនួន ១៦,៦ ហិកតាក្នុងដីវៀតណាម ហួសពីតំបន់ ១០ ហិកតា ដែលគណៈកម្មាធិការចម្រុះទទួលបន្ទុកកិច្ចការព្រំដែនកម្ពុជា-វៀតណាម បានឯកភាពគ្នាទុកឲ្យប្រជាពលរដ្ឋយើងដាំដុះដំណាំ»។
លិខិតបំភ្លឺបានឲ្យដឹងទៀតថាគណបក្សប្រជាជនកម្ពុជាដែលកំពុងដឹកនាំរដ្ឋាភិបាល និងលោកនាយករដ្ឋមន្រ្តីហ៊ុន សែន ជានិច្ចកាលតែងតែការពារបូរណភាពទឹកដី ដូចជាបញ្ហាជម្លោះដីនៅតំបន់ខ្លះជិតៗប្រាសាទព្រះវិហារ។
លិខិតឆ្លើយតបរបស់លោក ហោ ណាំហុង ឲ្យដឹងថាបន្ទាប់ពីការសិក្សាជាមួយគណៈកម្មាធិការចម្រុះទទួលបន្ទុក កិច្ចការព្រំដែន អាជ្ញាធរស្រុក ឃុំ និងភូមិ ក្រុមការងាររកឃើញថាខ្សែព្រំដែនកម្ពុជាវៀតណាម នៅតំបន់ខាងលើនេះ ដើរតាមផែនទីខ្នាត១/១០០០០០ SGI(ផែនទីភូមិសាស្រ្តឥណ្ឌូចិន)ដែលគណៈកម្មាធិការចម្រុះទទួលបន្ទុក កិច្ចការព្រំដែនកម្ពុជា-វៀតណាម បានបោះបង្គោលលេខ៩៤ និង៩៥រួចអស់ហើយ។ លិខិតបន្តថាប៉ុន្តែដោយប្រជាពលរដ្ឋកម្ពុជាបានកាន់កាប់ជាក់ស្តែង ចំនួន១០០ហិកតាចូលដីវៀតណាម គណៈកម្មាធិការព្រំដែនក៏បានឯកភាពជាមួយភាគីវៀតណាមកែសម្រួលខ្សែ ព្រំដែននៅចន្លោះបង្គោល៩៤និង៩៥ទៅតាមខ្សែព្រំដែន ដែលប្រជាជនកម្ពុជាបានកាន់កាប់ជាក់ស្តែង ស្របតាម MOU ឆ្នាំ២០១១។
លិខិតឲ្យដឹងទៀតថា«ប៉ុន្តែនៅពេលថ្មីៗនេះ ក្នុងឆ្នាំ២០១៥ ពលរដ្ឋយើងបានដាំដំណាំចូលដីវៀតណាមចំនួន១៦,៦ហិកតាថែមទៀត ដែលនាំឲ្យវៀតណាមមានប្រតិកម្មបាញ់ថ្នាំពុលលើដីដំណាំកសិករយើង»។
តំណាងរាស្ត្របក្សប្រឆាំង លោក ម៉ៅ មុនីវណ្ណ ដែលតាមដានករណីនេះ បង្ហាញការខកចិត្ត ដោយអះអាងថា រដ្ឋមន្ត្រីការបរទេសខ្មែរ លោក ហោ ណាំហុង បានបកស្រាយខុសពីការពិត ។ លោកបានអះអាងទៀតថា ភាពចម្រូងចម្រាសនៅតាមព្រំដែនកម្ពុជា-វៀតណាម មានប្រភពចេញពីសន្ធិសញ្ញាបំពេញបន្ថែមឆ្នាំ២០០៥ ដែលធ្វើឲ្យកម្ពុជាខាតបង់ ។ លោកបញ្ជាក់ថា «[ឆ្នាំ]១៩៨២ ៨៣ ៨៥ ហ្នឹងកើតឡើងរវាងយួនត្រួតត្រាស្រុកយើង អាហ្នឹងសន្ធិសញ្ញា១៩៩១ហ្នឹងលុបចោលបាត់ហើយ តែក្រោយមក[សម្តេចក្រុមព្រះ]នរោត្តម រណឫទ្ធិ លោកជាប្រធានសភា ពេលនោះគាត់អនុម័តសន្ធិសញ្ញាបន្ថែមឡើងវិញទៀត ហើយគេយកអាមូលដ្ឋានហ្នឹងទៅបោះបង្គោលព្រំដែនរាល់ថ្ងៃហ្នឹង ធ្វើឲ្យមានបញ្ហាណាស់ រស់ឡើងវិញដោយសារ[ឆ្នាំ]២០០៥» ។
