ដោយ៖ អ៊ឹង ប៊ុនថន | ថ្ងៃព្រហស្បតិ៍ ទី7 ឧសភា 2015
http://vodhotnews.com
ស្តាប់សំឡេង៖ |
ចម្លងទុក |
មើលរូបភាពបន្ថែម
លោក ហោ ណាំហុង រដ្ឋមន្ត្រីក្រសួងការបរទេស និងសហប្រតិបត្តិការអន្តរជាតិ
តំណាងរាស្ត្រគណបក្សសង្គ្រោះជាតិ អះអាងថាពួកគេបានពិភាក្សាគ្នាធ្វើញត្តិបន្ទោសលោក ហោ ណាំហុង រួចបោះឆ្នោតទម្លាក់ក្នុងសភា ឬក៏គ្រាន់កោះហៅ លោក ហោ ណាំហុង និងលោក វ៉ា គឹមហុង មកបំភ្លឺក្នុងសភា ពេញអង្គអំពីបញ្ហាថាពលរដ្ឋខ្មែរដាំដំណាំចូលដីវៀតណាម និងបញ្ហាភូមិកំណើតលោក ហេង សំរិន ។
តំណាងរាស្ត្រគណបក្សសង្គ្រោះជាតិ លោក អ៊ុំ សំអាន ប្រាប់VODថាលោកបានពិភាក្សាជាមួយលោក ម៉ៅ មុនីវណ្ណ តំណាងរាស្រ្តខេត្តត្បូងឃ្មុំ កាលពីម្សិលមិញលើបញ្ហានេះ ប៉ុន្តែនៅរង់ចាំការសម្រេចជារួមពីថ្នាក់ដឹកនាំគណបក្សនេះសិន។ ទោះជាយ៉ាងណា លោកថាតាមច្បាប់រដ្ឋធម្មនុញ្ញមាត្រា៩៨ ថ្មីគឺតំណាងរាស្ត្រយ៉ាងតិច៣០រូបអាចធ្វើញត្តិបន្ទោសរដ្ឋមន្ត្រី រួចបោះឆ្នោតទម្លាក់បើរកឃើញថាមានកំហុស ។ លោកបញ្ជាក់ថាការធ្វើដូចនេះដោយពួកលោកគិតថាប្រមុខការទូតខ្មែរចេញសេចក្តីថ្លែងការណ៍នោះមិនបានការពារប្រយោជន៍ខ្មែរ ។ លោកបញ្ជាក់ថា «គាត់ជារដ្ឋមន្ត្រីរបស់កម្ពុជាគួរការពារផលប្រយោជន៍កម្ពុជា ការពារផលប្រយោជន៍ប្រជាពលរដ្ឋខ្មែរ គាត់ទៅការពារយួន នេះទោសធ្ងន់ធ្ងរណាស់ ដូច្នេះគាត់ត្រូវតែបោះឆ្នោតទម្លាក់ពីរដ្ឋមន្ត្រីក្រសួងការបរទេស ហើយដែលគាត់និយាយថា លោក វ៉ា គឹមហុង ហ្នឹងគឺរដ្ឋាភិបាលយោងតាមផែនទី SDI ឬផែនទីភូមិសាស្ត្រឥណ្ឌូចិន ១/១០០០០០ ដែលធ្វើដោយបារាំងហ្នឹង ក៏ប៉ុន្តែហ្នឹងគ្រាន់តែជាលេសទេ» ។
កាលពីម្សិលមិញ សហព័ន្ធនិស្សិតបញ្ញវន្តកម្ពុជាបានស្នើឲ្យលោកនាយករដ្ឋមន្ត្រី ហ៊ុន សែន ដក លោក ហោ ណាំហុង រដ្ឋមន្ត្រីក្រសួងការបរទេសចេញពីមុខតំណែង ដោយក្រុមនិស្សិតចោទថា ប្រមុខការទូតរូបនេះ ប្រព្រឹត្តខុសនឹងច្បាប់រដ្ឋធម្មនុញ្ញ និងអសមត្ថភាពក្នុងការងាររបស់ខ្លួន ។
ការស្នើនេះធ្វើឡើងក្រោយពីលោក ហោ ណាំហុង បានផ្ញើលិខិតបំភ្លឺមួយទៅរដ្ឋសភា កាលពីថ្ងៃអង្គារថា មូលហេតុដែលឲ្យនាំជនជាតិវៀតណាម បាញ់ថ្នាំពុលបំផ្លាញដំណាំកសិករខ្មែរនៅខេត្តត្បូងឃ្មុំ គឺមកពីប្រជាពលរដ្ឋខ្មែរទាំងនោះបានដាំដំណាំលើទឹកដីវៀតណាម ។
នៅពេលដែលលោក ហោ ណាំហុង អះអាងថាដីដែលកសិករខ្មែរដាំដំណាំនៅខេត្តត្បូងឃ្មុំ ជាដីរបស់វៀតណាមនោះ ក្រុមអ្នកលេងហ្វេសប៊ុកមួយចំនួនដែលគាំទ្រគណបក្សប្រជាជនកម្ពុជាក៏បានចាត់ទុកការបកស្រាយរបស់ប្រមុខការទូតរូបនេះថាធ្វើខាតបង់ដល់ប្រជាប្រិយភាពបក្សកាន់អំណាច ប៉ុន្តែជាការជួយរកសំឡេងឆ្នោតឲ្យគណបក្សប្រឆាំងទៅវិញ ។ ពួកគេនិយាយថាការពន្យល់បែបនេះមិនអាចធ្វើប្រជាជនឲ្យស្ងប់អារម្មណ៍នោះទេ តែលិខិតនេះបែរជាបន្ថែមឲ្យពលរដ្ឋកាន់តែខឹងសម្បាមកលើរដ្ឋាភិបាលទៅវិញ ។
