ដោយ៖ យ៉ា រសាត់ | ថ្ងៃព្រហស្បតិ៍ ទី28 ឧសភា 2015
http://vodhotnews.com
អគ្គិសនីកម្ពុជា(EDC) ប្រកាសផ្អាកការផ្គត់ផ្គង់អគ្គិសនីនៅតំបន់មួយចំនួនក្នុងរាជធានីភ្នំពេញ និងខេត្តកណ្ដាល តាមពេលវេលាផ្សេងគ្នារយៈពេល៤ថ្ងៃ ចាប់ពីថ្ងៃព្រហស្បតិ៍នេះតទៅ ដើម្បីជួសជុល ផ្លាស់ប្ដូរ តម្លើងបរិក្ខារ និងរុះរើគន្លងខ្សែបណ្ដាញដែលបង្កលក្ខណៈដល់ការដ្ឋានពង្រីកផ្លូវ ។
សេចក្ដីជូនដំណឹងរបស់អគ្គិសនីកម្ពុជាចេញផ្សាយនៅថ្ងៃទី២៦ ខែឧសភា ឆ្នាំ២០១៥ ឲ្យដឹងថា នៅថ្ងៃព្រហស្បតិ៍នេះចាប់ពីម៉ោង៨ព្រឹក ដល់ម៉ោង៥ល្ងាច EDC នឹងផ្អាកការផ្គត់ផ្គង់អគ្គិសនីនៅតាមបណ្ដោយមហាវិថីព្រះមុនីវង្ស ក្នុងសង្កាត់ស្រះចក ខណ្ខដូនពេញ បណ្ដោយផ្លូវលេខ១៣៤ ក្នុងសង្កាត់វាលវង់ ខណ្ឌ៧មករា បណ្ដោយផ្លូវលេខ១ ក្នុងសង្កាត់វាលស្បូវ ខណ្ឌច្បារអំពៅ តំបន់ភ្លើងលេខ P២១៧ ស្ថិតនៅភូមិព្រៃព្រីង សង្កាត់ចោមចៅ និងតំបន់ភ្លើងមួយចំនួនទៀតដែលស្ថិតនៅភូមិទួលគោក ក្នុងសង្កាត់ទួលសង្កែ ខណ្ឌឬស្សីកែវ ភូមិទំនប់ទឹក ភូមិភ្នំពេញថ្មី ក្នុងសង្កាត់ភ្នំពេញថ្មី ខណ្ឌសែនសុខ ។
សេចក្ដីជូនដំណឹងបន្តថា នៅថ្ងៃសុក្រទី២៩ ខែឧសភា ឆ្នាំ២០១៥ ចាប់ពីម៉ោង៨ព្រឹក ដល់ម៉ោង៥ល្ងាចរសៀល EDC នឹងផ្អាកការផ្គត់ផ្គង់អគ្គិសនីនៅតាមបណ្ដោយផ្លូវលេខ៥១ ក្នុងសង្កាត់ទន្លេបាសាក់ ខណ្ខចំការមន បណ្ដោយវិថីត្រសក់ផ្អែម ក្នុងសង្កាត់ផ្សារថ្មី២ ខណ្ឌដូនពេញ បណ្ដោយផ្លូវជាតិលេខ១ ក្នុងសង្កាត់វាលស្បូវ ខណ្ឌច្បារអំពៅ តំបន់ភ្លើងលេខ ប.ត៣៦៨ ស្ថិតនៅភូមិដំណាក់ធំ ក្នុងសង្កាត់ស្ទឹងមានជ័យ ខណ្ខមានជ័យ និងតំបន់ភ្លើងមួយចំនួនដែលស្ថិតនៅភូមិទួលគោកសង្កាត់ទួលសង្កែ ខណ្ឌឬស្សីកែវ ភូមិទំនប់ និងភូមិភ្នំពេញថ្មី ក្នុងសង្កាត់ភ្នំពេញថ្មី ខណ្ឌសែនសុខ ។
ចំណែកនៅថ្ងៃសៅរ៍ ទី៣០ ខែឧសភា ឆ្នាំ២០១៥ ចាប់ពីម៉ោង៩ព្រឹក ដល់ម៉ោង៥ល្ងាច EDC នឹងផ្អាកការផ្គត់ផ្គង់អគ្គិសនីនៅតំបន់ភ្លើងលេខប.ត៣៦៨ ស្ថិតនៅភូមិដំណាក់ធំ ក្នុងសង្កាត់ស្ទឹងមានជ័យ ខណ្ឌមានជ័យ តំបន់ភ្លើងមួយចំនួនដែលស្ថិតនៅភូមិកាកាប ភូមិព្រៃសាលា ភូមិក្បាលដំរី ក្នុងសង្កាត់កាកាប ខណ្ឌពោធិសែនជ័យ តំបន់ភ្លើងមួយចំនួនដែលស្ថិតនៅភូមិដីថ្មី ក្នុងសង្កាត់ភ្នំពេញថ្មី ខណ្ឌសែនសុខ និងតំបន់ភ្លើងមួយចំនួនដែលស្ថិតនៅតាមបណ្ដោយផ្លូវជាតិលេខ១ ចាប់ពីសង្កាត់ច្បារអំពៅ១ រហូតដល់សង្កាត់វាលស្បូវ ក្នុងខណ្ឌច្បារអំពៅ ។
នៅថ្ងៃអាទិត្យទី៣១ ខែឧសភា ឆ្នាំ២០១៥ ចាប់ពីម៉ោង៩ព្រឹក ដល់ម៉ោង៤រសៀល EDC នឹងផ្អាកការផ្គត់ផ្គង់អគ្គិសនីនៅតំបន់ភ្លើងមួយចំនួនដែលស្ថិតនៅតាមបណ្ដោយផ្លូវជាតិ៤ ចាប់ពីភូមិត្រពាំងទួល ក្នុងសង្កាត់កំបូល ខណ្ឌពោធិ៍សែនជ័យ រាជធានីភ្នំពេញ រហូតដល់ឃុំដំណាក់អំពិល ក្នុងស្រុកអង្គស្នួល ខេត្តកណ្ដាល តំបន់ភ្លើងមួយចំនួនដែលស្ថិតនៅតាមបណ្ដោយផ្លូជាតិលេខ៥ ចាប់ពីសង្កាត់ព្រែកព្នៅ ក្នុងខណ្ឌព្រែកព្នៅ រាជធានីភ្នំពេញ រហូតដល់ឃុំព្រែកតាទែន ក្នុងស្រុកពញាឮ ខេត្តកណ្ដាល តំបន់ភ្លើងមួយចំនួនដែលស្ថិតនៅភូមិចំពុះក្អែក ក្នុងសង្កាត់ព្រែកថ្មី ខណ្ឌច្បារអំពៅ និងតំបន់ភ្លើងមួយចំនួនដែលស្ថិតនៅតាមបណ្ដោយផ្លូវជាតិលេខ១ ចាប់ពីសង្កាត់ច្បារអំពៅ១ រហូតដល់សង្កាត់វាលស្បូវក្នុងខណ្ឌច្បារអំពៅ រាជធានៅភ្នំពេញ ៕
សរសេរមកកាន់លោក យ៉ា រសាត់ តាមរយៈ rorsart@vodhotnews.com