ដោយ៖ ទូច សុខា និងស៊ុន ណារិន | ថ្ងៃពុធ ទី8 កក្កដា 2015
http://vodhotnews.com
ប្រធានរដ្ឋសភា លោក ហេង សំរិន នៅថ្ងៃពុធនេះ ជំរុញឲ្យគណៈកម្មការជំនាញនៃរដ្ឋសភាយកចិត្តទុកមតិយោបល់ និងអនុសាសន៍ដែលផ្តល់ដោយអង្គការសង្គមស៊ីវិលជាតិ និងអន្តរជាតិ នៅក្នុងសិក្ខាសាលាពិគ្រោះយោបល់លើសេចក្តីព្រាងច្បាប់សមាគម និងអង្គការមិនមែនរដ្ឋាភិបាល។
ក្នុងពេលបើកសិក្ខាសាលាពិគ្រោះយោបល់នៅវិមានរដ្ឋសភា លោក ហេង សំរិន បានថ្លែងថាអង្គការសង្គមស៊ីវិលបានចូលរួមចំណែកក្នុងការពាំនាំក្តីព្រួយបារម្ភរបស់ប្រជាពលរដ្ឋ លើកកម្ពស់សិទ្ធិមនុស្ស និងប្រជាធិបតេយ្យជាដើម។ លោកបន្តថារហូតមកដល់ពេលនេះ កម្ពុជាមានសមាគម និងអង្គការមិនមែនរដ្ឋាភិបាលដល់ទៅជាង៥០០០ តែកម្ពុជាមិនទាន់មានច្បាប់ស្តីពីការគ្រប់គ្រងអង្គការដូចប្រទេសដទៃទៀតក្នុងតំបន់នោះទេ។
លោក ហេង សំរិន បានណែនាំឲ្យគណៈកម្មការនៃរដ្ឋសភាយកចិត្តទុកដាក់ចំពោះរាល់មតិយោបល់ និងអនុសាសន៍ ដែលត្រូវបានផ្តល់នៅក្នុងសិក្ខាសាលា យកមកពិនិត្យ និងពិចារណា ហើយជំរុញឲ្យអ្នកចូលរួមផ្តល់មតិយោបល់ល្អៗលើសេចក្តីព្រាងច្បាប់នេះ។
ទាក់ទងនឹងសេចក្តីព្រាងច្បាប់នេះ តំណាងរាស្រ្តគណបក្សសង្រ្គោះជាតិបានសិក្សាសេចក្តីព្រាងច្បាប់សមាគម និងអង្គការក្រៅរដ្ឋាភិបាល ដែលរៀបចំឡើងដោយក្រសួងមហាផ្ទៃ ដោយបានកែប្រែស្ទើរតែទាំងស្រុងនៃសេចក្តីព្រាងច្បាប់នោះ។
តំណាងរាស្រ្តគណបក្សសង្រ្គោះជាតិ លោក សុន ឆ័យ ចាត់ទុកសេចក្តីព្រាងច្បាប់របស់រដ្ឋាភិបាលមានការរឹតបន្តឹងខ្លាំងលើសិទ្ធិសេរីភាពរបស់សមាគម និងអង្គការមិនមែនរដ្ឋាភិបាល។ លោកបន្តថាគណបក្សសង្រ្គោះជាតិយល់ថាច្បាប់អង្គការមិនគួរមាននៅពេលនេះនោះទេសម្រាប់កម្ពុជា តែលោកថាប្រសិនបើមាន គួរតែកុំឲ្យមានមាត្រានៃការរឹតត្បិតសេរីភាព។
មជ្ឈមណ្ឌលសិទ្ធិមនុស្សកម្ពុជា នៅថ្ងៃពុធនេះបានអំពាវនាវឲ្យរដ្ឋសភាបដិសេធច្បាប់នេះចោល ប្រសិនបើមានកិច្ចពិគ្រោះយោបល់ប្រកបដោយអត្ថន័យ។ មជ្ឈមណ្ឌលបន្តថាប្រសិនបើសេចក្តីព្រាងច្បាប់នេះត្រូវបានអនុម័តក្នុងទម្រង់ដែលអត្ថបទត្រូវបានចែកចាយដោយមិនផ្លូវការនោះ ច្បាប់អង្គការសមាគមនេះនឹងនាំឲ្យមានការរំលោភបំពានយ៉ាងធ្ងន់ធ្ងរទៅលើសិទ្ធិសេរីភាពខាងសមាគម ខាងការបញ្ចេញមតិ និងខាងការជួបប្រជុំ និងសិទ្ធិចូលរួមសកម្មក្នុងជីវភាពសាធារណៈដែលត្រូវបានធានាក្នុងច្បាប់ជាតិ និងអន្តរជាតិ ដែលកម្ពុជាផ្តល់សច្ចាប័ន។