VOD មិនអាចសុំការឆ្លើយតបពីអ្នកនាំពាក្យក្រសួងការបរទេស លោក កុយ គួង បាននៅឡើយទេ ដោយទូរសព្ទចូលតែពុំមានអ្នកទទួល ។
អត្ថបទទាក់ទង
- លោក វ៉ា គឹមហុង អះអាងថាមិនមានចំណាត់ការបន្ថែមលើដីចម្រូងចម្រាសជាមួយវៀតណាម
- ក្រសួងការបរទេសកម្ពុជាបញ្ជាក់ជាថ្មីថាពលរដ្ឋនៅខេត្តត្បូងឃ្មុំពិតជាដាំដំណាំលើដីវៀតណាម
- សហព័ន្ធនិស្សិតស្នើឲ្យដកលោក ហោ ណាំហុង ចេញពីតំណែង
- ក្រសួងការបរទេស៖ ដំណាំកសិករខ្មែរ១០ហិកតាដែលអាជ្ញាធរវៀតណាមបំផ្លាញមិនស្ថិតក្នុងដីកម្ពុជា
ប៉ុន្តែអ្នកនាំពាក្យគណបក្សប្រជាជនកម្ពុជា លោក សុខ ឥសាន មានប្រសាសន៍ថា នេះជាសិទ្ធិរបស់តំណាងរាស្ត្រក្នុងធ្វើញត្តិបន្ទោស ឬទម្លាក់រដ្ឋមន្ត្រីណាមួយ ។ តែលោកថា ការទម្លាក់បាន ឬមិនបានអាស្រ័យលើសំឡេងគាំទ្រក្នុងសភា ។ លោកបន្ថែមថា «តាមរដ្ឋធម្មនុញ្ញគេមានចែងហើយ ជាសិទ្ធិរបស់តំណាងរាស្ត្រ អាហ្នឹងគាត់អាចអនុវត្តតាមរដ្ឋធម្មនុញ្ញបានត្រង់ថា ការសម្រេចបានដូចបំណងរបស់គាត់ ឬមិនសម្រេច វាអាស្រ័យទៅនឹងសំឡេងអនុម័ត» ។
ប៉ុន្តែពលរដ្ឋម្នាក់ក្នុងចំណោមប្រជាពលរដ្ឋជាច្រើនទៀត គឺលោក កី ទេក អាយុ៤៧ឆ្នាំ អះអាងថា លោកបានអាស្រ័យផលលើដីនោះ តាំងពីដូនតាមក ទើបតែនៅឆ្នាំ២០០៥ ដែលការបង្កបង្កើនផលលើដីនោះ ត្រូវបានផ្អាកបណ្តោះអាសន្ន ដោយអាជ្ញាធរវៀតណាម ចេញមុខរារាំង ហើយនៅរយៈពេលពីរបីឆ្នាំចុងក្រោយនេះ ប្រជាពលរដ្ឋបាននាំគ្នាទៅបង្កបង្កើនផលលើដីនោះឡើងវិញ ។ លោកថា «ខ្ញុំអ្នកស្រុកហ្នឹង កើតនៅហ្នឹង មិនមែនតែខ្ញុំទេ ឪពុកខ្ញុំរហូតដល់ជីតាខ្ញុំទៀតកើតនៅហ្នឹង ធ្វើដីហ្នឹង តពីតាខ្ញុំរហូតដល់ឪពុកខ្ញុំ រហូតដល់ខ្ញុំទៀត ហើយបើគាត់ថា ដីនេះជាដីវៀតណាមខ្ញុំក៏មិនដឹងដែរ» ។
ការកម្រើកឡើងវិញបញ្ហាព្រំដែននេះ គឺបន្ទាប់ពីតំណាងរាស្ត្របក្សប្រឆាំង បានផ្ញើលិខិតទៅប្រធានរដ្ឋសភា ឲ្យចេញកិច្ចអន្តរាគមន៍ទៅក្រសួងការបទេស ក្រោយពីបានចុះពិនិត្យផ្ទាល់នៅកន្លែងកើតហេតុ រកឃើញថាដំណាំ១០ហិកតារបស់កសិករខ្មែរ៩គ្រួសារនៅខេត្តត្បូងឃ្មុំ ត្រូវបានបំផ្លាញដោយអាជ្ញាធរវៀតណាម ។ តំណាងរាស្ត្រទាំងនោះបានចាត់ទុកករណីនេះថា កងកម្លាំងសមត្ថកិច្ចវៀតណាមបានរំលោភបំពានមាក់ងាយមកលើប្រជាពលរដ្ឋខ្មែរ និងអធិបតេយ្យរបស់កម្ពុជា ។
លោក អ៊ុំ សំអាន យល់ថា ការដែលលោក ហោ ណាំហុង អះអាងថា ដីនោះជារបស់វៀតណាម គឺសំអាងលើសន្ធិសញ្ញាបំពេញបន្ថែមឆ្នាំ២០០៥ ដែលអ្នកឃ្លាំមើលព្រំដែនរិះគន់ថា ធ្វើឲ្យខាតទឹកដីកម្ពុជានោះ ៕
សូមសរសេរមកលោក អ៊ឹង ប៊ុនថន តាមរយៈ chanthorn@vodhotnews.com