ប្រធានគណៈកម្មាធិការព្រំដែនកម្ពុជា លោក វ៉ា គឹមហុង ប្រាប់VODនៅថ្ងៃពុធនេះថាដីដែលអាជ្ញាធរវៀតណាមបាញ់ថ្នាំពុលបំផ្លាញដំណាំកសិករកម្ពុជានោះជាដីរបស់វៀតណាម ដែលភាគីទាំងពីរបានព្រមព្រៀគ្នាតាំងពីឆ្នាំ២០១១ ។ លោកថា អ្នកភូមិទាំងនោះ ទើបនឹងទៅធ្វើស្រែចម្ការ លើដីវៀតណាមនៅឆ្នាំ២០១៥នេះ ។ លោកមានប្រសាសន៍ថា«ដីនេះរបស់វៀតណាម ។ វៀមណាមគេអត់ធ្វើអី ។ យើងឃើញគេអត់ធ្វើអី ទៅលួចលបទៅធ្វើក្នុងដីគេ ព្រោះយើងឲ្យខាងរដ្ឋាភិបាលទៅការពារម៉េចកើត យើងកំណត់តាំងពី២០១១ យើងដោះដូររួចហើយ ដីណាគេឲ្យយើង យើងយក ដីណាយើងឲ្យទៅគេ គេយក ជូនកាលគេយក តែគេអត់ធ្វើស្រែចម្ការ គេទុក តែមិនមែនបានន័យគេបោះបង់ចោលទេ ព្រោះយើងគ្មានសិទ្ធិយកទៅធ្វើទេ ។ ពេលយកទៅធ្វើ គេបាញ់ថ្នាំអី រួចយើងទៅចោទ អាហ្នឹងវាអត់ត្រឹមត្រូវ ប្អូនឯងកុំការពារមនុស្សខូច» ។
ពលរដ្ឋម្នាក់ក្នុងចំណោមប្រជាពលរដ្ឋជាច្រើនទៀត គឺលោក កី ទេក អាយុ៤៧ឆ្នាំ អះអាងថាដំណាំគាត់រួមទាំងដំណាំរបស់ប្រជាពលរដ្ឋផ្សេងទៀត ត្រូវបានអាជ្ញាធរវៀតណាមបាញ់ថ្នាំពុលបំផ្លាញ។ លោកថាលោកបានអាស្រ័យផលលើដីនោះតាំងពីដូនតាមក ទើបតែនៅឆ្នាំ២០០៥ ដែលការបង្កបង្កើនផលលើដីនោះ ត្រូវបានផ្អាកជាបណ្តោះអាសន្ន ដោយអាជ្ញាធរវៀតណាមចេញមុខរារាំង ហើយនៅរយៈពេលពីរបីឆ្នាំចុងក្រោយនេះ ប្រជាពលរដ្ឋបាននាំគ្នាទៅបង្កបង្កើនផលលើដីនោះឡើងវិញ។
លោក កី ទេក ទទូចឲ្យអាជ្ញាធរកម្ពុជាជួយអន្តរាគមន៍ ដើម្បីបង្កភាពការងារស្រួលដល់ពួកគាត់ ដែលជាកសិកររស់នៅតាមព្រំដែន ។ លោកថា«ខ្ញុំអ្នកស្រុកហ្នឹង កើតនៅហ្នឹង មិនមែនតែខ្ញុំទេ ឪពុកខ្ញុំរហូតដល់ជីតាខ្ញុំទៀតកើតនៅហ្នឹង ធ្វើដីហ្នឹង តពីតាខ្ញុំរហូតដល់ឪពុកខ្ញុំ រហូតដល់ខ្ញុំទៀត ហើយបើគាត់ថា ដីនេះជាដីវៀតណាមខ្ញុំក៏មិនដឹងដែរ»៕រាយការណ៍បន្ថែមដោយលោកញឹម សុខន
សរសេរមកកាន់លោក ស៊ុន ណារិន តាមរយៈsun_narin@vodhotnews.com
អាឡប់ម្នាក់នេះ អាក្បត់ជាតិ ធ្វើតាមបញ្ជាអា ហ៊ុន សែន ពេលស្រុកទេសប្រែប្រួល ចាំមុខវា អូសក្បាលវាដូច កាដាហ្វី
លោក វ៉ា គិម ហុង ថា រាស្ត្រខ្មែរចូលទៅធ្វេីស្រែចំការ ក្នុងទឹកដី វៀតណាម ពី២០១៥ តែ លោក កី ទេក អះអាងថា ជាទឹកដី រស់នៅ តពីឪពុក យូរណាស់មកហេីយ។ អ្វី ជាការពិត —–???។
តេី បូរណភាព ទឹកដីខ្មែរ តាម រដ្ឋធម្មនុញ្ញនោះត្រឹមត្រូវទេ បន្ទាប់ពីមានការ ព្រមព្រៀងពី MoU ប៉ុន្មានលេីកកន្លងមក—??