សេចក្តីព្រាងច្បាប់ចុងក្រោយ ដែលរដ្ឋាភិបាលបានដាក់ទៅរដ្ឋសភា មាន៩ជំពូក និងមាន៣៩មាត្រា។ មាត្រា២៤នៃសេចក្តីព្រាងច្បាប់នេះបានចែងថា«អង្គការមិនមែនរដ្ឋាភិបាលក្នុងស្រុក អង្គការមិនមែនរដ្ឋាភិបាលបរទេស ឬសមាគមបរទេស ត្រូវប្រកាន់ជំហរអព្យាក្រឹតចំពោះគ្រប់គណបក្សនយោបាយនៅព្រះរាជាណាចក្រកម្ពុជា»។ មាត្រា១០នៃសេចក្តីព្រាងច្បាប់នេះចែងថា សមាគម និងអង្គការមិនមែនរដ្ឋាភិបាល ត្រូវជូនដំណឹងជាលាយលក្ខណ៍អក្សរអំពីព័ត៌មានរាល់គណនីដែលត្រូវ បើកសម្រាប់កិច្ចប្រតិបត្តិការរបស់ខ្លួននៅធនាគារក្នុង ព្រះរាជាណាចក្រកម្ពុជា។ មាត្រា២៥ចែងថាសមាគម និងអង្គការមិនមែនរដ្ឋាភិបាល ត្រូវផ្ញើបាយការណ៍បូកសរុបសកម្មភាពការងារ និងរបាយការណ៍ហិរញ្ញវត្ថុប្រចាំឆ្នាំទៅក្រសួងមហាផ្ទៃ និងក្រសួងសេដ្ឋកិច្ច និងហិរញ្ញវត្ថុ។ មាត្រា២៥ បន្តថាក្នុងករណីចំបាច់ ក្រសួងមហាផ្ទៃ អាចស្នើសុំរបាយការណ៍ស្តីពីសកម្មភាព និងនយោបាយហិរញ្ញវត្ថុប្រចាំឆ្នាំរបស់សមាគម។ ករណីដែលសមាគម និងអង្គការមិនមែនរដ្ឋាភិបាល មិនអនុវត្តតាមមាត្រា១០ មាត្រា២៤ និងមាត្រា២៥ ក្រសួងមហាផ្ទៃត្រូវជូនដំណឹងជាលាយលក្ខណ៍អក្សរដោយទុករយៈពេលយ៉ាង យូរ៣០ថ្ងៃ ថ្ងៃនៃថ្ងៃធ្វើការ។ ករណីមិនអនុវត្តតាមក្រសួងនឹងជូនដំណឹងជាលាយលក្ខណ៍អក្សរផ្អាកសកម្មភាពបណ្តោះអាសន្ន រយៈពេលយ៉ាងយូរ៩០ថ្ងៃ។ ក្នុងករណីនៅតែមិនព្រមអនុវត្ត ក្រសួងមហាផ្ទៃត្រូវសម្រេចជាលាយលក្ខណ៍អក្សរលុបឈ្មោះចេញពីបញ្ជី៕
សរសេរមកកាន់លោក ទូច សុខា តាមរយៈsokha@vodhotnews.com និងលោក ស៊ុន ណារិន តាមរយៈsun_narin@vodhotnews.com
លោកតា ហេង សំរិន មានគំនិត ល្អ ចុះបើពួក ចារកម្ម វៀតណាម បង្កប់ក្នុង ជួរ រដ្ឋាភិបាល វាក្បត់
វា មិនធ្វើតាម !
You have to retire, and stay home with witch lady.More than 30years ago you become a richman .
Ha.ha. your original the poorest man and didn’t have enough clothes to cover body.
Shame on you samrin!!!
ជឿចុះសំដីសមវឹកសមហេតុសមផល(សមមិត្តហេតសមមិត្តផល)របស់គេមែនសមជាបណ្ឌិតសាលា
ឆទាន។
It’s very funny these people provide comments which is really look down the cambodian poor this is a real discrimination in this society and they thought only rich and healthy families are smart. Let look at Mr. Steve Job. He was very poor and lived along the road but he did a greatest job for his nation and people around the world and he became very rich. Mr. HENG Samrin was a division commander who leaded over 10,000 fighters (troops), I strongly believe that Mr. Anonymous has ZERO experiences with this kind of leardership. Japanese people always encourage their own people to use their own talents for both tacit and explorcit knowledge to become a great person regardingless their own background.