ខ្លួនឯងថា កុំអោយគេថា អាយ៉ងយួន អាក្បត់ជាតិ អាលក់ជាតិ សាកគិតមើល អ្វីដែលគេថានោះគឺ គ្មានខុសនោះ ទេ ពេលនេះ ចាំស្តាប់ ខ្ញុំសំរាយ អោយបានយល់ ដើម្បីអោយខ្លួនឯងបានដឹង កុំស្រពិចស្រពិល ទៀត កាប់ព្រៃលក់យួនអស់ហើយ = លក់ជាតិ បង្ហូជនជាតិ យួន និងការពារយួន = ក្បត់ជាតិ និង អាយ៉ងយួន សរុប មកគឺ អាក្រុមលក់ជាតិ និង អាក្រុមក្បត់ជាតិ អាយ៉ងយួន គ្មានក្រកែកបានទេ។
កញ្ចាស់ ហោ ណាំហុង ចារបុរស វៀតណាម ទាំងស្បែក ទាំងឆ្អឹង !
ក្រោមការដឹកនាំរបស់ពួកអាឆ្កែកញ្ជះយួនCPP និងអាឆ្កែកញ្ជះយួន ហ៊ុនសែនប្រើផែនទីខ្នាតនេះ ផែនទីខ្នាតនុះ
បន្តិចទៀតដីយួនចូលមកដល់ខេត្តកំពង់ឆ្នាំង ឬក៍ខេត្តព្រះវិហារផងក៍មិនដឹង ។
ចុះដីជាងមួយពាន់គីឡូម៉ែត្រក្រឡារដែលយួនត្រូវសងខ្មែរវិញនៅឯណា
ពួកកូនមីចុយម្រ៉ាយ កូនអាចុយម្រ៉ាយ ហ៊ុន សែនCPP ???????????
you are done Mr right now all Cambodian know you quit well. last time when I said some thing people still wonder that it real or fake . but my word I speaking all the true to all Cambodian . now our nation seeing very clearly that all these dump old gen was the one who great the problem for our nation. they are the one that helping hand to eliminated Cambodian nationalist that was the policy of our thief nation. please be strong our nation is depending on all young gen to rewrite the history of Cambodia in this century. peace for all Cambodian who love their own nation
អានេះមោគសុទ្ទ
បើតំណាងរាស្រ្តបក្សប្រឆាំងដកលោកហោ៥ហុងមិនបានទេ ទុកលទ្ធភាពអោយប្រជាពលរដ្ឋខ្មែរបោះឆ្នោតទំលាក់គណបក្សប្រជាជនកម្ពុជាវិញ នោះលោកហោ៥ហុងនឹងធ្លាក់ពីតំណែងហើយ
Ho Nam Hong, even the name is Vietnamese name, what do Khmer expect from this guy ?
He does whatever for his Vietnamese people
ho nam veit and va kim veit and more in cpp ‘they are the planer to swallowed cambodia and they are the killer of cambodian people and nationalist so young gen must vote cpp out to rescue our homeland otherwise these veit-germs still killed our nationalist.GOD bless all cambodian people’
Khmer have to be strong . Khmer love our nation.
ឆ្ងល់ថា តើកាលលោកហោ ណាំហុងត្រូវបានជ្រើសរើសជាឧបនាយករដ្ឋមន្ត្រី នៅឆ្នាំ ២០១៣ តើពួក ស៊ីអិនអ័រភី នេះ វានៅទីណា? ទើបបណ្តោយឲ្យ ហោ ណាំហុងឡើងបាន?
ចុះឥឡូវ ចង់បោះឆ្នោតទម្លាក់ តើគេធ្វើតាមវិធណា ?
តែបើបោះឆ្នោតទម្លាក់ កឹម សុខា ប្រហែលបោះកើត ជាង!