សព្វថ្ងៃបច្ចេកទេស អាចស្វែងរកដោយងាយ តាមរយៈ Google។ សូមរដ្ឋាភិបាល ស្វែងរកភស្តុតាង សមរម្យ ផ្តល់ដល់ រាស្ត្រ និង អ្នកតំណាងរាស្ត្រ ដេីម្បីរកដំណោះស្រាយផង ជាជាងការបកស្រាយដោយគ្មានឯកសារបង្អែក។
អ្វីខ្លះ ជាបង្អែកនៃការសិក្សា ពីបញ្ហា ព្រំដែន គួរលោក កុយ គួង ផ្តល់ដល់សាធារណជន ដេីម្បីបំបាត់ចំងល់ និង ដំណោះស្រាយ បញ្ហាពាក់ព័ន្ធនឹងរឿងព្រំដែន។
បេីគ្មានឯកសារ សំអាង បានសេចក្តីថា រដ្ឋាភិបាល លាក់នឹងរាស្ត្រដែលកំពុងជួបវិបត្តិ ក៏ដូចជា រាស្ត្រខ្មែរដទៃដែលឆ្ងល់យូរហេីយ និង ជាប្រវត្តិសាស្ត្រផង។
តំលាភាព ធ្វេីអោយរាស្ត្របោះឆ្នោតអោយ ទុកចិត្តលេីការគ្រប់គ្រង និង បន្តបោះឆ្នោតអោយតទៅទៀត មែនទេ —???។
សំនៀង
អាឡប់សតិ បើមិនហៅអាឯងថាយួន ទើបវាចំឡែក ខ្ចាចបាត់បង់ អំណាច បុណ្យស័ក្ត សុខចិត្តអោនក្បាល ដាក់សត្រូវ ពិតជាថោកទាបណាស់ ពួកអាចោលម្សៀត អស់នេះ ពេលណា ទើបពួកអាអស់ឯងនិងដឹងខ្លួន ឡើងវិញ ?????
មិនគួរប្រជាជនខ្មែរមានពួកអាដឹកនាំប្រទេសដូចពួកអាឯងទេហ្អា
How do you declare that Cambodian farmers do the farming on Vietnam land? HOW???? Cambodians are really hopeless with this government that do not care about protection its people or find a solution for its people. Obviously, Hun Sen government defends and protect the interest of Vietnamese people’s. That is why it is is said that this government is a puppet of Vietnam. It is too shameful that the government openly declared that Cambodian farmers do the farming on Vietnam soil while the victim Cambodian farmers cried that their land are being taken by Vietnam.
this is the dirty veit politicians ‘step by step this veit-nation infiltrate our society for long timg’they plan from long toime to swallowed cambodia who ever or nationalist veit-agents killed all and they used the situation followed international like democracy they cheat people ‘and they do everything to followed ho chi ming’plan.in 1993 U-N there but the trap prepare by youn-veit agents and killed all the nationalist and now they killed the paris peach accord and continua to have a step to swallowed cambodia.mr koy kourn don’t know anything because he just baby never know about the history friend like veit ,maybe he veit-spy too or new germ that veit-spy growth him up and take this position.va kim hong ,hor nam hong and a lot of veit-spy in the a lot more in the cpp only dump one they push to top to tell people they are real khmer but everything control by veit-spy like hor nam hong ,va kimg hong ,keath chhon and all nationalist been killed every regime since 1970 . young gen must vote cpp out otherwise cambodia will be gone from the world map so be careful with dirty veit.GOD bless all cambodian people’
ខ្មែរយើងសម័យនេះ អស់ទាស់ហ្មង
ខ្មែរយើងសម័យនេះ អស់ទាស់ហ្មង ហ៊ានរំលោភយកដីយួន ហើយយួនសម័យនេះល្ងង់ណាស់មិនកាត់តាមដូនតារបស់គេទេ ដល់ថ្នាក់អោយកូនខ្មែរជំនាន់នេះរំលោកយកដី អូយឈឹក្បាលណាស់ខ្ញុំ
ក្រោមការដឹកនាំរបស់ពួកអាឆ្កែក្បត់ជាតិកញ្ជះយួនCPP និងអាឆ្កែក្បត់ជាតិកញ្ជះយួន ហ៊ុនសែន
ប្រើផែនទីខ្នាតនេះ ប្រើផែនទីខ្នាតនុះ
បន្តិចទៀតដីយួនចូលមកដល់ខេត្តកំពង់ឆ្នាំង ឬក៍ខេត្តព្រះវិហារផងក៍មិនដឹង ។
អា កុយ គួង ក៏ លក់ក្បាល អោយ វៀតណាម ដែរ !
អាមេវាក្បត់ជាតិនោះអាកូនក៏វាក្បត់ជាតិដែរមិនចំឡែកទេ!!!!