ដោយ៖ អុិត សូធឿត | ថ្ងៃពុធ ទី6 ឧសភា 2015
http://vodhotnews.com
យោងតាមលទ្ធផលនៃការផ្សងប្រផ្នូលក្នុងពិធីច្រត់ព្រះនង្គ័លក្នុងឆ្នាំនេះទាយថា ទិន្នផលស្រូវ និងផលកសិកម្មផ្សេងទៀតមិនសូវទទួលបានច្រើននោះទេ លើកលែងតែពោត និងសណ្ដែក ។
បន្ទាប់ពីស្ដេចមាឃ និងព្រះមេហួរបានធ្វើការព្យួររាស់ជានិមិត្តរូបបីជុំនៅទីលានប្រារព្ធពិធី នៅវាលព្រះស្រែនៅទីលានពហុកីឡាដ្ឋានខេត្តបាត់ដំបង គោឧសភរាជ២ក្បាលត្រូវបានគេនាំទៅបរិភោគអាហារទាំងប្រាំពីរមុខដែលគេរៀបចំក្នុងពិធីរួមមាន ស្រូវ សណ្តែក ពោត ល្ង ស្មៅ ទឹក និងស្រា ។ ជាលទ្ធផល គោឧសភរាជបានបរិភោគ សណ្ដែក និងពោតច្រើន ។
ក្រោយការបរិភោគរបស់គោឧសភរាជ អាចារ្យព្រាហ្មរបស់ព្រះបរមរាជវាំងបានប្រកាសលទ្ធផលទស្សទាយថា «លទ្ធផលការផ្សងប្រផ្នូលតាមរយៈគោឧសភរាជដែលបានបរិភោគអាហារទាំង៧មុខ ទៅតាមតម្រាដែលមានពីបុរាណកាល ហើយដែលគោឧសភរាជបានបរិភោគដូចតទៅ សណ្ដែកក្នុងឆ្នាំនេះ ទទួលបានលទ្ធផលច្រើន។ ពោតក៏ទទួលបានលទ្ធផលច្រើន» ។
ព្រះរាជពិធីច្រត់ព្រះនង្គ័លក្នុងឆ្នាំនេះត្រូវបានប្រារព្ធធ្វើក្នុងខេត្តបាត់ដំបង ក្រោមអធិបតីរបស់ព្រះមហាក្សត្រ សម្ដេចព្រះបរមនាថ នរោត្តម សីហមុនី និងមានការចូលរួមដោយប្រធានរដ្ឋសភា លោក ហេង សំរិន និងមន្ត្រីរាជការ អ្នកមុខអ្នការជាច្រើនរូបទៀត ។ អភិបាលខេត្តបាត់ដំបង លោក ច័ន្ទ សុផល និងភរិយា គឺជាស្ដេចមាឃ និងព្រះមេហួរ ៕
សូមសរសេរមកលោក អុិត សូធឿត តាមរយៈ sothoeuth@vodhotnews.com
ផលស្រូវឆ្នាំនេះនឹងបានតិច ក្រោយគោឧសភរាជបរិភោគស្រូវតិច
ដោយ៖ វីចិត្រ | ថ្ងៃពុធ ទី6 ឧសភា 2015, 01:37 PM
http://vodhotnews.com
ផលស្រូវឆ្នាំនេះនឹងបានតិច ក្រោយគោឧសភរាជបរិភោគស្រូវតិច